سۈرەتلەرنى بېسىپ كىنو كۆرۈشنى باشلىۋېتىڭ
تېڭشۈن تورى خەۋىرى، نۇر تورى تەرجىمىسى:
يېقىندا، خەلقئارا ئالتۇن باھاسىدا كۆرۈنەرلىك ئۆسۈش بولۇپ، نەق مال باھاسى ھەر ئۇنسىيەسى 2700 ئامېرىكا دوللىرىلىق چوڭ ئۆتكەلنى بۆسۈپ ئۆتكەن ھەمدە بازار يېپىلغاندا %1.74 ئۆسۈپ، ئەڭ ئاخىرىدا ھەر ئۇنسىيەسى 2715.805 ئامېرىكا دوللىرىلىق چوڭ ئۆتكەلدىن ئۆتۈپ كەتكەن. خەلقئارا ئالتۇن باھاسى ئۇدا بەش كۈن ئۆسۈپ، جەمئىي ئۆسۈش نىسبىتى %6كە يېقىنلاشقان، بۇ بۇلتۇر 10-ئايدىن بۇيانقى ئەڭ چوڭ بىر ھەپتىلىك ئۆسۈش ھېسابلىنىدىكەن.
خەلقئارا ئالتۇن باھاسىنىڭ ئۆرلىشىنىڭ بىۋاسىتە تەسىرىدە، دۆلەت ئىچىدىكى ئالتۇن ئىستېمال بازىرىنىڭ ئىنكاسى تېز بولدى. 6-ئاينىڭ 22-كۈنى جوۋ دافۇ (周大福) ئۈنچە-مەرۋايىتى قاتارلىق داڭلىق ئالتۇن ماركىلىرىنىڭ ئالتۇن باھاسى ئومۇميۈزلۈك 800 يۈەندىن ئېشىپ كەتتى، بۇنىڭ ئىچىدە لاۋ فېڭشياڭ (老凤祥)نىڭ ئالتۇن باھاسى ھەر گىرامى 802 يۈەنلىك يۇقىرى نۇقتىغا چىقتى. 23-چېسلاغىچە جوۋ دافۇنىڭ ئالتۇن باھاسى ھەر گىرامى 801 يۈەن، پىلاتىنا (铂金) باھاسىنىڭ ھەر گىرامى 359 يۈەن، زىخچە ئالتۇننىڭ باھاسىمۇ 801 يۈەندە ساقلاپ قېلىنغان. شۇ كۈنى شاڭخەي ئالتۇن بىرژىسىدا نەق ئالتۇننىڭ ئەڭ يېڭى باھاسىمۇ ھەر گىرامى 627 يۈەنگە ئۆرلىگەن.
بازار كۆزەتكۈچىلىرىنىڭ بىلدۈرىشىچە، گەرچە ئامېرىكا دوللىرىنىڭ كۈچىيىشى ۋە ئامېرىكىنىڭ جىددىي ۋەزىيەت مۆلچەرىنى تۆۋەنلىتىشى ئالتۇنغا بەلگىلىك بېسىم پەيدا قىلغان بولسىمۇ، لېكىن جۇغراپىيەلىك ئامىلنىڭ تۆۋەنلىشى يەنە بىر قېتىم ئالتۇن باھاسىنىڭ ئۆرلىشىنى ئىلگىرى سۈرىدىغان مۇھىم ئامىل بولۇپ قالغان، دۇنيانىڭ خەۋپتىن ساقلىنىش مۈلۈك ئېھتىياجىنى قوزغىدى. مۆلچەرلىنىشىچە قىسقا مۇددەت ئىچىدە ئالتۇن باھاسى داۋاملىق كۈچلۈك ھالەتنى ساقلايدىكەن.
كەسىپ ئەھلىلىرى ئالتۇن باھاسىنىڭ كەلگۈسى يۈزلىنىشىگە قارىتا مۇنۇلارنى بىلدۈردى: ھازىرقى ئەھۋالدىن قارىغاندا، ئالتۇن باھاسىنىڭ ئالدىنقى مەزگىلدىكى يېڭى يۇقىرى نۇقتىغا چىقىشىدىن ئۈمىد بار. لېكىن ئالتۇن باھاسىنىڭ يۈزلىنىشى يەنىلا ئامېرىكا دوللىرى كۆرسەتكۈچى، ئامېرىكا زايومىنىڭ پايدا نىسبىتى قاتارلىقلارنى ئۆز ئىچىگە ئالغان كۆپ خىل ئامىللارنىڭ تەسىرىگە ئۇچرايدۇ، شۇڭا مۇئەييەن ئېنىقسىزلىق مەۋجۇت. شۇنىڭ بىلەن بىر ۋاقىتتا مۇتەخەسىسىلەر ئالتۇن باھاسىدىكى داۋالغۇش ئالدىدا ئادەتتىكى شەھەر ئاھالىلىرىنىڭ مەبلەغ سېلىش پوزىتسىيەسىنى مۇۋاپىق ساقلاپ، قارىغۇلارچە ئەگىشىشتىن ساقلىنىشنى تەۋسىيە قىلدى.
