ཆུ་དམར་རྩོམ་རིག་སྤྱི་སྟེགས་སུ་ཕེབས་པར་ལེགས།
࿇ ཤིས་ཚིག་པད་དཀར་ཆུན་པོ།
དཀར་པོ་ཆིག་ཐུབ།
སྟོན་མཆོག་ལྷ་ལས་བབས་པའི་དུས་ཆེན་ལ།།
བཀྲ་ཤིས་དགེ་མཚན་རྒྱས་པའི་རྟེན་འབྲེལ་འགྲིག །
སློབ་གླིང་གསེར་གྱི་ཁང་བཟང་ཉམས་དགའ་བ།།
ལོ་གྲངས་བཅུ་བ་ལོན་པའི་བཀྲ་ཤིས་དར།།
དོན་གཉེར་གཙུག་འཛིན་སྐལ་ལྡན་བུང་བའི་ཚོགས།།
དམ་པའི་བཀའ་དྲིན་མ་བརྗེད་སྙིང་ནས་གུས།།
ཉིན་མཚན་དུས་དྲུག་དཀའ་བ་ལྷོད་མེད་མཛད།།
མདོ་སྔགས་གཞུང་ལུགས་རྒྱ་མཚོས་རབ་ཏུ་ཕྱུག །
རྣམ་དཔྱོད་གར་གྱིས་རྩེན་པའི་བློ་གསལ་ཁྱུས།།
གནའ་དེང་ཟུང་གི་རིག་གཞུང་འཛིན་སྐྱོང་སྤེལ།།
རྒྱལ་བའི་དགོངས་དོན་ཟབ་མོ་ལྷུར་བླངས་ནས།།
ལྔ་རིག་མེ་ཏོག་ཚལ་འདི་ལྷག་པར་རྒྱས།།
སྔོན་བསགས་སྨོན་ལམ་བཟང་པོའི་བདེན་མཐུ་དང་།།
ལྷ་དང་བླ་མའི་ཐུགས་བརྩེ་བྱིན་རླབས་ཀྱིས།།
མ་བོས་མཉམ་དུ་འཛོམས་པའི་དགེ་སློབ་ཡོངས།།
དགྱེས་ཞལ་ལྷན་གཅིག་འཛོམས་པས་སེམས་པ་སྐྱིད།།
ཤིས་ཚིག་པདྨ་དཀར་པོའི་ཆུན་པོ་འདི།།
བཅོས་མིན་སེམས་ཀྱིས་ཚོར་བའི་རི་མོར་བཀོད།།
བསམ་བཞིན་ཕུལ་བའི་བསྟོད་དབྱངས་སྙན་མོ་འདི།།
མ་དཔྱད་གྱ་ཚོམ་བརྗོད་པའི་ཚིག་རིས་མིན།།
ཞེས་སོག་ཚང་དགོན་ལྔ་རིག་སློབ་གསོའི་དགའ་ཚལ་དབུ་བརྙེས་ནས་ལོ་གྲངས་བཅུར་སོན་པའི་རྟེན་འབྲེལ་དུ་བྲིས་པ་དགེའོ།།
སྙན་ངག •ལོ་རྒྱུས། •ཆོས་ལུགས། •དཔྱད་རྩོམ། •བསྒྱུར་རྩོམ། •སློབ་གསོ། •གླུ་གཞས།
ཆུ་དམར་རྩོམ་རིག་འཕྲིན་སྟེགས།
ཡིག་སྒམ། 1659774550@qq.com
扫码关注
能看到很多生活乐趣
▼ 点击下面语音，播放歌
འཕྲིན་སྟེགས་སུ་མི་སྒེར་རམ་ཚོགས་པ་གང་གི་ཁེ་དབང་ལ་གནོད་པའི་ནང་དོན་ཡོད་ཚེ་མྱུར་དུ་ང་ཚོར་འབྲེལ་གཏུག་བྱོས་དང་དྲ་ངོས་ནས་བསུབ་ངེས་ཡིན།
དེ་ནང་བཞིན་སྐུ་ཉིད་ཀྱི་སྙན་རྩོམ་དང་གླུ་གཞས་གསར་པ། པར་རིས་དང་རྩོམ་རིག་བརྩམས་ཆོས་སྤེལ་འདོད་ཚེ་རྩ་བའི་ཆ་རྐྱེན་ཆབ་སྲིད་དང་མི་འགལ་བའི་ཐོག་འོག་གི་འབྲེལ་ལམ་རྒྱུད་དེ་འབྲེལ་བ་བྱོས་དང་ཁྱེད་ཀྱི་འདོད་བློ་ལྟར་གང་ཐུབ་བྱ་ངེས།
