گۈزەل ھايات 9-بۆلۈم 11-قىسىم _سىزدىن سورمىدىم

11-قىسىم

سىزدىن سورمىدىم

شۇنداق، ئايرۇس ئۇنچە ئاق كۆڭۈل ئايال ئەمەس، مۇيەسسەر ھامىلىدار بولغان بولسا نېمە بولاتتى؟

بۇ بالىنى ئايرۇسنىڭ ئېلىپ قالغۇسى بولمىسا، ھەرگىز ئېلىپ قالالمايدۇ.

ئۇنىڭ ئۈستىگە، بۇ قېتىم ئۇ ئوتتۇرىغا چىقمىسىمۇ ئۇنىڭ پىلانى بويچە بولغاندا مۇيەسسەرنىڭ قورسىقىدىكى بالا ئوخشاشلا چۈشۈپ كېتىدۇ،  دىلنار بىلەن دىلارەدىن ئىبارەت بۇ ئىككى  ئايال چوقۇم تۈمەنلىگەن كىشىلەر تەرىپىدىن تىللاشقا ئۇچرايدۇ!

ئۆز مەيلىچە خانقىزلىق سالاھىيىتى بىلەن غەم-ئەندىشىسىز ياشاش ئۇنداق ئاسان ئەمەس.

دىلنار ئانا - بالىنىڭ پەيدا بولۇشى ئايرۇس ئانا-بالىلارنىڭ   تۇرمۇشىنى ئاستىن-ئۈستۈن قىلىۋەتتى، ئۇلار قانداقمۇ تەن بېرىپ قاراپ تۇرسۇن؟

ئايرۇس بولسا ماڭا تەۋە بولغان نەرسە مەڭگۈ مىنىڭ بولىدۇ!

بۇ 30 نەچچە يىل بۇرۇنلا بېكىتىلىپ بولۇنغان!

پەقەت شۇ دىلنار ئانا - بالا  ئېتىراپ قىلغىلى ئۇنىمايۋاتىدۇ خالاس! > دەپ قارايدۇ.ئۇنىڭ ئويىچە

بۈگۈن ئۆتۈپ كەتسە، دىلارە، دىلنار   ئانا- بالا   كۆزدىن يوقىلىدۇ. بۇلارنى ئويلاپ، ئايرۇسنىڭ چىرايىدىكى كۈلكە بارا-بارا كۈچىيىپ، ھاياجانلىنىپ كەتتى.

ئەمما، ئۇ مەقسەتسىزلا بېشىنى كۆتۈرۈپ ئالدىغا قارىغاندا، ماشىنىنىڭ ئارقىنى كۆرۈش ئەينىكىدە، بىر جۈپ كۆزىنىڭ ئۆزىگە كۈلۈمسىرەپ قاراپ تۇرغانلىقىنى كۆرۈپ قالدى.

 چىرايىدىكى كۈلكە بىردىنلا  قېتىپ قالدى.

بايىقى ئەنسىزلىك يەنە تېز سۈرئەتتە ئېتىلىپ چىقىپ،  نەپەس ئېلىشىنى توسۇپ قويدى.

پۈتۈن بەدىنىنىڭ بىلىپ-بىلمەيلا قېتىپ قالغانلىقىنى  رەشىدە ئاسانلا سېزىپ قېلىپ:

- ئاپا، نېمە بولدىڭىز؟  - دەپ سورىدى.

ئۇنىڭ سوراق قىلغان ئاۋازىنى ئاڭلىغان رەنا بېشىنى بۇراپ ئۇلارغا قارىدى.

 ئايرۇس رەناغا يۈزلىنىشكە جۈرئەت قىلالماي، قولىنى رەشىدەنىڭ قولىدىن تارتىۋېلىپ:

-  ھېچ ئىش يوق. - دېدى.

