تېڭشۈن تورى خەۋىرى، نۇر تورى تەرجىمىسى:
كۆپ خىل ئامىللارنىڭ تەسىرىدە يېقىندا خەلقئارادا ئالتۇن باھاسى ئۇدا نەچچە كۈن چۈشتى، يېقىندا جوۋ دافۇ (周大福) زىننەت بۇيۇملىرىنىڭ باھاسى ھەر گىرامى 775 يۈەن بولۇپ، 11-ئاينىڭ 1-كۈنىدىكى 826 يۈەندىن 51 يۈەن تۆۋەنلىگەن، بۇنىڭغا قارىتا، بەزىلەر مۇنداق دېدى: نۇرغۇن ئىستېمالچىلار ئالتۇن باھاسىنىڭ يەنىمۇ تۆۋەنلەپ كېتىشىدىن ئەنسىرەپ، ئەڭ يۇقىرى پايدىغا ئېرىشىش ئۈچۈن قولىدىكى زاپاس ئالتۇننى سېتىش ۋاقتىنى چىڭ تۇتتى. ئالتۇن باھاسىنىڭ تەۋرىنىشىگە قارىتا، بەزى تەھلىلچىلەر مۇنداق دېدى: ئامېرىكا زايومىنىڭ پايدا نىسبىتىنىڭ ئۆسۈشى ۋە ئامېرىكا دوللىرىنىڭ كۈچىيىشى، ئامېرىكا دوللىرى كۆرسەتكۈچىنىڭ تۆت ئايدىن كۆپرەك ۋاقىتتىن بۇيانقى يۇقىرى نۇقتىغا ئۆرلىشى مەبلەغ سالغۇچىلارنىڭ پايدا ئالمايدىغان ئالتۇنغا بولغان قىزىقىشىنى بېسىپ قويدى. ئالتۇن سودا فۇندىدا زور مىقداردا مەبلەغ ئېقىپ كېتىش ئەھۋالى كۆرۈلدى، بۇ مەبلەغ سالغۇچىلارنىڭ خەتىرى بىر قەدەر يۇقىرى بولغان مۈلۈككە يۆتكەلگەنلىكىنى بىلدۈرىدۇ، بۇ ئالتۇن باھاسىغا زور سەلبىي تەسىر كۆرسىتىدۇ.
دۇنيا ئالتۇن جەمئىيىتىنىڭ سانلىق مەلۇماتىغا ئاساسلانغاندا، 11-ئاينىڭ بىرىنچى ھەپتىسى دۇنيا ئالتۇن سودا فۇندىنىڭ 809 مىليون ئامېرىكا دوللىرى ئازىيىشىدىن ئۈمىد بار ئىكەن، بۇنىڭ ئىچىدە كۆپ قىسىم ئېقىپ چىققان مەبلەغ شىمالىي ئامېرىكىدىن كەلگەن. بۇنىڭدىن باشقا COMEXنىڭ ساپ ئورنىمۇ 74 توننا تۆۋەنلەپ، ئالدىنقى ھەپتىدىكىدىن %8 تۆۋەنلىگەن. يۇقىرى دەرىجىلىك مەبلەغ سېلىش ئانالىزچىسى بۇ نۆۋەتلىك ئالتۇن باھاسىنىڭ چۈشۈش سەۋەبى ئۈستىدە توختىلىپ مۇنداق دېدى: ئامېرىكا چوڭ سايلىمىنىڭ ئاخىرلىشىشىغا ئەگىشىپ، نۇرغۇن ئېنىقسىز ئامىللار ۋە جۇغراپىيەلىك توقۇنۇش قاتارلىق تەسىرلەر ئالتۇن باھاسىنىڭ چۈشۈشىنى كەلتۈرۈپ چىقاردى. بۇنىڭدىن باشقا پايدا ئالىدىغان مەبلەغنىڭ يۆتكىلىشىمۇ ئالتۇن باھاسىنىڭ داۋاملىق چۈشۈشىدىكى سەۋەب. بىرىنچىدىن، ئامېرىكا چوڭ سايلىمى ئاخىرلاشقاندىن كېيىن ئامېرىكا دوللىرى