ཆུ་དམར་རྩོམ་རིག་སྤྱི་སྟེགས་སུ་ཕེབས་པར་ལེགས།
བུད་མེད་དུས་ཆེན་ལ་ཕུལ་བའི་ཚིག་གསུམ་ཡིད་ཀྱི་འབོད་པ།
རླུང་བུ།
བྱམས་བརྩེ་མཚུངས་ཟླ་བྲལ་བའི་ཨ་མ་དང་། །
དུང་སེམས་གསུབ་པར་དཀའ་བའི་ཆུང་མ་གཉིས། །
མཛའ་བརྩེ་མཚོ་མོའི་ཟབ་འདྲའི་མིང་སྲིང་སོགས། །
འཛམ་གླིང་བུད་མེད་ཡོངས་ཀྱི་དུས་ཆེན་བསུ། །
སློབ་གསོ་ཐོག་མ་ཨ་མས་སློབ་གསོ་དང་། །
ཨ་མས་སློབ་གསོའི་སློབ་གསོ་ཐོག་མ་ཡིན།།
གསུངས་བས་མིའི་རིགས་སློབ་གསོ་ཐོག་མ་ནི།།
བུད་མེད་སློབ་གསོ་ཡིན་པར་སྨོས་ཅི་དགོས། །
དེ་བས་བུད་མེད་ཞིག་གི་ངོས་ཐད་ནས། །
ཡོད་དུ་མི་རུང་བ་ནི་བཞི་ཡོད་དེ། །
བློ་མི་བརྟན་དང་གང་བྱུང་དུ་སྨྲ་བ། །
འགྲོ་འདུག་བྱ་བྱེད་དག་ལ་ཟབ་པར་འཚལ། །
སྐྲ་རིང་མ་དང་བློ་ཐུང་མ་ཞེས་པར། །
མི་གཅིག་ཟུར་ཟའི་ཚིག་གི་བརྡ་མིན་ཏེ། །
དེ་བས་རང་ཚུགས་མེད་པའི་བུད་མེད་ལ། །
ཟུར་ཟ་མིན་ཀྱང་དེ་ཡི་རྗེས་སུ་འགྲོ། །
ངག་འཇམ་དྲང་བོར་སྨྲ་བ་ཀུན་ཡིད་འཕྲོག།
ངག་སྒོ་གང་བྱུང་སྨྲ་བར་དཀྲུག་པའི་རྒྱུ།།
རྒྱལ་སྲིད་དང་ནི་ཁྱིམ་སྲིད་གང་ཡིན་ཡང་།
བུད་མེད་ཐ་ཚིག་ཡོད་པར་ཅིའི་ཕྱིར་ཡིན། །
རྐང་བའི་སྟངས་སྟབས་ངག་གི་བརྗོད་སྟངས་དང། །
ཕྱི་ཡི་ཉམས་སྣང་ནང་གི་འགྱུར་བ་སོགས།
བལ་ཐིག་ལྷོད་ཤ་ལྟ་བའི་རྒྱུད་བཟང་མ།
ཆོས་ལྡན་བུད་མེད་ཞིག་གི་བྲོ་བ་ཡོད། །
གསུམ་བརྒྱད་བུད་མེད་དུས་ཆེན་དུང་བས་བསུ། །
རྒྱལ་སྤྱིའི་བུད་མེད་དུས་ཆེན་དགའ་བས་བསུ། །
རྒྱལ་ཁབ་ཕྱི་ནང་ཀུན་གྱི་བུད་མེད་རྣམས། །
ལུས་བདེ་སེམས་སྐྱིད་ཡོང་བའི་སྨོན་འདུན་ཞུ། །
སྙན་ངག •ལོ་རྒྱུས། •ཆོས་ལུགས། •དཔྱད་རྩོམ། •བསྒྱུར་རྩོམ། •སློབ་གསོ། •གླུ་གཞས།
ཆུ་དམར་རྩོམ་རིག་འཕྲིན་སྟེགས།
ཡིག་སྒམ། 1659774550@qq.com
扫码关注
能看到很多生活乐趣
▼ 点击下面语音，播放歌
འཕྲིན་སྟེགས་སུ་མི་སྒེར་རམ་ཚོགས་པ་གང་གི་ཁེ་དབང་ལ་གནོད་པའི་ནང་དོན་ཡོད་ཚེ་མྱུར་དུ་ང་ཚོར་འབྲེལ་གཏུག་བྱོས་དང་དྲ་ངོས་ནས་བསུབ་ངེས་ཡིན།
དེ་ནང་བཞིན་སྐུ་ཉིད་ཀྱི་སྙན་རྩོམ་དང་གླུ་གཞས་གསར་པ། པར་རིས་དང་རྩོམ་རིག་བརྩམས་ཆོས་སྤེལ་འདོད་ཚེ་རྩ་བའི་ཆ་རྐྱེན་ཆབ་སྲིད་དང་མི་འགལ་བའི་ཐོག་འོག་གི་འབྲེལ་ལམ་རྒྱུད་དེ་འབྲེལ་བ་བྱོས་དང་ཁྱེད་ཀྱི་འདོད་བློ་ལྟར་གང་ཐུབ་བྱ་ངེས།
