سۈرەتلەرنى بېسىپ كىنو كۆرۈشنى باشلىۋېتىڭ
بەيدۇ تورى خەۋىرى، نۇر تورى تەرجىمىسى:
رېيتېر ئاگېنتلىقىنىڭ خەۋىرىگە ئاساسلانغاندا، ئاۋسترالىيەنىڭ ئوتتۇرا سول قانات ھۆكۈمىتى پەيشەنبە كۈنى پارلامېنتتا 16 ياشتىن تۆۋەن بالىلارنىڭ ئالاقە تورى ئىشلىتىشىنى چەكلەشنى مەقسەت قىلغان بىر تۈرلۈك تەكلىپ لايىھەسىنى ئوتتۇرىغا قويغان، ھەمدە سىستېمىسىلىق بەلگىلىمىگە خىلاپلىق قىلىش ئەھۋالى مەۋجۇت بولغان ئالاقە سۇپىلىرىغا ئەڭ يۇقىرى بولغاندا 49 مىليون 500 مىڭ ئاۋسترالىيە دوللىرى (تەخمىنەن 32 مىليون ئامېرىكا دوللىرى) جەرىمانە قويۇش تەكلىبىنى بەرگەن.
ئاۋسترالىيە بىيولوگىيەلىك پەرقلەندۈرۈش ياكى ھۆكۈمەت كىملىكىنى ئۆز ئىچىگە ئېلىشى مۇمكىن بولغان ياش دەلىللەش سىستېمىسىنى سىناق تەرىقىسىدە يولغا قويۇپ، ئالاقە تاراتقۇلىرىنى ئىشلىتىش ياش چەكلىمىسى سىياسىتىنى ئىجرا قىلىشنى پىلانلىدى. بۇ ھازىرغا قەدەر ھەر قايسى دۆلەتلەر يولغا قويغان قۇرامىغا يەتمىگەنلەرگە قارىتا بېكىتىلگەن ئەڭ قاتتىق تەدبىرلەرنىڭ بىرى. بۇنىڭدا ئاتا-ئانىسى قوشۇلغان ياكى ھازىر ئالەقە تورىدا ئېسچوتى بار بولغان ئەھۋالدىمۇ كەچۈرۈم قىلىشقا بولمايدۇ.
ئاۋسترالىيە زۇڭلىسى ئالبانىس مۇنداق دېگەن: بۇ بىر ئابىدە خاراكتېرلىك ئىسلاھات. بىز بەزى بالىلارنىڭ جانلىق ئامال تاپىدىغانلىقىنى بىلىمىز، لېكىن بىز ئالاقە تورى شىركەتلىرىگە ئۇچۇر يوللاپ، ئۇلاردىن قىلمىشىنى تۈزىتىشنى تەلەپ قىلىۋاتىمىز.
ئەمما ئالبانىس بالىلارنىڭ قىسقا ئۇچۇر، تور ئويۇنى، ساغلاملىق ۋە مائارىپقا ئالاقىدار مۇلازىمەتلەرنى ئىشلىتەلەيدىغانلىقىنى بىلدۈرگەن، مەسىلەن، ياش-ئۆسمۈرلەرنىڭ پىسخىك ساغلاملىقىنى قوللاش سۇپىسى مېڭە بوشلۇقى (Headspace) ۋە «ئېلىپبە» شىركىتىنىڭ گۇگۇل دەرسخانىسى دېگەندەك.
ئالبانىس رەھبەرلىكىدىكى ئىشچىلار پارتىيەسى ھۆكۈمىتى ئىزچىل تۈردە ئالاقە تاراتقۇلىرىنى زىيادە ئىشلىتىش بالىلارنىڭ جىسمانىي ۋە روھىي ساغلاملىقىغا خەۋپ ئېلىپ كېلىدىغانلىقىنى، بولۇپمۇ زىيانلىق بەدەن ئوبرازىنى تەسۋىرلەش ۋە ئوغۇللارغا قارىتىلغان شەھۋەتپەرەسلىكنى تەشەببۇس قىلىپ، قىزلارنىڭ قىياپىتىدە خىيىم خەتەرگە پەيدا قىلىدىغانلىقىنى تەكىتلىگەن.
خەۋەرلىشىش مىنىستىرى مىچېل رولاند پەيشەنبە كۈنى پارلامېنتتا مۇنداق دېگەن: ئاۋسترالىيەلىك نۇرغۇن ياشلارغا نىسبەتەن ئالاقە تورى زىيانلىق بولۇشى مۇمكىن، 14 ياشتىن 17 ياشقىچە بولغان ئاۋسترالىيەلىكلەر ئىچىدە، ئۈچتىن ئىككى قىسىمغا يېقىن ئادەم توردا زەھەر چېكىش، ئۆلۈۋېلىش ياكى ئۆزىنى مېيىپ قىلىۋېلىش قاتارلىق ئىنتايىن زىيانلىق مەزمۇنلارنى كۆرگەن.
تۈزۈلمەكچى بولغان قانۇن ئاتا-ئانىلار ياكى ياشلار ئەمەس، بەلكى ئالاقە سۇپىسىنى مۇۋاپىق تەدبىر قوللىنىپ، ياشنى تەكشۈرۈشنى قوغداش تەدبىرىنىڭ ئەمەلىيلىشىشىگە كاپالەتلىك قىلىشقا مەجبۇر قىلىدىكەن.
رولاند يەنە مۇنداق دېگەن: بېكىتىلگەن قانۇن مۇكەممەل بولغان مەخپىيەتلىكنى ساقلاش ماددىلىرىنى ئۆز ئىچىگە ئالىدۇ، يەنى ئىشلەتكۈچىنىڭ شەخسىي سانلىق مەلۇماتلىرىنى قوغداش ئۈچۈن سۇپىدىن يىغىلغان ھەر قانداق ئۇچۇرنى كۆيدۈرۈشنى تەلەپ قىلىشنى ئۆز ئىچىگە ئالىدۇ.
