مانا بۇنى سۆيۈش دەيمىز83-قىسىم - ئۈچىنچى شەخس زادى كىم

   83قىسىم 

 نومۇسسىز ئۈچىنچى شەخس زادى كىم؟ !

ئەتىسى سەھەردە ئورنىدىن تۇرغان زىلالە جەسۇرنى كۆرمىدى، بۇمۇ ئۇنىڭ ئويلىغىنىدەك چىقتى.

ئاددىيلا ناشتا قىلىپ،  دەل ۋاقتىدا مۇزىكا ئۆمىكىگە كەلدى.

مۇزىكا ئۆمىكىنىڭ ئىشىكى ئالدىدا، يۈز تۇرانە ئىمتىھانغا كەلگەن بىر نەچچە ئىسكىرىپكىچى تۇراتتى، ئۇلارنىڭ ئىچىدە زىبارەمۇ بار ئىدى.

 پەلەمپەيگە چىققاندا، زىبارە كىشىلەر توپىنىڭ كەينىدە تۇرۇپ تېلېفون ئۇرۇۋاتقان بولۇپ، ئۇنى كۆرمىدى.

زىلالە لېۋىنى چىڭ يۇمۇپ، تەشەببۇسكارلىق بىلەن زىبارە بىلەن سالاملاشمىدى.

بۈگۈنكى يۈز تۇرانە ئىمتىھان ئالغۇچى بولۇش سۈپىتى بىلەن،  گۇماندىن ساقلىنىش ئۈچۈن، يۈز تۇرانە ئىمتىھان بەرگۈچى بىلەن ئايرىم پاراڭلاشماسلىقى كېرەك.

ئەلۋەتتە، ئۇنىڭ زىبارەغا پەرۋا قىلمىغانلىقى ھەرگىزمۇ مۇشۇ سەۋەبتىنلا ئەمەس.

شۇ تاپتا  زىبارەغا قانداق يۈزلىنىشنى بىلمەيدۇ.

ھېلىمۇ ياخشى، يۈز تۇرانە ئىمتىھان ناھايىتى تېزلا باشلاندى، زىلالەنىڭ بۇ ئىشلارنى  ئويلاشقا  ۋاقتىمۇ چىقمىدى.

ئوركېستىرنىڭ ئىسكىرىپكا گۇرۇپپىسىنىڭ باشلىقى بولۇش سۈپىتى بىلەن، زىلالەمۇ ئىمتىھان نازارەتچىلىك ۋەزىپىسىنى ئۈستىگە ئالدى.

 ئويۇن قويۇش زالىغا كېلىپ، بۇرۇنلا تەييارلاپ قويغان ماتېرىياللارنى ئۆمەك باشلىقىنى ئۆز ئىچىگە ئالغان بىر نەچچە يۈز تۇرانە ئىمتىھان ئالغۇچىغا تاپشۇرۇپ، ئۈستەلنىڭ ئەڭ چېتىدىكى ئورۇنغا كېلىپ ئولتۇردى.

يۈز تۇرانە ئىمتىھان ناھايىتى تېزلا باشلاندى، زىلالەمۇ پۈتۈن ۋۇجۇدى بىلەن باشقىلارنى چالغان مۇزىكىسىنى ئاڭلاپ، نومۇر قويۇش بىلەن بولدى.

دېمەك بارلىق مۇرەككەپ خىياللارنى كەينىگە تاشلىۋەتتى.

 -  كېيىنكىسى...  زىبارە!  - دېدى خىزمەتچى خادىم.  

ئىسكىرىپكا كۆتۈرۈۋالغان زىبارە سەھنىگە چىقىپ، يۈز تۇرانە ئىمتىھاننى رەسمىي باشلىدى.

زىلالە بېشىنى كۆتۈرۈپ، سەھنىدىكى قىزغا قارىدى.

سەھنىدە تۇرغان زىبارەنىڭ مىجەز-خۇلقى ئۆزگىچە بولۇپ، مەيلى تېخنىكا ياكى مۇزىكا ئىپادىلەش ئىقتىدارى بولسۇن، ھەممىدە ئالاھىدە كۆزگە چېلىقاتتى.

