作者：何新旧
沪语改写：朱枫
讲述：王幼兰
文字、语音审核：丁迪蒙
编辑：王乙其
读者看到题目，肯定关心个是“白雪公主”。会得想起闻名世界个《格林童话》里向个白雪公主，伊受到继母个嫉妒，拨多次置于死地，最后勒七个小矮人搭王子个帮助下头获得新生。白雪公主搭王子幸福个生活勒一道。
而搿篇文章里讲个“白雪公主”，却是茉莉花茶个雅名。其中“白雪”自然是茉莉花。花茶是茶叶当中个大类。花除脱仔茉莉外，桂花、菊花、玫瑰、蔷薇、栀子、梅花侪可以当茶。古人讲“诸花开放，摘其半含半放，蕊之香气全者。”
品茶看色、香、味、形，花茶占有色、香、形优势。花茶色彩丰富：花朵个白颜色、黄颜色、红颜色拨人带来视觉浪个享受；香气独特：茉莉花茶个清香、桂花个甜香、梅花个清新，让人陶醉;形态美观：菊花、玫瑰、桃花茶，勒泡制过程当中，花朵勒水里绽放开来，拨人一种动态个美。
现代个花茶并勿局限勒勒花朵，还包括果实、种子、根茎等其它植物部位。像枸杞茶是用枸杞果实做成功个，有滋补肝肾、明目个功效。玉蝴蝶茶是用玉蝴蝶个种子做成功个，常庄用勒清热解毒、润肺止咳。人参茶是用人参个根茎做成功个，具有滋补强身、提高免疫力个作用。
当然花茶当中头魁是茉莉花茶，以花入茶个花茶侪是有茶胚个。茶胚大多由绿茶、红茶、乌龙组成，但以绿茶最多。茶坯勒花茶里起到了基础作用，而花朵让花茶有了独特个香气。写到搿搭，我想着了一只故事。
改革开放初期，我老东家杭州胡庆余堂个业务员一开始到山东去，送拨客户个茶叶自然是西湖龙井。但当时并勿讨人欢喜，因为山东人习惯个是茉莉花茶。当然品过以后，第二年春天见面就讨西湖龙井了。凡事就怕比较，龙井用个是“明前”、至少“雨前”个茶叶，茶叶两叶一心。而伊歇辰光茉莉花茶里绿茶用个是秋茶个“茶末”，茶里呒没完整个茶叶，茉莉花茶里花起个是矫味个作用。实在有点像是烧小菜辰光，因为少油缺盐，就加点辣调调味个意思。
现在“白雪公主”里个绿茶，采用个是明前茶。产勒勒世界茶叶发源地---四川省雅安市 800米高个蒙顶山。中国唯一茶叶专业交易所就设勒此地，古“著名茶联“扬子江中水，蒙山顶上茶”讲个就是搿搭。我勿管是搭山东、河北、北京，还是上海、浙江、江苏，就算是搭闽南、粤北个爱茶人分享，呒没人勿欢喜个，特别是女性。侬以前吃别个茶叶，品了“白雪公主”，或许会重新选择茉莉花茶 。按时令吃茶个有“春天吃花茶、夏天喝绿茶、秋天品乌龙、冬天享红茶”个讲究，现在即使勒春天侬也可以试一试！茉莉花茶还有点神奇，单独个明前绿茶只能泡3次，但搭茉莉花搭配后，茶味可增加到5、6泡。
最后要说明“白雪公主”更雅个名字叫“碧潭飘雪”。碧是茶叶、潭为茶液、雪指茶坯茉莉花，飘形容冲茶辰光个灵动。名字形神具备，让人拍案叫绝。可惜商家大多欢喜俗个，现在“白雪公主”名气更响，真个是桩遗憾个事体！
讲述：王幼兰
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
