ནོར་ལུག་བཤས་གཏོང་གི་ཁ་གསབ་རྣམ་གྲངས་ཀྱིས་རོང་འབྲོག་པའི་ཡོང་འབབ་འཕར་སྣོན་ལ་རོགས་རམ་བྱས།
ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ཁུལ་འཛུགས་སྐྲུན་ལ་སྐུལ་འདེད་གཏོང་ཆེད། རང་རྫོང་གིས་ཞིང་ཆེན་དང་ཁུལ། རྫོང་ཨུ་བཅས་ཀྱི་འབོད་སྐུལ་དང་ལེན་ཧུར་ཐག་བྱས་ནས2024ལོར་ནོར་ལུག་བཤས་གཏོང་བའི་ཁ་གསབ་རྣམ་གྲངས་ལག་ལེན་ཏུ་བསྟར་མགོ་བརྩམས། རྣམ་གྲངས་དེའི་དམིགས་ཡུལ་ནི་བྱ་དགའ་དང་ཁ་གསབ་སྤྲོད་པའི་སྲིད་ཇུས་ལ་བརྟེན་ནས་ནོར་ལུག་གསོ་སྤེལ་ལས་རིགས་འཕེལ་རྒྱས་ལ་སྐུལ་འདེད་གཏོང་བ་དང་། རྩྭ་རའི་གནོན་ཤུགས་ཇེ་ཆུང་དུ་གཏོང་བ། རོང་འབྲོག་པའི་ཡོང་འབབ་མང་དུ་གཏོང་བ། གྲོང་གསེབ་དར་སྤེལ་ལ་སྐུལ་འདེད་གཏོང་བ་བཅས་བྱ་རྒྱུ་དེ་རེད།![]()
ཉེ་བའི་ལོ་ཤས་རིང་། རང་རྫོང་གིས་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་སྐྲུན་པའི་སྐོར་གྱི་ཞིང་ཆེན་དང་ཁུལ། རྫོང་ཨུ་བཅས་ཀྱི་འཐབ་ཇུས་བཀོད་སྒྲིག་ལ་དམ་པོར་དམིགས་ནས་འབྲོག་ལས་ཕྱོགས་སྒྱུར་རིམ་སྤོར་ལ་སྐུལ་འདེད་ཤུགས་ཆེན་བཏང་ཡོད། ཐེངས་འདིའི་ནོར་ལུག་བཤས་གཏོང་བའི་ཁ་གསབ་རྣམ་གྲངས་ལག་བསྟར་བྱས་པ་དེ་ནི་འཐབ་ཇུས་དེ་ལག་བསྟར་དོན་འཁྱོལ་བྱེད་པའི་བྱ་ཐབས་གལ་ཆེན་ཞིག་ཡིན་ཞིང་། དེའི་དམིགས་ཡུལ་ནི་རྩྭ་ཕྱུགས་ཀྱི་འགལ་བ་ཐག་གཅོད་བྱེད་པ་དང་། ནོར་ནག་དང་བོད་ལུག་གི་ཐོན་ལས་སྤུས་ཚད་མཐོ་རུ་བཏང་ནས་ཁྲོམ་རའི་དགོས་མཁོ་སྐོང་བ་དང་རོང་འབྲོག་པའི་འཚོ་བའི་ཆུ་ཚད་མཐོ་རུ་གཏོང་རྒྱུ་དེ་ཡིན་པ་རེད།![]()
མཚོ་ལྷོ་ཁུལ་ནོར་སྲིད་ཅུའུ་ཡི2024ལོར་ནོར་ལུག་བཤས་གཏོང་མང་ཚོགས་ལ་འབབ་འཕར་ཡོང་བའི་འབྲེལ་ཡོད་མ་དངུལ་གཤམ་སྤྲོད་བྱ་རྒྱུའི་སྐོར་གྱི་བརྡ་ཐོ་ལྟར་ན། རང་རྫོང་དུ2024ལོར་ནོར་ལུག་འབུམ་གསུམ་ཁྲི་གསུམ་སྟོང་བདུན་བཤས་གཏོང་བྱ་རྒྱུའི་འཆར་གཞི་ཡོད་པ་དང་། དེའི་ནང་དུ་ནོར་གནག་སྟོང་བརྒྱད་དང་ལུག་འབུམ་གཉིས་ཁྲི་ལྔ་སྟོང་བདུན་ཡོད་པ་རེད། བྱ་དགའ་དང་ཁ་གསབ་སྤྲོད་པའི་སྲིད་ཇུས་ལག་ལེན་ཏུ་བསྟར་བ་བརྒྱུད་སྔོན་དཔག་བྱས་ན་རོང་འབྲོག་པའི་གསོ་སྤེལ་ཡོང་འབབ་ཇེ་མཐོར་ཕྱིན་ནས་རྫོང་ཡོངས་ཀྱི་འབྲོག་ལས་འཕེལ་རྒྱས་ལ་སྐུལ་མ་ཐེབས་རྒྱུ་ཡིན་པ་རེད།![]()
