گۈزەل ھايات 9-بۆلۈم 27-قىسىم _ نەپرەتلىنىدۇ

27-قىسىم

نەپرەتلىنىدۇ

ئايرۇس، رەشىدە قۇلىقىغا ھازىر ھېچقانداق گەپ كىرمەيتتى:

- سىز زادى كىم؟ نېمىشقا بىزگە بۇنچە كۆپ گەپ قىلىسىز؟ بۇلارنى سىز قەيەردىن ئاڭلىدىڭىز؟  - دەپ سورىدى.

خىزمەتچى خادىم سوغۇق كۈلۈپ قويۇپ:

- مەن بىر ئەرزىمەس ئادەم، كىم بولۇشۇم سىز بىلەن مۇناسىۋەتسىز. مەن سىلەرگە دېگەن بۇ ئىشلارنى سىرتتا ھەممە ئادەم بىلىدۇ، ئاللىقاچان مەخپىيەتلىك ئەمەس. سىلەرگە بۇنچە كۆپ گەپ قىلىشىم، پۈتۈنلەي دىلارە خانقىزنىڭ  پىكىرى بويىچە بولدى. شۇنچە كۆپ ئىشلارنى قىلغاندىن كېيىن، ئۇ ئەلۋەتتە سىلەرنى قانداق بىئارام قىلىشىنى ئويلىسا، شۇ بويىچە ئىش كۆرىدۇ! 

لېكىن غەلىتە ئىش، سىلەرنىڭ قىلغان ئەسكىلىكىڭلار كۆپ، رەزىل، پەسكەشلىكتە ئۇچىغا چىقتىڭلار، لېكىن ئۇمۇ ھەرگىزمۇ ياخشى ئادەم ھېسابلانمايدۇ، ئەمما ئۇنىڭ ئەسكىلىكى ئادەمنى بىزار قىلمايدىكەن دېسە... - دېدى. 

رەشىدەنىڭ تەن بەرمەسلىكى  قىلچە يوشۇرماستىن چىرايىدا ئىپادىلىنىپ چىقتى.

پەسكەش ئادەملەرنىڭ قىلغىنى ئادەمنى بىزار قىلمامدىكەن؟

قانداقمۇ مۇمكىن بولسۇن؟

نۇرغۇن كىشىلەر ئۇنىڭغا ئىچ - ئىچىدىن ئۆچ، ئۇنىڭدىن نەپرەتلىنىدۇ!

ئۇنىڭچە  بولسا بالدۇرراق يوقالسىكەن دەيدۇ!

تېلېۋىزور ئېكرانىدا يەنىلا دىلارەنىڭ كۆرۈنۈشى قويۇلىۋاتاتتى، ئۇنىڭ ئېسىلزادە مۇراسىم كىيىمى قۇياش نۇرىدا كۆزنى چاقنىتىپ تۇراتتى.

ئالدىنقى قېتىملىق مۇراسىم كىيىمنى سىناپ كۆرگەن ۋاقىتقا سېلىشتۇرغاندا، ئۇچىسىدىكى  چاپان كۆپىيىپ قالغان، مەيدىسىدىكى ئالاھىدە لايىھە چىقىرىلغان ئۈنچە - مارجان تۇتۇلغان پەردە سىلكىنىش ئارىلىقىدا چىرايلىق چاقناپ، كىشىلەرنىڭ دىققىتىنى ئالاھىدە تارتتى.

كىيىمنىڭ ھەممە يېرىدىن ئېسىللىقى تۆكۈلۈپ تۇراتتى.

ئۇنىڭ بۇ چىرايى، سالماق، تەمكىن تەبەسسۇمى، سۇس گىرىمى بىلەن  ئېتىراپ قىلىشقا تېگىشلىك بارلىق گۈزەللىك ۋە ئېسىلزادىلىكنىڭ ھەممىسى ئۇنىڭدىن تېپىلاتتى.

مەيلى جىمجىت تۇرسۇن ياكى ھەرىكەت قىلسۇن، تەسۋىرلىگۈسىز سالاپەت نامايان بولۇپ تۇراتتى.

