تېڭشۈن تورى خەۋىرى، نۇر تورى تەرجىمىسى:
تۈنۈگۈن خەلقئارادا ئالتۇن باھاسى چۈشتى، دۆلەت ئىچىدىكى ئالتۇن باھاسىدا ئومۇمىي جەھەتتىن ئۆزگىرىش چوڭ ئەمەس. نۆۋەتتە، ئالتۇن زىبۇ-زىننەتلىرىنىڭ باھاسى ئەڭ يۇقىرى بولغان ئالتۇن دۇكىنى جوۋ دافۇ (周大福) بولۇپ، ھەر گىرامىنىڭ باھاسى 813 يۈەن. ئالتۇن باھاسى ئەڭ تۆۋەن بولغان ئالتۇن دۇكىنى بولسا شاڭخەي ئالتۇن دۇكىنى بولۇپ ھەر گىرامى 781 يۈەن. بۈگۈن ئالتۇن باھاسىنىڭ يۇقىرى-تۆۋەن پەرقى ھەر گىرامى 32 يۈەن بولۇپ، باھا پەرقى ئۆزگەرمىدى.
ئالتۇن باھاسىنى دەپ بولغاندىن كېيىن پىلاتىنا (铂金) باھاسى توغرىسىدا ئاساسىي جەھەتتىن توختىلايلى، جوۋ دافۇ ئالتۇن دۇكىنىدا پىلاتىنا باھاسىنىڭ ھەر گىرامىنىڭ باھاسى 388 يۈەن. باشقا ئالتۇن دۇكانلىرىدا پىلاتىنا باھاسىنىڭ تەپسىلاتى ھازىرچە ئېلان قىلىنمايدۇ.
بۈگۈن ئالتۇن دۇكىنىدا ئالتۇن باھاسى مۇقىم بولغان بولۇپ، ئالتۇننىڭ يىغىۋېلىش باھاسىمۇ ھەر گىرامى 0.2 يۈەن چۈشكەن. شۇنداقلا ھەر بىر ماركىنىڭ يىغىۋېلىش باھاسىمۇ ئوخشىمايدۇ. ئالتۇن باھاسى پەيشەنبە كۈنى ئۆرلىگەندىن كېيىن تۆۋەنلىگەن، يېقىندا ئېلان قىلىنغان ئامېرىكا ئىقتىسادىي سانلىق مەلۇماتى بۇ يۈزلىنىشنى يەنىمۇ كۈچەيتكەن. ئەڭ ئاخىرىدا ھەر ئۇنسىيەسى 2637.80 ئامېرىكا دوللىرى بولۇپ، چۈشۈش نىسبىتى %0.83 بولدى. بۈگۈن ئالتۇن باھاسىمۇ ئوخشاشلا ئۆرلىدى، ئالدىنقى ھەپتىنىڭ بەشى ئېلان قىلىنغانغا قەدەر ئالتۇننىڭ ھەر ئۇنسىيەسى 2631.49 دوللار بولۇپ، چۈشۈش نىسبىتى %0.29 بولدى. ئالدىنقى ھەپتىنىڭ بەشى ئالتۇن باھاسى چۈشتى، ئاساسلىقى مۇشۇ ھەپتە بىر قاتار سانلىق مەلۇماتلار ئېلان قىلىنىپ، ئالتۇن باھاسىغا تەسىر كۆرسەتتى، قىسمەن مەبلەغ سالغۇچىلار مۇددەتتىن بۇرۇن پايدا ئېلىشنى تاللىدى.
ئۇنىڭ ئۈستىگە كەچتە ئامېرىكا ياسىمىچىلىق كەسپىنىڭ سانلىق مەلۇماتى ئامېرىكا دوللىرىنىڭ ئۆرلىشىنى ئىلگىرى سۈرۈپ، ئالتۇن باھاسىنىڭ ئۆسۈشىگە تۈرتكە بولغان. ئامېرىكا زاپاس پۇل فوندى كومىتېتىنىڭ مەسئۇلى ئالدىنقى ھەپتىنىڭ بەشى يوشۇرۇن پۇل پاخاللىقى ئۆسۈش خەۋپىنى كۆزدە تۇتۇپ، تېخىمۇ ئۇزۇن بولغان قىسىش بەلگىلىمىسىنى داۋاملىق ساقلاشقا مايىل ئىكەنلىكىنى بىلدۈرگەن. ئەڭ يېڭى سانلىق مەلۇماتىغا ئاساسلانغاندا، نۆۋەتتە بازارنىڭ 3-ئايغىچە نۆۋەتتىكى ئۆسۈم نىسبىتىنى ساقلاش ئېھتىماللىقى %53.3 بولۇپ، ئىلگىرىكى مۆلچەردىكىدىن يۇقىرى بولغان.
تەكىتلەشكە تېگىشلىكى شۇكى، گولدمان ساكس (Goldman Sachs)نىڭ تەھلىلچىلىرى ئىلگىرى بۇ يىلنىڭ ئاخىرىغىچە، ئالتۇن باھاسىنىڭ ھەر ئۇنسىيەسى 3000 دوللارغا ئۆسىدىغانلىقىنى مۆلچەرلىگەن، ئەمما ھازىر ئانالىزچىلار ۋاقىتنى كېلەر يىلنىڭ ئاخىرىغا كېچىكتۈرگەن. بۇنىڭدىن باشقا رايون ۋەزىيىتى يەنىلا جىددىي ھالەتنى ساقلىدى.
ئومۇمەن قىلىپ ئېيتقاندا بازار مۆلچەرى تۆۋەنلىدى، ئالتۇن باھاسىنىڭ چۈشۈش ئېھتىماللىقى بار، ئەمما بۇ ھەپتە ئالتۇن باھاسىغا تەسىر كۆرسىتىدىغان نۇرغۇن سانلىق مەلۇماتلار ئېلان قىلىنىدۇ. كونكرېت ئالتۇن باھاسىغا بىر نېمە دېمەك تەس، دۆلەت ئىچىدىكى ئالتۇن دۇكانلىرىدا قىسقا ۋاقىت ئىچىدە چوڭ چۈشۈش نىسبىتى كۆرۈلمەسلىكى مۇمكىن.
