سۈرەتنى بېسىپ كىنو كۆرۈشنى باشلىۋېتىڭ
9-قىسىم يېڭىلاندى
ئۈندىدار سالونى خەۋىرى، نۇر تورى تەرجىمىسى
ئالدىنقى شەنبە كۈنى، 73-نۆۋەتلىك يەر شارى خانقىزى ھەل قىلغۇچ مۇسابىقىسى ئاخىرلاشقان، يېڭى نۆۋەتلىك يەر شارى خانقىزى چېمپىيونى مەيدانغا كەلگەن!
21 ياشلىق دانىيەلىك ماھىر ۋىكتورىيە كىيار چايلۋىگ باشقا 120 ماھىرنى يېڭىپ چېمپىيون بولغان.
ۋىكتورىيە گۈزەل ۋە تەنناز بولۇپلا قالماي، يەنە سودا ئېڭىمۇ بار، 21 يېشىدىلا سودا ۋە ماركېتىڭ پەنلىرى بويىچە باكلاۋۇرلۇق ئۇنۋانىغا ئېرىشكەن، ھازىر ئالماس ساتىدىغان ئۈنچە-مەرۋايىت سودىگىرى. ئېيتىشلارغا قارىغاندا، ئۇ 16 يېشىدا ئىگىلىك تىكلەپ، بىر شىركەت ئاچقان بولۇپ، ئاساسلىق كەسپى كىرپىك ئۇلاش ئىكەن.
ئۇنىڭدىن باشقا، ۋىكتورىيە يەنە بىر كەسپىي ئۇسسۇلچى ۋە ئۇسسۇل ئوقۇتقۇچىسى.
(ۋىكتورىيە)
مۇسابىقە ئاخىرلاشقاندىن كېيىن، تاراتقۇلار ۋىكتورىيەنىڭ يېقىنقى 20 يىلدىن بۇيان تۇنجى قېتىم بۇ مۇسابىقىدە چېمپىيون بولغان سېرىق چاچلىق گۈزەل ئىكەنلىكىنى، ئالدىنقى قېتىم چېمپىيون بولغان سېرىق چاچلىق گۈزەلنىڭ ئاۋسترالىيەلىك جېننىفېر خاۋكىنس ئىكەنلىكىنى خەۋەر قىلغان.
(جېننىفېر خاۋكىنس)
بۇ مۇسابىقىنىڭ نەتىجىسىنى كۆرگەن تورداشلار ئۆزىنى تۇتۇۋالالماي: «دۇنيانىڭ گۈزەللىك قارىشى ئاخىرى قايتىپ كەلدى» دېيىشكەن.
(ۋىكتورىيە)
2012-يىلىدىن باشلاپ، يەر شارى خانقىزى مۇسابىقىسىنى تەشكىللىگۈچىلەر تۇنجى قېتىم جىنس ھالقىغان ئاياللارنىڭ مۇسابىقىگە قاتنىشىشىغا يول قويغاندىن باشلاپ، تالاش-تارتىش ئۈزۈلمىگەن.
2018-يىلى ئانجېلا پونس (Angela Ponce) ئىسپانىيە خانقىزى شەرىپىگە ئېرىشىپ، بۇ نۆۋەتلىك گۈزەللەرنى تاللاش مۇسابىقىسىدىكى تۇنجى ئاشكارا جىنس ئۆزگەرتكەن ماھىر بولغاندىن باشلاپ، مۇسابىقە خاراكتېرى رەسمىي ھالدا ئېغىشقا باشلىغان.
(ئانجېلا پونس)
2021-يىلى كاتالۇنا ئېنرىكۇيس نېۋادا خانقىزى شەرىپىگە ئېرىشىپ، ئامېرىكا خانقىزىنى تاللاش مۇسابىقىسىگە قاتناشقان تۇنجى جىنس ھالقىغان ئايال بولۇپ قالغان.
(كاتالۇنا ئېنرىكۇيس)
2022-يىلى بۇ قېتىمقى گۈزەللەرنى تاللاش مۇسابىقىسى ۋە يەر شارى خانقىزى گۇرۇھىنى تايلاند ئاخبارات ماگناتى جاكاپوڭ جاكراجۇتاتىپ 20 مىليون ئامېرىكا دوللىرى بىلەن تىرامپنىڭ قولىدىن سېتىۋالغان. جاكاپوڭ جاكراجۇتاتىپ ئۆزى جىنس ئۆزگەرتكەن ئايال، شۇنىڭ بىلەن بىر ۋاقىتتا يەنە جىنس ئۆزگەرتكۈچىلەرنىڭ ھوقۇقىنى تەشەببۇس قىلغۇچى.
ئۇنىڭ نۇرغۇن مەستانىلىرىمۇ ئۇنىڭ ھوقۇق تۇتقاندىن كېيىن يەنە بىر قېتىم قائىدىنى بۇزۇپ تاشلىشىنى ئۈمىد قىلغان.