يەنە تېخى تاشقى قىياپەت، ئائىلە كېلىپ چىقىشى، تالانت... ھەقىقەتەن مۇنەۋۋەر دېيىشكە بولىدۇ.

- زىلالە! - دېدى بىر چەتتە ئولتۇرغان مۇزىكا باش نازارەتچىسى، ئۇنىڭ بىلىكىگە يېنىك نۇقۇپ، -  نومۇر قويىدىغان ۋاقىت بولدى.  - دېدى.

زىلالە شۇندىلا زىبارەنىڭ مۇزىكىنى ئورۇنداپ بولغانلىقىنى بىلدى.

 قەلەمنى قولىغا ئېلىپ، ئوڭ تەرەپ ئۈستۈنكى بۇرجىكىگە يۈز تۇرانە ئىمتىھان باھاسىنى:

 - ئۆتتى - ! - دەپ يازدى.

كادىرلار بۆلۈمىنىڭ خىزمەتچىلىرى ئورنىدىن تۇرۇپ، زىبارە قاتارلىق يۈزتۇرانە ئىمتىھان بەرگۈچىلەر بىلەن بىللە سىرتتا ساقلىدى.

زىلالە بارلىق بېلەت تاشلاش نەتىجىسىنى رەتلەپ، ئەستايىدىل ئىستاتىستىكا قىلدى.

ئەڭ ئاخىرقى نەتىجىدە، زىبارە 9 بېلەتتىن  8 بېلەتكە ئېرىشىپ، يۈز تۇرانە ئىمتىھان بەرگۈچىلەر ئىچىدە بىرىنچى بولۇپ، مۇۋەپپەقىيەتلىك ھالدا بۇ خىزمەتكە ئېرىشتى.

زىلالە تاپشۇرغان بېلەت تاشلاش نەتىجىسىنى كۆرگەن ئۆمەك باشلىقى كۈلۈپ تۇرۇپ بېشىنى لىڭشىتىپ:

- زىلالە تونۇشتۇرغان قىز ھەقىقەتەن قالتىس ئىكەن، ياخشى زىلالە، ئۇنداقتا سىز زىبارە خانقىزغا ئەڭ ئاخىرقى يۈز تۇرانە ئىمتىھان نەتىجىسىنى ئۇقتۇرۇڭ، - دېدى.  

 - بولىدۇ. -   دېدى زىلالە بېشىنى لىڭشىتىپ، مۇزىكا زالىدىن چىقتى.

باشقا يۈز تۇرانە ئىمتىھان بەرگۈچىلەر كەتكەندىن كېيىن، ئۇ زىبارەنىڭ ئالدىغا كېلىپ:

 -  مۇبارەك بولسۇن، يۈز تۇرانە ئىمتىھاندىن ئوڭۇشلۇق ئۆتتىڭىز.  -  دېدى.

- راستتىنلا ئۆتتۈممۇ؟ - دېدى زىبارە خۇشاللىق بىلەن ئالدىغا بېرىپ، چىڭ قۇچاقلاپ، - بۇ قېتىم سىزگە كۆپ رەھمەت.  - دېدى.  

قارشى تەرەپنىڭ رەھمىتىنى ئاڭلاپ، زىلالە ئەكسىچە ئازراق خىجىللىق ھېس قىلدى.

جەسۇر بىلەن زىبارە تونۇشقىلى خېلى يىللار بولدى، ئۇلار ئوتتۇرىسىدىكى ھېسسىياتتا ھېچقانداق نۇقسان يوق.

 جەسۇر ئىككىسىنىڭ ئوتتۇرىسىدا بولسا بىر مەيدان سودا بار خالاس.

ئەگەر ئۇ بولمىغان بولسا،  زىبارە خۇشال ھالدا جەسۇر بىلەن توي قىلغان ياكى مۇھەببەتلىشىۋاتقان بولۇشى مۇمكىن ئىدى.  

شۇنداق ئويلىسا... نومۇسسىز ئۈچىنچى شەخس ئۇمۇ قانداق!

