ཆུ་དམར་རྩོམ་རིག་སྤྱི་སྟེགས་སུ་ཕེབས་པར་ལེགས།
མུན་པའི་སྒོ་དྲུང་དུ།
ཇེང་། ཡུལ་ཤུལ།
གཏད་སོ་བྲལ་བའི་རྣམ་རྟོག་གི་མཁར་རྫོང
ཡོད་ཚད་ངེས་མེད་ཀྱིས་གང་དུ་བརྫངས
འོད་དང་མུན་པ་རྡེབ་པའི་ནམ་མཁའ་རུ
གཟུགས་བརྙན་ལ་ཚོན་གྱིས་མདངས་བྱུགས
མི་ཚོས་ཆགས་སྡང་གི་ཕྱག་ཟུང་བརྐྱངས
རྣམ་འགྱུར་དེའི་སྙིང་རུས་ཙག་གིས་འཁེངས
གཞི་ནས་ཕྱི་ནང་ཀུན་དལ་ཅག་གེར་ལུས་རྗེས
ལྷིང་འཇགས་ཀྱི་གནས་མལ་བཅའ
སྣང་བརྙན་དེས་ཅི་ཞིག་རྒྱ་ཡན་དུ་བཏང
2023 6 5
གྲིབ་མ་བོར་བའི་རྣམ་ཤེས།
སྐབས་རེར་ངག་སྒོ་བསྡམ་རུང
འཇིག་རྟེན་གྱི་ལྷིང་འཇགས་རྨང་ནས་དཀྲུག
སྐད་ཅིག་རེ་རེར་ཕྱི་ནང་གི་སྐྱེ་འགག་དེ་དག
སྡུག་བསྔལ་གྱི་ཆོ་ངེ་ལས་མཐོང་རྒྱུ་མ་བྱུང
མི་ཡུལ་དུ་སྨུག་པས་ཡོལ་བ་འཐེན་ནས
སྐད་ཆ་ལ་གསོན་ཤུགས་མེད་པར་བཏང
སྡིག་པའི་མིག་ཟུང་གཉིས་པོ་བཙུམས་རྗེས
ཡིད་ཀྱི་གདུང་བས་མེ་ལོང་སིལ་བུ་བཅག
འཁྱག་སླ་བའི་འཁོར་བའི་མུན་ཁང་དུ
རང་ཉིད་རྨི་ལམ་གྱི་གཟེབ་ལ་ལྷུང
2023 2 5
མིང་མེད།
ལྟ་བཞིན་པའི་སྐབས་དེར
མིག་ཟུང་ལས་མངོན་བཞིན་པ་དག
སྒྱུ་འཕྲུལ་གྱི་འཆར་སྣང་དུ་མ་གྲུབ
ཡུན་རིང་དུ་ཕྱིན་རྗེས
མེ་ལོང་ནང་དུ་ཆག་སྒོ་འབྱུང་སྲིད
གཞི་ནས་གདུང་བས་མནར་གཅོད་བཏང
མི་ཚེ་ནི་མཚམས་མི་འཇོག་པར་བད་དེ་འཁོར
རྨས་ཕོག་པའི་ཐ་སྙད་ཁ་ཤས
གཡང་གཟར་གྱི་མཐའ་རུ་ལྷུང
གོ་རིམ་མེད་པས་སྟོང་བར་ལུས
གོ་རིམ་འཆོར་བས་ངལ་ཞིང་དུབ
2022 4 25
སྙན་ངག •ལོ་རྒྱུས། •ཆོས་ལུགས། •དཔྱད་རྩོམ། •བསྒྱུར་རྩོམ། •སློབ་གསོ། •གླུ་གཞས།
ཆུ་དམར་རྩོམ་རིག་འཕྲིན་སྟེགས།
ཡིག་སྒམ། 1659774550@qq.com
扫码关注
能看到很多生活乐趣
▼ 点击下面语音，播放歌
འཕྲིན་སྟེགས་སུ་མི་སྒེར་རམ་ཚོགས་པ་གང་གི་ཁེ་དབང་ལ་གནོད་པའི་ནང་དོན་ཡོད་ཚེ་མྱུར་དུ་ང་ཚོར་འབྲེལ་གཏུག་བྱོས་དང་དྲ་ངོས་ནས་བསུབ་ངེས་ཡིན།
དེ་ནང་བཞིན་སྐུ་ཉིད་ཀྱི་སྙན་རྩོམ་དང་གླུ་གཞས་གསར་པ། པར་རིས་དང་རྩོམ་རིག་བརྩམས་ཆོས་སྤེལ་འདོད་ཚེ་རྩ་བའི་ཆ་རྐྱེན་ཆབ་སྲིད་དང་མི་འགལ་བའི་ཐོག་འོག་གི་འབྲེལ་ལམ་རྒྱུད་དེ་འབྲེལ་བ་བྱོས་དང་ཁྱེད་ཀྱི་འདོད་བློ་ལྟར་གང་ཐུབ་བྱ་ངེས།
