来源：新民晚报
作者：振环
沪语改写、讲述：朱枫
文字、语音审核：丁迪蒙
编辑：王乙其
讲起分量，大家会得想起曹冲称象个典故。曹冲利用水个浮力原理来称象鼻头个重量，展现了伊小小年纪个聪明才智。
讲起分量，我还想起老家“称人”个习俗。小辰光，一年里向每到立夏日搭大年初七等特定日脚里，就有称分量（称人）个风俗，目的是通过称体重搿一行为，来表达人们对健康、好运搭吉祥个祈愿。现在，大家个保健意识普遍增强了，大多数人家屋里地浪向侪摆勒只电子体重秤，有事没事踏上去称称分量，看看近抢把是壮了还是瘦了，搿能介来判断自家个健康状况。
其实，分量迭个词勒勿同个场合或者勿同个语境下头，可能会得有完全勿同个含义。比方讲，勒食品领域，分量指个是食品个量或者是伊个热量，通常用来指导我伲合理饮食。勒商业领域，分量可以指某个产品个销售量，也可以指某个公司或者品牌个市场占有率。
勒人际交往领域，分量则是指某人勒人际交往当中所占据个位置或者其影响力个大小，更多个是用勒人搭人个对话搭仔评价。常见个，是用来自谦，就是“侬覅夸了，我晓得自家个分量”，用作讽刺人个闲话，就是“侬自家掂掂有多少分量？”所以，需要根据勿同场合搭仔语境，理解并使用分量迭个词语。
分量还好用来表示人个某种行为或者讲闲话个重要性搭仔影响力。譬如，“伊个建议老有分量个”。相反，“伊个观点分量勿够”则表示观点勿够独特、吸引力、可信度勿够，无法影响台下头个人听从伊个决策。
总之，分量是个邪气灵活个词，其含义搭用法侪是多样化个。对于勿同个场合搭仔语境，我伲可以根据具体情况来理解搭运用迭个词，搿能介就使得语言表达更加精准、更加恰当。同时，我伲也要注意，作为形容词，假使拨用作对别人个评价个辰光，需要注意用词个准确，防止伤人家个感情。因为，同样个词，语气搭表情把握有得差异，会得有勿一样个理解，得出相反个效果。
讲述：朱枫
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