རྒྱུས་ལོན་པ་ལྟར་ན། ཐེངས་འདིའི་བྱ་དགའ་དང་ཁ་གསབ་བྱ་ཡུལ་ནི་རྫོང་ཁོངས་ཀྱི་ནོར་ལུག་གསོ་སྤེལ་ལས་རིགས་ཀྱི་མཉམ་ལས་ཁང་དང་ཁྱིམ་ཚང་ཕྱུགས་ར། གསོ་སྤེལ་ཁྱིམ་ཚང་། དབུལ་སྒྲོལ་ཁྱིམ་ཚང་བཅས་ཡིན་པ་རེད། དབུལ་སྒྲོལ་ཁྱིམ་ཚང་ལ་གཞིགས་ནས་ནོར་གཅིག་རེར་སྒོར100དང་ལུག་རེར་སྒོར50སྤྲོད་རྒྱུ་དང་ཁྱིམ་ཚང་རེར་ཆ་སྙོམས་ཁ་གསབ་སྒོར་སྟོང་ལྔ་ལས་མི་བརྒལ་བ་བྱ་རྒྱུ། གསོ་སྤེལ་ཁྱིམ་ཚང་དང་མཉམ་ལས་ཁང་། ཁྱིམ་ཚང་ཕྱུགས་ར་བཅས་ལ་ནོར་གཅིག་རེར་སྒོར50དང་ལུག་གཅིག་རེར་སྒོར30ཡིན་པ་དང་མཐོ་ཤོས་ལ་སྒོར་ཁྲི་གཅིག་ལས་བརྒལ་མི་ཆོག་པའི་བྱ་དགའི་ཁ་གསབ་སྤྲོད་བཞིན་ཡོད་པ་རེད། གྲོང་གསེབ་དར་སྤེལ་གྱི་སྦྲེལ་མཐུད་མ་དངུལ་ནོར་ལུག་བཤས་གཏོང་བའི་ཁ་གསབ་དང་ཁྱིམ་ཚང་དུ་འབྱོར་བའི་ཐོན་ལས་རྣམ་གྲངས་ལོངས་སྤྱོད་བྱས་ཟིན་པ་ཡིན་ན་ཐེངས་འདིའི་བྱ་དགའ་དང་ཁ་གསབ་ལོངས་སུ་སྤྱད་མི་ཆོག་་པ་རེད།![]()
རྣམ་གྲངས་ཀྱི་ཕན་འབྲས་ལ་འགན་ལེན་བྱ་ཆེད། ཐེངས་འདིའི་ནོར་ལུག་བཤས་གཏོང་བའི་ཁ་གསབ་རྣམ་གྲངས་ཀྱི་བྱ་དགའི་ཁ་གསབ་དུས་བཀག་ནི2024ལོའི་ཟླ9པའི་ཚེས1ཉིན་ནས་ཟླ12པའི་ཚེས30ཉིན་བར་ཡིན་པ་རེད། ཆ་རྐྱེན་འཛོམས་པའི་རོང་འབྲོག་མང་ཚོགས་ཀྱིས་གཏན་འབེབས་ཀྱི་དུས་ཚོད་ནང་བྱ་དགའ་དང་ཁ་གསབ་རེ་ཞུ་བྱས་ཆོག![]()
རྣམ་གྲངས་ལག་ལེན་ཏུ་བསྟར་མགོ་ཚུགས་པ་ནས་བཟུང་། རང་རྫོང་གི་རྒྱ་ཆེའི་རོང་འབྲོག་མང་ཚོགས་ཚོས་གཅིག་རྗེས་གཉིས་མཐུད་ཀྱིས་དེ་ལ་ཟབ་ཞུགས་བྱས་ནས་རྣམ་གྲངས་ལ་རྒྱབ་སྐྱོར་དང་རེ་སྒུག་བྱ་རྒྱུ་ཡིན་ཟེར། གསོ་སྤེལ་ཁྱིམ་ཚང་མང་པོ་ཞིག་གིས་བྱ་དགའ་དང་ཁ་གསབ་སྤྲོད་པའི་སྲིད་ཇུས་ལག་བསྟར་བྱས་པ་ལས་ཁོ་ཚོར་ཡོང་འབབ་འཕར་སྣོན་གྱི་རེ་བ་བྱུང་བ་མ་ཟད། གསོ་སྤེལ་ལས་རིགས་འཕེལ་རྒྱས་གཏོང་བའི་ཁོ་ཚོའི་ཧུར་བརྩོན་རང་བཞིན་ལའང་སྐུལ་མ་ཐེབས་ཡོད་ཅེས་བཤད། ![]()
2024ལོའི་ནོར་ལུག་བཤས་གཏོང་གི་ཁ་གསབ་རྣམ་གྲངས་ནི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་ཁུལ་འཛུགས་སྐྲུན་ལ་སྐུལ་འདེད་གཏོང་བའི་བྱེད་ཐབས་གལ་ཆེན་ཞིག་རེད། ལས་རིམ་རྗེས་མར། རང་རྫོང་གིས་སྲིད་ཇུས་ཀྱི་རོགས་སྐྱོར་བྱེད་ཤུགས་མུ་མཐུད་ཆེ་རུ་བཏང་ནས་རོང་འབྲོག་པར་ཡོང་འབབ་འཕར་སྣོན་དང་ཕྱུག་འགྱུར་ཡོང་རོགས་བྱས་ཏེ་གྲོང་གསེབ་དར་སྤེལ་གྱི་དམིགས་ཚད་མངོན་འགྱུར་ཡོང་ཆེད་སྟོབས་ཤུགས་སྐྱེས་འབུལ་བྱ་རྒྱུ་རེད། ![]()
