توۋتياۋ تورى خەۋىرى، نۇر تورى تەرجىمىسى
ھوللىۋودنىڭ كىلاسسىك فىلىمى «كاسابلانكا» (卡萨布兰卡) تىلغا ئېلىنسا، فىلىمگە سىڭدۈرۈلگەن مېلودىيە «As Time Goes By» ۋە ئالدىنقى ئەسىرنىڭ 70-يىللىرىدىكى داڭلىق مۇزىكانتلاردىن باشقا بېتتې خىگگىنس بۇ فىلىمنى كۆرۈپ تەسىرلەنگەن ھالدا يازغان «كاسابلانكا» (بۇ ناخشا تېخىمۇ كەڭ تارقالغان)دىن باشقا، كىنو مەستانىلىرى چوقۇم ئەر باش پېرسوناژنىڭ رولىنى ئالغۇچى خۇمفرېي بوگارد (Humphrey Bogart)قا بولغان تەسىرىمۇ چوڭقۇر بولۇشى مۇمكىن. «قەيسەر يىگىت» ئوبرازى بىلەن تونۇلغان بۇ رىۋايەتلىك كىنو چولپىنى، ئامېرىكا كىنو ئىلمىي جەمئىيىتىنىڭ «يۈز يىلدىن بۇيانقى ئەڭ ئۇلۇغ ئەر ئارتىس» تىزىملىكىدە بىرىنچى ئورۇندا تۇرغان، ئۇ ھوللىۋودنىڭ ئالتۇن دەۋرىدىكى بەلگە خاراكتېرلىك ئارتىسلارنىڭ بىرى، ئۇ ئۆزىگە خاس قەيسەر يىگىت ئوبرازى ۋە چوڭقۇر رول ئېلىش ماھارىتى بىلەن دۇنياغا داڭلىق. بوگاردنىڭ ئارتىسلىق ھاياتى ئاۋازسىز كىنودىن ئاۋازلىق كىنوغىچە بولغان ئۆتكۈنچى دەۋرنى بېسىپ ئۆتۈپ، 20-ئەسىرنىڭ 40-، 50-يىللىرىدا كەسپىنىڭ يۇقىرى پەللىسىگە چىققان.
خۇمفرېي بوگارد 1899-يىلى 12-ئاينىڭ 25-كۈنى ئامېرىكىدىكى بىر باي ئائىلىدە تۇغۇلغان، دادىسى ئۇ مانخاتتوندىكى داڭلىق تاشقى كېسەللىكلەر دوختۇرى ۋە كىتاب كىرىشتۈرگۈچى، ئانىسى يازغۇچى. گەرچە ئائىلە شارائىتى ئەۋزەل بولسىمۇ، بوگاردنىڭ بالىلىق چاغلىرى پۈتۈنلەي خۇشال ئۆتمىگەن. ئۇنىڭ ئوبرازچى دادىسى دائىم ئوغلىنىڭ باش سۈرىتىنى ھەر خىل بوۋاقلار يېمەكلىكلىرىنىڭ ئورالمىسىغا ۋە تەشۋىقات ئېلانىغا سىزىپ، نيۇيورك، ھەتتا ئامېرىكىنىڭ چوڭ-كىچىك كوچىلىرىغا چاپلاپ قويغان.
بوگارد ئىلگىرى ياتاقلىق مەكتەپتە ئوقۇغان، ئاڭلاشلارغا قارىغاندا ئۇ ئۇ يەرگە كۆنەلمىگەن، دائىم ساۋاقداشلىرى بىلەن زىددىيەتلىشىپ قالغان. ياش ۋاقتىدىكى بوگارد ئۆز بېشىمچىلىق قىلىپ ئاسىيلىق قىلغان، 1918-يىلى مىجەزى ئىتتىك بولۇپ، مەكتەپ قائىدىسىگە خىلاپلىق قىلغانلىقى ئۈچۈن ئوقۇۋاتقان فىلىپ شۆيۈەنىدىن قوغلانغان. شۇنىڭدىن كېيىن ئۇ ئامېرىكا دېڭىز ئارمىيەسىگە كىرىپ، 1-دۇنيا ئۇرۇشىغا قاتناشقان، بۇ كەچۈرمىش ئۇنىڭ شەخسىي ئۆسۈپ يېتىلىشى ۋە كېيىنكى ئارتىسلىق ھاياتىغا تەسىر كۆرسەتكەن. ئۇنىڭ دېڭىز ئارمىيەسىدىكى كەچۈرمىشى ئۇنى تېخىمۇ مۇستەقىل ۋە كۈچلۈك قىلغان، بۇ ئالاھىدىلىكلەر كېيىنكى كىنو روللىرىدا نامايان بولغان. بوگاردنىڭ ئەقىل بۆلۈنمىسى ناھايىتى يۇقىرى بولۇپ، كېيىن يەنە خەلقئارالىق شاھمات ماھىرى بولغان.
بوگارد ھەربىي سەپتىن قايتقاندىن كېيىن، تىياتىرخانىغا بېرىپ قارا خىزمەتچى بولۇپ ئىشلىگەن، ئۇ يەردە ئۇ بىر قىسىم ئويۇن قويۇش بىلىملىرىنى ئۆگەنگەن. بوگارد ياش ۋاقتىدا تىياتىرغا كۈچلۈك ئىشتىياق باغلىغان، بۇ ئىش ئاخىرى ئۇنى ئارتىسلىق يولىغا باشلىغان. بوگاردنىڭ ئارتىسلىق ھاياتى سەھنە تىياتىرىدىن باشلانغان، لېكىن ناھايىتى تېزلا كىنو ساھەسىگە يۈزلەنگەن. 1920-يىلى بوگارد سەھنىدە ئويۇن قويۇشقا باشلىغان، 1922-يىلى تۇنجى قېتىم برودۋېيدا ئويۇن قويغان، 30-يىللاردا ئۇ ئاساسلىقى ياش-ئۆسمۈرلەرنىڭ رولىنى ئالغان، دەسلەپكى كىنو ھاياتىدا ئۇ ئاساسلىقى قوشۇمچە رول ئېلىپ، 30-يىللارنىڭ ئاخىرىغا كەلگەندىلا ئاندىن مۇھىم روللارنى ئېلىشقا باشلىغان. گەرچە بوگاردنىڭ دەسلەپكى مەزگىلدىكى سەھنىدىكى ئىپادىسى ئېتىراپ قىلىشقا ئېرىشكەن بولسىمۇ، لېكىن ئاۋازسىز كىنو دەۋرىدە ئانچە كۆپ دىققەتكە ئېرىشەلمىگەن. 1930-يىلىغا كەلگەندىلا، ئۇ ئاۋازلىق كىنو «قارا زىنداندىكى جان»دا بىر سەلبىي پېرسوناژنىڭ رولىنى ئېلىپ، كىشىلەرنى جەلپ قىلىشقا باشلىغان. 1930-يىلى خۇمفرېي بوگارد ھوللېۋۇد ئۈچۈن ئۆزىنىڭ تۇنجى ھېكايە فىلىمى «ئالۋاستى بىلەن ئايال»نى ئىشلىگەن، كېيىن يەنە فوكس، يەر شارى، كولومبىيە قاتارلىق كىنو شىركەتلىرى ئۈچۈن بىرقانچە فىلىم ئىشلىگەن.
