سۈرەتنى بېسىپ كىنو كۆرۈشنى باشلىۋېتىڭ
9-قىسىم يېڭىلاندى
ئۈندىدار سالونى خەۋىرى، نۇر تورى تەرجىمىسى
ئەگەر پۇلىڭىز كۆپ بولسا، سىز قانداق خەجلەيسىز؟ ھەر بىر ئادەمنىڭ ئۆزىگە خاس جاۋابى بولۇشى مۇمكىن، جون كوللىنس بىلاك ئۈچۈن ئېيتقاندا، ئۇنىڭ جاۋابى بىر مەيدان كاتتا بايلىق ئىزدەش ئويۇنى ئۆتكۈزۈش.
جون كالىفورنىيە ئىشتاتىدىن بولۇپ، ئىلگىرى مۇزىكا ئوينىغان، كېيىن خوجايىنغا ئايلانغان، ئۇنىڭ بىر قىسىم مال-مۈلكى ئەينى چاغدا بىت تەڭگىسىگە مەبلەغ سېلىش ئارقىلىق قولغا كەلگەن.
بەش يىل ئىلگىرى، يۇقۇم سەۋەبىدىن، ئۇنىڭ ئۆيىدە قىلىدىغان ئىشى يوق ئىدى، شۇڭا ئۇ كۆڭۈل ئېچىشنى قارار قىلىپ، بىر تۈركۈم كۆمۈلگەن خەزىنىلەرنى كىشىلەرنىڭ ئىزدىشى ئۈچۈن تەييارلىغان.
جون بۇ ئويۇنىنىڭ ئۆزى ئەڭ ياخشى كۆرىدىغان «ئەجدىھا ۋە يەر ئاستى شەھىرى» (龙与地下城) ئويۇنىدىن كەلگەنلىكىنى، كىچىك ۋاقتىدا يۇرتىدىكى بىر كىتابخانىدا بۇ ئويۇننى كۆرگەنلىكىنى، ئويۇندىكى نەپىس تەڭشەكلەر، چەكلىمىسىز كەسىپ، مەخلۇق ۋە تېپىشماقلارنىڭ ئۇنى جەلپ قىلغانلىقىنى ئېيتقان.
جوننىڭ ھېس قىلىشىچە، ئەمەلىيەتتە كۆپ قىسىم ئويۇنلارنىڭ ماھىيىتى بايلىق ئىزدەش ئىكەن، شۇڭا ئەگەر بايلىق ئىزدەش رېئاللىققا قويۇلسا، چوقۇم زور بىر تۈركۈم ئويۇنچىلارنىڭ قىزىقىشىنى قوزغايدىكەن. جون ئۆزىنىڭ مۇشۇنداق بۇرچى بارلىقىنى، ئۆزىنىڭ مالىيە كۈچى، ۋاقتى ۋە ئارزۇسى بارلىقىنى ھېس قىلىپ، ھەممە نەرسىنى بىرلەشتۈرۈپ، ھەقىقىي بايلىق ئىزدەش ئويۇنىنى ئىجاد قىلغان.
بىراق ئۇ چوڭ تىپتىكى، رېئال بايلىق ئىزدەش ئويۇنىنى ئىجاد قىلىشقا زادى قانچىلىك ۋاقىت كېتىدىغانلىقىنى ئويلاپمۇ باقمىغان ئىدى. ئۇ ئىلگىرى 18 ئاي ئىچىدە ھەممە ئىشنى پۈتتۈرەلەيمەن دەپ ئويلىغان، ئەمەلىيەتتە، توپتوغرا بەش يىلدىن كېيىن، ئۇ ئاندىن ھەممە ئىشنى رەسمىي تاماملىغان، بايلىق ئىزدەش پائالىيىتى ئاخىرى باشلانغان.
گۆھەر ئىزدەش پائالىيىتىدە ئەڭ مۇھىمى مۇكاپات بۇيۇمى.
بۇ بەش يىلدا جون كىمئارتۇق قىلىپ سېتىش ئورنى ۋە ئاسارئەتىقە سودىگىرىدىن ھەر خىل قىممەتلىك بۇيۇملارنى سېتىۋالغان، مەسىلەن، Casscius بىت تەڭگىسى (تۇنجى ئەمەلىي بۇيۇم بىت تەڭگىسى).