زىبارەنىڭ قۇچاقلاپ تۇرغان بىلىكىنى يېنىك تارتىپ ئىشىكنى ئىتتىرىپ ئېچىپ:

 - كىرىپ باشقا ئوقۇتقۇچىلارغا رەھمەت ئېيتمامسىز،   -  دېدى زىلالە.

زىبارە قايتىدىن مۇزىكا زالىغا كىرگەندە، كۆپچىلىكنىڭ ھەممىسى ئۇنى تەبرىكلەپ:

-  مۇزىكا ئۆمىكىمىزگە كىرگەنلىكىڭىزنى قارشى ئالىمىز! - دېدى ئۆمەك باشلىقى كۈلۈپ تۇرۇپ ئۇنىڭ بىلەن قول ئېلىشىپ كۆرۈشۈپ، ئاندىن بۇرۇلۇپ زىلالەغا قاراپ،  - بۇنىڭدا زىلالەنىڭمۇ تۆھپىسى بار، ئەگەر ئۇ تەۋسىيە قىلمىغان بولسا، بىز سىزدەك مۇنەۋۋەر مۇزىكانتنى قوبۇل قىلالمىغان بولاتتۇق.  -  دېدى.

 - شۇنداق، سىلەردەك ئاچا-سىڭىللار بولغاچقا، بىزنىڭ مۇزىكا ئەترىتىمىز بارغانسېرى ياخشى بولۇپ كېتىۋاتىدۇ. 

 باشقا بىر نەچچە رەھبەرمۇ كۈلۈپ تۇرۇپ ماختاشتى.

ئاددىي تەبرىكلەشكەندىن كېيىن، ھەممەيلەن ئۆز خىزمەتلىرىگە مېڭىشتى.

زىلالە شەخسەن ئۆزى زىبارەنى كادىرلار بۆلۈمىگە ئېلىپ بېرىپ، ئىشقا چىقىش رەسمىيىتىنى بېجىرىپ، يەنە مۇزىكا ئەترىتىنىڭ ئىشىكى ئالدىغىچە ئۇزىتىپ قويدى.

 زىبارەنىڭ ئارقىسىدىن قاراپ يېنىك ئۇھ تارتىپ، بۇرۇلۇپ ئىشخانىسىغا قايتتى.

خېلى ئۇزاق ئويلانغاندىن كېيىن، ئاخىرى يەنىلا جەسۇرغا تېلېفون قىلدى.

جەسۇر ماشىنىنىڭ ئورۇندۇقىغا يۆلىنىپ تۇرۇپ، ئەنۋەر سۇنغان قەغەزنى ئېلىپ، بىلىكىدىكى يارا ئېغىزىغا باستى.

تۈنۈگۈن كەچتە، ئالدىراپ-تېنەپ شەھەر ئەتراپىغا كېلىپ، تاڭ سەھەر  بولغاندا مال تەمىنلىگۈچى سودىگەرنى تاپتى.

 ھېلىقى مال تەمىنلىگۈچى ئوغرىنىڭ يۈرىكى پوك-پوك دېگەندەك، ئارقا دېرىزىدىن قاچماقچى بولدى.

جەسۇر جىددىي پەيتە كەينىدىن قوغلاپ دېرىزىدىن سەكرەپ چۈشتى، نەتىجىدە ئېھتىياتسىزلىقتىن دەرەخ شېخىغا تېگىپ كېتىپ، بىلىكى يارىلاندى.

 يانچۇقىدىكى يانفوننىڭ ئاۋازىنى ئاڭلاپ، قىزىلغا بويالغان بارمىقىنى سۈرتىۋىتىپ   يانفوننى ئېلىپ:

 -  خوتۇن.  -  دېدى.

 -  سىز قەيەردە؟  -  دەپ سورىدى زىلالە.

 جەسۇر ئەنۋەرگە  ئاۋاز چىقارماسلىقنى ئىشارىسى قىلىپ:

  - مەن سىرتتا، نېمە بولدى؟  -  دېدى.

- بۈگۈن كەچتە قايتىپ كېلەلەمسىز؟  -  دەپ سورىدى زىلالە.

