ཆུ་དམར་རྩོམ་རིག་སྤྱི་སྟེགས་སུ་ཕེབས་པར་ལེགས།
དྲན་གདུང་སེམས་ཀྱི་ན་བུན།
འཇམ་དབྱངས་ཆོས་འཕེལ།
མཚན་སྨད་ཟླ་བའི་མཁྲིས་སུ།།
ལས་ཀྱི་སྐར་མདའ་འཆར་འདུག །
གྲངས་མེད་བཏང་བའི་གཞས་དེ།།
སེམས་ཀྱི་གཏིང་ན་སིམས་བྱུང་།།
ཟླ་ཟེར་མཚེར་བའི་མཚན་གུང་།།
འོད་ཟེར་ལམ་ལམ་ཀྲིག་ཀྲིག །
ཁོ་བོའི་མུན་ནག་གྲོང་དུ།།
འོད་ཅིག་བསྐྱུར་ན་བསམ་བྱུང་།།
ལོ་ཟླའི་བཞུད་ལམ་ནང་གི །
སྟེས་དབང་འཕྲད་ཐེངས་ཤིག་ལ།།
རྒྱུས་མེད་ངོ་ཤེས་གྱུར་པའི།།
སེམས་སོང་མི་ཞིག་དྲན་བྱུང་།།
དྲན་པའི་འཆར་སྣང་རེ་ལ།།
ཕྱིར་དྲན་མེ་ལོང་ངོས་ཀྱི།།
བཤད་པའི་སྙིང་གཏམ་ཟིལ་མ།།
སྙིང་གི་སྦུགས་ལ་ཟགས་སོང་།།
ཞེན་ཆགས་སེམས་ལ་མེད་ན།།
འདི་འདྲའི་འཁྲེང་རྒྱུ་ཨེ་རེད།།།
དཔེར་ན་ཆུ་ནང་ཉྭ་མོ།།
འཁོར་བ་དེ་དང་འདྲ་བྱུང་།།
སྙན་ངག་ཚིག་གི་ཞུན་མ།།
རོལ་དབྱངས་མཉམ་དུ་བསྡེབས་ཏེ།།
རྒྱ་སེ་གྲངས་མེད་བསྐུར་བ།།
དེ་དག་དྲན་པ་ཨེ་བྱུང་།།
ས་གནས་གཞན་ལ་སོང་དུས།།
དྲན་པའི་དགའ་སྐྱོ་འདྲེས་མ།
ཡི་གེའི་གཟུགས་སུ་བཀོད་ནས།།
ཁྱེད་སར་བསྐུར་བ་དྲན་ནམ།།
ཁྱེད་དང་འབྲེལ་བའི་ཡོད་ཚད།།
བསམ་ལོང་མེད་པའི་ངང་ནས།།
འཚོ་བའི་བར་གསེང་རེ་ལ།།
ཡོད་ཡོད་འདྲ་བོ་སྣང་སོང་།།
ཟླ་བ་གཅིག་གི་སྔུན་ལ།།
ཟླ་བའི་འོད་ཀྱི་ངོགས་ནས།།
ཐེངས་གཅིག་འཕྲད་པའི་སྣང་བརྙན།།
ན་ཟུག་ཅིག་ཏུ་གྱུར་སོང་།།
དེ་དགོང་དོ་དགོང་བཞིན་དུ།།
ཟླ་འོད་རབ་ཏུ་གསལ་ལ།།
བསམ་པའི་འཁྱེར་སོ་དེ་ཡང་།།
སྨྲེང་བའི་གཞས་ལ་བཀུག་སོང་།།
ཕན་ཚུན་འགལ་བ་བྱུང་ནས།།
སྙིང་ལ་གཟེར་བའི་གཏམ་རེ།།
སྙིང་གི་དཀྱིལ་ལ་བྱོ་དུས།།
མི་འདོད་ལས་ཀྱི་མདའ་མོ།།
ཁོ་བོའི་དབུགས་ངར་གཅིག་གིས།།
རྒྱང་དུ་གཡུགས་ན་འདོད་ཀྱང་།།
བསམ་མེད་བྱིས་པའི་བརྟུལ་ཞུགས།།
འཛིན་ཀྱང་དོན་སྙིང་ཅི་ཡོད།།
བྲལ་པའི་ཉིན་ཞག་འདི་དག །
སེམས་འདི་གྲུབ་ནག་ཡོལ་ཡོལ།།
འཚོ་བ་ཕྱི་ནང་བར་གསུམ།།
རེ་ཞིག་ཧད་དེ་ལུས་བྱུང་།།
སྨྲེང་བའི་ཡིད་ཀྱི་དྲན་གདུང་།།
མཁའ་ཡི་ཟླ་བས་གསལ་ལ།།
ཡིད་འཛིན་དྲན་པའི་ངོས་ནས།།
ཚིག་གི་འབྲུ་མ་ཤོར་སོང་།།
༼མྱུ་གུའི་སྟོབས༽ཚང་གི་སྙན་ངག་སྤེལ་ཐེངས་ལེའུ།
ཆུ་དམར•མྱུ་གུ་སྟོབས་ཚང་གི་སྙན་ངག་སྤེལ་ཐེངས། ༼ ༡ ༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས། ༼ ༢ ༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས། ༼ ༣ ༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས། ༼ ༤ ༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས། ༼ ༥ ༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས། ༼ ༦ ༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས། ༼ ༧ ༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས།༼ ༨ ༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས།༼ ༩ ༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས།༼ ༡༠ ༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས།༼ ༡༡ ༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས།༼ ༡༢ ༽
ཆུ་དམར•མྱུ་གུའི་སྟོབསཚང་གི་སྙན་ངག་སྤེལ་ཐེངས། ༼༡༣༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས། ༼༡༤༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས། ༼༡༥༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས། ༼ ༡༦ ༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས། ༼ ༡༧ ༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས། ༼༡༨༽
ཆུ་དམར•མྱུ་གུའི་སྟོབས་ཚང་གི་སྙན་ངག་སྤེལ་ཐེངས། ༼༡༩༽
སྙན་ངག •ལོ་རྒྱུས། •ཆོས་ལུགས། •དཔྱད་རྩོམ། •བསྒྱུར་རྩོམ། •སློབ་གསོ། •གླུ་གཞས།
ཆུ་དམར་རྩོམ་རིག་འཕྲིན་སྟེགས།
ཡིག་སྒམ། 1659774550@qq.com
扫码关注
能看到很多生活乐趣
▼ 点击下面语音，播放歌
འཕྲིན་སྟེགས་སུ་མི་སྒེར་རམ་ཚོགས་པ་གང་གི་ཁེ་དབང་ལ་གནོད་པའི་ནང་དོན་ཡོད་ཚེ་མྱུར་དུ་ང་ཚོར་འབྲེལ་གཏུག་བྱོས་དང་དྲ་ངོས་ནས་བསུབ་ངེས་ཡིན།
དེ་ནང་བཞིན་སྐུ་ཉིད་ཀྱི་སྙན་རྩོམ་དང་གླུ་གཞས་གསར་པ། པར་རིས་དང་རྩོམ་རིག་བརྩམས་ཆོས་སྤེལ་འདོད་ཚེ་རྩ་བའི་ཆ་རྐྱེན་ཆབ་སྲིད་དང་མི་འགལ་བའི་ཐོག་འོག་གི་འབྲེལ་ལམ་རྒྱུད་དེ་འབྲེལ་བ་བྱོས་དང་ཁྱེད་ཀྱི་འདོད་བློ་ལྟར་གང་ཐུབ་བྱ་ངེས།