داۋاملىق كۈچەيدى، 11-ئاينىڭ 12-كۈنى ئامېرىكا دوللىرى كۆرسەتكۈچى بىر مەھەل 106لىك يۇقىرى نۇقتىنى بۆسۈپ ئۆتتى، ئالتۇننى بېسىمغا ئۇچراتتى. ئىككىنچىدىن 11-ئاينىڭ 12-كۈنى بىت تەڭگىسى تارىختا تۇنجى قېتىم 80 مىڭ ئامېرىكا دوللىرىدىن ئېشىپ كەتتى، بۇ ئالتۇننىڭ جەلپ قىلىش كۈچىنىڭ تۆۋەنلىشىنى كەلتۈرۈپ چىقاردى؛ ئۈچىنچىدىن، ترامپنىڭ سىياسەت تەشەببۇسى كەلگۈسىدە ئاسانلا ئىقتىسادنىڭ ئېشىشىغا تۈرتكە بولىدۇ ھەمدە پۇل پاخاللىقىنى ئۆرلىتىۋېتىدۇ، بازارنىڭ ئۆسۈم نىسبىتىنى تۆۋەنلىتىش مۆلچەرى سەل سوۋۇپ، ئالتۇن باھاسىنىڭ ئازراق تەڭشىلىشىنى كەلتۈرۈپ چىقىرىدۇ. مەبلەغ سېلىش مەسلىھەتچىلىك شىركىتىنىڭ يۇقىرى دەرىجىلىك مەبلەغ سېلىش مەسلىھەتچىسى مۇنداق دەپ قارىدى: ئالتۇن باھاسىنىڭ كەلگۈسى يۈزلىنىشىگە نىسبەتەن، ئوتتۇرا، ئۇزاق مەزگىلدىن قارىغاندا ئەگەر جۇغراپىيەلىك توقۇنۇش پەسەيسە ئالتۇننىڭ خەتەردىن ساقلىنىش ئېھتىياجى تېخىمۇ ئاشىدۇ. ئالتۇننىڭ پۇل مۇئامىلە خۇسۇسىيىتى تۆۋەنلەپ، تاۋار خۇسۇسىيىتى كۈچىيىدۇ.
پەرەز قىلىنىشىچە ئالتۇن باھاسى ئوتتۇرا مەزگىلدە تۆۋەنگە قاراپ ئۆزگىرىدۇ، ئالتۇننىڭ تەقسىملىنىشىنى تەدرىجىي ئازايتىش تەۋسىيە قىلىنىدۇ. كەلگۈسىدە ئالتۇن باھاسى 2400 دوللاردىن چۈشۈپ كېتىشى مۇمكىن. قىسقا مەزگىلدىن قارىغاندا ئالتۇننىڭ ئاساسلىق زىددىيىتى مەبلەغ سالغۇچىلارنىڭ تىرامپ سايلانغاندىن كېيىنكى كۈچلۈك ئامېرىكا دوللىرى مۆلچەرىدە؛ ئۇزاق مەزگىلدىن قارىغاندا، ئامېرىكىنىڭ ئۇزاق مەزگىللىك پۇل پاخاللىقى مەركىزى تېخى كۆرۈنەرلىك تۆۋەنلىمىدى ۋە ئامېرىكا كېڭەيمىچىلىك خاراكتېرىدىكى مالىيە بەلگىلىمىسىنى يولغا قويدى، بۇ ئىككى ئامىلنىڭ ئالتۇن باھاسىغا تىرەك بولۇشىدىن ئۈمىد بار. شۇڭا، ئالتۇننىڭ ئۇزاق مەزگىللىك ئىپادىسى قىسقا مەزگىللىك ئىپادىسىدىن ياخشى بولۇشى مۇمكىن. بەزى ئالتۇن تەھلىلچىلىرى ئالتۇن باھاسىنىڭ قىسقا مۇددەت ئىچىدە زور دەرىجىدە ئۆزگىرىشى مۇمكىنلىكىنى، ئادەتتىكى پۇقرالارنىڭ قىسقا مۇددەتلىك مەبلەغ سېلىشىنى تەۋسىيە قىلمايدىغانلىقىنى ئەسكەرتتى.
