སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བུད་མེད་བྱིས་པ་དང་བུད་མེད་མཉམ་འབྲེལ་ལྷན་ཚོགས་ཀྱི་ལས་དོན་སྐོར་གྱི་མཆན་འགོད་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱས་ནས་དཀའ་ངལ་ཡོད་པའི་བྱིས་པར་གཅེས་སྐྱོང་དང་རོགས་སྐྱོར་བྱེད་ཤུགས་ཆེ་རུ་གཏོང་ཆེད།ཟླ10པའི་ཚེས་22ཉིན་གྱི་སྔ་དྲོར། རང་རྫོང་གིས་གཙང་པོའི་མགོ་ཁུངས་གཅེས་སེམས་སྐྱེད་མའི་ཆ་སྒྲིག་གཅེས་སྐྱོང་དང་ཁ་གཏད་ཆ་སྒྲིག་རོགས་སྐྱོར་བྱེད་མགོ་ཚུགས་པའི་མཛད་སྒོ་བསྡུས་ཤིང་། རྫོང་ཡོངས་སུ་གཙང་པོའི་མགོ་ཁུངས་གཅེས་སེམས་སྐྱེད་མ་དང་ཆ་སྒྲིག་གི་ཁྱིམ་ལུས་བྱིས་པ།དཀའ་ངལ་ཡོད་པའི་བྱིས་པ།དེ་བཞིན་ལྟ་སྐྱོང་བ་བཅས་ཁྱོན་མི་30ལྷག་ཐེངས་འདིའི་མཛད་སྒོར་ཞུགས།
མཛད་སྒོའི་སྟེང་། གཙང་པོའི་མགོ་ཁུངས་གཅེས་སེམས་སྐྱེད་མ་ཡིས་ཁྱིམ་ལུས་བྱིས་པ་དང་དཀའ་ངལ་ཡོད་པའི་བྱིས་པར་གཅེས་སྐྱོང་བྱེད་པའི་ལོ་གསུམ་གྱི་འགུལ་སྐྱོད་ལག་བསྟར་ཇུས་གཞི་གསལ་འགྲེལ་བྱས་པ་དང་འབྲེལ་ནར་མ་སོན་པའི་མིར་སྲུང་སྐྱོང་བྱེད་པའི་བཅའ་ཁྲིམས་སོགས་འབྲེལ་ཡོད་ཁྲིམས་ལུགས་ཁྲིམས་སྲོལ་སྒྲོག་འགྲེལ་བྱས། རྫོང་བུད་མེད་མཉམ་འབྲེལ་ལྷན་ཚོགས་ཀྱི་ཀྲུའུ་ཞི་རིག་འཛིན་སྒྲོལ་མས་གཙང་བོའི་མགོ་ཁུངས་གཅེས་སེམས་སྐྱེད་མས་ཆ་སྒྲིག་གི་ཁྱིམ་ལུས་དང་དཀའ་ངལ་ཡོད་པའི་བྱིས་པར་གཅེས་སྐྱོང་བྱེད་པའི་ལས་དོན་ཡག་པོ་སྒྲུབ་དགོས་པའི་བླང་བྱ་བཏོན་ཞིང་། གཅེས་སེམས་སྐྱེད་མ་རྣམས་ཀྱིས་བདུན་ཅན་གཅིག་གཞི་རྟེན་དུ་བྱས་ཏེ་གཅེས་སེམས་ལེགས་སྐྱེས་འབུལ་བ་དང་གཅེས་སྐྱོང་ཐུགས་ཁུར་ཧུར་ཐག་བྱས་ཏེ་རྟག་ཏུ་ཆ་སྒྲིག་བྱིས་པ་དང་འབྲེལ་གཏུག་དང་ལྟ་སྐྱོང་བྱས་ནས་ཁོང་ཚོའི་སློབ་སྦྱོང་དང་།འཚོ་བ།སེམས་ཁམས་བདེ་ཐང་།བསམ་བློའི་འགུལ་སྐྱོད་སོགས་ལ་སེམས་ཁུར་བྱས་ཏེ།གཙང་པོའི་མགོ་ཁུངས་གཅེས་སེམས་སྐྱེད་མའི་ཆ་སྒྲིག་རོགས་སྐྱོར་ཟིན་ཐོའི་རེའུ་མིག་ནན་ཏན་ངང་བྲིས་ནས་གཅེས་སེམས་བྱེད་སྒོ་སྤེལ་ཚུལ་དང་བྱིས་པའི་འཚར་ལོངས་ཀྱི་འགྱུར་ལྡོག་ཐོ་འགོད་བྱས་ཏེ་གཅེས་སེམས་རོགས་སྐྱོར་བྱེད་རྒྱ་ཆེ་རུ་གཏོང་བ་དང་། གཅེས་སེམས་ལྡན་པ། སྟོབས་ཤུགས་ལྡན་པ་བྱེད་དགོས་ཞེས་བསྟན།
བྱེད་སྒོའི་ཡུལ་དངོས་སུ། ཆ་སྒྲིག་མིང་ཐོ་སྒྲོག་འདོན་བྱས་ཤིང་། གཙང་པོའི་མགོ་ཁུངས་གཅེས་སེམས་སྐྱེད་མ་བཅུ་ཡིས་དཀའ་ངལ་ཡོད་པའི་ཁྱིམ་ལུས་བྱིས་པར་ཆ་སྒྲིག་བྱས་ཏེ་གཙང་པོའི་མགོ་ཁུངས་གཅེས་སེམས་སྐྱེད་མའི་ཆ་སྒྲིག་རོགས་སྐྱོར་བྱང་བུ་བྱིས་པའི་ལག་ཏུ་བཞག་པ་མ་ཟད། བྱིས་པ་རྣམས་ལ་གཅེས་སེམས་དངོས་པོ་ལེགས་སྐྱེས་སུ་བྱིན།
གོམ་སྟབས་རྗེས་མར་རྫོང་བུད་མེད་མཉམ་འབྲེལ་ལྷན་ཚོགས་ཀྱིས་མཉམ་འབྲེལ་གྱི་ལེགས་ཆ་མུ་མཐུད་དུ་འདོན་སྤེལ་བྱས་ཏེ་གཅེས་སེམས་སྐྱེད་མ་སྒྲིག་འཛུགས་བྱེད་པ་དང་།ཁ་པར་ཐོག་ནས་འདྲི་རྩད། ཁྱིམ་དུ་བཅར་འདྲིར་བསྐྱོད་པ།རྒྱུས་ལོན་གསལ་བོ་བྱེད་པ།གཅེས་སྐྱོང་འཚམས་འདྲི་སོགས་ཀྱི་རྣམ་པ་བརྒྱུད་ནས་ཆ་སྒྲིག་བྱིས་པའི་སློབ་སྦྱོང་དང་།འཚོ་བའི་གནས་ཚུལ།བསམ་བློའི་འགུལ་སྐྱོད་བཅས་ཤེས་རྟོགས་བྱེད་པ་དང་འབྲེལ་དཀའ་ངལ་ཡོད་པའི་ཁྱིམ་ལུས་བྱིས་པར་ཆ་སྒྲིག་རོགས་སྐྱོར་བྱེད་པའི་དྲོད་སེམས་དྲ་རྒྱ་དེ་སྔར་ལས་འཐུས་ཚང་དུ་བཏང་ནས་ཆ་སྒྲིག་གཅེས་སྐྱོང་གི་བྱེད་སྒོ་དོན་ཐོག་ཏུ་འཁྱོལ་བ་དང་ནར་མ་སོན་པའི་མི་བདེ་ཐང་ངང་འཚར་ལོངས་ཡོང་བར་བུད་མེད་ཀྱི་སྟོབས་ཤུགས་འབུལ་བར་སྐུལ་འདེད་གཏོང་རྒྱུ་རེད།
སྔ་རབས་རྗེས་འཇུག
སློབ་གསོའི་གསོ་སྦྱོང་འཛིན་གྲྭ་རྫོང་ཨུའི་ཏང་གི་སློབ་གྲྭར་ཚོགས།
