作者：振环
沪语改写、讲述：王邦基
文字、语音审核：丁迪蒙
编辑：王乙其
生活当中我伲发现，凡事欢喜争争吵吵搭仔一碰两碰就光火个人，勿管伊是普通人还是当官个，一般来讲涵养水平侪勿高个，更加谈勿上啥个修养了。当然咾，只要有人个地方，侪会得发生吃相难看个争论，甚至吵相骂打相打咾啥，有辰光争论个方式勿得当，还会得结怨记仇。事实浪，现在高层反复强调建立和谐社会个初衷就是为了减少搭仔防止无谓个争论。
有迭能一只故事，讲两个人因为对乘法口诀个理解勿同，一个认为3乘以8等于24，另外一个认为3乘以8等于21，两家头争仔半半六十日，最后告到衙门。县官听了之后，决定惩罚坚持三八廿四个人，理由是：侬好告坚持三八廿一个人吵介许多辰光，说明侬也老拎勿清个！
三八廿四个故事，寓意是勿要搭勿讲道理个人较劲，因为最后受伤个可能就是侬自家。侬十只嘴巴也讲勿过一个勿讲道理个人。碰着烂人勿计较，碰着破事勿纠缠。
再比如，勒工作当中，假使碰着一个固执己见、勿听劝告个同事，有得告伊争论勿休，还勿如保持冷静，避免无谓个争执。搿能可以节省辰光搭仔精力，去做更加有意义个事体。
勿争论个高明在于能够节省辰光、避免无谓个精力消耗，还好展现出一个人个修养搭仔智慧。 勿争论就可以专注于重要个事体，避免搭人家发生冲突，从而保持内心个平静搭仔高效个工作状态。邓小平讲过：“勿争论，是为了争取辰光做。一争论就复杂了，拿辰光侪争掉了，啥个也做勿成。”勒工作搭仔生活中，交关争论往往是无效个，伊拉勿仅勿能解决问题，反而会浪费辰光，影响工作效率搭仔生活质量。
勿搭层次勿同个人争辩是一种深到骨子里个修养。孔子曾经教育伊个学生，对于那眼认知水平勿同个人，勿必搭伊拉争辩，因为搿能只会浪费辰光搭仔精力。孔子曾经同意一个人讲一年只有三季，因为伊晓得，搿种人无法理解四季个概念，孔子搿种勿争辩个态度，展现了伊处世个高明告智慧。
勿争论个人通常具有自律、宽厚搭仔心胸宽广个优点。伊拉晓得每个人个观点搭仔看法侪勿同，呒没必要通过争论来证明自家是对个。伊拉更注重实际行动搭仔结果，而勿是口头浪个胜负。搿种态度让伊拉勒勒人际交往当中更加从容搭仔自信。
当然真正高明个人往往侪老低调个，勿会搭人争论。伊拉晓得，夸夸其谈只会让人觉着浅薄，而真正个智慧是谦逊搭仔倾听。伊拉更加愿意花辰光学习搭仔提升自己，而勿是勒口舌之争当中浪费辰光。
讲起勿争论，我伲自然而然会得想起一个当代伟人。上世纪七、八十年代小平个“勿争论”策略，体现了一种高明个政治智慧告务实精神。搿高明主要体现勒以下几个方面：
一是强调通过实践来检验真理：避免无谓个口舌之争。就像耀邦所讲个“清谈误国”。
二是凝聚共识：减少因争论造成个分裂，有助于凝聚社会共识。
三是节约资源：避免拿宝贵个辰光搭仔精力浪费勒无休止个争论浪。
四是促进发展：勒勿争论当中保持政策个连续性搭仔稳定性，有利于国家个长期发展。
小平个“勿争论”策略是一种富有远见个政治智慧，伊为中国个改革开放搭仔现代化建设提供了宝贵个思想武器。
综上所述，勿争论个高明之处，对于个人来讲，在于伊能够节省辰光、避免无谓个精力消耗，展现修养搭仔智慧，以及促进个人成长搭仔发展。对于国家来讲，避免人搭人之间无谓个争论，减少为了私利而尔虞我诈个争斗，赢得一个安定团结个政治局面，为中华民族个伟大复兴而一心一意谋发展。
讲述：王邦基
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