ئامېرىكا زاپاس پۇل فۇندى كومىتېتىنىڭ ئۆسۈم قوشۇش دەۋرىگە قەدەم قويغانلىقىنى كۆزدە تۇتقاندا، بۇ ۋاقىتتا ئالتۇن بازىرىنىڭ جەلپ قىلىش كۈچى تېخىمۇ ئاشىدۇ، قىسقا مۇددەتلىك تۈزىتىش ئۆسۈش يۈزلىنىشىنى ئۆزگەرتەلمەيدۇ. يەنىلا ئاقىلانىلىكنى ساقلاش كېرەك، بولۇپمۇ ئادەتتىكى مەبلەغ سالغۇچىلار قارىغۇلارچە ئۆرلەش-چۈشۈشنى قوغلاشماسلىقى كېرەك، مەبلەغ سالغۇچىلار يەنىلا ئۆزىنىڭ خەۋپ-خەتەرگە بەرداشلىق بېرىش ئىقتىدارى ۋە مەبلەغ سېلىش نىشانىغا ئاساسەن مۇۋاپىق تەقسىم قىلىشى كېرەك. 11-ئاينىڭ 14-كۈنى شاڭخەي ئالتۇن بىرژىسى ئۇقتۇرۇش چىقىرىپ، يېقىندا قىممەتلىك مېتاللارنىڭ باھاسى داۋاملىق زور دەرىجىدە داۋالغۇپ تۇردى، ئەزا ئورۇنلارنىڭ خەۋپ-خەتەرگە جىددىي تاقابىل تۇرۇش لايىھەسىنى داۋاملىق ياخشى ئىشلەپ، بازارنىڭ مۇقىم يۈرۈشۈشىنى قوغداپ، مەبلەغ سالغۇچىلارغا خەۋپ-خەتەرنىڭ ئالدىنى ئېلىش خىزمىتىنى ياخشى ئىشلەپ، ئورنىنى مۇۋاپىق كونترول قىلىپ، مۇۋاپىق مەبلەغ سېلىش كېرەك دەپ ئەسكەرتتى.
يەنە بىر خەۋەر:
11-ئاينىڭ 18-كۈنىدىكى ئالتۇن، كۈمۈش باھاسى
نۇر تورى تەرجىمىسى
ھەر گىرام سېرىق ئالتۇن: 598.71 يۈەن
بۈگۈن سائەت نۆلدىن باشلاپ ھازىرغىچە بولغان ئالتۇن باھاسىنىڭ ئەمەلىي ئۆزگىرىش ئەھۋالى
ھەر گىرام ئاق ئالتۇن: 221.55 يۈەن
بۈگۈن سائەت نۆلدىن باشلاپ ھازىرغىچە بولغان ئاق ئالتۇن باھاسىنىڭ ئەمەلىي ئۆزگىرىش ئەھۋالى
ھەر گىرام كۈمۈش: 7.123 يۈەن
بۈگۈن سائەت نۆلدىن باشلاپ ھازىرغىچە بولغان كۈمۈش باھاسىنىڭ ئەمەلىي ئۆزگىرىش ئەھۋالى
ئىزاھات:
1. ئالتۇن، كۈمۈش، ئاق ئالتۇنلارنىڭ باھاسى شۇ خىل مېتالىنىڭ خەلقئارا بازاردىكى باھاسىنى كۆرسىتىدۇ، بانكىلاردا سېتىلىۋاتقان ئەمەلىي ئالتۇننىڭ باھاسى ئادەتتە ساقلاش، توشۇش ھەقلىرى قوشۇلغاندىن كېيىنكى باھاسى بولۇپ، بۇ خەلقئارا ئالتۇن باھاسىدىن 10 يۈەندىن 15 يۈەنگىچە قىممەت بولىدۇ.
2. خەلقئارا بازاردا ئالتۇن باھاسى ھەر ئۇنسىيە / ئامېرىكا دوللىرى بويىچە ھېسابلىنىدۇ، بىر ئۇنسىيە 31.1 گىرامغا تەڭ.
3. پىلاتىنا، يەنە بىر ئاتىلىشى ئاق ئالتۇن، ئادەتتە ئېغىز تىلىمىزدا ئاق ئالتۇن دەپ ئاتالغاچقا، چۈشىنىشلىك بولۇشى ئۈچۈن ئاق ئالتۇن دەپ ئېلىندى.
كىنولار
