作者：孙宏彝
沪语改写、讲述：茅赢之
文字、语音审核：丁迪蒙
编辑：王乙其
勒公园里，有人介绍我搭一位古稀老人着棋，讲伊个象棋水平蛮高个。
看上去伊个年龄已超过七十，但整个人看上去气质勿错，人勿算老长，面孔清瘦，衣着整洁，广西口音。我就蛮开心个搭伊对弈了，从开局落子个几只棋来看，中规中矩、攻守兼顾，由此推断伊个棋艺还是勿错个。伊着棋处处谨慎设防，小心应对，但假使过度防守，步步为营，有辰光也勿免贻误战机，失去有利个机会。勒我接触个众多来公园着棋人个当中，伊个棋艺应该是佼佼者之一。
前天，又搭伊对弈，几轮较量下来，相互有输赢，难分仲伯。因为着棋，彼此也就有点熟悉了，闲聊当中我讲起，我大学读个是勒复旦大学分校，伊就讲伊个父亲也是复旦大学毕业个。我蛮感兴趣，问伊叫啥名字，伊讲叫樊家祺，并且简单个搭我讲了伊父亲个生平。
回到屋里之后，上网一查，真个拨我查到了有关个一些信息搭仔资料。
樊家祺，广西壮族拉烈乡加佛村人，幼时天资聪慧，知礼好学。1927年秋考入广西省立第十一中学。1930年进入上海大夏大学附中，后来考上上海复旦大学化学工程专业，1938年毕业留校任教。1941年考入中央研究院学习。1942年奉命调到中央军政部交通司动力油料总厂担任工程师，负责对从国外进口个国防燃料进行鉴定、验收以及研究代用汽油工作，是蛮有名气个化工专家。
抗日战争结束之后， 伊勿满国民党“接收大员”个腐败，弃职返回家乡。
1947年至1949年11月， 任都安力行中学理化教师。……
过了几天，勒公园里又碰到了老樊，搭伊讲了勒网浪向查到个有关情况，伊表情比较平淡，呒没表示惊讶……
人生像棋局，悲欢随遇安。讲到自家个经历搭仔生活，老樊只是简单个讲，高中毕业之后，响应号召上山下乡，搭老多知识青年一样，经历一番坎坷、吃了勿少苦，终于又从农村回到了城市。几十年个风风雨雨，既有苦难，也有欢乐，现在伊自家也年纪大了。我问伊哪能古稀年纪了还到上海来？伊告诉我，伊囡儿大学毕业之后勒上海工作，现在已经结婚成家，成为“新上海人”了，囡儿女婿工作紧张繁忙，伊是来帮伊拉带外甥个。早浪向送小囡读书之后，一家头勒屋里觉着老孤独，蛮无聊个，就到公园里来寻人着着棋，消磨消磨辰光。
人不可貌相，勒日常生活当中，老多人表面浪向看上去老普通，但仔细挖掘，勒漫漫个人生经历背后，还是老有故事个。辰光会让人遗忘，随牢仔岁月个流逝，老多人心里向个往事会逐渐拨冲淡、甚至湮没。但是，有辰光旧事重提，勒某些方面还是可以引人深思、拨人以某些启示个。
作者：孙宏彝；
讲述：茅赢之
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》少年儿童出版社
《囡囡学成语》少年儿童出版社
《海上风情》上海教育出版社