ئۇ سۆزىنى تۈگىتىپ، بېشىنى كۆتۈرۈپ ئارقىنى كۆرۈش ئەينىكىگە قارىدى، ئەمما دىلنارنىڭ كۆزلىرىنى كۆرەلمىدى.

بايىقى ياخشى كەيپىياتى دىلنارنىڭ بىر قاراپ قويۇشىدىن غايىب بولۇپ، يول بويى دەككە-دۈككىگە چۈشۈپ قالدى.

دىلارە ئالدى بىلەن قورۇققا كەلدى، ئالتۇن رەڭلىك ئويما تۆمۈر ئىشىك ئاستا-ئاستا ئېچىلدى.

ماشىنا ئۇدۇل ھويلىغا كىرىپ توختىدى.

نېمىلا دېگەن بىلەن بۇ يەرمۇ بۇ ئائىلىنىڭ بىر قورۇقى، كۆلىمى ئانچە چوڭ ئەمەس، ئىلگىرى بېرىپ باققان داۋۇت ئائىلىسى بىلەن سېلىشتۇرغاندا ئۇنداق كاتتا ئەمەس ئىدى.

ئويلاپ باقسىمۇ بۇ  يەر پەقەت مېۋىلىك باغ ، ئەينى چاغدا بۇ يەردە داۋاملىق تۇرۇپ قېلىشىنىمۇ ئويلىمىغان بولغىيتتى.

ماشىنا داچا بىناسىنىڭ ئالدىدا توختىدى، ئىشىك ئالدىدىكى كارىدوردا بۇرۇنلا بىر ئادەم ئۇلارنى ساقلاپ تۇرۇۋاتاتتى.

ئاتىكەم ئاۋۋال ماشىنىدىن چۈشتى، ئىشىك تەرەپتىكى ياشىنىپ قالغان خىزمەتكار دەرھال ئالدىغا كېلىپ  خۇشامەت قىلىپ كۈلۈپ تۇرۇپ:

- دىلارە خانقىز  ... - دەپ سالام قىلدى.

سالام قىلىپ تۇرۇشىغا دىلارە ماشىنىنىڭ ئىشىكىنى ئېچىپ پەسكە چۈشتى.

خىزمەتكارنىڭ چىرايى قېتىپ قېلىپ، گۇمان بىلەن دىلارەغا قارىدى.

ئاتىكەم ئۇنى بىر ئاز تارتىپ، ئارىلىق قالدۇرۇپ، سوغۇققىنە ئاۋازدا:

-  ئادەمنى خاتا تونۇپ قالدىڭىز.  - دېدى.

خىزمەتكار قاتتىق ئوڭايسىزلىنىپ، دەرھال دىلارەنىڭ ئالدىغا كېلىپ:

- دىلارە  خانقىز  ... - دەپ قايتا سالام قىلدى.

دىلارە مامۇق چاپان كىيىپ، بوينىغا شارپا ئارتىۋالغان بولۇپ، ئۆزىنى ھىم ئورىۋېلىپ، نېپىز  چاپان كىيىۋالغان ئاتىكەمگە سېلىشتۇرغاندا  كېلەڭسىز كۆرۈنۈپ قالغانىدى.

دىلارە ماشىنىنىڭ ئىشىكىنى يېپىپ، ئۇنىڭغا بىر ھازا قاراپ تۇرۇۋەتكەندىن كېيىن، پىخىلداپ كۈلۈپ كېتىپ :

- قارىغاندا بىرسى سىزگە دېيىشكە ئۈلگۈرەلمىگەن ئوخشايدۇ، مەن بۇ قېتىم يەنە بىر ئادەمنى بىللە ئېلىپ كەلدىم.  - دېدى.

خىزمەتكارنىڭ چىرايىدا بىر قاتار ئۆزگىرىشلەر بولدى.

