作者：何振华
沪语改写、朗读：知足常乐
审核、指导：丁迪蒙
编辑：王乙其
年年“六一”，又到“六一”。
我应约去做一个消防搭老上海历史人文话题个采访，一早浪向地铁车厢里已经有勿少家长带仔小囡出去白相了。我一记头想起了 1974 年埃个“六一”。搿日天，我作为市少年宫合唱团个领唱，跟仔合唱团勒上海杂技场参加全市歌咏大会，并且指挥全场高唱《东方红》、《没有共产党就没有新中国》。白衬衫、蓝裤子、白跑鞋，胸口头鲜艳个红领巾，搿是 11 岁个我搭仔当年无数同龄人个节日标配。
埃年初夏，爹爹已经病危。本来我决意放弃参加搿场活动了，因为我听见隔壁邻舍个大人侪搭姆妈讲，搿种辰光我不适宜穿白颜色个鞋子登台。不过爹爹硬劲叫姆妈领我去买了一双白跑鞋。“六一”当日一清早出门前，爹爹拿我叫到床横头，一字一句个讲：“振华啊，今朝爹爹勿好去看侬演出了，也勿好领你去公园白相，今朝侬要登台指挥带领大合唱，以后呢，侬要带好侬姆妈，侬要像铁梅一样，铁梅好挑八百斤，侬也要挑八百斤，侬要好好学习，要天天向上……”两个月之后，爹爹撒手人寰。 埃年个“六一”，是爹爹唯一呒没陪我出门个儿童节，而我头一趟穿个埃双白跑鞋，也成为了我个孝鞋。
整整半个世纪过去了。前两日我参加科技节活动个辰光，现场有一个女小囡为我演示了伊个小发明，是一部登高作业辰光避免工人爬上爬落可以移动个“人”字梯子。她拿仔遥控器邪气认真个讲解拨我听，伊个情景，让我好像又回到了自家个髫年。
人生个线条，就是一个完整个“人”字。浓墨书写伊个一撇也好，顺势而为伊个一捺也好，疏密也好，枯润也好，俊逸遒劲也好，老来偶尔一个回眸，腕底纸浪，字里行间，呒没补添个败笔就好。
作者：何振华
朗读：知足常乐
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
