来源：禅茶一味
沪语改写：牛美华
推荐审核：丁迪蒙
文字、语音审核：丁迪蒙
编辑：王乙其
2024年11月07日也就是甲辰年农历十月初七迎来了二十四节气当中个第十九个节气——立冬。寒风入城悄无声，秋韵尚存已立冬。勿知勿觉，又走过了一季岁月。我伲一觉醒来，秋风始老，细雨未霜，今宵却较昨宵寒。带着一抹残暖，冬天个第一个节气到了。
立冬由来
《月令七十二候集解》有搿能载写， “立，建始也；冬，终也，万物收藏也！”立冬，代表着冬季开始，万物收藏，规避寒冷。
古人会勒迭个季节用占卜个方法看冬天个冷暖，譬如“立冬晴，一冬凌（寒冷）；立冬阴，一冬温（暖冬）”。立冬后，万物饱经风霜而愈益温厚，新个季节到来了，人生也开启了新个篇章。
立冬三候
伴随一丝浪漫个凉意，立冬也就有了三候。
一候水开始冰
立冬时分，天地越来越寒冷，地面霜露也开始结冰了。
二候地开始冻
寒气越来越凌厉，冷风侵袭，早夜温差巨大，地面开始上冻。
三候雉入大水为蜃
立冬后，野鸡一类个大鸟就看勿到了，而海边倒是可以看到外壳搭野鸡个线条还有颜色相似个大蛤。所以古人认为，雉到立冬后就变成大蛤了。
立冬习俗
春生万物，始落飘零，立冬以后，万物收藏。
每个节气侪是自家特定个习俗，立冬也勿例外。
— 迎 冬 —
古有谚语：“立冬补冬，补嘴空”。过去是个农耕社会，劳动了一年，利用立冬搿一日要休息，顺便犒赏全家人个辛苦。古时天子也有出郊迎冬之礼，并有赐群臣冬衣、矜恤孤寡之制。
— 贺冬 —
贺冬也称“拜冬”，勒汉代就有迭个习俗。
东汉崔定《四民月令》当中记载：“冬至之日进酒肴，贺谒君师耆老，一如正日。”
到了搿一天，大家会换好新衣裳，庆贺往来，就像过年节一样。
— 补冬—
立冬后，草木凋零，蛰虫休眠，万物活动也趋向休止。
人类虽然没冬眠搿讲法，但民间倒有立冬补冬个习俗。
勒南方，立冬大家侪欢喜吃眼鸡鸭鱼肉，补充体能，台湾街头个“羊肉炉”搭冬令进补餐厅也会高朋满座；
勒北方，大家欢喜吃饺子，一家人围坐勒一道，吃着热气腾腾个饺子，尽扫一年疲惫，一记头元气满满。
立冬养生
立冬之后，人体个阳气随牢自然界个转化而闶勒身体里向了，代谢也相对慢下来了。所以，立冬养生着手 “闶养”。
为了预防疾病个发作或加重，要从饮食起居、身体精神全面入手，再好达到更好个效果。
预防「五寒」
1. 防鼻寒——早晨起来冷水搓鼻头
每日天早浪或者外出前头用冷水搓搓自家个鼻翼。每日早夜用冷水汏鼻孔，好增强鼻黏膜个免疫力。
2. 防颈寒——穿立领衣裳挡风寒
穿立领衣裳勿但可以挡牢寒风，还可以避免头颈部血管因受寒而收缩，对预防高血压病、心血管病唠啥侪有一定好处。
3. 防肺寒——吃热粥散寒
风寒感冒是冬天最常见个毛病。症状轻个，可吃薄个粥后困到床浪盖好被头，捂眼小汗就好了。
4. 防腰寒——双手搓腰暖肾阳
双手搓腰有助于疏通带脉及膀胱经来固精益肾。具体个做法是：
两只手对搓发热之后，按牢腰眼地方，停一歇，然后用力往下头搓到尾骨。每次做50 - 100 遍，每日早夜各做一趟。
5. 防脚寒——常庄泡脚加速循环
泡脚对气血勿通手脚冰凉个人有邪气好个缓解作用，立冬以后多泡脚，远离疾病常欢笑。
不过泡脚呢勿可以瞎泡，也有需要注意个事项：11) 温度，水温最好 40℃ 左右； ② 深度，水淹没踝关节处；③ 辰光，每趟浸泡 20 - 30 分钟，勿时添加热水保持水温；④ 按摩，脚泡好后擦干用手按摩脚趾头搭脚掌心 2 - 3 分钟。
多食「三类」
立冬后，要少食生冷个食品，多吃眼滋阴潜阳，热量较高个膳食为好。多吃新鲜蔬菜，避免维生素缺乏。
1. 红薯
《本草纲目》当中记载：补虚乏，益气力，健脾胃，强肾阴，功同薯蓣。
红薯可以供给人体大量个黏液蛋白、糖、维生素 A 和维生素 C，具有补虚乏，健脾胃、强肾阴及暖胃、益肺唠啥功效。
2.大白菜
性味甘平，具有疏风解表、润肺止咳、清热去烦、调理胃肠、通利小便、解毒消肿唠啥多种功效。
大白菜个营养价值邪气高，纤维素搭维生素 C、维生素 E 个含量侪邪气高，勒空气特别干燥个秋冬季，多吃白菜可以起到护肤搭养颜效果。
3. 羊肉
《别录》当中记载：“主缓中，虚劳寒冷，补中益气，安心止惊。”
冬季进补个目的，就是要养护人体个阳气。羊肉就符合搿能个进补原则，寒冬吃过羊肉，冰冷个身体就会马上温暖起来。
运动「养生」
早浪晨练勿要碌起来太早，唐代著名医学家孙思邈讲：“冬月不宜清早出，夜深归，冒犯寒威”。
立冬后，勒生活起居方面，建议早睏晚起、日出而作，保证充足个睡眠，适当困只懒觉也是可以个。
冬季晨练辰光可以适当推迟到太阳出来再运动。以身体微微发热最最好，勿可以像春夏锻炼一样汗淌淌滴。
立冬心语
年华此行，一路向寒，冬天来了，春天还会远吗？
人生在世，总是一半风雨一半晴，四季轮回才是人生常态。
冬是冷个，但一粥一饭是暖个；笔是瀴个，但一字一句是真个。
与父母，愿侬：
趁天色寒而还末冷，趁伊拉未老。找眼辰光、空闲，常庄回屋里看看。侬个明朝还未来，伊拉个来日却勿方长。
与爱人，愿侬：
常怀喜悦，多眼包容。世间最美个深情，就是陪伴。
世间最美个陪伴就是：无论啥辰光啥地方，只要侬需要，侪有人勒身边讲一声：我勒嗨。
与朋友，愿侬：
认清损友，珍惜知己。患难有人与共，欢喜有人分享。
生死之际，有人陪侬笑对。一言既诺，有人水火不辞。人生路长，愿侬总有人陪伴。
与自家，愿侬：
感恩常在，保持微笑。没过勿去个坎，也没好勿了个伤。勿乱于心，勿困于情。勿回避过去，勿畏惧未来。永远活勒当下，永远热血沸腾。一岁年华，已近尾声。悲欢离愁，如烟如尘。
昨日已过，勿必烦。今朝正过，何苦烦。明朝未过，犯勿上。
往后余生，愿侬三冬暖，愿侬春勿寒，愿侬黄昏有人同立，愿侬粥凉有人常温。
惟愿侬好，万望珍重！
讲述：牛美华
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