1943-يىلى، بوگارد «تەكلىپكە بىنائەن ئادەم» دراممىسىدا رول ئالغان، ئۇنىڭ دراممىدىكى سەلبىي پېرسوناژنىڭ رولىنى ئېلىشى برودۋېي تىياتىرى ئىشلىگۈچى ئارتۇر خوپكىنسنىڭ دىققىتىنى قوزغىغان، بۇمۇ ئۇنىڭ باش رول ئېلىشىغا تۈرتكە بولغان ھەمدە كېيىن «تاشقاتما ئورمان» فىلىمىدە رول ئېلىش پۇرسىتىگە ئېرىشكەن، شۇ يىلى ئۇ مۇھەببەت فىلىمى «يېرىم كېچە»دە رول ئالغان. 1936-يىلىدىن 1940-يىلىغىچە، ئۇ يەنە 28 فىلىمدە رول ئالغان، لېكىن ئۇ كۆپىنچە قاراقچى، لۈكچەكنىڭ رولىنى ئالغان. شۇنداقلا روبىنسوندىن كېيىنكى ئۈچىنچى مۇنەۋۋەر ئېكران قاراقچىسى دەپ ئاتالغان، ئۇ سۈرەتكە ئالغان بۇ فىلىملەر ئاساسلىقى ۋارنېر ئۈچۈن ئىشلەنگەن، قېرىنداش فىلىم شىركىتى سۈرەتكە ئالغان.
1936-يىلى، ۋارنېر ئاكا-ئۇكىلار شىركىتى برودۋېي كىلاسسىك تىياتىرى «تاشقاتما ئورمان»نى سۈرەتكە ئالغان، ئەسلىدە سەھنىدىكى كونا ھەمراھى لېسلېي خوۋارد ۋە بوگارد ئىدى، لېكىن ۋارنېر ئاكا-ئۇكىلار بوگاردنى ئالماشتۇرماقچى بولغان، سەۋەبى «گېپى ئېنىق ئەمەس» دېگەننى باھانە قىلغان.
ھالقىلىق پەيتتە، فىلىمنىڭ ئەر باش رولچىسى لېسلېي خوۋارد ئوتتۇرىغا چىقىپ، ۋارنېر بىلەن كەسكىن تىركەشكەن! لېسلېي ۋارنېرغا تەھدىت سېلىپ، ئەگەر بوگارددىن ۋاز كەچسە، ئۇنداقتا ئۇمۇ فىلىمدە رول ئېلىشتىن ۋاز كېچىدىغانلىقىنى بىلدۈرگەن! ۋارنېر ئامالسىزلىقتىن يول قويۇشقا مەجبۇر بولغان. بوگارد ئوڭۇشلۇق ھالدا ئۈچ ھەپتىلىك توختامغا ئېرىشكەن، ھەپتىلىك ئىش ھەققى 750 ئامېرىكا دوللىرى بولۇپ، بۈگۈنكى 16 مىڭ 918 ئامېرىكا دوللىرىغا، يەنى 122 مىڭ 841 يۈەن خەلق پۇلىغا باراۋەر! ئەگەر فىلىم مۇۋەپپەقىيەتلىك بولسا، بوگارد 23 ھەپتىلىك ئىش ھەققى قوشۇپ بېرىلىدۇ.
بوگارد «تاشقاتما ئورمان»دا قاراقچى دۇكنىڭ رولىنى ئالغان بولۇپ، ئۇنىڭ ئەسلى تىپى بار، ئۇ دەل ئامېرىكىنىڭ شۇ چاغدىكى دېڭىز قاراقچىسى جون دىلىنگېر. بوگارد جون دىلىنگېرنىڭ ماتېرىيالىنى ئىنچىكىلىك بىلەن تەتقىق قىلىپ، ئۆزىنىڭ ئورۇنداش ماھارىتىنى مۇكەممەللەشتۈرگەن، نەتىجىدە كىنو قويۇلغاندىن كېيىن غايەت زور مۇۋەپپەقىيەتكە ئېرىشكەن، بوگاردمۇ بىراقلا نام چىقارغان! شۇنداق دېيىشكە بولىدۇكى، «تاشقاتما ئورمان» بوگاردنىڭ كېيىنكى ئۆمرىدىكى بارلىق شان-شەرەپ ۋە بايلىقنىڭ ئۇل تېشىغا ئايلانغان، لېسلېي خوۋارد بولسا ئۇنىڭ شەپقەتچىسىگە ئايلانغان!
20-ئەسىرنىڭ 40-يىللىرىدا بوگاردنىڭ ئارتىسلىق ھاياتىدا بۇرۇلۇش بولغان، 1941-يىلى بوگارد «مالتا بۈركۈتى» ناملىق كىنودا رول ئالغان، بۇ كىنو ئۇنىڭ كەسپىي ھاياتىدىكى بۇرۇلۇش نۇقتىلىرىنىڭ بىرى بولۇپ قالغان. بۇ كىنودا ئۇ رولىنى ئالغان خۇسۇسىي رازۋېدچىك سام سپادې (Sam Spade) سوغۇق، زېرەك بولۇپ، جەزبىدارلىققا تولغان. بۇ رول ئۇنىڭ قەيسەر يىگىت ئوبرازىنى تىكلىشىگە ياردەم بەرگەن ھەمدە ئۇنى كەڭ كۆلەمدە ئېتىراپ قىلىش ۋە ماختاشقا ئېرىشتۈرگەن، بۇ فىلىممۇ ئوبزورچىلار تەرىپىدىن بوگارد ئاچقان قارا فىلىمنىڭ ۋەكىللىك ئەسىرى دەپ قارالغان.
