作者：陆勇
沪语改写：丁一军
讲述：陈美莲
文字、语音审核：丁迪蒙
编辑：王乙其
往期回顾：乱世佳人（1）
伊的确是勒兆丰公园白利南路（长宁路）对面个惠尔康咖啡馆碰着严先生个。搿搭严先生跟我讲个几乎一样。严先生当时还是个大学生，爷是个政府个小官，算勿上有铜钿人家个后代世家子弟，也勿喜欢交际，更加勿去舞场。但偏生两家头对上眼了，勒惠尔康吃咖啡、吃鸡排，勒公园里向讲情话。
“两个浑身勿搭界个人，竟然好成了一个人。”曾经有个紧跟仔黄姬个小开酸溜溜个讲。
黄姬拨公认为是响当当个交际花，勿仅是伊个舞场风韵，而是伊更有文化地位。所有回忆文章侪讲，黄姬可以熟练掌握英文、法文搭日文三种语言，流利悦耳；伊还是个丹青妙手，是符铸个入室弟子，兰花独胜；伊演昆剧，压倒朱传芳，搭俞振飞合过台，搭梅兰芳合演过《游园惊梦》，扮演春香，梅兰芳自认勿及。虽然勿像黄瑛、陆小曼出身名门望族，但伊超人个聪慧搭仔坦然个交际手腕，仍旧赢得上层人士个恭仰。
严少爷虽然出身于官家，但宦囊勿丰。黄姬个娘是蛮势力个，看牢仔有数勿清个有铜钿、有势力个大亨、官僚围牢仔囡儿头头转，囡儿却搭个呒啥钞票、呒啥势力个穷学生卿卿我我。数九寒冬个一天，手段强硬个娘拿穷学生赶了出去。当时，已经有个姓余个税务局长、勒昆剧义演浪碰着黄姬，一睹其风采，视为天人。三日两头上门，每趟送个勿是金就是银，或者是珍珠翡翠，黄姬个娘开心得勿得了。余局长砸重金，彩车鼓乐，迎娶黄姬。严少爷则是黯然离开，到法国去留学了。
让所有人勿理解个是，黄姬并呒没哭天哭地搭爷娘抗争，伊呒没一句怨言，晓得情况个人讲：阿拉侪晓得黄母个厉害，黄姬个性格软弱。还有，余局长邪气会得讨好老婆，懂得女人个心理，投其所好。黄姬仍旧出入交际场，并没已经为人妇而有所收敛。伊一面帮助丈夫结交名流搭大老板，一面又搭几个地位显赫个大人物关系密切，一度有传闻，搭某某会长、某某大老板分别安置了金屋。余局长受勿了，又实在呒没办法对付娇妻，常常跪勒地浪向流眼泪水。
“我从来呒没欢喜过侬。现在侬利用我也够了。”黄姬冷笑搭伊讲。
余局长眼泪水哭光，一眼用场也呒没。伊认为自家搭日本人熟悉，身后头有势力个，要让黄姬服帖。没想到黄姬指牢伊鼻头讲：“侬当是做汉奸了就狠得勿得了了？我寻个更加大个汉奸，侬试试看呶。”
让人万万呒没想到个是，黄姬竟然搭赌徒出身个范三林合勒一道，高调宣布脱离余局长，伊跟范三林勒丽都大饭店举办大型婚礼宴会，上海滩为之震惊。
讲述：陈美莲
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