بۇلارنىڭ ھەممىسى ئىلگىرى ئايرۇس ئەڭ تەلپۈنگەن نەرسىلەر ئىدى، بۈگۈنكى كۈندە، دىلارە ھەممىدىن ئۈستۈن تۇرۇپ، ئۇنىڭ تەلپۈنۈشىدىن ھۇزۇرلىنىۋاتىدۇ، لېكىن ئۇ  پەقەت مۇشۇنداق جايدا بېشىنى كۆتۈرۈپ ئېكراندىن دىلارەنىڭ شان-شەرەپتىن بەھرىمەن بولۇشىغا قاراپ تۇرۇۋاتىدۇ.

مەركىزى شەھەردىكى كۆپ قىسىم كىشىلەر بۇ قېتىملىق ئۇلاپ ئاڭلىتىشقا دىققەت قىلماقتا.

لەيلى ھازىرمۇ دوختۇرخانىدا يېتىۋاتاتتى، چۈنكى ئۇ كۆپچىلىككە ئۆزىنىڭ  ھامىلىدار ئىكەنلىكىنى، بەدىنىنىڭ ئاجىزلاپ كەتكەنلىكىنى، كۈتۈنۈشكە موھتاج ئىكەنلىكىنى ئېيتىپ، داۋاملىق كۈتۈنۈش قىلىۋاتىدۇ.

ئەمما دوختۇرنىڭ ھەر قانداق تەكشۈرۈشىنى قوبۇل قىلمىدى.

پەقەت ئۇنىڭ يېنىغا ئادەم كىرسىلا ۋارقىراشقا باشلايدۇ، ھەر قانداق ئادەمنىڭ ئۆزىگە يېقىنلىشىشىغا يول قويمايدۇ.

ھازىر ئۇ كۆپچىلىك پىكرىگە تايىنىپ، دوختۇرخانىنىڭ يۇقىرى دەرىجىلىك كېسەلخانىسىدا ياتماقتا،  يېمەك-ئىچمەك، كىيىم-كېچەكتە ئەڭ ياخشىسىنى ئىشلىتىدۇ، ئەلى ئائىلىسىدىكىلەر ئامالسىز ئۇنىڭغا ھەر كۈنى يۇقىرى سوممىلىق بالنىستتا يېتىش ھەققى ۋە باشقا خىراجەتلەرنى تۆلەپ كەلدى.

ئەلى ئائىلىسىنىڭ ھازىرقى تىجارىتىمۇ  پەقەت ياخشى ئەمەس، بۈگۈنكى كۈندە يەنە لەيلىنى بېقىشى كېرەك، بۇمۇ ئۇلارنىڭ يۈكىنى ئېغىرلىتىۋەتتى.

تۇرسۇنگۈل ھەر كۈنى ئۆيدە پۇشايمان قىلىپ قاقشاپلا ئولتۇرىدۇ، ئەمما لەيلىدىن ئىبارەت بۇ مۇتتەھەمگە ئامال قىلالمىدى.

ئەگەر ئەلى ئائىلىسىنىڭ ئۇنىڭ بىلەن كارى بولمىسا، سىرتتىكى مۇخبىرلار ئۇلارنىڭ ئائىلىسىنى نېمە دەيدىغانلىقىنى بىلگىلى بولمايدۇ!

ئەلى ئائىلىسى ھازىر بوران-چاپقۇننىڭ ئېغىزىدا تۇرۇۋاتىدۇ، ھېچقانداق بوران-چاپقۇنغا بەرداشلىق بېرەلمەيدۇ.

بۇ چاغدا لەيلى يۇقىرى دەرىجىلىك كېسەلخانىدا يېتىپ، تېلېۋىزوردىكى دىلارەنى كۆرۈۋاتاتتى،  كېسەلخانىنىڭ ئىچى پۈتۈنلەي ۋەيران بولۇپ كەتكەنىدى.

دىلارەنىڭ كاتتا ئائىلىنىڭ ئەتىۋارلىق خانقىزى بولۇش ئېھتىماللىقىنىڭ ناھايىتى يۇقىرى ئىكەنلىكىنى بۇرۇنلا ئاڭلىغان، ئەينى چاغدا   ئۆتكۈزۈلگەن كاتتا زىياپەتتە، رەنا پۈتۈن دۇنياغا ئۇچۇق ئاشكارا ئېلان قىلغان، لېكىن لەيلى يەنىلا بۇنىڭ بىر ئۇقۇشماسلىق بولۇشىنى ئۈمىد قىلغانىدى.

