گۈزەل ھايات 9-بۆلۈم 25-قىسىم _ ئاقپىشماق

25-قىسىم  

ئاقپىشماق

ئىليار قايتا گەپ قىلمىدى، بىر چەتتە تۇرغان دىلنار دىلارەگە قارىدى، گەرچە ئۇنىڭ چىراي ئىپادىسى سۇس بولسىمۇ، لېكىن مەمنۇن بولغانلىقىنى كۆرۈۋېلىش تەس ئەمەس ئىدى.

ئۇنىڭ قىزى چوڭ بولدى، شۇنداقلا مۇشۇنداق مۇنەۋۋەر چوڭ بولدى.

بۇ ئۇنىڭ ھاياتىدىكى ئەڭ چوڭ خۇشاللىقى!

تەپسىلىي ئويلاپ باقسا، ئۇنىڭ بۇ ئۆمرىدە ئەڭ پەخىرلىنىدىغان ئىشى دىلارەدىن ئىبارەت  ئەزەلدىن ئۆزىنى ئۈمىدسىزلەندۈرۈپ باقمىغان قىزىنى تۇغقانلىقى ئىكەن.

دىلارەنىڭ چىرايى سەل قىزىرىپ كەتتى، ئىليارنىڭ شۇنچە كۆپ ئادەمنىڭ ئالدىدا دېگەن بۇ گەپلىرى ئۇنى ئاز-تولا خىجىل قىلىپ قويدى، نېمىلا دېگەن بىلەن، ئاپىسى ئىليارغا تۈزۈك چىراي ئېچىپ باقمىغانىدى.

بىراق دىلنار ئىلىيار دېگەن بۇ سولتەككە قايىل. قىزىنى بەختلىك قىلالىدى. قىزى ئۆزى ياخشى كۆرىدىغان ئەر ئالىقىنىدا گۆھەردەك ئەتىۋارلىنىپ ياشاۋاتىدۇ.

قىزىنىڭ ئېرىشكەنلىرى ھەقىقەتەن دىلنارنى  خۇش قىلدى.

پەقەت دىلارە بەختلىك بولسىلا، ئۇ ھەممە نەرسىنى بېرىشكە رازى.

مۇيەسسەر ئەينى چاغدا دىلارەنىڭ كەينىدىن كىيىم ئالماشتۇرۇش ئۆيىدىن چىققاندا، چىرايى تاتىرىپ كەتكەن ئىدى.

دىلارەنىڭ ئىچىدە دېگەن بەزى سۆزلىرىدىن قەلبى چەكسىز لەرزىگە كەلدى.

ياق...

ئۇنى ھەقىقىي ھەيران قالدۇرغىنى ھەتتا قورقۇتقىنى، دىلارەنىڭ ئاشۇ سۆزلىرىدىن باشقا، يەنە ئۇنىڭ  قاراپ قويغان  يۈزەكى قاراشلىرىدۇر.

ئەمەلىيەتتە دىلارەنىڭ  پۇل، ھوقۇققا   ئېرىشىش ئارزۇسى يوق، لېكىن كېيىن زادى قانداق بولىدىغانلىقىغا ھېچكىم كاپالەتلىك قىلالمايدۇ؟

بۇ قېتىمقى ئىشتا، مۇيەسسەرنىڭ كۆڭلىدىمۇ ھەقىقەتەن شەخسىي غەرىزى بارلىقىمۇ راست.

ئۇ ئايرۇسنىڭ نۇردۇندىن ئۈزۈل-كېسىل ئايرىلىپ كېتىشىنى كۆزلەپ، ھەتتا ئاقىۋىتىنىڭ قانچىلىك خەتەرلىك بولۇشىغىمۇ قارىمىدى.

توغرا، ئايرۇس  بۇ دۇنيادىن يوقالسا ئۇنىڭ ئۈچۈنمۇ ياخشى.

مۇشۇ تەرەپلەرنى ئويلىسا... ئەمەلىيەتتە ئۇنىڭ ئايرۇس بىلەن ھېچقانداق پەرقى يوق.

راستتىنلا شۇنداقمۇ؟ ... ياق ، ھەر قانداق بىر ئايال ئېرىدىن تەڭ بەھرىمەن بولىدىغان يەنە بىر ئايالنىڭ بولۇشىنى خالىمايدۇ.

شۇنىڭ ئۈچۈن ئۇ  قىلچە ئىككىلەنمەستىن دىلارەگە  ماسلىشىپ،  ئويۇن ئويناپ، ئايرۇسنى نۇردۇن ۋە ئۇنىڭ ھاياتىدىن ئۈزۈل-كېسىل يوقاتماقچى بولدى.