 - شىركەتتە ۋاقتىنچە جىددىي ئىش چىقىپ قالدى، بۈگۈن كەچتە قايتالمايمەن. - دېدى جەسۇر بىلىكىدىكى يارىغا قارىۋېتىپ، ئاغرىقتىن قوشۇمىسىنى تۈرۈپ، -  بۇ ئىشلارنى بىر تەرەپ قىلىشقا ئېھتىمال ئۈچ ياق، بەش كۈن كېتىشى مۇمكىن!  -  دېدى.

بىلىكىنىڭ مۇنداق ئاغرىغىنىدىن قارىغاندا بىر نەچچە كۈن ئىچىدە ياخشى بولۇپ كېتەلمەيدىغاندەك قىلاتتى.

ئەگەر زىلالە ئۇنىڭ يارىلانغان ئىشىنى بىلسە  ، ئاشۇ مىجەز-خۇلقى بىلەن، چوقۇم يەنە ئۆزىنى ئەيىبلەيدۇ، جەسۇرنىڭ ئۇنىڭ بۇنداق چىراي ئىپادىسىنى كۆرگۈسى يوق، ئۆزىنىڭ  يارىلانغان ئىشى بىلەن  دىققىتىنى چېچىۋەتكۈسى تېخىمۇ يوق.

ئەينى يىلى  ھەل قىلغۇچ مۇسابىقىگە قاتنىشالمىدى.

بۇ قېتىممۇ كىچىككىنە سەۋەب بىلەن قاتنىشالماي ئەپسۇسلىنىشنى خالىمايدۇ.

زىلالە لېۋىنى چىشلىدى.

دېمىسىمۇ، بۈگۈن زىبارە يۈز تۇرانە ئىمتىھاندا ئۇتۇق قازاندى، جەسۇر چوقۇم ئۇنى تەبرىكلەيدۇ.

 مۇشۇلارنى ئويلاپ:

  - داچىغا بېرىپ بىر نەچچە كۈن تۇرۇپ كەلسەم بولامدۇ؟ -  دېدى. 

ئەسلىدە، ئۇ يەنە جەسۇر بىلەن ياخشىراق پىكىر ئالماشتۇرماقچى بولغان.

 قارىغاندا، بۇنداق قىلىشنىڭ  ھاجىتى يوق ئىكەن.

جەسۇرنىڭ ئايرىلىش قارارىنى چىقىرىشىنى كۈتكەندىن كۆرە، تەشەببۇسكارلىق بىلەن كۆچۈپ چىقىپ كەتكىنى تۈزۈك، بۇنداق بولغاندا ھەممەيلەن ئوڭايسىزلىنىپ قالمايدۇ.

بۇ زىلالەنىڭ ئەستايىدىل ئويلانغاندىن كېيىن چىقارغان قارارى ئىدى.

ئۇ ھەتتا جەسۇر ئۇنىڭدىن سەۋەبىنى سوراپ قالسا، مۇسابىقە مەشىقىنى باھانە قىلىشنىمۇ ئويلاپ بولدى.

- ماقۇل، چاتاق يوق، قانچىلىك ۋاقىت تۇرغىڭىز كەلسە تۇرۇۋېرىڭ، ئىشقىلىپ... - دېدى جەسۇر  ئۇدۇللا ماقۇل بولۇپ، ھەتتا ئۇنىڭدىن نېمە ئۈچۈنلىكىنىمۇ سورىمىدى، زىلالەنىڭ سەۋەب كۆرسىتىشىنىمۇ قىلچە ھاجىتى قالمىدى.

ھەتتا ئازراق  مېھرىنى ئۈزەلمەي تارتىشىپمۇ قويمىدى!؟

 دەرۋەقە ئۆزىنى بەك يۇقىرى چاغلاپ كېتىپتۇ.

زىلالە تېلېفوننى تۇتۇپ، گېلىغا بىر نەرسە كەپلىشىپ قالغاندەك ھېس قىلىپ نەپەس ئالالماي قالدى.

 قولىنى ساڭگىلىتىپ، سەل ھالسىزلانغان ھالدا تېلېفوننى قويۇۋەتتى.