1942-يىلى، بوگارد بىلەن ئىنگرىد بېرگمان كىلاسسىك مۇھەببەت فىلىمى «كاسابلانكا»دا باش رول ئالغان، ئۇ فىلىمدە كىنايىلىك، بىپەرۋا قاۋاقخانا خوجايىنى رىك برايىننىڭ رولىنى ئالغانلىقى ئۈچۈن مۇكاپاتلانغان ۋە تېخىمۇ زور ئالقىشقا ئېرىشكەن؛ بۇ فىلىم 16-نۆۋەتلىك ئوسكار مۇكاپاتىنىڭ ئەڭ ياخشى فىلىم مۇكاپاتىغا ئېرىشىپلا قالماي، يەنە ئامېرىكا كىنو ئىلمىي جەمئىيىتى باھالاپ چىققان «يۈز يىللىق ئەڭ ياخشى 100 فىلىم» قاتارىغا كىرگۈزۈلگەن؛ ئەنگلىيە «تايمىس گېزىتى» باھالاپ چىققان «كىنو تارىخىدىكى ئەڭ ئۇلۇغ 100 كىنو» تىزىملىكىدە، بۇ كىنو بىرىنچى ئورۇندا تۇرغان. بۇ كىنو ھوللىۋودنىڭ ئالتۇن دەۋرىدىكى ۋەكىللىك ئەسەرگە ئايلىنىپلا قالماي، يەنە بوگاردنى دۇنياۋى گىگانت چولپانغا ئايلاندۇرغان. رىكتىن ئىبارەت بۇ رولدىكى مۇرەككەپ ھېسسىيات ۋە ئەخلاقىي تاللاش بوگاردنىڭ چوڭقۇر رول ئېلىش ماھارىتىنى نامايان قىلىپ، ئۇنى ھوللىۋودتىكى ئەڭ يارقىن چولپانلارنىڭ بىرىگە ئايلاندۇرغان.
2-دۇنيا ئۇرۇشىدىن كېيىن، بوگاردنىڭ ئەڭ مۇۋەپپەقىيەت قازانغان فىلىملىرى «گۆھەر تاغ» (1948-يىلى)، «ئافرىقا ئايال پادىشاھى» (1951-يىلى)، «ئاسىي كەيىن» (1954-يىلى) قاتارلىق فىلىملەر بولغان. «ئافرىقا ئايال پادىشاھى» ناملىق فىلىم ئۇنى 1951-يىلى 24-نۆۋەتلىك ئوسكار ئەڭ ياخشى ئەر باش رولچى ئالتۇن ھەيكەل مۇكاپاتىغا ئېرىشتۈرگەن ھەمدە «ئاسىي كېين» ناملىق فىلىم بىلەن 1954-يىلى ئوسكار ئەڭ ياخشى ئەر باش رولچى مۇكاپاتىغا ئېرىشتۈرگەن. بوگارد رول ئالغان تەنھا، چۈشكۈن، ئۆزىگە ئىشىنىدىغان، جاھاننىڭ رەپتارىغا كىرىۋالىدىغان ئېكران ئوبرازى 1-دۇنيا ئۇرۇشىدىن كېيىنكى ئامېرىكىنىڭ گاڭگىراپ قالغان بىر ئەۋلادلىرىغا ۋەكىللىك قىلغان. لېكىن، ئۇ ۋاپات بولغاندىن كېيىن، ئۇنىڭ ئېكراندىكى ئوبرازى 60-يىللاردىكى ياشلار تەرىپىدىن چولپان دەپ قارىلىپ، كىنو ئەسلىمىسى قاتارلىق شەكىللەر ئارقىلىق زور دەرىجىدە چوقۇنۇپ، بىر مەھەل «بوگارد قىزغىنلىقى»نى شەكىللەندۈرگەن. ئامېرىكا كىنو تەنقىدچىلىرى ئۇنى قايىل قىلىش كۈچىگە ئىگە قەھرىمان ئوبرازى بىلەن كىنو تارىخىغا يازغان دەپ قارىغان. بوگارد ئۆمرىدە 80 دىن ئارتۇق كىنودا رول ئالغان، 1943-يىلى «كاسابلانكا»دا رول ئالغاندىن بۇيان، ئۇ كۆپ يىللاردىن بۇيان ھوللىۋودتىكى ئون چوڭ بېلەت كىرىمى چولپىنىنىڭ بىرى بولۇپ كەلگەن.
بوگاردنىڭ ئەڭ داڭلىق رول ئېلىش ئۇسلۇبىنىڭ بىرى ئۇ ياراتقان «قەيسەر يىگىت» ئوبرازى. ئۇ ئادەتتە كۈچلۈك، مۇستەقىل، بەزىدە سەل ئۈمىدسىز ئەرلەرنىڭ رولىنى ئالغان، قىيىنچىلىق ۋە خىرىسقا دۇچ كەلگەندە قەتئىي تەۋرەنمەس روھىنى نامايان قىلغان. بۇ خىل ئوبراز ئۇنىڭ ئۆزگىچە مىجەزى ۋە چوڭقۇر رول ئېلىش ماھارىتى بىلەن مۇكەممەل بىرىكىپ، ئۇنى ھوللىۋودتىكى قەيسەر يىگىتنىڭ رولىغا ۋەكىل قىلغان. بوگارد رول ئېلىش ماھارىتىنىڭ چوڭقۇرلىقى ۋە ئىچ مىجەزلىكى بىلەن داڭلىق. ئۇ نازۇك چىراي ئىپادىسى ۋە ئىخچام دىئالوگلار ئارقىلىق پېرسوناژنىڭ ئىچكى دۇنياسىنى يەتكۈزۈشكە ماھىر. ئۇ مۇبالىغە قىلىنغان بەدەن ھەرىكىتى ياكى زىيادە ھېسسىياتلىق ئىپادىلەشنى ناھايىتى ئاز ئىشلەتكەن، بەلكى كۆز ۋە ئىنچىكە ئاھاڭ ئۆزگىرىشى ئارقىلىق پېرسوناژنىڭ ھېسسىيات چوڭقۇرلۇقىنى نامايان قىلغان. بوگاردنىڭ ئاۋازى تۆۋەن ھەم ماگنىتلىق بولۇپ، ئۇنىڭ ئىنتوناتسىيىسىدە دائىم بىر خىل ئۆزگىچە بوغۇق تۇيغۇ بار ئىدى، بەزىلەر ئۇنىڭ گەپ-سۆزلىرىنىڭ ئېنىق ئەمەسلىكىدىن گۇمانلانغان، ئېيتىشلارغا قارىغاندا، بۇ ئۇنىڭ جەمەتىدىن ئىرسىيەت قالغان ئىكەن. بۇ خىل ئاۋاز ئالاھىدىلىكى ئۇنىڭ قەيسەر يىگىت ئوبرازى بىلەن بىر-بىرىنى تولۇقلاپ، ئۇنىڭ رولىغا ئادەتتىن تاشقىرى سېھرىي كۈچ ۋە پەرق ئېتىش دەرىجىسىنى قوشقان. تاماشىبىنلار ئۇنىڭ ئاۋازى ئارقىلىق ئۇنىڭ ئالغان رولىنى ئاسانلا ئېسىدە تۇتالىغان.
گەرچە بوگارد قەيسەر يىگىت ئوبرازى بىلەن داڭق چىقارغان بولسىمۇ، لېكىن ئۇنىڭ بوي ئېگىزلىكى ئاران 173 سانتىمېتىر كېلىدۇ، ئۇ ئالغان روللار كۆپ تەرەپلىمىلىك ۋە مۇرەككەپ بولغان. مەسىلەن، «كاسابلانكا»دا ئۇ رىك رولىنى ئالغان بولۇپ، قارىماققا سوغۇق كۆرۈنسىمۇ، لېكىن قەلبى ھېسسىياتقا تولغان پېرسوناژ ئىدى. بوگارد پېرسوناژنىڭ مۇرەككەپ ھېسسىياتىنى ماھىرلىق بىلەن نامايان قىلىپ، تاماشىبىنلاردا پېرسوناژغا نىسبەتەن ئورتاقلىق پەيدا قىلغان.
پۈتكۈل 2-دۇنيا ئۇرۇشى مەزگىلىدە، بىر ۋەتەنپەرۋەر بولۇش سۈپىتى بىلەن، بوگارد كۆپ قېتىم يىغىلىشقا قاتناشقان ھەمدە ئۇزۇن سەپەر قىلىپ، دۇنيانىڭ ھەرقايسى جايلىرىدىكى ئامېرىكا ئارمىيەسىگە بېرىپ ھال سوراش ئويۇنى قويغان. گەرچە ئۇ رول ئالغان ئېكران ئوبرازى قوپال سەلبىي پېرسوناژ بولسىمۇ، لېكىن ئۇنىڭ خاراكتېرى پۈتۈنلەي ئەكسىچە. ئۇ ئەدەپلىك، كەمتەر بولۇپ، ھەمىشە ھەقىقىي ئالىيجاناب سالاپىتىنى ساقلاپ قالغان.
بوگاردنىڭ ئارتىسلىق ھاياتى ھوللىۋودنىڭ ئالتۇن دەۋرىنى بېسىپ ئۆتكەن، ئۇنىڭ رول ئېلىشى ھەمىشە شۇ دەۋرنىڭ ئىجتىمائىي كەيپىياتى ۋە روھىي قىياپىتىنى ئەكس ئەتتۈرۈپ بەرگەن. ئۇ ياراتقان نۇرغۇن روللار ئۇرۇش، ئەخلاقىي تاللاش ۋە ئىجتىمائىي ئۆزگىرىش قاتارلىق تېمىلار بىلەن مۇناسىۋەتلىك بولۇپ، ئەينى چاغدىكى تاماشىبىنلارنىڭ ھېسسىيات ئېھتىياجى ۋە دەۋر ئالاھىدىلىكىنى ئەكس ئەتتۈرۈپ بەرگەن. بوگاردنىڭ رول ئېلىش ماھارىتى تاماشىبىنلار بىلەن كۈچلۈك ھېسسىيات باغلىيالىغان. گەرچە ئۇ ئالغان روللار دائىم تەنھا ۋە قەيسەر بولسىمۇ، لېكىن تاماشىبىنلار بۇ رولنىڭ ئارقىسىدىكى ئادىمىيلىك ۋە ئىللىقلىقنى ھېس قىلالىغان. بۇ خىل ھېسسىيات جەھەتتىكى رېزونانس بوگاردنىڭ رول ئېلىش ئۇسلۇبىنىڭ مۇھىم بىر تەرىپى ھېسابلىنىدۇ.
بوگارد تۆت قېتىم توي قىلغان، بۇنىڭ ئىچىدە ئايال ئارتىس لاۋرېن باكال بىلەن قىلغان توي تۇرمۇشى ھەممەيلەننىڭ دىققىتىنى تارتقان. بوگاردنىڭ تۇنجى ئايالى 1926-يىلى ئايال ئارتىس ھېلېن مېلس ئىدى، لېكىن بۇ تۇرمۇش بىر يىلغا يەتمىگەن ۋاقىت ئىچىدە ئاخىرلاشقان. 1928-يىلى ئۇ يەنە بىر قېتىم ئىككىنچى خوتۇنى، ئارتىس مارى فىلىپىس بىلەن توي قىلغان، ئەينى چاغدا بوگاردنىڭ نيۇيوركتىكى برودۋايدىكى تەرەققىياتى كۆڭۈلدىكىدەك بولمىغاچقا، ئۇ سەل چۈشكۈنلىشىپ، ھوللىۋودقا كەتكەن، ئۇنىڭ ئايالى سەھنە كەسپىدىن ۋاز كېچىشنى خالىماي، ئۇنىڭغا ئەگىشىپ ھوللىۋودقا بېرىپ تەرەققىي قىلغان، ئەر-خوتۇن ئىككىسى ئۇزاق مۇددەت ئايرىلىپ تۇرغاچقا، ھېسسىياتى سۇسلىشىپ، يەتتە يىلدىن كېيىن ئايرىلىپ كەتكەن.
بوگاردنىڭ ئۈچىنچى ئايالى، ئارتىس مايو مايتوت بىلەن بولغان مۇناسىۋىتى ئەڭ تۇراقسىز. مايتوت ئوخشاشلا تالانتلىق ئارتىس، لېكىن ئۇلارنىڭ ھەممىسى ھاراقكەشلىك ۋە تالاش-تارتىش بىلەن تولغان. بۇ مۇناسىۋەت بوگاردنىڭ شەخسىي تۇرمۇشىغا زور بېسىم پەيدا قىلىپ، ئەڭ ئاخىرىدا يەنىلا ئاجىرىشىپ كەتكەن. ئىككىيلەن 1937-يىلى «غاردىكى ياش ئىزى»نى سۈرەتكە ئېلىۋاتقاندا تونۇشقان، مايتوت ئەقىللىق، چىرايلىق، مىجەزى شوخ، ئاۋازى يېقىملىق، لېكىن مىجەزى ئىتتىك، ئۇ بوگاردقا ئوخشاش رول ئېلىشنى ياخشى كۆرىدۇ.
