作者：吴翼民
讲述：王恒娣
文字、语音审核：丁迪蒙
编辑：王乙其
囡儿一句“现在我是大家长，我讲了算！”让我搭家主婆一记头呒啥闲话好讲。挨下来，又勿得勿，从心底里认同。
事体起缘，是一碗，隔仔几日天个，红烧肉，我打算，勒绒绒个汤汁里，摆几块茭白，笃一笃，去脱眼油腻，茭白也变得入味好吃了。搿是江南人自家烧饭个通常个做法，一碗红烧肉，要吃出老本来格呀。尤其是现在，红烧肉之类，已经难得去自家烧了，烧至一顿，哪能吃，也吃勿脱，就勿断个加蔬菜，或者加豆制品。囡儿反对搿种做法，伊讲，现在日脚好过了，哪能可以再像老底子，过年，个荤菜要吃过正月半？吃勿脱就及时倒脱，剩菜热了又热，亚 硝酸盐 勿断沉淀，是要吃出毛病来个呀。我脱家主婆辩勿过伊，只浩服从“大家长”个指令，及时“坚壁清野”。但是“大家长”仍旧勿放心，经常会得来只 突然抽查，碗橱、冰箱开开来，查出点违规货色，就毫勿犹豫个，清理门户。
屋里啥人是“大家长”？搿个问题，随牢仔辰光个变化，而变化了。毫无疑问，老长一段辰光，我当仁勿让是“大家长”个角色。比方讲 囡儿勒学生时代，凡是学堂开家长会，阿拉侪会准时出席，好了 阿拉侪曾经勒文艺团体做过演员，卖相相当光鲜，囡儿也邪气自豪过，因此，读书也勿敢偷懒。当然咾，阿拉也要有 “大家长”个作派、勒处世为人 搭事业方面尽可能做得像个“大家长”个样子，现在，阿拉退休了、慢慢变老了，交关地方开始力勿从心，甚至要出洋腔。葛末囡儿慷慨，自家但任“大家长”，非但勿违和，反而让阿拉感受到俯首帖耳、服服帖帖，还邪气温暖。
搿体现勒囡儿女婿倡导个“逆向过年”。过年团聚是老规矩，以往，顺理成章，侪是大家庭虹吸小家庭个格局，比方讲，老早子，过年，我总归去丈母娘屋里，后来，丈人丈母娘逐渐老了，我就拿伊拉接到我个屋里，来过年，而且连住十几天，直到正月半过脱 再送伊拉回去，虽然繁忙，但是温馨快乐。
多年之前，囡儿拉，也来个依样画葫芦，开车接阿拉到伊拉屋里过年，连囡儿个外婆也一道拨接过去，至少住一个礼拜，等伊拉上班，阿拉再打道回府。又过了眼日脚，囡儿拉拿“逆向过年”扩大到了亲家屋里，从而固定了“三家年”个模式，买汏烧 侪由囡儿女婿包办，葛是由勿得阿拉个，因为伊拉摆出“大家长”个腔调，勿服也要服个呀。
囡儿闹“大家长”个职责还勿断扩大“外延”，——每逢春秋季节，伊拉会带阿拉，搭亲家外出小游或者饭店就餐，有辰光，勒野外搭篷帐露营，蹲个一日天，尽享湖光山色。
勿单单，勒生活浪，展示“大家长”风范，囡儿还会得勒交关意想勿到个地方关心阿拉。勿久之前，我接到过一只陌生电话，讲我接通过一只咨询电话，要付八百元咨询费。我糊里糊涂，照牢对方个提示，一步步深入进去，突然觉着勿对，马上拨通囡儿个电话。伊马上判定是诈骗圈套，马上赶回来，陪我到公安部门去，一查真个是网络诈骗。囡儿按照公安人员个方法，帮我一步步操作止损，还隔断了我所有个银行卡绑定的手机，修改密码。我勿得勿佩服，“大家长”个凌厉搭仔果断。
庆幸余生，有了“大家长”个无微勿至个关怀，晚年幸福可期。
作者：吴翼民
讲述：王恒娣
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