 ئەينى چاغدا دولقۇن ئائىلىسىدىكىلەر دىلارەگە قاتتىق بېسىم قىلغان، ھەممە نەرسىسىنى لەيلى بۇلاپ كەتكەن،  باي ئائىلىنىڭ چوڭ خانقىز بولۇپمۇ  ياشىيالمىغان تۇرسا، قانداقمۇ يۇقىرى مەرتىۋىلىك خانقىز بولالىسۇن؟

لەيلى دىلارەنىڭ ئىشنىڭ بۇزۇلۇشىنى تۆت كۆزى بىلەن كۈتتى، ئەمما كۆرگىنى، ئۇنىڭ ھەقىقىي خانقىز دەپ ئېتىراپ قىلىنىپ، قارشى ئېلىنىش  مۇراسىمىنى ئۆتكۈزگەن كۆرنىش بولدى.

بىر ئۆرۈلۈپلا ھەقىقىي خانقىزغا ئايلاندى، ئەمما ئۇچۇ...

ئىككىسىنىڭ ئىككى رايوندا تۇرغانلىقى ئېنىق تۇرسىمۇ، لېكىن دىلارە يەنە بىر قېتىم ئۇنى خەقنىڭ ئاغزىدىكى يۇمۇرغا ئايلاندۇرۇپ قويدى.

سېپى ئۆزىدىن يۇمۇر بولدى.

ئەلى ئائىلىسىنىڭ داچىسىدا تۇرسۇنگۈلمۇ ئوخشاشلا تېلېۋىزوردىكى كۆرۈنۈشلەرنى كۆرۈپ، دىلارەنىڭ ئېسىل قىياپەتتە  كۆپچىلىكنىڭ قىزغىنلىقىنى قوبۇل قىلغانلىقىنى كۆردى، يەنە ھازىرمۇ مۇتتەھەملىك قىلىپ دوختۇرخانىدا يېتىۋېلىپ، ئائىلىسىنىڭ ئىقتىسادىنى خورىتىۋاتقان لەيلىنى ئويلاپ، كۆڭلىدە پۇشايمان ۋە نەپرەت پەيدا بولدى، كۆز ياشلىرى تاراملاپ تۆكۈلۈپ:

- ئەينى چاغدا كۆزۈم كور بولۇپ قاپتىكەن، لەيلىدەك  نومۇسسىزغا كۆزۈم چۈشۈپ قاپتىكەن. - دېدى.

ئەخمەتنىڭ چىرايى قارىداپ كەتكەن بولۇپ، ئۇنىڭ گېپىنى ئاڭلاپ، سوغۇق دىمىقىنى قېقىپ:

- بۇرۇنلا پۇشايمان قىلىدىغان كۈنىڭىز بار ئىدى، بۇ كۈننىڭ بۇنچە تېز كېلىدىغانلىقىنى ئويلىماپتىمەن!  - دېدى.

- مەن لەيلىنىڭ ئائىلىمىزگە بالاقازا ئېلىپ كېلىدىغان بالاخور  ئىكەنلىكىنى نەدىن بىلىمەن؟ مەربىيە ھەر كۈنى ئۇنى گۆھەر دەپ بىلىپ كەلسە، مەن تېخى لەيلىنى تۇغما تالانتلىق، تەلەيلىك ئادەم  ئوخشايدۇ دەپتىمەن! - دېدى تۇرسۇنگۈل. 

- ئەينى چاغدا دىلارە بىلەن ئەلى توي قىلىشقا پۈتۈشۈپ بولغان بولسىمۇ، لېكىن سىز يەنىلا ئەلى بىلەن لەيلىنى يوشۇرۇنچە تېپىشتۇرۇپ قويدىڭىز! ئەينى چاغدا ئائىلىمىزنىڭ گۇرۇھى ۋەيران بولۇشقا دۇچ كەلگەن، ئەگەر دىلارە قايتىپ كېلىپ ياردەم قىلمىغان بولسا، گۇرۇھىمىز   تۈگىشىپ كەتكەن بولاتتى! ئەينى چاغدىكى ۋىجدانىڭىزنى ئىت يەپ كەتكەنمىتى؟ دىلارەنىڭ مۇشۇ مېھىر-شەپقىتىنى دەپ بولسىمۇ، بۇنداق تۆۋەن دەرىجىلىك خاتالىقىنى ئۆتكۈزۈشكە بولمايتتى! يەنە كېلىپ دىلارەنىڭ ئاتا بىر ئانا باشقا سىڭلىسىنى كېلىن قىلماقچى بولدىڭىز، ياق، تېخىمۇ كۈلكىلىك يېرى شۇكى، ھېلىقى لەيلى دولقۇننىڭ ئۆز بالىسى ئەمەس! ئەجەب جاجىڭىزنى يېدىڭىز، ياخشى ئادەمنى، ياخشى كۈنلەرنى قەدىرلەشنى بىلمىگەن ئۆزىڭىز تۇرۇپ، ئەمدى  كىمدىن ئاغرىنىسىز؟  - دېدى ئەخمەت.

