ཁུལ་སྲིད་གྲོས་མགོ་ཁྲིད་ཀྱིས་རང་རྫོང་དུ་བྱ་བར་རྟོག་ཞིབ་གནང་།

 ཟླ10ཚེས29ཉིན་གྱི་སྔ་དྲོར། ཁུལ་སྲིད་གྲོས་ཀྱི་ཏང་ཙུའུ་ཧྲུའུ་ཅིའམ་ཀྲུའུ་ཞི་ཚེ་རིང་འཁོར་དང་བཅས་པ་རང་རྫོང་དུ་ཕེབས་ནས་2024ལོའི་མཚོ་ལྷོ་ཁུལ་གྱི་དམངས་འཚོའི་དོན་དངོས་རྣམ་གྲངས་སྒྲུབ་གཉེར་དང་སྲིད་གྲོས་སྐབས་བཅུ་བཞི་བའི་གྲོས་ཚོགས་ཐེངས་བཞི་བའི་ཨུ་ཡོན་གྱི་གྲོས་གཞི་སྒྲུབ་གཉེར་བྱ་བར་ཆེད་དོན་གཟིགས་ཞིབ་གནང་ཞིང་། རྫོང་མི་དམངས་སྲིད་གཞུང་གི་རྫོང་དཔོན་གཞོན་པ་ཚེ་སྐྱབས་རྒྱལ་དང་འབྲུག་སེང་རྒྱལ། རྫོང་སྲིད་གྲོས་ཀྱི་ཏང་ཙུའུ་ཧྲུའུ་ཅི་གཞོན་པའམ་ཀྲུའུ་ཞི་གཞོན་པ་སི་ཅིན་ཕེན་སོགས་ཀྱིས་གཟིགས་ཞིབ་འགྲོ་རོགས་གནང་།

ཚེ་རིང་འཁོར་དང་བཅས་པས་སྔ་རྗེས་སུ་ཕྱུགས་ཟོག་ཉོ་ཚོང་ལྟེ་གནས་དང་།འཕྲལ་བསྟུན་བཀོད་འདོམས་ལྟེ་གནས་ཀྱི་འཕྲལ་བསྟུན་དངོས་ཟོག་གསོག་འཇོག་མཛོད་ཁང་། ལྷོ་སྐོར་ལམ་གྱི་དྲོད་རླངས་མཁོ་འདོན་ཁུལ་གྱི་དྭངས་གཙང་དྲོད་རླངས་མཁོ་འདོན་རྣམ་གྲངས།འབའ་ལུང་ཞང་མུ་ཡངས་ལུང་པའི་ཆུ་ལོག་སྔོན་འགོག་བཅོས་སྐྱོང་བཅས་སུ་ཡུལ་དངོས་ལྟ་ཞིབ་བྱས་ཏེ།  ལྟ་ཞིབ་ས་ཚིགས་ཁག་གི་འཛུགས་སྐྲུན་དང་ལས་ཀའི་བྱེད་ཐབས་འཁོར་སྐྱོད་ལམ་སྲོལ་སོགས་ཀྱི་གནས་ཚུལ་ལ་རྒྱུས་ལོན་བྱས། དེའི་རྗེས་ལ་འཚོགས་པའི་བཞུགས་མོལ་བསམ་བློ་བརྗེ་རེས་ཚོགས་འདུའི་ཐོག་རྫོང་དཔོན་གཞོན་པ་ཚེ་སྐྱབས་རྒྱལ་གྱིས་ད་ལོར་རང་རྫོང་གིས་མཚོ་ལྷོ་ཁུལ་གྱི་དམངས་འཚོའི་དོན་དངོས་རྣམ་གྲངས་གཉེར་བ་དང་ཁུལ་སྲིད་གྲོས་ཨུ་ཡོན་གྱི་གྲོས་གཞི་བསྒྲུབས་ཚུལ་སྙན་སེང་ཞུས་པ་དང་།རྫོང་དང་ཁུལ་གྱི་རྫོང་སྡོད་སྲིད་གྲོས་ཨུ་ཡོན་དང་དེ་བཞིན་འབྲེལ་ཡོད་སྡེ་ཚན་གྱི་འགན་འཁུར་བས་ལྟ་ཞིབ་ནང་དོན་ལ་དམིགས་ནས་བསམ་བློ་བརྗེ་རེས་ཀྱི་་གཏམ་བཤད། 