ئۇلارنىڭ بىر مەزگىل گۈزەل مۇھەببەت چاغلىرى بولغان، ئۇنىڭدىن كېيىن، مايتوتنىڭ خىزمەت پۇرسىتى بارغانسېرى ئازلاپ، پەقەت يەتتە كىنولا ئىشلىگەن، ھەممىسى كىچىك روللار بولغاچقا، ئامالسىز ئۆيگە قايتىپ «ئائىلە ئايالى» بولۇپ، پۈتۈن كۈن ئىت ۋە تۇرمۇشقا كۆڭۈل بۆلگەن. ئۇنىڭ ئۈستىگە بوگاردنىڭ ئىشلىرى بارغانسېرى ئوڭۇشلۇق بولۇپ، ئۇنىڭ بىلەن ھەمكارلاشقان ئايال ئارتىسلارنىڭ ھەممىسى ياش ھەم چىرايلىق ئايال ئارتىسلار ئىدى، مايتوت ئېرىنىڭ باشقا ئايال ئارتىسلار بىلەن ھېسسىيات پەيدا قىلىشىدىن ئەنسىرەپ، ناھايىتى كۈچلۈك كونترول قىلىش ئىستىكىنى نامايان قىلغان، ئۇ بەزىدە نەق مەيداندا ئېرىگە قاراپ، ئۇنىڭ ئويۇن سەۋەبىدىن مۇھەببەتلىشىپ قېلىشىنىڭ ئالدىنى ئالغان، بۇ ئىككىسى ئوتتۇرىسىدىكى زىددىيەتنى بارغانسېرى چوڭقۇرلاشتۇرغان، كېيىن تۇرمۇشتىكى مايتوت ئېسىل ھاراققا خۇمار بولۇپ قالغان، ھاراقنى كۆپ ئىچىۋالسا، ئىنتايىن ھېسسىياتلىق، جاھىل ھەم زوراۋان بولۇپ قالغان، مايتوت ئاچچىقلانغاندا، مەيلى قولىدا كۈلدان ياكى لامپۇچكا بولسۇن، قولىغا ئېلىپلا ئېرىغا ئاتىدىغان بولغان، ئاچچىقى كەلگەندىن كېيىن، ئىككىسى يەنە ئەپلىشىپ قالغان، كېيىن، مايتوت دائىم ھاراق ئىچىپ ساراڭ بولۇپ قالغان ياكى ئاچچىقى كەلگەندە مىلتىقىنى چىقىرىپ بوگاردقا قارىتىپ ئېتىلغان.
مايتوت بوگاردنى ياخشى كۆرىدۇ، ئۇنىڭ ئۈستىگە ئۇ ئىشسىز قالغان، قەلبى قۇپقۇرۇق بولۇپ، پايدا-زىياننىڭ غېمىنى يېيىش كەيپىياتىدىن خاتىرجەم بولالمىغان. ئەينى چاغدا بوگارد سىرتتىكىلەر بىلەن خوتۇنى توغرىسىدا پاراڭلىشىپ: «مەن ھەسەت قىلىدىغان خوتۇننى ياخشى كۆرىمەن، مىجەزى يوق خوتۇننى ياخشى كۆرمەيمەن، بىز ناھايىتى ياخشى ئۆتۈۋاتىمىز!» دېگەن. بوگارد تۇرمۇشتا ئىككى قېتىم مەغلۇپ بولغان بولغاچقا، ئۇ قەدىرلەشنى، يول قويۇشنى بىلگەن، لېكىن ئۇلارنىڭ ھېسسىياتى يەنىلا تۈگىمەس تالاش-تارتىش پاتقىقىغا پېتىپ قالغان. مەيلى رېستۇران، مېھمانسارايلاردا بولسۇن ياكى خىزمەت سورۇنلىرىدا بولسۇن، مايتوتنىڭ غەزىپى يالقۇنجاپ تۇرغان يانار تاغقا ئوخشايدۇ، كېسەللىك ھالىتىدىكى ھەسەتخورلۇق ۋە كونترول قىلىش ئىستىكى ئاستىدا، پارتلاي دەپلا پارتلايدۇ. بىر قېتىملىق توقۇنۇشتا، بوگارد مايتوتنىڭ مۈرىسىگە پىچاق تىقىۋەتكەن، بۇ ئىش ئۇنىڭ ئوبرازىغا زىيان يەتكۈزۈپ، ۋارنېر كىنو شىركىتىنىڭ تەشۋىقات بۆلۈمى تەرىپىدىن بېسىلىپ قالغان. ئازاب ئىچىدە قالغان بوگارد خىزمەتتىن باشقا، ھاراق ئىچىپ مەست بولۇپ، بىر مەھەل ئۈمىدسىزلىك ئىچىدە ئۆزىنى ئەمدى بەخت تاپالمايمەن، دەپ قارىغان.
كېلىشەلمىگەن ئەر-خوتۇنلار ئوتتۇرىسىدىكى زىددىيەت ئۇلارنىڭ بۇرۇنقى ۋاراڭ-چۇرۇڭ ھالىتىنى داۋاملاشتۇرۇشىغا سەۋەب بولغان، ئۇلارنىڭ ئورتاق دوستى جۇلىئۇس ئېپستېيىن ئامالسىزلىقتىن چاقچاق قىلىپ: «بوگارد بىلەن مايتوتنىڭ ئامېرىكا ئىچكى ئۇرۇشىنىڭ داۋامى. ئۇلارنىڭ ئىشلىرى ھوللىۋودتا ھەممىگە ئايان، ئۇلار دائىم تاماقتىن كېيىن كىشىلەرنىڭ كۈلكىسىگە قالىدۇ، تاراتقۇلار ئۇلارنى «جەڭدىكى بوگارد ئەر-ئايال دەپ ئاتايدۇ» دېگەن.
ئېيتىشلارغا قارىغاندا، 1943-يىلى بوگارد «كاسابلانكا»نى سۈرەتكە ئېلىش جەريانىدا، مايتوت ئېرىنىڭ گۈزەل قىز ئىنگرىد بېرگمان بىلەن بىللە رول ئوينىشىدىن خاتىرجەم بولالمىغان، ھەر كۈنى رول ئېلىش مەيدانىنى يوقلاپ، بوگاردقا كۆز تىككەن، لېكىن بۇ تىياتىر سۈرەتكە ئېلىنغان كۆرۈنۈش يەنىلا ئۇنى ھاياجانغا سالغان، ئۇ بېرگماننىڭ پەردازخانىسىغا ئېتىلىپ كىرىپ ۋاراڭ-چۇرۇڭ قىلىپ، ئىككى ئادەمنىڭ ساختا مۇھەببىتىنىڭ راستلىقىدىن گۇمانلانغان.
بوگاردمۇ ئايالىنىڭ ھەددىدىن زىيادە گۇمانخور بولۇپ قېلىشىدىن ئەنسىرەپ، سۈرەتكە ئېلىش زالىدىن چىقىپ، بېرگمان بىلەن ئاساسەن دېگۈدەك پاراڭلاشماي، مەقسەتلىك ھالدا ئارىلىق ساقلىغان. بىراق، مايتوتنىڭ ئالدىنى ئالالمايدىغىنى شۇكى، 1943-يىلى بوگارد «جاھانكەزدى ئەزىمەتلەر»نى سۈرەتكە ئېلىۋاتقاندا، يېڭىلا نام چىقارغان ئايال ئارتىس لاۋرېن بېكول بىلەن ھەقىقىي ھېسسىياتتا بولۇپ، بۇ خەۋەرنى ئاڭلاپ يېتىپ كەلگەن مايتوت ئېرىدىن: «سىز ئاشۇ يېشىڭىزنىڭ يېرىمىچىلىك كېلىدىغان قىز بىلەن قانداق ئۆتىۋاتىسىز؟» دەپ سورىغان، گەرچە بۇ قېتىم بوگاردمۇ ئۇنى قايتۇرۇپ كېلىشكە ئۇرۇنغان بولسىمۇ، لېكىن ئۇنىڭ قەلبىدىكى كۈچلۈك مۇھەببەت ۋە مايتوتتىن بىزار بولۇش، ئۇنى مايتوتتىن ئاجىرىشىپ كېتىشكە مەجبۇرلىغان.
1944-يىلى 10-ئاينىڭ 19-كۈنى، بوگارد ئۆيىدىن كۆچۈپ چىققانلىقىنى جاكارلىغان، 30-كۈنى ئۇ يەنە ئۆزىنىڭ مايتوت بىلەن يارىشىپ قالغانلىقىنى جاكارلىغان، ئۇ مۇنداق دېگەن: «ئۆيگە قايتىپ، بىز ئۆزىمىزنىڭ تاتلىق جەڭ ھالىتىمىزنى باشلايمىز» دېگەن. شۇ يىلى 12-ئاينىڭ 3-كۈنى، مايتوت بوگاردنىڭ يەنە بىر قېتىم ئۆيدىن كۆچۈپ چىققانلىقىنى جاكارلىغان. 1945-يىلى 5-ئاينىڭ 10-كۈنى، مايتوت لاسۋىگاستا ئاجىرىشىپ كېتىش كېلىشىمىگە ئىمزا قويغان. بۇ بۆلەك تۇرمۇش بوگارد، ئۇنىڭ مۇھەببەت ئىزھار قىلىشىغا قارىتا، كۆپ ساندىكى كىنو مەستانىلىرى مايتوتنى بوگارد بىلەن كاۋئېرنىڭ باش قېتىنچىلىقى دەپ قارىغان. 11 كۈندىن كېيىن، يەنى 5-ئاينىڭ 21-كۈنى، بوگارد بىلەن بەي كاۋئېر توي قىلغان. 1951-يىلى 6-ئاينىڭ 9-كۈنى، مايتوت ئوخايو ئىشتاتىدىكى بىر ئاپتوموبىل مېھمانخانىسىدا 47 يېشىدا راك كېسىلى ئەگەشمە كېسەللىكى بىلەن يالغۇز ئۆلۈپ كەتكەن، ئۇنىڭ جەسىتى بىر نەچچە كۈندىن كېيىن بايقالغان.
بوگارد بىلەن كاۋئېرمۇ دراماتىك مۇناسىۋەتتە بولۇپ، گەرچە ئەر ئايالدىن 25 ياش چوڭ بولسىمۇ، لېكىن ئىككىسى ئوتتۇرىسىدىكى كۈچلۈك خىمىيەلىك رېئاكسىيە «جاھانكەزدى پالۋانلار» ناملىق كىنونىڭ مۇۋەپپەقىيەتلىك بولۇشىغا تۈرتكە بولغان. 19 ياشلىق بەي كاۋئېر ھېسسىيات تەجرىبىسى مول بىر ئەر ئالدىدا يېتەكچى رول ئېلىشى كېرەك ئىدى، ئەمما ئويلىمىغان يەردىن ئۇ يېتەكچى ئورۇننى ئىگەللىگەن، بوگاردمۇ بۇنىڭ ئىچىدە ئىدى. بۇ خۇددى بەي كاۋئېرنىڭ فىلىمدە ئالغان رولىغا ئوخشايدۇ، يەنى ئەمدىلا 19 ياشقا كىرگەن، بوگاردنى ئازدۇرغان سىرلىق قىز، رول ئېلىش تەجرىبىسى كەمچىل بولغان لاۋرېن 30 ياشلىق ئايالدەك پىشقان رول ئېلىشقا تۆھپە قوشقان، فىلىمدە ئەڭ داڭلىق بولغىنى ئۇنىڭ بوگاردقا ئىسقىرتىشنى ئۆگەتكەندىكى كۆرۈنۈشلىرى بولۇپ، ئاق-قارا رەڭدىمۇ سۈرەت سۈپىتىنى توسۇپ قالالمايدىغان جەلىپكارلىقى بۇ فىلىمنى بىر مەھەل زىلزىلىگە سالغان. بەي كاۋئېر كەسىپكە يېڭى كىرگەندە، چەمبىرەكتە ئۇنىڭ ئىستىلى توغرىسىدا ئورتاقلىق بار ئىدى، ئۇ رولنى ناھايىتى ياخشى ئالاتتى، ئۆزىنىڭ خىزمەت ئۇسۇلىغا ئەزەلدىن يول قويمايتتى، گېپى قاتتىق، ئىش قىلىشتا پىشقان بولۇپ، ئەزەلدىن مۇلايىم ئەمەس ئىدى. بالىلىق دەۋرىدە ئاتا-ئانىسى بولمىغاچقا، بەي كاۋئېر كىچىكىدىنلا مۇستەقىل ئىش قىلىش ئۇسلۇبىنى يېتىلدۈرگەن، ئۇ ھەمىشە سەگەك بولۇپ، ئۆزىنىڭ ئارتۇقچىلىقى ۋە كەمچىلىكىنى ئوبدان چۈشىنەتتى.
