来源：贝壳村——最热闹个华人社交网络
作者：bobzhou
沪语改写：翁枫
讲述：雨晨
文字、语音审核：丁迪蒙
编辑：王乙其
上海人讲规矩。
西方个工业革命拿工人组织起来了，人搭仔人个合作是密集型个，呒没严格个制度，工人就呒没办法开展工作。勒海商业文明里，守规矩就是守法，搭宗族、官僚个权力相比，伊拉更加看重规矩，人人依法办事，权力自然就是没用场个，因此，上海人讲规矩，勿拍马屁，伊拉更加相信规矩搭仔自家个能力。
上海人最平等。
制度面前，人人平等；生意场浪，童叟无欺。上海人勿会恃强凌弱，呒没等级观念，住勒同一只阁楼里，教书先生搭仔码头工人同样会得拨人尊重，拨人礼遇，否则，就是流氓，就是恶人。
上海人邪气守时。
工业化让人变成功了机器个附庸。工厂三班制，上班个工人必须准点到车间接班，勿然，机器就会得空转。因此，工业化了个人会得特别守时，久而久之，就成为了一种性格浪个“文化自觉”。
上海人守信用。
商业文明个灵魂是“信用”，“契约精神”是必备个素质。上世纪三四十年代，上海个商业文明已经达到了相当个高度，契约精神已经成为了民间做人、做事体个“信用”，因此，上海人一般勿会“吹牛皮，说大话”，葛要拨人家看勿起个。上海人一般也勿会轻易承诺，一旦承诺，就一定会得守信用，按规矩办事体，即使是因为客观原因呒没做成功，伊也会拨侬个解释。假使失信，伊拉会得面孔红个。
上海人真精明。
勒海商业文明里，精明勿是小气，不过是精打细算，是一分一毫个进出，侪必须有根有据，一定勿好浪费。伊拉勿肯吃亏，也勿让侬吃亏；因为侬呒没吃亏，伊就勿会吃亏。做生意，上海人是先计算对方个收益，侬有利可图，我再好有所收益，迭个，就是上海人真正个精明。
上海人忒自律。
因为讲规矩，守信用，就必须自律自强，任性散漫，放荡不羁，是对商业文明个破坏，也是对自家个伤害。上海人勿想占人家个便宜，是因为勿想让人家占自家个便宜。伊拉宁愿自家熬勒海，也勿占侬个便宜。客观浪，形成了上海人做人、做事体个边界感，分寸感。自律，既是一种自我保护，也是一种性格浪个隐忍，大家侪要守规矩。
上海人真正个“腔调”，是商业文明个产物，相对传统个农耕文明，有一定个进步性、包容性搭仔先进性。一百多年来，一代又一代移民上海个外地人拨搿种强大个“海派文化”所浸染，所改造，逐渐变成了真正个上海人，并进一步完善搭仔发展了“海派文化”，形成了上海人勿同于其它地方个地域文化。
自从改革开放以来，出去个中国人多了，进来个外国人也多了，中国人逐渐接受了西方个商业文明，开始理解上海人，羡慕上海人，学习上海人了，伊拉拿上海个“海派文化”看作为一种积极个，文明个，商业社会必须个先进文化。
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