(سولدىن ئۈچىنچى جاكاپوڭ جاكراجۇتاتىپ)
بۇلتۇر پورتۇگالىيەلىك جىنس ئۆزگەرتكەن ئايال مارىنا ماچېتې پورتۇگالىيە يەر شارى خانقىزى تاجىنى ئېلىپ، 20 كۈچلۈك قاتارىغا كىرگەن.
(مارىنا ماچېتې)
19 ياشلىق جىنس ئۆزگەرتكەن قىز بىرايىن گۈزەللەر ئارىسىدىن ئۈزۈپ چىقىپ، «2023-يىللىق دېھلى خانقىزى» دېگەن نامغا ئېرىشكەن.
(بىرايىن)
22 ياشلىق رىككى ۋالېرىي كوللې تۇنجى جىنس ئۆزگەرتكەن گوللاندىيە خانقىزى بولۇپ قالغان.
(رىككى ۋالېرىي كوللې)
گۈزەللەرنى تاللاش مۇسابىقىسى 2024-يىلىدىن باشلاپ قائىدىگە تۈزىتىش كىرگۈزۈپ، تېخىمۇ كۆپ ئىجتىمائىي سىغدۇرۇشچانلىقنى نامايان قىلىدىغانلىقىنى، ياش چەكلىمىسىنى ئەمەلدىن قالدۇرۇپ، غەيرىي ئەنئەنىۋى ئارقا كۆرۈنۈشتىكى ئاياللارنىڭ قاتنىشىشىغا قولايلىق يارىتىپ بېرىدىغانلىقىنى. جىنس ھالقىغان ئايال، ئاجراشقان ئايال، توي قىلغان ئايال قاتارلىقلارنىڭ قاتناشسا بولىدىغانلىقىنى جاكارلىغان.
شۇڭا بۇ يىلقى ماھىرلار ئىچىدە مالتا يەرشارى خانقىزى بېئاترىس جويا، 39 ياش، ئۈچ بالىنىڭ ئانىسى.
(بېئاترىس جويا)
لوگىنا بولسا 34 ياشلىق بويتاق ئانا، ئاق كېسەل بىمارى.
(لوگىنا)
4-ئايدا ئارگېنتىنانىڭ پايتەختى بۇئېنۇس ئايرېستا ئۆتكۈزۈلگەن رايون مۇسابىقىسىدە، ئارگېنتىنالىق 60 ياشلىق ئادۋوكات ئالېجاندرا مارىسا رودرىگۇز چېمپىيون بولغان.
سىنگاپورنىڭ جىنس ھالقىغان ماھىرى قاترىشا سىنگاپورنىڭ يەرلىك ھەل قىلغۇچ مۇسابىقىسىدە ئالدىنقى 15نىڭ ئىچىگە كىرگەن، بۇلتۇر ئۇ يەنە تايلاندتا ئۆتكۈزۈلگەن خەلقئارا خانىش خانقىزىغا قاتنىشىپ، ئىككىنچى بولغان.
(قاترىشا)
ئەمەلىيەتتە، ئەسلىدە دانىيە تاللىغان دانىيە خانقىزى ئېمما ھېست ئىدى، لېكىن يېقىنقى يىللاردىن بۇيانقى ساھىبجامال تاللاش مۇسابىقىسىنىڭ قالايمىقان بولۇشى سەۋەبىدىن، ئۇ بۇ قېتىمقى مۇسابىقىگە قاتنىشىشنى رەت قىلغان، ئورگان تەرەپ ئاندىن ۋىكتورىيەنى ئۇنىڭ ئورنىغا تەكلىپ قىلغان.
(ئېمما ھېست)
ۋىكتورىيە چىمپىيونلۇقنى قولغا كەلتۈرگەندىن كېيىن يەر شارى خانقىزىنىڭ پۈتۈن كۈنلۈك خىزمىتىنى قىلىدۇ، يىللىق مائاشى 250 مىڭ ئامېرىكا دوللىرىغا يېتىدۇ، نيۇيورك شەھىرىدىكى بىر ھەشەمەتلىك تۇرالغۇدا تۇرىدۇ، يەنە بىر يۈرۈش چاچ ياساش، ھۆسن گۈزەللەشتۈرۈش مەھسۇلاتلىرىنى ئىشلىتىش پۇرسىتى بار، يەنە مودا كىيىم-كېچەك ۋە ئۇسلۇب ئۇستىسى، سۈرەتكە تارتىش ۋە مودېل پائالىيىتىگە قاتنىشىش قاتارلىقلارنى قىلىدۇ.
مائاشى يۇقىرى بولۇپلا قالماي، يەنە بايلىق ۋە پاراۋانلىقمۇ كۆپ، كېيىن ھەر قايسى چوڭ پائالىيەت مەيدانلىرىدا ۋىكتورىيەنى دائىم كۆرگىلى بولىدۇ.
ئۇنداقتا، بۇ يىلقى باھالاش نەتىجىسىگە قايىل بولدىڭىزمۇ؟
كىنولار