ئۇلار 1945-يىلى ھەمكارلىشىپ نۇرغۇن كىنولاردا رول ئالغان. گەرچە ئىككىسىنىڭ ياش پەرقى 25 ياش بولسىمۇ، لېكىن ئۇلار ھوللىۋودنىڭ ئالتۇن بىرىكمىسى دەپ قارالغان، شۇنداقلا ھوللىۋودنىڭ رومانتىك تارىخىدىكى رىۋايەت ھېسابلانغان. گەرچە بەي كاۋئېر بوگاردتىن 25 ياش كىچىك بولسىمۇ، لېكىن قارىماققا ئۇلار بىر-بىرىنى ياراتقاندەك قىلاتتى. ئۇرۇشتىن كېيىنكى يىللاردا، بوگارد كەسپى ۋە شەخسىي تۇرمۇشىدا ئۆزىنىڭ يۇقىرى پەللىسىگە يەتكەن. ئۇ ئايالىدىن ھەقىقىي مۇھەببەتنى تاپقان، 50 ياشقا يېقىنلاشقاندا، ئۇ دادا بولغان. گەرچە كىشىلەرنىڭ نەزىرىدە ئۇنىڭ يۈرۈش-تۇرۇشى سوغۇق بولسىمۇ، لېكىن ئىككى بالىسىغا نىسبەتەن ئېيتقاندا، ئۇ بىر مۇلايىم، بالىنى ھەددىدىن زىيادە ئەتىۋارلايدىغان دادا. ئۇلار تاكى 1957-يىلى بوگارد راك كېسىلى بىلەن ۋاپات بولغانغا قەدەر 12 يىل بىللە ياشىغان.
1949-يىلى 1-ئاينىڭ 6-كۈنى، بوگاردنىڭ ئوغلى سىتىفىن بوگارد دۇنياغا كەلگەن، خۇمفرېي بوگارد 50 يېشىدا تۇنجى قېتىم دادا بولغان؛ 1952-يىلى 8-ئاينىڭ 23-كۈنى، بوگاردنىڭ قىزى دۇنياغا كەلگەن. ئۇ بۇ كىچىك قىزغا لېسلى بوگارد (Leslie Bogart) دەپ ئىسىم قويۇپ، ئەينى يىلى ئۇنى يۆلەپ ماڭغان لېسلى خوۋاردنى خاتىرىلىگەن!
1943-يىلى، بوگارد رايموند ماسسى، ئەلىس ئادرىئان بىلەن ھەمكارلىشىپ ئۇرۇش فىلىمى «73 فلوت سۇ ئاستى كېمىسى ئۇرۇشى»دا رول ئالغان؛ 10-ئاينىڭ 14-كۈنى، ئۇ باش رول ئالغان تەۋەككۈلچىلىك فىلىمى «سەھرايى كەبىر» ئامېرىكىدا قويۇلغان، ئۇ بۇ فىلىمدە تەۋەككۈلچىلىك روھىغا باي كاپىتان جورج گۇننىڭ رولىنى ئالغان؛ شۇ يىلى ئۇ ھوللىۋودتىكى يىللىق بېلەت كىرىمى ئەڭ يۇقىرى ئون ئارتىسنىڭ بىرى بولۇپ باھالانغان.
1944-يىلى، بوگارد مۇھەببەت فىلىمى «كاسابلانكا» بىلەن 16-نۆۋەتلىك ئوسكار ئالتۇن ھەيكەل مۇكاپاتىنىڭ ئەڭ ياخشى ئەر باش رولچى نامزاتلىقىغا كۆرسىتىلگەن. 2-ئاينىڭ 16-كۈنى، ئۇ باش رول ئالغان تەۋەككۈلچىلىك فىلىمى «مارسېل يولى» ئامېرىكىدا قويۇلغان؛ شۇ يىلى لاۋرېن بېكول بىلەن بىرلىكتە مۇھەببەت فىلىمى «جاھانكەزدى ئەزىمەتلەر»دە باش رول ئالغان، فىلىمدە تۇرمۇشى باياشات سەيلە كېمىسى خوجايىنىنىڭ رولىنى ئالغان. 1945-يىلى بوگارد قورقۇنچلۇق فىلىم «خوتۇنىنى ئۆلتۈرۈش»تا رول ئالغان. 1946-يىلى ئۇ سىرلىق فىلىم «تۈن ئۇزۇن، چۈش كۆپ» (يەنە بىر ئىسمى «شېرىن ئۇيقۇ»)دا باي ئائىلىنىڭ قىزى كالمان بىلەن مۇھەببەتلەشكەن شەخسىي رازۋېدچىكنىڭ رولىنى ئالغان. 1947-يىلى 1-ئاينىڭ 2-كۈنى، بوگارد باش رول ئالغان گۇمانلىق فىلىم «قانلىق ئاداۋەت» ئامېرىكىدا قويۇلغان. شۇنىڭدىن كېيىن، ئۇ باش رول ئالغان جىنايەت فىلىمى «قاباھەتلىك كېچىدىكى قورقۇنچلۇق مۇھەببەت»، ئۇ بۇ فىلىمدە ئىلگىرىكى ئېكران ئوبرازىنى بۇزۇپ تاشلاپ، روھىي كېسەلگە گىرىپتار بولغان رەسسام جېفرى كارلو رولىنى ئالغان؛ شۇ يىلى، «تۈرمىدىن قېچىش» ناملىق قورقۇنچلۇق فىلىمدە، بوگارد ساينت كۋېنتىن تۈرمىسىدىن قېچىپ چىققان ئايالىنى ئۆلتۈرگەن جىنايەتچى ۋېنشېڭ پېرىنىڭ رولىنى ئالغان.
