作者：周力
沪语改写、讲述：李群
文字、语音审核：丁迪蒙
编辑：王乙其
关羽是东汉末期个名将，关于伊个故事，从桃园三结义到三英战吕布，从斩颜良诛文丑到千里走单骑，从单刀赴会到水淹七军，最终大意失荆州，只好败走麦城，大家侪勒津津乐道。从东汉辰光个一员战将到后首来“义薄云天”的关圣帝君，关羽勒中国传统文化里是忠义个化身。每年农历个五月十三又叫“关公磨刀日”，相传搿一天关二爷要拿伊个青龙偃月刀出来磨一磨，磨刀要有水，所以传说五月十三号会落雨。无巧勿成书，上海搭周边江南地区，五月十三号常庄是连牢仔地雨落勿停，乃么“关公磨刀日”个传说更加深入人心。
其实传说中关公个生日五月十三正是黄梅季节，每年迭个辰光总归落雨，只是口口相传到乃早，侪是老辈人认准仔要搿能讲呀。关羽籍贯山西，他一生征战，活动轨迹大多集中勒中原地区，来到现在湖北省境内的荆州，算是“南下”了。地处长江出海口个上海，恐怕他也呒没来过，但传统上海人仍旧崇拜关羽个。勒老黄浦搭卢湾交界处个淡水路金陵西路，老底子就有一座关帝庙。现在搿地块变化老大，晓得关帝庙个人已经勿多了。
一般认为淡水路是属于卢湾区个，其实不然。当年，迭一段老个黄浦区搭卢湾是以金陵西路为界，勒金陵西路搭延安东路之间，老早有约两百米个一段淡水路，却是属于老黄浦区个。现在搿搭已经是延中绿地个一部分，搿段“淡水路”也变成功林间小路，路牌没了，只勒金陵西路路口头有个行人的出入口，大约还能辨认出一眼眼当年淡水路个印记。连云路以西、淡水路以东搿块区域，当年勒上海滩浪是邪气闹猛个。四十年代造好“新城隍庙”告百花商场，新城隍庙拆脱以后，又有过连云路小商品市场，人口密集商业繁盛，老有人气个。后首来整条延安路变成功高架，挨下来建设延中绿地，本来个旧房危房得到改造，城市也多了块“绿肺”，但居住勒迭个区域的人，侪搬脱了。老底子个人文景观，也就难觅踪影了。
关于淡水路金陵西路口老早搿搿座关帝庙，一时还呒没寻到照片，文字资料倒有一眼个。迭座关帝庙原名“长浜关帝庙”，因门口头个金陵西路本来有条河浜，名字叫“北长浜”。文章前头说到老黄浦区和卢湾区的交界，传统上认为是以延安路（洋泾浜）为界，勒搿一段，是以金陵路为界，或者讲以北长浜为界。
当年淡水路两边曾有夜学堂、药厂、成衣业同业公会等。勒淡水路金陵路口的东面，造了一座关帝庙。根据《黄浦区地名志》记载，搿庙是勒清·咸丰元年（1851年），准确的地址是金陵西路52号。1959年停止活动，1985年拆除改成功房管所搭托儿所。不过勒一份关于佛教高僧持松法师个记载里，写到三十年代大居士欧阳竟无勒淡水路57号（也就是长浜关帝庙个地址）觅得两厢一厅个楼房，出巨资8000银元买下来，改建为佛寺，还亲笔题字“圣仙慈寺”匾额悬挂勒门框上方，请持松搬过来居住，持松勒搿搭安心著述修持，后来因为寺院收入微薄，就拿寺院前头原来花园个地方辟为关帝庙，后来关帝庙名气越来越响，晓得圣仙慈寺的人反而比较少。
无论如何，搿一段消失的淡水路上，曾经有过个关帝庙已经勒垃城市更新的滚滚浪潮中消失得无影无踪，从持松法师的圣仙慈寺到香火鼎盛的关帝庙，侪已经是历史个传说了。
作者：周力
讲述：李群
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
