作者：祝天泽
沪语改写、讲述：牛美华
文字修正、推荐：丁迪蒙
编辑：王乙其
王安忆个名字，勒中国文坛浪是如雷贯耳呀。伊是上海作协主席、中国作协副主席、复旦大学中文教授，伊个文学作品多次获奖，譬如茅盾文学奖、鲁迅文学奖、全国中短篇小说奖咾啥。伊创作个长篇小说《长恨歌》，通过王琦瑶长达40年个情感生活，展现了都市上海历史个变迁搭人们个生活状态，有“现代上海史诗”之称，拨改编成电视连续剧之后引起轰动，收视率极好，受到观众个一致好评。
讲到王安忆，勿得勿要提伊个姆妈茹志鹃。茹志鹃童年是勒穷困当中度过个。伊3岁丧母，跟牢阿奶靠糊火柴盒、锁钮扣、磨锡铂纸咾啥个手工生活糊口。祖母过世之后，进了孤儿院。18岁辰光参加了新四军。搿段辰光里向伊断断续续读了4年书。勒战争年代里向，即使是彻夜行军个空挡，伊也会借牢月光看书，垫好书包写歌词、快板咾啥。解放之后，伊勒上海文汇报发表了第一篇小说《何栋梁与金凤》，逐渐成为了文坛著名个女作家。文学巨匠茅盾曾经为伊个小说《春暖时节》《澄河边上》《如愿》《三走严庄.》《阿舒》《同志之间》《百合花》等，写了读书札记，称赞伊个作品清新俊逸，特别是《百合花》，是伊最近读过个几十篇文学作品中最满意搭仔最感动个一篇。
王安忆
母亲个勤奋搭仔执着，对王安忆从事文学创作 以致于后来走上文学道路产生了积极个影响，用王安忆个闲话来讲：姆妈是自家学习个榜样。当然，王安忆个成功，有伊内在规律，主要靠伊本人个努力，在于自家个勤奋告锲而不舍。
王安忆1954年生勒南京。一岁辰光随爷娘工作调动来到上海。小学辰光就老有灵气个，看图作文常常满分，参加市搭仔区儿歌比赛获奖。1967年进入向明中学，1969年毕业，没上过啥个文化课。1970年到安徽省个王河县头铺公社大刘大队插队，由于善于舞蹈，还可以表演芭蕾舞《毛白女》选段，1977年江苏徐州文工团来当地招生，经村长推荐而录取。到团里，伊学大提琴。1978年回到上海《儿童时代》当编辑，后来参加中国作协文学讲学所学习，回来后勿久就成为了上海作协个专业作家。
王安忆善于观察生活， 勤于思索，生活当中努力捕捉闪光个物事，还勿停个实践，勒文坛浪留下了一个又一个坚实个脚印。伊个突出文学成就是小说，长，中，短篇侪有，譬如《考工记》《匿名》《天香》《富萍》《桃之夭夭》《小鮑庄》《69届高初中生》《一把刀，千个字》《长恨歌》《发廊情节》《雨，沙沙沙》等，其中《长恨歌》，获第五届茅盾文学奖，《发廊情节》荣获鲁迅文学奖优秀短篇小说奖。
王安忆勒写作浪是个快手，短短个两三年辰光里，伊写了三十几篇短篇小说搭仔五部中篇小说。
伊脱其他同事一道下乡，看到没拨修饰过个大理石，样子脱普通石块差勿多，伊脑子里一下子就想到了曾经脱伊一道生活过个乡亲，伊拉身浪蕴含勒老多个高贵品质，所以回来写了散文《大理石》。伊到学堂去了解情况，看到有个老师勿大欢喜伊种表面浪勿听闲话，但倒是肯动脑筋，善于思考个小囡，伊想，搿是关系到培养下一代个问题，值得注意，于是，伊又写了《谁是未来个中队长》。一天，突然落雨，伊没带洋伞，勒车站等公交车，一位小青年看到，黙默个为伊撑伞。车子来了，伊上了车，刚刚想讲声谢谢，小青年已走远了，伊邪气感动，搿位勿晓得名字个小青年，就成为了小说《雨，沙沙沙》当中个主人翁。
王安忆更加拨大家称道个是——伊善良、正直个品格搭仔纯洁无瑕个心。伊从安徽农村调到徐州文工团辰光，搭担任指挥个李章谈恋爱，两个人确立了恋爱关系。第二年，王安忆要回上海工作，李章大哭一场，一直拿伊送到车站。
回上海之后，王安忆并没忘记徐州文工团个男朋友，搭伊一直保持书信往来。几年之后，伊回徐州探亲，脱李章结了婚。后来，李章拨调到上海音乐出版社工作，成为社里个骨干，编辑出版了好几种有质量个音乐类著作。
现在，王安忆脱丈夫李章已经结婚43年了，伊拉相亲相爱几乎没红过面孔，虽然讲生活里没宝宝个点缀，是一种缺憾，但是伊拉相濡以沫，情投意合，同样让无数夫妻邪气羡慕。
爱因斯坦曾经讲过：勒天才脱勤奋之间，我毫勿迟疑个选择勤奋，伊几乎是世界浪一切成就个催产婆。王安忆勿但笃信搿条真理，同时也是用自家个文学实践证实了搿句闲话。
讲述：牛美华
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
