ཆུ་དམར་རྩོམ་རིག་སྤྱི་སྟེགས་སུ་ཕེབས་པར་ལེགས།
གཞས་ཆུང་སྙན་དབྱངས་དྲུག་འགྱུར།
•ཟིལ་སྙུག་སྲས། ཆུ་དམར་ལེབ།
གཞུ་རྒྱུད་རང་གིས་བཟོས་ནས། །
མདའ་མོ་གཞན་ལ་ཕོག་སོང་། །
དཀར་མཛེས་ཏྲེ་བོ་ཡུལ་ལ། །
ལས་ཀྱི་ལན་ཆགས་ལུས་སོང་། །
ཕུ་ཡི་གངས་དཀར་རི་བོ། །
མདའ་ཡི་ཞིང་ལ་སིམས་ན། །
སང་རྩིས་གནང་རྩིས་མི་དགོས། །
ཆར་ཆུ་ཐེངས་གསུམ་གནོང་རོགས། །
མི་འགྱུར་བརྩེ་བའི་རི་མོ། །
རྡོ་དང་བྲག་ལ་མ་བྲི། །
གས་ཆག་ལན་གཅིག་བྱུང་ཚེ། །
སེམས་པའི་གཏིང་ནས་འགྱོད་ཡོང་། །
ལོ་ལེགས་ཡག་པོ་བྱུང་ཚེ། །
ལོ་དབྱངས་སྙན་ལ་འགུག་ཤོག །
ཏྲེ་ཧོར་རོང་པའི་ཨ་ཅག །
འཛུམ་མདངས་ཕྱི་ལ་མངོན་ཤོག །
ལས་ཀྱི་བསང་དུད་དཀར་པོ། །
ཕ་ཡུལ་ལུང་པར་མི་འདུག །
ཉི་མ་ཤར་ལྷོའི་དྲུང་ནས། །
སྙིང་ཤ་དྲོད་ལ་ལྡེ་སོང་། །
སྙིང་གཏམ་ཁ་ཚིག་དྲུག་མདུད། །
སྟག་གདོང་ཡུལ་ནས་ལེན་ཡོད། །
ཨ་ཇོ་སྙིང་གི་ནོར་བུས། །
གཏམ་ལ་གཏམ་ལན་གསུངས་རོགས། །
མི་ཉག་གངས་དཀར་རི་ལ། །
བསྐོར་བ་སྐོར་འདོད་ཡོད་ཀྱང་། །
བསྐོར་ལམ་བདེ་མོ་ཨེ་འདུག །
ཆུང་འདྲིས་ལགས་ཀྱིས་གསུངས་རོགས། །
༢༠༢༤/༩/༡༩
LJསྒོ་འགྲམ་གྱི་གཏམ་རྒྱུད།
ཕོ་ལོ་ཉི་ཤུའི་སྒང་དུ་བུད་དུས
རང་ཉིད་གཅིག་པུས
རྒྱུས་མེད་ཀྱི་མི་མང་པོའི་ངོ་གདོང་མཐོང་ཡོང
ཡང་ན འདུ་འབྲལ་གྱི་བཤུལ་ལམ་མང་པོ་སྟེང་དུ
ལན་ཆགས་ཀྱི་ས་བོན་བཏབ་དགོས་ཡོད
ང་ལ་མ་མཐའི
རྨི་ལམ་མང་པོ་རྨིས་བསམ་པའི་ཚོད་མེད་མོད
རྨི་ལམ་གཅིག་ནི་སྒོ་འགྲམ་གྱི་གཏམ་རྒྱུད་བཞིན
བརྒྱུད་དགོས་ངེས་ཀྱི་ལམ་ཐིག་ཞིག་ཡིན་ངེས་པས
ངས་ཁྱོད་ལ
ཐ་སྙད་ཀྱི་མེ་ཏོག་ཆུན་པོས
རྨི་ལམ་གྱི་དར་གོས་བཟོས་རྗེས
རྒྱང་རིང་ནས་ཁྱོད་ལ་སྐོན་ན་འདོད
2024/10/18 ལན་གྲུ་རུ་སྦྱར།
སྙན་ངག •ལོ་རྒྱུས། •ཆོས་ལུགས། •དཔྱད་རྩོམ། •བསྒྱུར་རྩོམ། •སློབ་གསོ། •གླུ་གཞས།
ཆུ་དམར་རྩོམ་རིག་འཕྲིན་སྟེགས།
ཡིག་སྒམ། 1659774550@qq.com
扫码关注
能看到很多生活乐趣
▼ 点击下面语音，播放歌
འཕྲིན་སྟེགས་སུ་མི་སྒེར་རམ་ཚོགས་པ་གང་གི་ཁེ་དབང་ལ་གནོད་པའི་ནང་དོན་ཡོད་ཚེ་མྱུར་དུ་ང་ཚོར་འབྲེལ་གཏུག་བྱོས་དང་དྲ་ངོས་ནས་བསུབ་ངེས་ཡིན།
དེ་ནང་བཞིན་སྐུ་ཉིད་ཀྱི་སྙན་རྩོམ་དང་གླུ་གཞས་གསར་པ། པར་རིས་དང་རྩོམ་རིག་བརྩམས་ཆོས་སྤེལ་འདོད་ཚེ་རྩ་བའི་ཆ་རྐྱེན་ཆབ་སྲིད་དང་མི་འགལ་བའི་ཐོག་འོག་གི་འབྲེལ་ལམ་རྒྱུད་དེ་འབྲེལ་བ་བྱོས་དང་ཁྱེད་ཀྱི་འདོད་བློ་ལྟར་གང་ཐུབ་བྱ་ངེས།
