སློབ་ཆེན་སློབ་མ་སྡེ་བར་བསྐྱོད་ནས་ལས་འགན་འཁུར་བའི་དངོས་ཡོད་འཚོ་བ་དང་ལས་དོན་གྱི་གནས་ཚུལ་གང་ལེགས་སྒོས་མངོན་པ།སྔར་ལས་ལྷག་པའི་སྒོ་ནས་སློབ་ཆེན་སློབ་མས་གྲོང་གསེབ་དར་རྒྱས་ཀྱི་བྱ་གཞག་ཁྲོད་ཧུར་བརྩོན་བྱེད་པར་འབོད་སྐུལ་བྱེད་ཆེད།རང་རྫོང་གི་རྫོང་ཨུའི་རྩ་འཛུགས་པུའུ་ཡིས་རྫོང་མཉམ་འདྲེས་སྨྱན་སྦྱོར་ལྟེ་གནས་དང་མཉམ་འབྲེལ་སྒོས་ང་ཡི་ལང་ཚོ་དང་གྲོང་སྡེ་ཞེས་པའི་སློབ་ཆེན་སློབ་མ་སྡེ་བར་བསྐྱོད་ནས་ལས་གནས་འཁུར་བའི་བརྒྱུད་རིམ་དག་བརྙན་ཕབ་བྱས་ཏེ་ཆེད་དོན་ལེ་ཚན་ཞིག་སྒྲིག་འཛུགས་བྱས་ཡོད།
ང་ཚོ་བརྙན་ཕབ་ཚན་ཆུང་ཐོག་མར་རྐ་འབའ་སུམ་མདོ་གྲོང་རྡལ་ཁོ་རྒན་སྡེ་བར་སོང་ནས། ཁོ་རྒན་སྡེ་བའི་ཏང་ཀྲི་པུའུ་ཧྲུའུ་ཅི་ཆོས་འབུམ་རྒྱལ་དང་ཉེ་བར་བཅར་བ་ཡིན། ཧྲུའུ་ཅི་ཆོས་འབུམ་རྒྱལ་ནི2021ལོར་སྡེ་བའི་ནང་ཕྱིར་ལོག་ནས་སྡེ་བའི་ལས་གནས་ཁུར་ཡོད་པའི་སློབ་ཆེན་སློབ་མ་ཞིག་ཡིན་པ་དང་།ཁོས་རང་ཉིད་ཀྱི་ལས་ཀའི་ལམ་བུའི་སྟེང་བརྒྱུད་ཟིན་པའི་བྱ་བའི་མཉམ་མྱོང་གྲུབ་འབྲས་དག་གསར་འགོད་པར་བཤད་ནས་ནོར་གནག་སྟོང་གི་གསོ་སྤེལ་རྟེན་གཞི་དང་ཤིང་བརྐོས་ལས་སྣོན་བཟོ་གྲྭ་སོགས་ཀྱི་ཐོན་ལས་གཉེར་ཞིང་དཔལ་འབྱོར་གོང་འཕེལ་བཏང་བའི་གནས་ཚུལ་ངོ་སྤྲོད་གནང་བ་རེད། ཁོས་རང་ཉིད་ཀྱི་མྱོང་བ་བཤད་པ་བརྒྱུད་ང་ཚོས་གྲོང་གསེབ་ཐོན་ལས་ཀྱི་ད་ལྟའི་འཕེལ་རྒྱས་གནས་ཚུལ་དང་དེ་བཞིན་སློབ་ཆེན་སློབ་མས་གྲོང་གསེབ་དར་རྒྱས་ཁྲོད་འདོན་སྤེལ་བྱས་པའི་བྱེད་ནུས་གལ་ཆེན་དེར་རྒྱུས་ལོན་གསལ་པོ་བྱེད་ཐུབ།
གཞན་ཡང་ང་ཚོའི་ལེ་ཚན་གྱི་གསར་འགོད་ཚན་ཆུང་གིས་ད་དུང་ས་གནས་དེ་གའི་ཞིང་ལས་མཉམ་ལས་ཁང་ལ་རྒྱུས་ལོན་བྱས་ནས་གྲོང་གསེབ་ཀྱི་དཔལ་འབྱོར་སྣ་མང་ཅན་གྱི་འཕེལ་རྒྱས་མཐོང་ཞིང་། ཏང་ཀྲི་པུའུ་ཧྲུའུ་ཅི་ཆོས་འབུམ་རྒྱལ་ནང་བཞིན་རྒྱ་ཆེའི་སློབ་ཆེན་སློབ་མ་རྣམས་ཕྱིར་རང་གི་ཕ་ཡུལ་དུ་ལོག་ནས་ལས་ཀ་ཧུར་ཐག་གིས་སྒྲུབ་ཏེ་རང་ཉིད་ཀྱི་ཤེས་བྱ་དང་རྩལ་ནུས་ལ་བརྟེན་ནས་ཕ་ཡུལ་ལ་དྲིན་ལན་འཇལ་བ་དང་གྲོང་གསེབ་དར་རྒྱས་ཡོང་ཆེད་ལང་ཚོའི་སྟོབས་ཤུགས་ལེགས་སྐྱེས་སུ་འབུལ་རྒྱུའི་རེ་བ་བཅངས་ཡོད།
ང་ཡི་ལང་ཚོ་དང་གྲོང་སྡེ་ཞེས་པའི་སློབ་ཆེན་སློབ་མས་སྡེ་བར་ཞབས་ཞུ་སྒྲུབ་པ་དང་ལས་འགན་ཁུར་བའི་གནས་ཚུལ་ཕབ་སྐྲུན་གྱི་ཆེད་སྒྲིག་ལེ་ཚན་འདི་ནི་སློབ་ཆེན་སློབ་མས་སྡེ་བར་ལས་འགན་ཁུར་ཞིང་རང་ཉིད་ཀྱི་ནུས་པ་བཏོན་ནས་གཡུར་ཟའི་གྲུབ་འབྲས་ཕྱིར་མངོན་པ་མ་ཟད།སློབ་ཆེན་སློབ་མ་དག་གྲོང་གསེབ་དར་རྒྱས་ནང་ཞུགས་པའི་སྤྲོ་སེམས་དང་ཡིད་ཆེས་སྔར་བས་འཕེལ་བར་བྱས་ཡོད་པས། ལེ་ཚན་འདི་སྒྲོག་གཏོང་བྱས་པ་དང་བསྟུན་ནས་སློབ་ཆེན་སློབ་མ་སྔར་ལས་མང་བ་ཞིག་གྲོང་གསེབ་དར་རྒྱས་ཀྱི་ལས་ཀའི་ཁྲོད་ཞུགས་ནས་ཐུན་མོང་ཐོག་ཁོང་ཚོར་དབང་བའི་ལང་ཚོའི་ལེའུ་ཞིག་རྩོམ་ཐུབ་པར་ཡིད་ཆེས་ཀྱིས་ཁེངས་ཡོད།
སྔ་རབས་རྗེས་འཇུག