تۇرسۇنگۈل ئەخمەتنىڭ سۆزىدىن نېمە دېيىشىنى بىلەلمىدى، ئەمما  قاتتىق غەزەپلىنىپ:

- مېنىڭ لەيلى بىلەن ئەلىنى  تېپىشتۇرۇپ قويۇشۇممۇ پۈتۈنلەي ئائىلىمىزگە ياخشى بولسۇن ئۈچۈن ئەمەسمۇ؟ ! ئەينى چاغدا ۋاپاغا جاپا قىلغاندا، سىز نەدە ، نېمە ئىش قىلغانتىڭىز؟ سىزنىڭ مەندىن ئاغرىنىشقا نېمە سالاھىيىتىڭىز بار؟ - دېدى.

- ئەينى چاغدا مېنىڭ بىر ئېغىز گەپ قىلىشىمغا يول قويغانمىتىڭىز؟ نېمە؟ ئىككىسى بىر-بىرىنى ياخشى كۆرىدۇ يەي؟ دەپ ئالدىمنى توسۇپ قويغانتىڭىزغۇ.  شۇنداق، ئەلى زادى سىزنىڭ بالىڭىز بولۇشقا مۇناسىپكەن، ھەرقانداق ئىشتا سىزنى ئۈمىدسىزلەندۈرمىدى! سىز ئۇنى لەيلى بىلەن تېپىشتۇرۇپ قويماقچى بولسىڭىز، ئۇ راستتىنلا سىز ئارزۇ قىلغاندەك ئۇ ئايال بىلەن ئارىلىشىپ قالدى! مەن بۇرۇنلا ئائىلىمىزنىڭ گۇرۇھىنى ئەلىنىڭ قولىغا تۇتقۇزۇپ قويغان، ھازىر  قانداق ھالغا چۈشۈپ قالدۇق، ئۇنىڭ زادى قانداق ئامالى باركىن قېنى كۆرۈپ باقايلى!  لەيلىدىن ئىبارەت بۇ تۇغما تەلەيلىك چولپاننىڭ دوختۇرخانىدا تۇرۇپ، ئەتىۋارلىق ئوغلىڭىزنىڭ قىيىن ئۆتكەلدىن ئۆتۈۋېلىشىغا قانداق ياردەم قىلىدىغانلىقىنى ئوبدان كۆرۈپ بېقىڭ!  - دېدى ئەخمەت.

ئەخمەتنىڭ يۇقىرى ئاۋازى توختاپ، ئۆزى سافادىن قوپۇپ، ئاچچىقىدا بوغۇلۇپ، ئۈستۈنكى قەۋەتكە چىقىپ كەتتى.

ئەخمەتنىڭ بۇ پوزىتسىيەسىنى كۆرۈپ، تۇرسۇنگۈلنىڭ كۆڭلى يېرىم بولدى، ئۇۋالچىلىقتا تېخىمۇ پۇچۇلاندى، كۆز يېشى تېخىمۇ مەۋج ئۇردى.

تېلېۋىزوردىكى  دىلارەنى كۆز يېشى بىلەن غۇۋا كۆرۈپ،  قاتتىق پۇشايمان ئۇنى پۈتۈنلەي يۇتۇۋەتكىلى تاسلا قالدى.

بىچارە ئوغلىغا ئىچ ئاغرىتتى، ئۇ ئېنىقلا دىلارەنىڭ ياردىمىدە تېخىمۇ گۈزەل كەلگۈسى ۋە نام-ئابرۇيغا ئىگە بولالايتتى، ئەمما ھازىر ئۇ كۈن بويى شىركەتتە ئالدىراش ئىشلىسىمۇ، شىركەتتە ھېچقانداق ياخشىلىنىش بولمىدى .