داچىنىڭ ئىشىكى ئالدىدا يەنە بىر نەچچە كىشى بېشىنى تۆۋەن سېلىپ ھۆرمەت بىلەن تۇراتتى، ئۇلار بىر تۇتاش خىزمەتكار كىيىمى كىيمىگەنىدى، بۇنىڭدىن بۇ يەردىكى تۇرمۇشنىڭ يەنىلا چەكلىمىگە ئۇچرىمايدىغانلىقىنى كۆرۈۋالغىلى بولاتتى.

دىلارە قېشىنى ئېتىپ قويۇپ، ئۇنىڭغا قاراپ تۇرغان بىر توپ ئادەمدىن:

- بۇياق قورۇقنىڭ خوجىدارى ئەمەستۇ؟ - دەپ سورىدى.

بىر خىزمەتكار بېشىنى چايقاپ:

-  قورۇقنىڭ خوجىدارى تاغام تۈنۈگۈن كەچتە يۇرتىدا  ئىشى چىقىپ قالغاچقا ، كېچىلەپ كېتىپ قالدى. خانىمىمىزنىڭ سالامەتلىكى ھازىر ياخشى ئەمەس، ئاڭلىسام ئۇ قەسىردىن كەلگەن تەجرىبىلىك غوجىدار نۇرنىسا خانىم ئىكەن، تۈنۈگۈن كەچتە غوجىدار تاغام كېتىشى بىلەنلا، ئۇ كېلىپ ئورنىغا چىقتى. بۇ يەردىكى كۆپ قىسىم ئىشلارنى خوجىدار تاغام باشقۇرۇپ كەلگەن،  نۇرنىسا خانىم ئاندا-ساندا كېلىپ قالاتتى،  بەلكىم... خوجىدار ھېسابلىنىدىغۇ دەيمەن... - دېدى. 

خىزمەتكارنىڭ ئاۋازى بارغانسېرى ئاجىزلاپ كەتتى، ئاخىرىدا  بىر ئاز ئەنسىزلىك بىلەن نۇرنىسا غا قاراپ قويدى، بەزى گەپلىرىنىڭ خاتا بولۇپ قالسا ئۇنى رەنجىتىپ قويۇشتىن ئەنسىرىدى.

دىلارە كۈلۈپ قويۇپ، ئالدىدىكى نۇرنىسا خانىمغا قاراپ :

- غوجىدار تاغاش كېتىشى بىلەنلا ئۇ كېلىپ خىزمەتكە چۈشتىمۇ؟ ۋاقىت تولىمۇ ئۇدۇل كېلىپ قاپتۇ ھە. - دېدى. 

 خىزمەتكار بىر ئاز جىمىپ قالدى، ئاندىن بېشىنى كۆتۈرۈپ،  ئۆزىنى كەمسىتمەي،  ھەم چوڭمۇ  تۇتماي:

- مۇيەسسەر خانىمنىڭ سالامەتلىكى  مۇھىم، شۇڭا  ئازراقمۇ كېچىكتۈرۈشكە بولمايدۇ.  - دېدى.

دىلارە بېشىنى لىڭشىتتى، ئۇ بۇ ئىشنى كۆڭلىگە ئالمىغاندەك، ئەكسىچە :

- نۇردۇن ئەپەندىچۇ؟  - دەپ سورىدى.

نۇرنىسا جاۋاب بېرىپ:

- ئەپەندىم، بىر سائەت بۇرۇنلا ئۆيدىن چىقىپ كەتكەن... - دېدى. 

- سىزدىن سورىمىدىم. - دىلارە سوغۇق ئاۋازى بىلەن ئۇنىڭ گېپىنى بۆلۈۋەتتى، ھەتتا ئۇنىڭغا قاراپمۇ قويمىدى.

تىكىلىپ تۇرغان خىزمەتكار دەرھال ئىككى قەدەم ئالدىغا سۈرۈلۈپ، ئېھتىياتچانلىق بىلەن:

- شۇنداق، ئەپەندىم يېرىم سائەت بۇرۇن چىقىپ كەتكەن ... - دېدى. 

