سۈرەتنى بېسىپ كىنو كۆرۈشنى باشلىۋېتىڭ
9-قىسىم يېڭىلاندى
ئۈندىدار سالونى خەۋىرى، نۇر تورى تەرجىمىسى
«ماسلاشقان بىر جۈپلەر» (天生一对)، «پەسكەش ئايال» (贱女孩) قاتارلىق داڭلىق كىنولاردا باش رول ئالغان لىندزى لوھەن يېقىندا نېتفىلكسنىڭ يېڭى كىنوسىنىڭ تۇنجى قويۇلۇش مۇراسىمىنىڭ پاياندازىدا پەيدا بولغان.
كىشىنى ئەڭ ھەيران قالدۇرىدىغىنى شۇكى، ئۇنىڭ روھىي ھالىتى قارىماققا خېلىلا ياخشى بولۇپ، پۈتۈن بەدىنىدىن ئىشەنچ نۇرى چاقناپ تۇراتتى، ئون نەچچە يىل ئىلگىرىكىگە سېلىشتۇرغاندا، ھەتتا ياشارغاندەك كۆرۈنەتتى.
(2012-يىلىدىكى لىندزى)
ئۇ بالا چولپان ۋاقتىدىلا يۇقىرى پەللىگە چىققان، 20 نەچچە يېشىدا بىر قېتىم يىقىلىپ، 30 نەچچە يېشىدا ھاياتىنى قايتا باشلىغاندىن، مانا بۈگۈنكى كۈندە لىندزى پاتقاقتىن قۇتۇلۇپ، تۇرمۇشتىن ھەقىقىي ھۇزۇرلىنىشقا باشلىغان.
ياش تۇرۇپ نام چىقىرىش بەزىدە ياخشى ئىش ئەمەس. لىندزىنىڭ ياش تۇرۇپلا نام چىقىرىش ئۇنىڭ ھاياتىغا توسقۇنلۇق قىلغان.
ئۇ ئۈچ يېشىدىن باشلاپ تېلېۋىزىيە ئېلانى، تەكشىلىك تەشۋىقاتىدىن نام چىقىرىشقا باشلىغان، 12 يېشىدا دۆلەتلىك بالا چولپانغا ئايلانغان، «ماسلاشقان بىر جۈپلەر» ئىككى ئادەمنىڭ رولىنى ئېلىش بىلەن بىراقلا نام چىقارغان. ئەينى يىللاردىكى ئاممىنىڭ نەزىرىدە، لىندزىنىڭ كەلگۈسى چەكسىز ئۆرلەش ئىمكانىيىتىگە ئىگە ئىدى.
لىندزىنىڭ تەرەققىياتىمۇ ھەقىقەتەن بۇ خىل ئۈمىدتىن چەتنەپ كەتمىگەن. دىسنېي قولىدىكى ھەر خىل بايلىقلاردىن قىلچە ئىككىلەنمەي، كەينى-كەينىدىن ئالقىشقا ئېرىشكەن كىنولارنى ئورۇنلاشتۇرغان، يەنە داڭلىق فىلىم ئىشلىگۈچىلەرنى ئۇنىڭغا ناخشا ۋە پىلاستىنكا يېزىپ بېرىشكە چاقىرغان.
2004-يىلى لىندزى باش رول ئالغان «پەسكەش ئايال» ئامېرىكا مودا مەدەنىيىتىنىڭ كىلاسسىك ئەسىرى بولۇپ، ئۇنى ھەممە ئادەم بىلىدىغان ئورۇنغا ئېلىپ كەلگەن.
ئەينى چاغدىكى كىشىلەر كۆزنى قاماشتۇرىدىغان يېڭى چولپاننىڭ كۆتۈرۈلۈشى پۈتكۈل كەسىپ ساھەسىنى زىلزىلىگە سالىدىغانلىقىنى ھېس قىلغان. لېكىن ئەپسۇسلىنارلىقى شۇكى، لىندزىنىڭ ئەڭ يۇقىرى پەللىسى بۇ يەرگىچە كەلگەن.