ئۇنىڭدىن باشقا يەنە كولومبىيەنىڭ يېشىل ياقۇتى، 2002-يىلىدىكى پوكېمون يالتىراق يالتىراق ئەجدىھا كارتىسى، كېمە بىلەن چۆكۈپ كەتكەن ئاسارە-ئەتىقە ۋە جورجى ۋاشىنگتون ئىشلەتكەن مېۋە ئۇيۇتمىسى لوڭقىسى (مەدەنىيەت يادىكارلىقى)مۇ بار.
جون بۇ گۆھەرلەرنىڭ ھەممىسىنى يامان ئەمەس دەپ قارايدىغانلىقىنى، لېكىن ھەقىقەتەن ئۇنىڭ ياخشى كۆرىدىغىنى يوقلۇقىنى، ئەگەر چوقۇم بىرنى تاللاشقا توغرا كەلسە، گۆھەردىكى ھېلىقى يېشىل ياقۇتنىڭ ناھايىتى چىرايلىق ئىكەنلىكىنى، ئۇنىڭ قەلبىنى لەرزىگە سالىدىغانلىقىنى ئېيتقان.
(خەزىنىنىڭ بىرى بولغان يېشىل ياقۇت)
جوننىڭ تەخمىنىي مۆلچەرىگە ئاساسلانغاندا، ئۇ كىمئارتۇق قىلىپ سېتىش يىغىنىدىن بۇ گۆھەرلەرنى سېتىۋېلىشقا تەخمىنەن 2-3 مىليون ئامېرىكا دوللىرى خەجلىگەن، بۇ ئاساسەن بارلىق گۆھەرلەرنىڭ باھاسى، بىت تەڭگىسى ياكى ئاسارە-ئەتىقىلەرنىڭ باھاسىنىڭ ئۆرلىشى ياكى چۈشۈشى ئۇنىڭ ئويلىنىش دائىرىسىدە ئەمەس.
بۇمۇ ئۇنىڭ خەزىنىگە بېكىتكەن چېكى، ئۇ تېخىمۇ كۆپ پۇل چىقىرالايدۇ، لېكىن ئۇ خەزىنە بەك پۇلغا يارايدىغان بولسا، كىشىلەرنىڭ تەلۋىلىكىنى كەلتۈرۈپ چىقىرىپ، ئېرىشكەن پايدا زىياندىن ئېشىپ كېتىشىدىن ئەنسىرەيدۇ.
ئۇ كىشىلەرنىڭ بوش ۋاقىتلىرىدا بۇ خەزىنە ئويۇنىدىن پايدىلىنىپ ئىچ پۇشۇقىنى چىقىرىشىنى، بۇ خەزىنە ئۈچۈن تۇرمۇشىنى نابۇت قىلماسلىقىنى ئۈمىد قىلاتتى. ئۇ ئۆزىمۇ بۇ پۇلنى چىقارغىنىغا پۇشايمان قىلمايدۇ.
جون كىشىلەرگە ئۆزىنىڭ ئەڭ قەدىرلەيدىغىنى بۇ بايلىق ئىزدەش ئويۇنى ئىكەنلىكىنى، بىت تەڭگىسى 500 مىڭ ياكى 1 مىليون ئامېرىكا دوللىرىغا ئۆرلىسىمۇ، ياكى بۇ خەزىنىلەرنىڭ كەلگۈسىدە 10 مىليون ئامېرىكا دوللىرىغا يارىسىمۇ، بىر ئادەم بولسىمۇ تاپالىسا خۇش بولىدىغانلىقىنى بىلدۈرگەن.
مۇكاپات بۇيۇملىرىنى تەييارلاپ بولغاندىن كېيىن، جون بۇ نەرسىلەرنى ئايرىم-ئايرىم ھالدا بەش ساندۇق، بىر چوڭ، تۆت كىچىك ساندۇققا يوشۇرۇپ قويغان، ساندۇققا ساندۇقنى قانداق ئېچىش توغرىسىدىكى تېپىشماق يېزىلغان.
ئارقىدىن جون بۇ بەش ساندۇقنى پۈتۈن ئامېرىكىنىڭ بىر قانچە بۇلۇڭىغا كۆمۈپ قويغان.