دىلارە ئاستا قەدەم ئېلىپ، پەلەمپەيگە چىقتى، بۇرۇلۇپ پەلەمپەينىڭ گىرۋىكىدە تۇرۇپ، ھويلىدا تۇرغان نۇرنىساغا قارىدى،  بىر نەچچە سېكۇنت توختاپ قارىۋېتىپ،  يېنىك كۈلۈپ قويۇپ:

- سىلەر مېنىڭ بۈگۈن كېلىدىغىنىمنى قاچان بىلدىڭلار؟ سىلەرنىڭ خوجايىنىڭلار مېنىڭ بۈگۈن كېلىدىغانلىقىمنى بىلەمدۇ؟ - دەپ سورىدى.

نۇرنىسانىڭ نەپىسى چىڭقىلىپ،  ئىككى قولىنى ئەنسىزلىك بىلەن چىڭ تۇتتى.

دەرۋەقە، بۇ ئايالغا تاقابىل تۇرۇش ئويلىغاندىنمۇ  تەس ئىكەن.

خىزمەتكار سەل گۇمانلانغان ھالدا نۇرنىساغا بىر قاراپ قويۇپ:

- خوجايىن مېڭىشتىن بۇرۇن سىزنىڭ كېلىدىغانلىقىڭىزنى بىلمەيتتۇق، بىزمۇ خوجايىن كېتىپ ئۇزاق ئۆتمەيلا بىلدۇق. نۇرنىسا خانىم بىزگە ئېيتىپ بەردى. - دېدى. 

دىلارە سوغۇق كۈلۈپ قويۇپ:

- مۇنداق ئىكەندە. - دېدى. 

ئۇنىڭ كۈلكىسى مەيداندىكى بىر نەچچە ئادەمنى ئىختىيارسىز تىترىتىۋەتتى.

- ئەسلىدىكى غوجىدار كېتىشى بىلەنلا ئۇ كېچىلەپ كەلدى، سىلەرنىڭ خوجايىنىڭلار كېتىشى بىلەنلا بىزنىڭ كېلىدىغانلىقىمىزنى بىلدىڭلار، بۇ ھەقىقەتەن... ناھايىتى ئەپچىل چارە بوپتۇ، - دېدى دىلارە. 

گەپ قىلىۋېتىپ نۇرنىساغا قاراپ قويدى،  سوغۇق قىشتىمۇ پېشانىسىدىن قاتتىق تەر چىقىپ كەتتى.

نۇرنىسا ئوڭايسىزلانغان ھالدا كۈلۈپ قويۇپ، ئالدىغا ئىككى قەدەم مېڭىپ:

- دىلارە خانقىز، سىرت سوغۇق،  ئىچىگە كىرىپ بىر ئىستاكان قىزىل چاي ئىچىپ  ئىسسىنىۋېلىڭ، - دېدى. 

دىلارە كەينىگە بۇرۇلۇپلا ئىچىگە قاراپ ماڭدى، ئىشىك ئالدىغا كېلىپ، ئۆيگە كىرمىسە بولماس.

قورۇقنىڭ كۆلىمى كىچىك بولسىمۇ، لېكىن ئادەتتىكى كىشىلەرنىڭ ئۆيلىرىگە سېلىشتۇرغاندا يەنىلا ئازادە، كەڭرى ئىدى.

بېزىلىشى ناھايىتى كۆركەم، ئەمما ئىچىدىكى سەرەمجانلار ئىللىق ۋە يېقىملىق ئىدى.

دىلارەنىڭ قوشۇمىسى يېنىك تۈرۈلدى، رەنانىڭ شۇنچە چوڭ قەسىرىگە سېلىشتۇرغاندا، ئەمەلىيەتتە بۇ يەر تېخىمۇ ئۆيگە ئوخشايتتى.