20 ياشقا كىرگەندىن كېيىن، لىندزىنىڭ ئەسەرلىرى بالىلىقتىكى شان-شەرەپنى قايتا نامايان قىلالمىغان، ھەتتا رول ئېلىش ماھارىتى مەسىلىسى سەۋەبىدىن تەلۋىلەرچە ئەيىبلەنگەن.
تەكشۈرۈشتىن ئۆتەلمەسلىك، سالامەتلىك سەۋەبىدىن سۈرەتكە ئېلىشنى كېچىكتۈرۈش، فىلىم ئىشلەش گۇرۇپپىسى ئىسمى ئاتاپ تەنقىدلىشى، مەسئۇلىيەتسىز، كەسىپسىز... بارغانسېرى كۆپ سەلبىي خەۋەرلەر ئۇنىڭغا يېپىشىۋېلىشقا باشلىغان. ئەڭ ئاخىرىدا، ئۇ جىنايەتچى بولۇپ قالغان.
بىر نەچچە قېتىم، لىندزى قاتناش ھادىسىسىگە ئۇچرىغاندىن كېيىن ساقچىلار كوكائىن بارلىقىنى ئېنىقلاپ قولغا ئالغان.
ھاراق ئىچىپ ئاپتوموبىل ھەيدەش، ئوغرىلىق قىلىش، جازا كېچىكتۈرۈش مۇددىتىدىكى بەلگىلىمىگە خىلاپلىق قىلىش... «سەتچىلىك خانىشى» ئىلگىرىكى سالاپەتلىك ئوبرازىنى ئۆزگەرتىپ، «بالدۇر ئېچىلغان گۈل بالدۇر توزۇيدۇ»نىڭ يەنە بىر ئېچىنىشلىق مىسالى بولۇپ قالغان.
ئەمما شۇنىڭ بىلەن بىر ۋاقىتتا، تېخىمۇ كۆپ خەۋەرلەر لىندزىنىڭ بۇ كۈنگە قېلىشىنىڭ ئارقىسىدىكى سەۋەبلەر ئۈستىدە توختالغان.
ئۇلار لىندزىنىڭ دادىسىنىڭ بارلىقىنى، ئۇنىڭ ئۇزۇن يىل ھاراققا خۇمار بولۇپ قالغانلىقىنى، ئاخىرىدا ھاراق ئىچىپ ئاپتوموبىل ھەيدىگەنلىكى ئۈچۈن تۈرمىگە تاشلانغانلىقىنى، ئاتا-ئانىلارنىڭ قالايمىقانچىلىقىنىڭ بالىلارغا غايەت زور زىيان ئېلىپ كەلگەنلىكىنى بايقىغان.
بالىلىق دەۋرىدە نام چىقىرىش بىلەن بىر ۋاقىتتا، لىندزى يەنە ئائىلىسىگە غايەت زور بايلىق ئېلىپ كەلگەن. قىزىنىڭ ئىقتىسادىي ئىشلىرىغا ئورتاق مەسئۇل بولغان ئاتا-ئانىلار ئۇزاق مۇددەتلىك تارتىشىپ، قىزىنىڭ ۋەسىيلىك ھوقۇقىنى باشلىغان... بۇلارنىڭ ھەممىسى لىندزىنىڭ كۈن ئېلىشىنى قىيىنلاشتۇرۇۋەتكەن.