مۇتەخەسىسىلەر مەبلەغ سالغۇچىلارنىڭ كۆپ مەنبەلىك مەبلەغ سېلىش بىرلەشمىسى قۇرۇپ، ئالتۇننى بۇنىڭ بىر قىسمى قىلىش، شۇنىڭ بىلەن بىر ۋاقىتتا پاي چېكى، زايوم قاتارلىق باشقا مۈلۈكلەرگە مەبلەغ سېلىپ، خەۋپ-خەتەرنى تارقاقلاشتۇرۇش تەكلىپىنى بەرگەن. ئالتۇنغا مەبلەغ سېلىشقا قىزىقىدىغان شەھەر ئاھالىلىرىغا ئۆزىنىڭ خەۋپ-خەتەرگە بەرداشلىق بېرىش ئىقتىدارىغا ئاساسەن مۇۋاپىق مەبلەغ سېلىش ئۇسۇللىرىنى تاللاش تەكلىپىنى بەردى.
بۇنىڭدىن باشقا، شىۋېتسارىيە بانكىسى گۇرۇھىمۇ ئالتۇن باھاسىنىڭ كەلگۈسى يۈزلىنىشىگە ئۈمىدۋارلىق بىلەن قارايدىغانلىقىنى بىلدۈردى. شىۋېتسارىيە بانكىسى 2026-يىلىنىڭ ئاخىرىغىچە، ئالتۇن باھاسىنىڭ ھەر ئۇنسىيەسى يەنىمۇ ئۆرلەپ 2950 دوللارغا يېتىدىغانلىقىنى مۆلچەرلىگەن. گولدمان ساچېس (高盛) بولسا كېلەر يىلىنىڭ ئاخىرىدا ئالتۇن باھاسىنىڭ ھەر ئۇنسىيەسى 3000 ئامېرىكا دوللىرىغا يېتىدىغانلىقىنى پەرەز قىلدى، بۇ قاراش ئاساسلىقى مەركىزىي بانكىنىڭ ئېھتىياجىنىڭ ئېشىشىدىن بولغان.
يەنە بىر خەۋەر:
11-ئاينىڭ 23-كۈنىدىكى ئالتۇن، كۈمۈش باھاسى، ئۆستى!
نۇر تورى تەرجىمىسى
ھەر گىرام سېرىق ئالتۇن: 627.10 يۈەن
بۈگۈن سائەت نۆلدىن باشلاپ ھازىرغىچە بولغان ئالتۇن باھاسىنىڭ ئەمەلىي ئۆزگىرىش ئەھۋالى
ھەر گىرام ئاق ئالتۇن: 225.09 يۈەن
بۈگۈن سائەت نۆلدىن باشلاپ ھازىرغىچە بولغان ئاق ئالتۇن باھاسىنىڭ ئەمەلىي ئۆزگىرىش ئەھۋالى
ھەر گىرام كۈمۈش: 7.286 يۈەن
بۈگۈن سائەت نۆلدىن باشلاپ ھازىرغىچە بولغان كۈمۈش باھاسىنىڭ ئەمەلىي ئۆزگىرىش ئەھۋالى
ئىزاھات:
1. ئالتۇن، كۈمۈش، ئاق ئالتۇنلارنىڭ باھاسى شۇ خىل مېتالىنىڭ خەلقئارا بازاردىكى باھاسىنى كۆرسىتىدۇ، بانكىلاردا سېتىلىۋاتقان ئەمەلىي ئالتۇننىڭ باھاسى ئادەتتە ساقلاش، توشۇش ھەقلىرى قوشۇلغاندىن كېيىنكى باھاسى بولۇپ، بۇ خەلقئارا ئالتۇن باھاسىدىن 10 يۈەندىن 15 يۈەنگىچە قىممەت بولىدۇ.
2. خەلقئارا بازاردا ئالتۇن باھاسى ھەر ئۇنسىيە / ئامېرىكا دوللىرى بويىچە ھېسابلىنىدۇ، بىر ئۇنسىيە 31.1 گىرامغا تەڭ.
3. پىلاتىنا، يەنە بىر ئاتىلىشى ئاق ئالتۇن، ئادەتتە ئېغىز تىلىمىزدا ئاق ئالتۇن دەپ ئاتالغاچقا، چۈشىنىشلىك بولۇشى ئۈچۈن ئاق ئالتۇن دەپ ئېلىندى.