1948-يىلى بوگارد تەۋەككۈلچىلىك فىلىمى «قانلىق قۇم»دا بىر تىيىنمۇ پۇلى يوق سەرگەرداننىڭ رولىنى ئالغان؛ شۇ يىلى ئۇ لاۋرېن بېكول بىلەن بىرلىشىپ، كىشىنى ھاياجانغا سالىدىغان فىلىم «جاھاندىكى باتۇرلار»دا باش رول ئالغان، فىلىمدە ئۇ قەيسەر 2-دۇنيا ئۇرۇشىدىكى پېشقەدەم ئەسكەر كانفۇلى پاۋگانىڭ رولىنى ئالغان. 1949-يىلى 10-ئاينىڭ 26-كۈنى، بوگارد بىلەن ئالىكساندىر نوكىس، ھاياكاۋا شۆجۇ ھەمكارلىشىپ رول ئالغان «توكيودىكى بوران-چاپقۇن» ناملىق فىلىم ئامېرىكىدا قويۇلغان. 1950-يىلى، بوگارد باش رول ئالغان سىرلىق كىنو «لەن بېگىمنىڭ گۈزەل قېنى»دا، كۆرۈنۈشتە كىشىنىڭ مەسخىرىسىنى كەلتۈرىدىغان، ئەمما ئەمەلىيەتتە دوستلۇققا ئەھمىيەت بېرىدىغان دراماتورگ دېكسون ستىلنىڭ رولىنى ئالغان؛ شۇ يىلى ئۇ مۇھەببەت فىلىمى «پۈركەنگەن مۇھەببەت»تە باش رول ئالغان، فىلىمدە ئۇ ئېلىنور پاركېر بىلەن بىرلىكتە مۇھەببەت ھېكايىسىنى ئورۇنلىغان.
بوگارد ۋاپات بولۇشتىن بىر نەچچە ئاي ئىلگىرى، ھوللىۋودتىكى نۇرغۇن كەسىپداشلار ئۇنىڭ ئۆيىگە زىيارەتكە كەلگەن، ئۇلارنىڭ ئىچىدە مارىلىن مونرو، جون ۋاين، كاتېرىن ھېپبۇرن، سپېنسېر كۇسېر، جورج قاتارلىقلار بار ئىدى. كۇك، جۇدى گارلاند، كلارك گايبو، بېتتى داۋىس، فرانك سىناچۇ، كوسامى داۋىس، پېتېر ئۇستىنوف، بىللىي ۋىلدېر، دىئان مارتىن كىرك دوگلاس قاتارلىقلار. 1957-يىلى 1-ئاينىڭ 14-كۈنى سەھەردە، سەكراتقا چۈشۈپ قالغان بوگاردنىڭ بەدەن ئېغىرلىقى ئاران 80 قاداق كېلەتتى، ئۇ كارىۋاتتا قايتا-قايتا بىر ئېغىز گەپ قىلغاندا، خوتۇنى قۇلىقىنى كۆتۈرۈپ، ئاندىن ئېنىق ئاڭلىغان، بوگارد شۇ چاغدا مۇنداق دېگەن: «مەن شوتلاندىيە ۋىسكىسىنى مارتىنىغا ئالماشتۇرماسلىقىم كېرەك ئىدى!» بۇ بوگاردنىڭ ئەڭ ئاخىرقى سۆزى.
بوگارد ۋاپات بولغاندىن كېيىن، ئادەت بويىچە ھوللىۋود ئارتىسلىرى قەبرىستانلىقىدىكى «ئورمان چىملىقى»غا دەپنە قىلىنغان. دەپنە قىلىنغان كۈنى، ئۇنىڭ ئايالى جەسەت ساندۇقىغا كىچىك ئالتۇن پۇشتەك قويغان. بۇ پۇشتەكنىڭ چوڭقۇر مەنىسى ئىككىيلەن تۇنجى قېتىم ھەمكارلاشقان «جاھانكەزدى ئەزىمەتلەر» ناملىق كىنودىن كەلگەن.
بوگارد ۋاپات بولغاندىن كېيىن، 33 ياشلىق ئايالى ھوللىۋودتىكى ئەڭ باي تۇل ئايالغا ئايلانغان. ئۇ ناھايىتى تېزلا ھوللىۋودتىن ئىبارەت بۇ قايغۇلۇق جايدىن ئايرىلىپ، ئۆزىنىڭ بوگارد بىلەن ئورتاق تۇغۇلغان جايى نيۇيوركقا قايتىپ كەلگەن ھەمدە ئۇ يەردىن ئۆي-مۈلۈك سېتىۋالغان. ئۇزاق ئۆتمەي، ئايالى مانخاتتان رايونىدىكى داڭلىق داكوتا شەھىرىگە كۆچۈپ كىرگەن، بىز ھوللىۋودنىڭ سان-ساناقسىز كىنولىرىدا بۇ داڭلىق ئىمارەتنى كۆرگەن.
بوگارد ھەم ئېگىز ھەم كېلىشكەن ئەمەس، ئەمما ئۇ ياخشى رول ئېلىش ماھارىتى بىلەن ھەممەيلەننى بويسۇندۇرغان، چۈنكى ئۇنىڭ تاشقى قىياپىتى يېتەرلىك بولمىغاچقا، ئۇنىڭ كىنوچىلىق ھاياتى ئەگرى-توقاي بولغان، ئەمما ئۇ بەك كېچىكىپ كەتكەن. ئۇنىڭ رول ئېلىش ئۇسلۇبى قەيسەر يىگىت ئوبرازى، چوڭقۇر ۋە ئىچ مىجەز رول ئېلىش ماھارىتى، ئۆزگىچە ئاۋاز ۋە ئىنتوناتسىيە، رولنىڭ كۆپ تەرەپلىمىلىك ۋە مۇرەككەپلىكى، دەۋر روھىنىڭ گەۋدىلىنىشى ۋە تاماشىبىنلار بىلەن بولغان ھېسسىيات باغلىنىشى بىلەن داڭلىق. بۇ ئالاھىدىلىكلەر ئۇنىڭ ھوللىۋودنىڭ رىۋايەتلىك ئارتىسى بولۇشتەك ئۆزگىچە ئورنىنى تەشكىل قىلغان، بوگارد ئۆزىنىڭ ئۆزگىچە رول ئېلىش ئۇسلۇبى ۋە ئېكران ئوبرازى بىلەن كېيىنكى سانسىزلىغان ئارتىسلارغا تەسىر كۆرسەتكەن. ئۇ ياراتقان قەيسەر يىگىت ئوبرازىدا ھەم ئېگىلمەس-سۇنماس قەيسەر ئىرادە، ھەم چوڭقۇر مۇھەببەت ۋە ئاجىز تەرەپ كەم ئەمەس بولۇپ، تاماشىبىنلاردا چوڭقۇر تەسىر قالدۇرغان. بوگاردنىڭ ئارتىسلىق ھاياتى ۋە ئۇ ۋەكىللىك قىلغان كىنو دەۋرى ھازىرمۇ كىنو مەستانىلىرى ۋە كىنو ئالىملىرى تەرىپىدىن تەتقىق قىلىنىۋاتىدۇ ۋە خاتىرىلىنىۋاتىدۇ.
كىنولار