كىشىنى تېخىمۇ نەپرەتلەندۈرىدىغىنى شۇكى، لەيلىدىن ئىبارەت مۇتەھھەم  دوختۇرخانىدا يېتىۋېلىپ، ھامىلىدار بولغانلىقىنى باھانە قىلىپ، ھەر كۈنى ئۇلارنىڭ ئائىلىسىگە زور چىقىم سېلىۋاتىدۇ.

ئەگەر ئۇ راستتىنلا بىر ئۆمۈر دوختۇرخانىدا ياتسا، ئۇلارنىڭ ئائىلىسى بۇ خىل يۇقىرى چىقىمغا قانداقمۇ بەرداشلىق بېرەلىسۇن؟

ھەقىقەتەن كۆزى كور ئىكەن،  

 ئۆز ئوغلىغا ئۆز قولى بىلەن زىيانكەشلىك قىپتۇ!

لېكىن  ھەرقانچە پۇشايمان قىلسىمۇ يەنە قانداق قىلالايتتى؟

دىلارەنىڭ ئۇلارنى كەچۈرۈشى مەڭگۈ مۇمكىن ئەمەس، لەيلىمۇ دەماللىققا ئۇلارنى قويۇۋەتمەيدۇ.

ئۇ بىر ئايال كىشى، بۇ يەردە چەكسىز پۇشايمان قىلىشتىن باشقا ھېچ ئىش قىلالمايدۇ!

تۇرسۇنگۈلدىن باشقا، مەربىيەمۇ ئۇنىڭغا ئوخشاش ھەر خىل مۇرەككەپ ھېسسىياتتا ئىدى.

بۇنىڭدىن خېلى بۇرۇنلا، ئەينى ۋاقىتتا ئۆزىنىڭ ئادەمنى خاتا تونۇپ قالغانلىقىنى بىلگەنىدى.

لەيلى دولقۇننىڭ پۇشتى ئەمەس، تۇغما تەلەيلىك ئىكەنلىكىدىن، ئائىلىسىگە بەخت ئېلىپ كېلىدىغانلىقىدىن تېخىمۇ سۆز ئاچقىلى بولمايدۇ!

 لەيلىنىڭ دولقۇننىڭ قىزى  ئەمەسلىكىنى بىلگەن كۈندىن باشلاپلا ھەممىنى بىلگەنىدى.

ھەرقانچە كۆپ پۇشايمان قىلىپ نەپرەتلەنسىمۇ بىكار. ئەسلىگە كەلتۈرگىلى بولمايدۇ.

ئۇ ئەسلىدە ئەمەلىيەت ئاللىقاچان مۇشۇنداق بولدى دەپ ئويلىغان، لېكىن دىلنارنىڭ يەنە ھەقىقىي خانقىزلىق سالاھىيىتى بارلىقىنى ئويلاپ باقمىغانىدى.

ئەينى چاغدا، زادى قانچىلىك خاتالاشقانلىقىنى مانا ئەمدى تولۇق ھېس قىلدى.

شۇ تاپتا ئەلى  ئىشخانىسىدا پەقەت ئۆزى بىر ئادەم كومپيۇتېر ئېكرانىغا كۆزىنى پارقىرىتىپ قاراپ تۇراتتى، ئۇنىڭ كۆزلىرى كامېراغا ئەگىشىپ مېڭىۋاتقان دىلارەنىڭ چىرايىغا تىكىلدى.  

ئۇنىڭ يۈرىكى    قېتىپ قالغان بولۇپ، خېلى بۇرۇنلا ئۆزىنىڭ ئەينى چاغدا دىلارەدىن ۋاز كەچكەنلىكىنىڭ قانچىلىك ئەخمەقلىق ئىكەنلىكىنى بىلگەنىدى.

ئۇ ھەتتا قايتۇرۇپ كېلىشنى ئويلىغان، بىراق ئۇ ۋاقىتتا دىلارەنىڭ كۆڭلىنى بۇرۇنلا باشقىلار ئىگىلەپ بولغانىدى.

