ཆུ་དམར་རྩོམ་རིག་སྤྱི་སྟེགས་སུ་ཕེབས་པར་ལེགས།
ལྕགས་ལམ།
ཁྲག་སྨྱུག
སྐད་ཆ་སྔོན་པོ་དང་འདྲ་བའི་ལྕགས་ལམ་རིང་མོ།
རྟ་རྒན་ཞིག་གི་གོམ་འགྲོས་དང་འདྲ་བའི་འཁྱོར་འཁྱོར་པོ།
སོང་སོང་པའི་མཐའ་ལ།
ཤི་སྒུག་དང་འདྲ་བའི་མི་དག་ལ།
འཛུམ་མདངས་་ནི་ཇེ་མེད་ལ་སོང་།
ཤི་མདོག་ནི་ཇེ་དོད་ལ་སོང་།
རྒྱ་མ།
རྒྱ་མ་ནི་ལྗིད་ཚད་དང་བདེན་དཔང་ལྟ་བྱེད་ཀྱི་ལག་ཆ་ཞིག་ཡིན
རྒྱ་མ་སྣེ་མོ་གཅིག་ལ་ཁྱི་དང
རྒྱ་མ་སྣེ་མོ་གཅིག་ལ་མི་ཡིན
རྒྱ་མའི་ཚད་འཇོག་མཁན་ནི་མེ་ལོང་གས་ཆག་ཅིག་ཡིན
ཐང་ག
ལོ་ངོ་དུ་མ་ལ་བོར་སོང་བའི་ཐང་ག་དེ
བདག་པོ་མེད་པའི་ཐང་ག་དེ
བདག་པོ་མེད་པའི་སྒོ་ཁྱི་བཞིན
བདག་པོ་མེད་པའི་ནོར་ལུག་བཞིན
ཕྱོགས་ག་སར་ནས་གཞན་ལག་ཏུ་ཤོར
གཞན་ལག་ལ་ཤོར་དུས
ང་ཚོས་བདག་པོ་རང་ཉིད་ཡིན་པ་སེམས་སུ་གཞི་་ནས་ཤར
ཐང་ག་ནང་བཞིན
གངས་རི་དང་རྩྭ་ཐང
དེ་ཚོ་ལ་བདག་པོ་ཡོད་དམ
ནོར་ལུག་དང་གཙང་པོ་ལ་
བདག་པོ་ཡོད་དམ་ཟེར་ནས་འདྲི་མཁན་རེ་ཡོད་ན
དེ་ཚོ་ལ་བྱ་ནག་བཞིན་བཙོག་ལྟ་བྱེད་མཁན་སྐོར་ཞིག་ངང་ངམ་ཤུགས་ཀྱིས་ཐོན
སྙན་ངག •ལོ་རྒྱུས། •ཆོས་ལུགས། •དཔྱད་རྩོམ། •བསྒྱུར་རྩོམ། •སློབ་གསོ། •གླུ་གཞས།
ཆུ་དམར་རྩོམ་རིག་འཕྲིན་སྟེགས།
ཡིག་སྒམ། 1659774550@qq.com
扫码关注
能看到很多生活乐趣
▼ 点击下面语音，播放歌
འཕྲིན་སྟེགས་སུ་མི་སྒེར་རམ་ཚོགས་པ་གང་གི་ཁེ་དབང་ལ་གནོད་པའི་ནང་དོན་ཡོད་ཚེ་མྱུར་དུ་ང་ཚོར་འབྲེལ་གཏུག་བྱོས་དང་དྲ་ངོས་ནས་བསུབ་ངེས་ཡིན།
དེ་ནང་བཞིན་སྐུ་ཉིད་ཀྱི་སྙན་རྩོམ་དང་གླུ་གཞས་གསར་པ། པར་རིས་དང་རྩོམ་རིག་བརྩམས་ཆོས་སྤེལ་འདོད་ཚེ་རྩ་བའི་ཆ་རྐྱེན་ཆབ་སྲིད་དང་མི་འགལ་བའི་ཐོག་འོག་གི་འབྲེལ་ལམ་རྒྱུད་དེ་འབྲེལ་བ་བྱོས་དང་ཁྱེད་ཀྱི་འདོད་བློ་ལྟར་གང་ཐུབ་བྱ་ངེས།