ཚེ་རིང་གིས་ད་ལོར་རང་རྫོང་གིས་མཚོ་ལྷོ་ཁུལ་གྱི་དམངས་འཚོའི་བྱ་བ་དངོས་ཀྱི་རྣམ་གྲངས་གཉེར་བ་དང་ཁུལ་སྲིད་གྲོས་ཨུ་ཡོན་གྱི་གྲོས་གཞི་གཉེར་བར་ཐོབ་པའི་གྲུབ་འབྲས་ལ་ཁས་ལེན་གང་ལེགས་བྱས་ཤིང་།ཁོས་ནན་གྱིས་བསྟན་དོན། ཁུལ་གྱི་དམངས་འཚོའི་བྱ་བ་དངོས་ཀྱི་རྣམ་གྲངས་གཉེར་སྒྲུབ་བྱེད་སྐབས་རྫོང་སྲིད་གཞུང་གིས་སྔར་བས་གཞི་འཛིན་ས་བྱས་ཏེ་དམངས་འཚོའི་བྱ་བ་དངོས་ལ་མཐོང་ཆེན་བྱེད་པ་དང་།མི་དམངས་གོང་དུ་བཀུར་བའི་འདུ་ཤེས་མཐའ་འཁྱོངས་བྱེད་པ།ནུས་ཤུགས་གང་ཡོད་འདོན་པ་བཅས་བྱས་ནས་དམངས་འཚོའི་བྱ་བ་དངོས་དོན་ཐོག་ཏུ་འཁྱོལ་བ་དང་བྱ་བ་ཚང་མར་ལན་ཡོད་པ་བྱེད་དགོས་དང་། འགན་འཁྲི་འཁུར་མཁན་ཚན་པ་ཁག་གིས་སྐུལ་འདེད་གཏོང་ཤུགས་ཆེ་རུ་གཏོང་བ་དང་།ཕུགས་ཕན་ལམ་སྲོལ་འཐུས་ཚང་དུ་གཏོང་བ།འགན་འཁྲིའི་འདུ་ཤེས་སྔར་བས་ཟབ་ཏུ་གཏོང་བ།ལས་དོན་ལ་སྐུལ་འདེད་གཏོང་ཤུགས་ཆེ་རུ་གཏོང་བ་བཅས་བྱས་ནས་རྣམ་གྲངས་དུས་ཐོག་ཏུ་ལེགས་སྒྲུབ་དང་།རྒྱུན་གཏན་གྱི་མ་འཇོག་བེད་སྤྱོད།ནུས་ཆེ་འཁོར་སྐྱོད་བཅས་ཀྱི་འགན་ལེན་ཏན་ཏིག་བྱེད་དགོས་པ་མ་ཟད། མང་ཚོགས་ཀྱིས་རེ་སྒུག་ཆེན་པོ་བྱེད་པའི་ཐག་གཅོད་ཀྱི་གནད་དོན་ཕྱོགས་སྟོན་དུ་བྱ་རྒྱུ་མཐའ་འཁྱོངས་ཀྱིས་ཆེས་མངོན་གསལ་དོད་པའི་གནད་དོན་ནས་མགོ་བཟུང་ཏེ་དམ་འཛིན་བྱེད་པ་དང་ཆེས་དངོས་ཡོད་ཀྱི་ཁེ་ཕན་ནས་འགོ་བཙུགས་ཏེ་2025ལོའི་དམངས་འཚོའི་བྱ་བ་དངོས་ཀྱི་འོས་འདེམས་རྣམ་གྲངས་བསྡུ་རུབ་ལས་དོན་སྤེལ་འགོ་འཛུགས་རྒྱུ་དང་། དམངས་འཚོའི་དོན་དངོས་ཁག་གཅིག་འཆར་འགོད་དང་ལག་བསྟར་ཞིབ་ཚགས་བྱས་ཏེ་དམངས་འཚོའི་བྱ་བ་དངོས་དེ་མང་ཚོགས་ཀྱིས་མཐོང་ཐུབ་པ་དང་།མིག་མཐོང་ལག་ཟིན་ཐུབ་པ།ཡིད་རྟོན་རུང་བ་བཅས་ཀྱི་ཞིབ་ཕྲའི་བྱ་ཐབས་དང་བྱ་སྤྱོད་ཅིག་ཏུ་འགྱུར་བ་བྱེད་དགོས། ཁུལ་དང་རྫོང་རིམ་པ་གཉིས་ཀྱི་སྲིད་གྲོས་རྩ་འཛུགས་དང་སྲིད་གྲོས་ཨུ་ཡོན་གྱིས་མི་དམངས་ལྟེ་བར་འཛིན་པའི་འཕེལ་རྒྱས་ཀྱི་བསམ་བློ་བརྟན་པོ་བཙུགས་ཏེ་སྐུལ་འདེད་ཀྱི་སྐད་ཆ་ཤོད་པ་དང་།ཇུས་བཟང་འདོན་པ།ལྟ་སྐུལ་བྱེད་ཤུགས་ཆེ་རུ་གཏོང་བ།དོན་འཁྱོལ་ལ་སྐུལ་འདེད་གཏོང་བ་བཅས་བྱས་ཏེ་སྲིད་གྲོས་ཀྱི་ལས་དོན་དེ་མི་དམངས་མང་ཚོགས་ཀྱི་སེམས་ལ་ཟུག་ཐུབ་པ་བྱས་ནས་བཅོས་བསྒྱུར་དང་འཕེལ་རྒྱས་ཀྱི་གྲུབ་འབྲས་ཀྱིས་རྒྱ་ཆེའི་མི་དམངས་ལ་ཕན་པ་ཐོབ་པར་བྱེད་དགོས་ཞེས་བསྟན།

ཚེ་རིང་གིས་བསྟན་དོན། ད་ལོའི་ཁུལ་སྲིད་གྲོས་སྐབས་བཅུ་བཞི་པའི་ཚང་འཛོམས་ཚོགས་འདུ་ཐེངས་བཞི་པ་འཚོགས་ཚུན་ལ། ཁུལ་ཡོངས་ཀྱི་རིམ་པ་ཁག་གི་སྲིད་གྲོས་ཨུ་ཡོན་གྱིས་ཨུ་ཡོན་ཚོའི་བདུན་ཅན་གཅིག་གི་བྱེད་སྒོ་ནན་ཏན་ངང་སྤེལ་ཏེ། ཁུལ་ཨུའི12345ཡི་འབད་འཐབ་དམིགས་ཚད་དང་སྐྱེ་ཁམས་ལ་བརྟེན་ནས་ཁུལ་འཛུགས་སྐྱོང་དང་།ཞིང་ཕྱུགས་ལས་ལ་བརྟེན་ནས་ཁུལ་བརྟན་ལྷིང་ཡོང་བ།ནུས་རྒྱུ་གཙང་མས་ཁུལ་སྟོབས་ཆེར་གཏོང་བ་བཅས་ཀྱི་འཐབ་ཇུས་ལ་དམ་པོར་དམིགས་ནས་བརྟག་དཔྱད་ཞིབ་འཇུག་ལ་ཤུགས་བསྣན་པ། རང་སོ་སོའི་ལས་ཀའི་དོན་དངོས་དང་ཟུང་འབྲེལ་བྱས་ཏེ་བསམ་འཆར་དང་གྲོས་གཞི་སྤུས་ལེགས་མང་པོ་བཏོན་ཡོད། གྲོས་གཞི་དེ་དག་ནི་རྒྱ་ཆེའི་མང་ཚོགས་ཀྱིས་སེམས་ཁུར་བྱ་ཡུལ་དང་། གལ་གནད་ཆེ་བ།ཁ་ཚ་དགོས་གཏུག་བཅས་ཀྱི་གནད་དོན་ཡིན་ལ།ཏང་ཨུ་དང་སྲིད་གཞུང་སྡེ་ཁག་གིས་ཚན་རིག་དང་མཐུན་པའི་སྒོ་ནས་ཇུས་ཐག་གཅོད་པའི་གཞི་འཛིན་ས་གལ་ཆེན་ཞིག་ཀྱང་ཡིན་ཞེས་བསྟན།

