作者：巴金
沪语改写、朗读：边秦翌
文字、语音审核：丁迪蒙
编辑：王乙其
前言
多年前，我常去香港参加各类文学、语言研讨会。大陆学者用普通话发表，香港、澳门学者都使用粤语。从交际交流来看，外地学者听不懂粤语，但是香港的学者却个个神情专注，时不时点头，可知，他们是完全是理解的。
做学术报告可以，那么，用地方语言来朗读高雅的文学作品，是否也可以呢？
2017年开始，我把文学作品改写成上海话来朗读，并在公众号里发表，至今已经八年了，基本上每天发布两篇。至今已累积几千篇了。越来越多的朋友参与进来朗读。听众越来越多。
地方语言承载着地域文化，是地方文化的根脉啊！用地方语言朗读文学作品，全中国只有上海有！
6月16号是父亲节。我策划了由浦东海派旗袍文化联谊会主办的《巴金作品沪语朗读会》。我认为，巴金，是世界个，是中国个，也是上海个。用沪语来朗读他的作品，是完全可以，也是应该的。
从今天开始，陆续发表用沪语朗读的巴金散文。
往期回顾：
半夜里，我从噩梦当中惊醒，觉着老闷个，豪扫碌起来，到走廊去呼吸寒夜个空气。
夜是墨黜黑个一片，勒我个脚下头，像煞是睏着个大海，但是，灰白色个马路慢慢叫浮起来了，像煞是大海里个浪花。挨下来，黑颜色慢慢叫变淡了。阿里是山，阿里是房子，阿里是菜园，我终于侪看得出来了。
勒右面，傍山个几个平房里，有几点灯光射出来，伊拉搭我淡化了黑黜黜个颜色。
我看牢仔搿些灯，灯山带勒昏黄个颜色，好像还勒勒寒气个袭击当中微微个颤抖。有一两趟，我当是灯会得灭脱了。但是，眼睛一眨，昏黄色个光又勒眼门前亮起来了。搿些深夜还亮勒海个灯，伊拉，好像只有伊拉，勒迓迓叫个散布一点点个光搭仔热，勿单单是拨我，而且还拨伊些寒夜里勿好睏觉个人，伊些还勒黑暗当中摸索走路个人。是个，伊面勿是响起了一阵急促个脚步声嘛？啥人从城里走回到乡下头来了？过脱一歇，一只黑影子勒我眼门前晃了一记。影子走得邪气快，像煞是勒奔，又像煞是溜，我了解迭个人急匆匆赶转去个心情。我想，勒迭个人个眼睛里、心里向，前头个灯光显得更加明亮、更加温暖了伐。
我也有过搿种经验个。
海浪向个灯塔，勿单单挽救了勿勿少少个船个沉没，任何航行个船侪可以得到迭个灯光个指引。哈里希岛浪个姐姐为弟弟点亮窗前头个灯，古希腊女教士希洛点燃个火炬，就算搿些光侪勿是为我点亮，但是，我也分到了伊拉个光搭仔热。光，驱散了我心灵个黑暗，热，促成了伊个发育。一个朋友讲：“阿拉勿是单单靠吃米活勒海个”，当然。我个心常庄勒黑暗个海浪向飘浮，要勿是得到灯光个指引，伊有一日天也会得永沉海底个。
我想起了朋友个故事：伊想死，投到江南个一条河浜里。到了水里向，伊听到有人叫“救人啊！”看到一点灯光，模模糊糊还听到一阵喧闹，隔手就失去知觉了。等到伊醒转来，发现自家躺勒一个陌生人个屋里，台子浪有一盏油灯，眼门前有几张诚恳、亲切个面孔。“人间毕竟还是有温暖个，”从此，伊改变了生活个态度。“绝望”呒没了，“悲观”消失了，伊变成功了一个热爱生命、积极个人。搿已经是二三十年前头个事体了。近抢把，我还看到迭位朋友，我没搭伊谈起灯光，但是我想，伊个微光一定还勒伊个心里摇晃。
勒人间，灯光是勿会得灭个——我搿能介想，笑了。
朗读：边秦翌
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