گەرچە ئۇ ئايرۇسنىڭ ئۆيىگە بېرىپ باقمىغان بولسىمۇ، لېكىن ئۇلارنىڭ شۆھرەتپەرەسلىككە، پۇل ، ھوقۇقتىن بەھرىمەن بولۇشىغا قاراپ، ئۇلارنىڭ تۇرۇۋاتقان جايىنى چوڭ قەسىر بىلەن پەرقلەنمەيدىغانلىقىنى  تەسەۋۋۇر قىلغىلى بولىدۇ.

ئەگەر ئۇنى تاللاشقا قويغان بولسىمۇ، ئۇمۇ بۇ يەردە تۇرۇشنى تاللىغان بولاتتى، ھەرگىزمۇ قۇرۇق گەپ كۆپ يەرنى تاللىمايتتى.

پۇل  دۆۋىلەنگەن يەردە، ئۇلارنىڭ ئېسىل ۋە ھاكاۋۇرلۇقىنى نامايان قىلىدىغان سان-ساناقسىز جايلىرى بولىدۇ، ئەمما، قەلبى ھەر قانداق ئادەمدىن مەينەت ھەم پەس بولسا، بۇنىڭ نېمە پايدىسى؟

شۇنچە يىللاردىن بېرى ئېرىنىڭ ئۆيگە قايتىشقا ئۇنىمىغانلىقىدىن،  ئايرۇس ئەزەلدىن ئۆزى ئۈستىدە ئويلىنىپ باقمىغانمىدۇ؟

دىلارە مۇشۇلارنى ئويلاپ ئۈنسىز كۈلۈپ قويدى.

ئايرۇس ئەلۋەتتە ئۆزىنىڭ خاتالىقى ئۈستىدە ئويلانمايدۇ.

بولمىسا ئىش تەرەققىي قىلىپ ھازىرقى ھالغا چۈشۈپ قالمايتتى.

نۇرنىسا خىزمەتكارنى ئورۇنلاشتۇرۇپ، تېزلا پەتنۇس بىلەن قىزىل چاينى ئېلىپ چىقتى.

نەپىس نەقىشلىك ساپال چەينەك، ئۇلار ئېھتىيات بىلەن  چاي قۇيۇپ بەردى، سۈپسۈزۈك چاي ئىستاكاندا شۇنچىلىك چىرايلىق كۆرۈنۈپ كەتتى.

دىلارە ئىستاكاندىكى كۈمۈش قوشۇقنى ئېلىپ ئىستاكانغا سېلىپ يېنىك سىلكىپ قويدى، ئەمما  ئېلىپ ئىچمىدى.

- خوجايىنىڭلار چىقىپ كەتكەن بولسا، خانىمىڭلارچۇ؟  - دەپ سورىدى.

نۇرنىسا ھۆرمەت بىلەن ئېگىلىپ:

- بايا خەۋەر قىلىشقا ئادەم ئەۋەتكەن، مۆلچەرىمچە ھازىرلا چۈشىدۇ. خوجايىن يوق چاغدا، خانىم ناھايىتى ئاز سىرتقا چىقىدۇ ياكى مېھمانلار بىلەن كۆرۈشىدۇ، ئۇنىڭغا بەلكىم ئازراق ۋاقىت كېتىشى مۇمكىن. - دېدى.

دىلارە گەپ قىلماي ئىستاكاننى قولىغا ئالدى.

 لېكىن، چاي تېخى ئاغزىغا كىرمەي تۇرۇپلا، يان تەرەپتىن دۇڭ  قىلغان ئاۋاز ئاڭلاندى.

پۈتۈن مېھمانخانىدىكى ئېھتىيات بىلەن خىزمەت قىلىۋاتقان بىر نەچچە ئادەم چۆچۈپ كەتتى.

دىلارە قەدىمىنى توختىتىپ، بېشىنى بۇرىدى.