لىندزى دادىسىنىڭ ئۆزىگە نىسبەتەن سەلبىي ئوبراز ئىكەنلىكىنى تىلغا ئالغان: «مەن ھەر قېتىم ئۇنى تۇرمۇشۇمغا قايتۇرۇپ كەلمەكچى بولغاندا، ئۇ ماڭا قالايمىقانچىلىق تۇغدۇرۇپ بېرىدۇ ھەمدە بۇ نۇقتىدىن پايدىلىنىپ ئۆزىنىڭ مەنپەئەتىنى كۆزلەيدۇ. دەسلەپتە ئۇ ماڭا بەك ياخشى مۇئامىلە قىلغان، لېكىن كېيىن يەنە بەك ئەسكىلىشىپ كەتتى.»
ئاتا-ئانىسىنىڭ سۆھبىتى تاكى 2007-يىلىغىچە داۋاملاشقان بولۇپ، لىندزى دورا ئىچىش، ھاراق ئىچىش جەريانىدا ھاياتىدىكى ئەڭ قالايمىقان كۈنلەرنى ئۆتكۈزگەن. بىر نەچچە يىلدىن كېيىن، ئۇنىڭ ھەر خىل سەتچىلىكى يەنىلا ھەممە يەرنى قاپلىغان.
ئەمما كىشىنى ھەيران قالدۇرىدىغىنى شۇكى، لىندزى يەنىلا ئوڭۇشسىزلىق ئىچىدە ھەرىكەت قىلىشنى خالايدۇ.
بەلكىم ئۇ پەسكويغا چۈشۈپ قالغاندىن كېيىن ئۆزىنىڭ بىردىنبىر چىقىش يولىنى تاپقان بولۇشى مۇمكىن، گەرچە قىزغىنلىقى ئەينى يىللاردىكىدەك ياخشى بولمىسىمۇ، لىندزى يەنىلا ئۆز كەسپىنى ساقلاپ قېلىشتا چىڭ تۇرغان.
شۇ چاغلارنى ئەسلىگىنىدە ئۇ مۇنداق دېگەن: «مېنى ئىلگىرى سوت مەھكىمىسى ئالتە قېتىم زەھەر تاشلاتقۇزۇشقا بۇيرىغان، مەن ھەتتا زەھەر تاشلاتقۇزۇشقا ئائىت بىر كىتاب يازغۇدەك بولۇپ كەتكەن. مەن بىللە بولۇشقا تېگىشلىك بولمىغان ئادەم بىلەن بىر كۇلۇبتا كوكائىن چېكىپ، ئاندىن ئاپتوموبىلغا چىقتىم. راستتىنلا بەك ئەخمەق ئىكەنمەن.»
ئەڭ قالايمىقان مەزگىلنى باشتىن كەچۈرگەندىن كېيىن، ئارتىسلىق ئىشلىرىمۇ ۋەيران بولغان، رۇسىيە ئۆي-مۈلۈك ماگناتى ئېگور بىلەن بولغان مۇناسىۋىتى لىندزىنى يەنە بىر قېتىم چوڭقۇر ھاڭغا چۈشۈرۈپ قويغان.
ئىككىسىگە چاي ئىچۈرۈلۈپ بولغان بولسىمۇ، لېكىن ئەر تەرەپنىڭ زوراۋانلىقى ۋە تالاغا قارىشى سەۋەبىدىن ئاخىرى ئايرىلىپ كەتكەن.
2016-يىلى ئىككىيلەن ئۆيىدە جېدەللىشىپ قالغان، لىندزى ساقچىغا مەلۇم قىلىپ، ئېگورنىڭ ئۇنى بوغۇپ ئۆلتۈرۈۋەتكىلى تاس قالغانلىقىنى ئېيتقان. شۇ چاغدىكى قوشنىسى زىيارەت داۋامىدا مۇنۇلارنى تىلغا ئالغان: «ئۇنىڭ چىرقىرىغان ئاۋازى پۈتۈن مەھەللىدىكىلەرنى ئويغاتتى. مەن راستتىنلا ئۇنىڭ بىخەتەرلىكىدىن ئەنسىرىدىم، ئاڭلىماققا ئۇ ياردەمگە موھتاج ئىدى.»