تېلېفوندا جەسۇرنىڭ گېپى تېخى تۈگىمىگەنىدى، ئۇ ئەسلىدە   < ئىشقىلىپ، سىز قەيەردە تۇرسىڭىز، مەنمۇ شۇ يەردە تۇرىمەن>  دېمەكچى ئىدى.

ئەپسۇسلىنارلىقى، زىلالە  ئالدىراپ تېلېفوننى قويۇۋېتىپ، كېيىنكى جۈملىنى ئاڭلىمىدى.

مىڭ تەسلىكتە كەيپىياتىنى تەڭشەپ، ئۈستىگە چىقىپ ئۆمەك باشلىقىنىڭ ئىشخانىسىغا كىرىپ:

 - مەن  مۇسابىقىسىنىڭ دەسلەپكى تاللاش مۇسابىقىسىدىن ئۆتتۈم، بۇ بىر نەچچە كۈندە رۇخسەت سورىسام بولامدۇ؟ - دېدى.  

 -  چاتاق يوق. - دېدى ئۆمەك باشلىقىمۇ بۇ ئىشنى ئاڭلاپ،  بىر ھەپتىلىك رۇخسەت بېرىپ، -   دىققىتىڭىزنى يىغىپ مۇسابىقىگە تەييارلىق قىلىڭ، ئەگەر ياردەم قىلىدىغان ئىش بولسا،تارتىنماي دەڭ.  -  دېدى.

قارشى تەرەپكە رەھمىتىنى ئېيتىپ، ماشىنىنى ھەيدەپ  ئولتۇراق رايونغا قايتىپ كەلدى.

ئۆزىنىڭ چامادانىنى ئېلىپ،  كىيىم قويۇش ئۆيىگە كەلدى.

ئىشىك ئالدىدىن  كىيىم ئاسقۇچقا كۆز يۈگۈرتۈپ، كىيىملىرىنىڭ جەسۇرنىڭ كىيىمى بىلەن يېقىن ئېسىقلىق تۇرغانلىقىنى كۆرۈپ، ئىختىيارسىز شۇ كۈنى كەچتە جەسۇرنىڭ نەرسە-كېرەكلىرىنى چوڭ ياتاق ئۆيگە ئەكىرىپ بەرگەندىكى كۆرۈنۈشنى ئەسلىدى.

ئۇ چاغدا  ساددىلىق بىلەن ئىككىيلەن بىر يىللىق گۈزەل مىنۇتلارنى بىللە ئۆتكۈزىمىز دەپ ئويلىغان.

كىم بىلسۇن، قىسقىغىنا بىر نەچچە كۈن ئىچىدە، بۇ يەردىن ئايرىلىدىغان بولدى.

بىراق... بۇمۇ ياخشى بولدى.

ھازىر ئايرىلسا، ھېچ بولمىسا ئەڭ ئاخىرقى ئىززەت-ھۆرمىتى ۋە سالاپىتىنى ساقلاپ قالالايدۇ.

زىلالە تۆۋەنكى كالپۇكىنى چىشلەپ، چوڭ قەدەم بىلەن كېلىپ، كىيىملىرىنى بىر-بىرلەپ ئېلىپ چاماندانغا  تىقتى.

 رەتلىنىپ بولغان چاماداننى سۆرەپ ئىشىك ئالدىغا كەلگەندە، ئىختىيارسىز ھالدا ئاچقۇچ قاراپ تۇرۇپ قالدى.

 بىردەم ئويلانغاندىن كېيىن، ئۆينىڭ  كارتىسى،  ماشىنىنىڭ ئاچقۇچىنى ئاياغ ئىشكاپى ئۈستىدىكى تەخسىگە قويدى.

بۇنىڭدىن كېيىن، بۇ يەرگە قايتىپ كەلمەيدۇ، بۇ ئاچقۇچمۇ لازىم ئەمەس.

چاماداننى  ئىشىكتىن  كۆتۈرۈپ چىققان زىلالە لېۋىنى چىڭ يۇمۇپ، كەينىگە قاراپمۇ قويماي ئىشىكنى  ياپتى.