ཚེ་རིང་གིས་ནན་གྱིས་བསྟན་དོན། གྲོས་གཞི་སྒྲུབ་འགན་འཁུར་མཁན་ཚན་པ་ཁག་གིས་ཆབ་སྲིད་ལ་མཐོང་ཆེན་བྱེད་པའི་མཐོ་ཚད་ཐོག་ནས་གྲོས་གཞི་སྒྲུབ་པའི་ལས་དོན་ལ་ལྟ་སྟངས་ཡང་དག་འཛིན་པ་དང་།གྲོས་གཞི་སྒྲུབ་པའི་ལས་དོན་གྱི་ངོས་འཛིན་གཏིང་ཟབ་ཏུ་གཏོང་བ།གྲོས་གཞི་སྒྲུབ་པའི་ལས་དོན་ཡག་པོ་སྒྲུབ་པའི་འགན་འཁྲི་འཁུར་སེམས་དང་ལས་འགན་སྒྲུབ་སེམས་སྔར་བས་ཆེ་རུ་གཏོང་བ་བཅས་བྱས་ཏེ་རང་རྟོགས་དང་སྔར་ལས་ལྷག་པའི་ཧུར་བརྩོན་དང་རང་འགུལ་གྱི་སྒོ་ནས་གྲོས་གཞི་སྒྲུབ་པའི་ལས་དོན་ཡག་པོ་སྒྲུབ་དགོས་པ་མ་ཟད། གྲོས་གཞི་སྒྲུབ་འགན་ལེན་པའི་སྡེ་ཚན་ཁག་གིས་གནད་དོན་ཐག་གཅོད་བྱ་རྒྱུ་ཁྲིད་ཕྱོགས་སུ་འཛིན་རྒྱུ་མཐའ་འཁྱོངས་དང་།ཨུ་ཡོན་གྱི་གྲོས་གཞིར་བརྟག་དཔྱད་ཞིབ་འཇུག་དང་དབྱེ་ཞིབ་བྱེད་ཤུགས་ཆེར་གཏོང་།གྲོས་གཞིའི་སྲོག་ཤིང་ཁོང་དུ་ཆུད་པ།དུས་ཚོད་དང་སྟོབས་ཤུགས་གཅིག་སྡུད་བཅས་བྱས་ནས་གཙོ་གནད་ཞིབ་འཇུག་དང་གཙོ་གནད་སྒྲུབ་གཉེར་ནན་མོར་སྒྲུབ་དགོས་ཤིང་། གྲོས་གཞིའི་ནང་གི་ཕན་འབྲས་ཐོན་པ་དང་།སྤྱོད་གོ་ཆོད་པའི་གྲོས་གཞི་དངོས་སུ་དོན་ཐོག་ཏུ་འཁྱོལ་དུ་འཇུག་པ་དང་།དངོས་གཉེར་ཕན་ཆེའི་སྤྱོད་ཚུལ་བཟང་པོ་མུ་མཐུད་དར་སྤེལ་བཏང་ནས་གྲོས་གཞི་སྒྲུབ་རིམ་དེ་སྤྱི་ཚོགས་ཀྱི་གནས་ཚུལ་དང་མི་དམངས་ཀྱི་སེམས་འདུན་ཤེས་རྟོགས་ཐུབ་པ།སྤྱི་ཚོགས་ཀྱི་དོ་ཁུར་ལ་ལན་འདེབས་པ།བསམ་བློའི་ངོས་འཛིན་གཅིག་སྒྲིལ་བྱེད་པ།འཕེལ་རྒྱས་ཀྱི་སྟོབས་ཤུགས་གཅིག་ཏུ་སྒྲིལ་བ་བཅས་ཀྱི་ལས་ཀའི་བྱ་རིམ་དུ་དངོས་སུ་བསྒྱུར་ནས་དུས་ཡུན་ལྟར་ཚད་གཞི་མཐོན་པོ་དང་བླང་བྱ་ནན་པོ་བཏོན་ནས་གྲོས་གཞི་སྒྲུབ་པའི་ལས་དོན་ལེགས་པར་བསྒྲུབས་དགོས་པ་མ་ཟད། གྲོས་གཞི་སྒྲུབ་གཉེར་བྱས་འབྲས་དེ་འཕེལ་རྒྱས་ལ་སྐུལ་འདེད་དང་།ལས་དོན་ལ་སྐུལ་སྤེལ་གཏོང་བའི་དངོས་དོན་གཉེར་བའི་བྱ་སྤྱོད་དུ་བསྒྱུར་གང་ཐུབ་བྱ་དགོས་ཞེས་བསྟན།