شۇنىڭدىن كېيىن نۇرغۇن ساقچى ئاپتوموبىللىرى يېتىپ كەلگەن، پۈتۈن كوچىدىكى كىشىلەر ئويغانغان، ئۇلار زادى قانداق قالايمىقانچىلىق يۈز بەرگەنلىكىنى بىلمەكچى بولۇشقان.
ۋەقە يۈز بېرىپ ئۇزۇن ئۆتمەي، لىندزى توردا يازما ئېلان قىلىپ، بولغۇسى ئېرىنى «رۇسىيەلىك پاھىشە ئايال» بىلەن يىغىلىشقا چىققان دەپ ئەيىبلىگەن.
ھەتتا ئايرىلىپ كەتكەندىن كېيىن، لىندزى ئېگورنىڭ يۈزىگە سۇلفات كىسلاتا چېچىپ ئۆچ ئېلىشىدىن ئەنسىرىگەن. قارشى تەرەپ ئۇنى مال-مۈلۈكنى ئوغرىلىدى دەپ ئەيىبلىدى، ئىككىيلەن بىر مەھەل جېدەللىشىپ قالغان.
بۇ مۇناسىۋەت ئاخىرلىشىپ نەچچە يىلدىن كېيىن، لىندزى ئاخىرى ئاستا-ئاستا ياخشىلانغان. 2020-يىلى 2-ئايدا، لىندزى تۇنجى قېتىم كارخانىچى شامماس بىلەن بولغان مۇھەببىتىنى ئاشكارىلىغان.
2021-يىلى شامماس لىدزىغا توي تەكلىپى قويغان، ئىككىسى 2022-يىلى 4-ئايدا مەخپىي توي ئۆتكۈزگەن. 2022-يىلى 7-ئاينىڭ 1-كۈنى لىندزى ئاندىن تۇنجى قېتىم توي قىلغانلىقىنى جاكارلىغان.
ئۇ شۇ چاغدا مۇنداق دەپ يازغان: «مەن دۇنيادىكى ئەڭ تەلەيلىك ئايال. سىز مېنى تاپتىڭىز، ھەمدە مەن ئېرىشمەكچى بولغان بەخت ۋە گۈزەللىكنى چۈشەندىڭىز. سىز مېنىڭ يولدىشىم، مېنىڭ ھاياتىم ۋە مېنىڭ بارلىقىم.»
ئەھۋالدىن خەۋەردار كىشىنىڭ ئېيتىشىچە، ئىككەيلەن 2019-يىلىلا تونۇشقان.
ئۇزاق ئۆتمەي، ئۇ ئېرى بىلەن بالىلىق بولۇشنى قارار قىلغان.
بۇلتۇر 7-ئايدا لىندزى بىر ئوغۇل تۇغقان، ئۇ ئېرى بىلەن ئوغلىغا لۇئاي دەپ ئىسىم قويغان.
مۇقىم تۇرمۇش بولغاچقا، لىندزىنىڭ سۈرەتكە ئېلىش پائالىيىتىمۇ جانلىنىپ، ئامما ئالدىدىكى ئوبرازى تېخىمۇ يۈكسىلىپ، تەبەسسۇمى تېخىمۇ كۆپەيگەن.
بۇ يىل 8-ئايدا ئۇ يەنە ئالىي دەرىجىلىك مودا كىيىم ساھەسىگە قايتىپ كېلىپ، دىسنېي D23 كۆرگەزمىسىگە قاتناشقان.
كۆپ يىللىق بوران-چاپقۇنلاردىن كېيىن، ھېلىقى ئون نەچچە ياشلىق زېرەك قىزچاق ئاخىرى قايتىپ كەلگەن.
شۇنداق قىلىپ، كەسپى، ئائىلىسى، مەنزىلى بار بولغان لىندزى 38 يېشىدا ھاياتىنى قايتىدىن باشلىغان.
كىنولار
