作者：陆勇
沪语改写：丁一军
讲述：陈美莲
文字、语音审核：丁迪蒙
编辑：王乙其
往期回顾：乱世佳人（1）
范三林是个混世魔王，高级白相人。相貌堂堂，风度翩翩，内心狡猾多贪，心狠手辣。埃个辰光，正好是孤岛时期，日本人个势力邪气大。范三林曾经勒大汉奸梁鸿志手下头做过科长，跟日本勾搭得老紧个。
伊又通过黄姬，搭伪警察局长潘达结为把兄弟，勒南市、法租界里几个大个赌场侪有股份，财富是日日增加。后来，伊勒开纳路最西面、靠近忆定盘路买进一幢洋房，占地近十亩。投入巨资，开设自家个赌场，取名开纳总会。
总会勿是会员制，勿是熟人介绍带领，一般人是勿得入内个。赌场排场又大又阔气，奢侈豪华透顶。轮盘、牌九、番滩甚至麻将、扑克应有尽有。受日本人个庇护搭仔76号特工个保护，总会还可以在雅室里吸食鸦片，召妓寻乐。真个有障袖成风，吹兰成雾之概。赌场生意鼎盛，日进千斗，是当时三大赌场之一。
出入赌场个，是显贵个富绅、官僚、党朋，也有军阀、土匪、帮派流氓。有人讲，搿能大个场子光靠范三林是难以镇牢个，真正个老板是黄姬。有个民国旧官僚后来到香港去，伊讲：“赌场里向免勿了会有得参与赌博个人发生争执、斗殴，甚至拔枪动刀个。”伊曾经看到过一幕，一个军阀搭一个黑帮人物反目，双方侪有保镖，四把手枪亮勒出来。黄姬从楼浪向笃悠悠走下来，端杯白兰地，走到当中：“看我个面子，大家有闲话好讲。”本来凶巴巴个双方，马上侪勿响了，各自回到沙发浪坐下来。事后，黄姬送伊拉每个人一万筹码。但是，也有人讲，黄姬对赌是一眼兴趣也呒没，极少过问赌场业务。但是伊交际花个身份，的确为赌场引来勿少赌徒。
“伊老少到总会去，伊每个号头只收自家个一份利润。搿是伊搭范三林个协议。”另一个老作家孙先生勒文章里向搿能讲：“不过呒没黄姬，开纳总会根本开勿出来。”内幕究竟哪能，啥人也呒没讲清爽过。
范三林，上海滩个白相人,伊个为人搭仔做派黄姬当然心知肚明个。伊完全晓得，搿个丈夫从来呒没断过沾花惹草。范三林跟个叫王阿梅个妖艳舞女如胶似漆、好得难分难舍。黄姬当做呒没事体，勿闻勿问，任其胡调。
“黄姬搿个人，勒乱世中好像是随波逐流，实际浪是有自家个盘算个。”老作家孙先生搿能写：“伊是相当聪明、相当有内力个女人。”
范三林终于向黄姬摊牌，要讨王阿梅了。黄姬一口答应，好像是老早就等勒海搿一日天了。但是伊邪气明确，伊是容勿得小老婆进门个。范三林也清爽，黄姬认得个大人物要比伊多得多，要斗，自家呒没胜算个。
“照侬个意思去做。”范三林服软。“黄金两千条。”黄姬开价：“赌场股份我勿要。”“可以”范三林也爽快。“金刚钻五十只。”
“可以。”范三林认为，只要自家独占总会，黄姬开再高个价钿也无所谓。
讲述：陈美莲
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