ئاتىكەم نەدىندۇر قارا رەڭلىك ئىسسىق ساقلاش ئىستاكاننى تېپىپ ئېلىپ، شۇ تاپتا دىلارەنىڭ ئالدىغا كۈچەپ قويدى.

بىر جۈپ كۆزى ئاگاھلاندۇرۇشقا تولغان ھالدا ئۇنىڭغا تىكىلىپ:

- قايناقسۇ ئىچ، كۆڭلۈڭ تىنچ دەپتىكەن،  بۇنى ئىچىڭ، ئۇنىڭدىن ياخشى، ئۇنتۇپ قالماڭ،  مەينەت نەرسىلەرگە دىققەت قىلىڭ، سالامەتلىكىڭىزنى ئاسراڭ، - دېدى.

بىردەمدىلا ماقال - تەمسىللەرنى تۈزۈپ، قاپىيە كەلتۈرۈپ قويدى.

نەق مەيداندىكىلەر نېمە ئىش بولغانلىقىنى ئاڭقىرىپ بولالماي،  ھېلىقى تۇيۇقسىز پەيدا بولغان ئىسسىق ساقلاش ئىستاكانغا قاراپ، يېرىم-يارتا پەرەز قىلىپ، ئازراق  بىر نەرسىنى چۈشەنگەندەك بولدى.

دىلارە قولىدىكى ئىستاكاننى ئاستا قويۇپ، بېشىنى كۆتۈرۈپ ئاتىكەمگە قارىدى،  ئاندىن ئوڭ-سولغا ئىنچىكىلىك بىلەن قاراپ قويدى.

- نېمىگە قارايسىز؟ - دەپ سورىدى ئاتىكەم.

- مەن  ئىچىڭىزدە يەنە بىرسى بارمۇ دەپ ئويلاپ قالدىم.  قانداقسىگە ھەممە نەرسە يېنىڭىزدىن چىقىدۇ؟  - دېدى دىلارە.

ئاتىكەم لەۋلىرىنى چىڭ يۇمۇپ، كۆڭلىدە دىلارەنىڭ ئالدىدا بىر قېتىم مەغرۇرلىنىپ كەتتى.

ئۇ ھازىر ئىسمى جىسمىغا لايىق تىرىك گۆھەر، نەگىلا بارسا ھەممە ئىشتا ئۇنى بىرىنچى ئورۇنغا قويمىسا بولمايدۇ.

بۇ قېتىم ئالايىتەن بىلمەيدىغان قۇرۇققا كەلگىنى ئېنىق تۇرسا،  ھوشيارلىقنى ئۆستۈرۈپ ئالدىنى ئالمىسا، ئىليارنىڭ ئالدىدا قانداق جاۋاب بېرىدۇ؟

دىلارە ئاتىكەمدىن كەلگەن ئاگاھلاندۇرۇشنى تاپشۇرۇۋالغاندىن كېيىن، قىزىل چاينى قويۇپ، ئىسسىق ساقلاش ئىستاكانىنى قولىغا ئېلىپ، بوتۇلكىنىڭ ئاغزىنى ئېچىپ پۈۋلەپ بىر يۇتۇم ئىچتى.

نۇرنىسا قاراپ تۇرۇپلا قالدى.  

باشقىلارنىڭ ئۆيىدە ئولتۇرۇپ، ئۆزى ئەكەلگەن  ئىستاكاندىكى چاينى ئىچكەن بۇ كۆرۈنۈش، قانداقلا قارىسا غەلىتە كۆرۈنۈپ كېتىۋاتاتتى.

بۇ دۇنيادا ھېچكىم بۇنداق ئۆز بېشىمچىلىق بىلەن ئىش قىلماس.

بۇ يەرنىڭ سۈيى مەينەتمۇ؟ ياكى ئۇلار  ئەتىۋارلىق، ئېسىل مېھمانلارمۇ؟ ھېچ بىلمىدى.