ئۇ دىلارەدىن ئۈزۈل-كېسىل ئايرىلىپ قالدى، ئۆز قولى بىلەن ئۇنى رەھىمسىزلەرچە باشقىلارنىڭ قۇچىقىغا ئىتتىرىپ بەردى.

ھازىر، ئۇنىڭ بىردىنبىر قىلالايدىغىنى، خۇددى دىلارە بىلەن مۇناسىۋەتسىز بارلىق كىشىلەرگە ئوخشاش، ئېكران ئارقىلىق ئۇنىڭغا ھەۋەسلىنىپ قارىيالايدۇ.

ياق، بەلكىم ئۇ دىلارە بىلەن مۇناسىۋەتسىز ئادەممۇ ھېسابلانماسلىقى مۇمكىن.

ئەلى چۈشكۈن ھالدا ئىككى قولى بىلەن بېشىنى قۇچاقلىۋالدى، يېقىندىن بۇيانقى ئالدىراشچىلىق ئۇنى جىسمانىي ۋە روھىي جەھەتتىن چارچىتىپ قويدى، ئۆيدە كۈن بويى ئاپىسىنىڭ يىغا ئاۋازى ۋە دادىسىنىڭ ئۇھسىنغان ئاۋازىنى ئاڭلاپ ھېرىپ قالدى.

دوختۇرخانىدا بولسا، يەنە تەبىئىتى ئاشكارىلىنىپ قالغان لەيلىمۇ بار، ئۇنىڭ بىلەن ئاخىرغىچە ئۈزەڭگە سوقۇشتۇرماقچى بولۇۋاتىدۇ.

لەيلى ئۇ ئەۋەتكەن ئاجرىشىش كېلىشىمنامىسىنى سانسىز قېتىم يىرتىۋەتتى، قانداقلا قىلسا ئىمزا قويۇشقا ئۇنىمىدى.

ھازىر ھامىلىدار بولغانلىق باھانىسى بىلەن دوختۇرخانىدا يېتىۋاتىدۇ.

لەيلى بىلەن ئۆتكۈزگەن بۇرۇنقى كۈنلىرىنى ئەسلىسە، ئېشىپ قالغىنى پەقەت پۇشايمان ۋە كۆڭلى ئېلىشىشلا خالاس.

دىلارە ھەر قېتىم ناھايىتى چۈشىنىشلىك چۈشەندۈرگەن بولسىمۇ، لېكىن ئۇ قايتا-قايتا شەرتسىز ھالدا لەيلىگە ئىشىنىپ،  دىلارەگە ئازار بەردى.

ئۇنىڭ ئۈستىگە لەيلىنىڭ ئىلگىرى قىلغان-ئەتكەنلىرى، ھازىر ئويلاپ باقسا، ھەممە يېرىدە ساختىلىق ۋە نۇقسانلار بار ئىكەن.

ھەتتا كېيىن، دىلارە تەرىپىدىن قايتا-قايتا ئاشكارىلانسىمۇ، ئۇ لەيلىدىن ئايرىلىپ كېتىشنى ئويلىماپتۇ.

ئەمما بۈگۈنكى كۈندە، ئىشلار بىر-بىرلەپ ئاشكارىلانغاندا، ئۇنىڭ لەيلىگە قارىغۇدەك سەۋر-تاقىتىمۇ قالمىدى.

 لەيلىنىڭ بۈگۈنكى كۈندە يۈز ئۆرۈشى ئۇنىڭ بەرداشلىق بەرگۈدەك كۈچىنىمۇ  قويمىدى.

ھازىرچە شىركەتتە ئالدىراش بولغاچقا، ئۇ بىلەن كۆرۈشمەسلىكىنى تاللىدى.

مۇنداق قىلىش بىلەن پەقەت كەينىگە سۆرىيەلەيدۇ.

لەيلىنىڭ ساختا ھامىلىدارلىقى ئاشكارىلىنىپ، ھەقىقىي قاماپ قويۇلغان كۈنى، ئاندىن ھەقىقىي قۇتۇلىدۇ.

ئاجراشمامدىكەن، بۇ مۇمكىن ئەمەس.

بىر ئۆمۈر ۋاقتىنى سەرپ قىلىشقا توغرا كەلسىمۇ ھېچقىسى يوق، ئىشقىلىپ ئۇنىڭ بۇ ئۆمرىدە ئاجرىشىشتىن باشقا ھېچقانداق ئۈمىدى قالمىدى.