ئۇ ھەر بىر ئادەمگە ئاز دېگەندە بىر گۆھەرنىڭ يېنىدا ئىكەنلىكىنى ھېس قىلدۇرۇشنى ئۈمىد قىلىدۇ، شۇنداق قىلغاندىلا كۆپچىلىكنىڭ بايلىق ئىزدەشكە بولغان قىزىقىشىنى قوزغىغىلى بولىدۇ.
لېكىن گۆھەرنى يوشۇرۇش ھەقىقەتەن بىر كۈچ سەرپ قىلىدىغان ئىش.
بايقىلىپ قالماسلىق ئۈچۈن، ئۇ ھەر قېتىم پىيادە نەچچە يۈز كىلومېتىر يول يۈرۈپ بۇ بايلىقلارنى كۆمىدۇ، ئۇنىڭدىن باشقا، ئۇ يەنە بۇ بايلىقلارنىڭ شەخسىي تۇپراققا كۆمۈلۈپ قالمىغانلىقىنى ئەسكەرتىپ، بايلىق ئىزدىگۈچىلەرنى خەۋپ-خەتەر ۋە قىيىنچىلىقلاردىن خالاس قىلغان.
ئەڭ ئاخىرىدا، جون بىر مۇناسىۋەتلىك كىتابنى نەشر قىلغان ۋە ساتقان. كىتابنىڭ ئىسمىمۇ ناھايىتى مۇۋاپىق بولۇپ، «ئىچىدە خەزىنە بار» دەپ ئاتالغان.
جون مۇنداق دېگەن: پۈتۈن كىتابنىڭ ھەممە يېرىگە يىپ ئۇچى يوشۇرۇنغان، كىتابتا يەنە تۆت كىچىك باب بار، ھەر بىر باب بىر كىچىك ساندۇققا ماس كېلىدۇ، بۇ يىپ ئۇچىنى بىرلەشتۈرگەندىن كېيىن، چوڭ ساندۇقنىڭ ئورنىنى تاپقىلى بولىدۇ. خەزىنىنى تېپىش ئۈچۈن بۇ كىتابنى ئەستايىدىل ئوقۇش، ئۇنىڭ ئۈستىگە ئۆتكۈر ھەم ئوچۇق مېڭىنى قوشۇش كېرەك.
جون يەنە پۈتۈن دۇنيادا پەقەت ئۆزىلا خەزىنە ساندۇقىنىڭ قەيەردىلىكىنى بىلىدىغانلىقىنى، مەيلى ئائىلىسىدىكىلەر بولسۇن ياكى نەشرىيات سودىگەرلىرى بولسۇن، خەزىنىنىڭ ئىز-دېرىكىنى بىلمەيدىغانلىقىنى ئېيتقان. بىراق 8-10 يىلدىن بۇيان ھېچكىم بۇ گۆھەرنى تاپالمىسا، ئۇ تېخىمۇ كۆپ يىپ ئۇچىنى ئېلان قىلىشى مۇمكىن. چۈنكى ئۇ ھايات ۋاقتىدا باشقىلارنىڭ ئۆزى يوشۇرۇپ قويغان گۆھەرنى تېپىۋېلىشىنى ئۈمىد قىلىدۇ.
جوننىڭ ئېيتىشىچە، ئۇنىڭ ئەڭ ئاخىرقى نىشانى پەقەت كۆپچىلىكنى سىرتقا چىقىرىش، يانفون، تېلېۋىزوردىن يىراق تۇرۇش، تەبىئەت ئۈستىدە كۆپرەك ئىزدىنىش، دۇنيادا ھەقىقىي ياشاشقا ئىلھاملاندۇرۇش ئىكەن.
جوننىڭ مەقسىتىنىڭ يېڭى كىتابنى تەشۋىق قىلىش-قىلماسلىقىدىن قەتئىينەزەر، ھېچ بولمىغاندا ئۇ ھەقىقەتەن كۈچ سەرپ قىلىپ بىر مەيدان قىزىقارلىق بايلىق ئىزدەش ئويۇنى ئۆتكۈزگەن، بۇ ھەقىقەتەن كىشىنى ھاياجانغا سالىدۇ.
كىنولار