ئۇ ئۆزىنىڭ بۇنچىلىك شەخسىي غەرىزى بارلىقىنى ئېتىراپ قىلىدۇ.

شۇڭا ئۇ بۈگۈن دىلارەگە رەھمەت ئېيتتى.

بۇ ئىشلارنىڭ باش پىلانلىغۇچىسى  دىلارە . ھەممە ئىشنى ئۆزى بىر قوللۇق پىلانلىغان، مۇيەسسەر پەقەت بىر قاتناشقۇچى، پەقەت دىلارەگە  ياردەم قىلىپ قويدى خالاس.

 لېكىن، ئۇنىڭ بۇ خۇنۈك خىيالىنى دىلارە ئاللىقاچان كۆرۈپ قالغاندەك  خاتا تۇيغۇ پەيدا بولدى.

ھازىرقى ئىليارنىڭ ئالدىدىكى بەخت ئىچىدە ئەللەيلىنىۋاتقان دىلارەنى كۆرۈپ،  تۇيۇقسىزلا ئۆزىنىڭ ھەرگىزمۇ كېيىنكى ئايرۇس بولمايدىغانلىقىغا قەتئىي ئىشەندى.

چۈنكى ئۇ ئېرىشمەكچى بولغانلىرىنىڭ ھەممىسىگە ئېرىشتى.

ئۇ پەقەت بىر مۇكەممەل نۇردۇنغا ئېرىشىشنى ئويلايتتى. ئاخىرى ئېرىشتى.

 دىلارەنى قارشى ئېلىش  مۇراسىمى ھەممە ئادەم ئىنتىزار بولغان ئىشقا ئايلاندى.

ھەرقايسى جايلار  ئارقا-ئارقىدىن ۋەكىل ئەۋەتىپ، رەنانى تەبرىكلىدى  .

ئاخىرقى ئىككى كۈنلۈك تەتۈر ساناق باشلانغاندا، ئېلزات، مىرزات قاتارلىقلارمۇ كېلىپ مېھمانخانىدىن دىلارە بىلەن ئىليارنى تاپتى. 

قارشى ئېلىش مۇراسىمىغا قاتنىشىش ئۈچۈن كەلگەنلەرنى رەنا تەبىئىيلا ئەڭ ياخشى ئورۇنلاشتۇرۇش قىلدى.

دىلارە ھازىر   مۇراسىمىنىڭ كونكرېت تەرتىپىنى يەنە بىر قېتىم جەزىملەشتۈرۋاتاتتى.

رەنا ھەرقايسى جايلاردىن   كەلگەن  مېھمانلار بىلەن كۆرۈشۈش ئۈچۈن، دىلنار بىلەن دىلارەنى يالغۇز قالدۇردى.

رەنانىڭ كۇتۇپخانىسى يېقىندىن بۇيان دىلنارنىڭ مەخسۇس كۇتۇپخانىسى بولۇپ قالدى.

دىلارە ساپادا ئولتۇرۇپ، سۇس چىراي ئىپادىسى بىلەن دىلنارغا قاراپ :

- يېقىندىن بۇيان نۇرغۇن سۆز-چۆچەكلەر تارقالدى، ئۇلارنىڭ ھەممىسى مومامنى  ئورنىنى بوشىتىپ، سىزنى چىقىرىدۇ، دېيىشىۋاتىدۇ. - دېدى.

دىلنار قولىدىكى ھۆججەتنى قويۇپ:

-  مەنمۇ شۇنداق گۇمانلىنىمەن. - دېدى. 

 - سىزچۇ؟ قانداق قىلاي دەيسىز؟  - دېدى دىلارە.

- قارىسام مومىڭىز سىزدىنمۇ بەك رازى ئىكەن. - دېدى دىلنار. 

دىلارە سۇس كۈلۈپ قويۇپ:

- كەچۈرۈڭ، مەن ھازىر ئۆي - ئوچاقلىق بوپبولدۇم. ئىسىمنىڭ كەينىدە ئىليارنىڭ خانىمى  دېگەن خەت بېسىلىپ بولدى،  بۇ ئائىلە بىلەن ئارىلىقىمىز سەل يىراقلىشىپ قالدى، - دېدى. 

دىلنارمۇ يېنىك كۈلۈپ تۇرۇپ:

-  ئىليارنى كاتتا ئائىلىمىزنىڭ ئىچ كۈيئوغلى قىلىشنى ئويلاشساق بولىدۇ.  - دېدى.

دىلارە بۇ گەپنى ئاڭلاپ، ھاڭۋىقىپ تۇرۇپلا قالدى.

- سىزنىڭمۇ چاقچاق قىلالايدىغانلىقىڭىزنى ئويلاپمۇ باقماپتىكەنمەن، - دېدى دىلارە. 

دىلنار لەۋلىرىنى پۈرۈشتۈرۈپ:

-  كىم مېنى چاقچاق قىلىۋاتىدۇ دەيدۇ؟ - دېدى.

دىلارە كۆزىنى ئېچىپ، ئۇنىڭغا  قارىدى.

دىلنار سۇس كۈلۈپ تۇرۇپ:

-  ئىشقىلىپ ئۇنى  بوۋىسى دېگەن قېرى جاھىل ئۆيدىن قوغلاپ چىقاردى، شۇنداققۇ؟ ئۇ قىلچە نومۇس قىلماي ئاقپېشماق بولۇپ قالدى، كاتتا ئائىلىنىڭ كۈيئوغلى، ئادەتتىكى ئەر كىشى بولىمەن دەپلا بولالمايدۇ. شۇڭا شەرەپ ھېس قىلسا توغرا بولىدۇ، - دېدى. 

دىلارە لەۋلىرىنى پۈرۈشتۈرۈپ:

- ئۇ ھەرگىزمۇ ئاقپىشماق، ئاقنانچى ئەمەس، - دېدى. 

- مەن ئۇنىڭ  ھېلىقى قېرى جاھىل بوۋىسىنى ياقتۇرمايمەن، ئۇنىڭدىن ئۆچ ئېلىشنىڭ ئەڭ ياخشى ئۇسۇلى ئۇنىڭ ئەڭ رازى بولىدىغان نەۋرىسىنى  ئىچ كۈيۈئوغۇل قىلىۋېلىش،  بوۋاينىڭ ۋاقتى كەلگەندە چىراي ئىپادىسىنىڭ چوقۇم قالتىس بولىدىغانلىقىغا ئىشىنىمەن.  - دېدى دىلنار.

دىلارە قولىنى سوزۇپ قوشۇمىسىنى چىمداپ قويۇپ:

-  بەك كۆپ ئويلاپ كېتىپسىز. ئىليار بىلەن ئىككىمىزنىڭ ئىشى، قانداق قىلىپ بوۋايدىن ئۆچ ئېلىشىڭىزنىڭ ئاساسى بولۇپ قالىدۇ، - دېدى. 

دىلنار قېشىنى ئېگىز ئېتىپ:

- سىزنىڭچە، ئىككىڭلارنىڭ تۇرمۇشى باشقىلارنىڭ ئازابى ئۈستىگە قۇرۇلمىدىمۇ؟ - دېدى. 

دىلارەنىڭ قاش-كۆزلىرى بىردەمدىلا تۇتۇلۇپ سۈكۈتكە چۆكتى.

- مەن ھېچكىمگە دەخلى قىلمىدىم دەپ قارايمەن. - دېدى دىلارە. 

- شۇڭا، ئادەملەر شەخسىيەتچى كېلىدۇ، ھەرقانداق ئىشتا ئۆزىڭىزنىڭ ۋىجدانىڭىزغا خىلاپلىق قىلمىسىڭىزلا بولدى. بۇنچە كۆپ غەم قىلىشنىڭ نېمە  زۆرۈرىيىتى؟  - دېدى دىلنار

دىلارە قېشىنى ئېتىپ ئۇنىڭغا قاراپ:

-  ئۇنداقتا سىز زادى نېمە دېمەكچى؟ - دەپ سورىدى.

دىلنار ئېڭىكىنى كۆتۈرۈپ، تەبىئىي قىياپەتتە:

- مېنىڭ بۇ ئىشقا ئارىلاشقۇم يوق، پەقەت ئىليار ئىچ كۈيئوغۇل بولسىلا، كېيىن بۇ ئورۇندا سىز ئولتۇرىسىز، - دېدى. 

دىلارە سۇس كۈلۈپ قويۇپ:

- سىزنىڭ باشقۇرغىڭىز يوق، شۇڭا مېنىڭ ئۈستۈمگە ئىتتىرىپ قويۇپ، ئىليارنى ئىچ كۈيئوغۇل قىلىپ،  ئېرىنچەكلىكىڭىزنى كۈيئوغلىڭىزغا ئارتىپ قويماقچىمۇ؟ - دېدى. 

دىلنار بۇنى ئىنكار قىلماي:

-  ياشىنىپ قالدىم،  سىلەرنىڭ ۋاپادارلىق كۆرسىتىدىغان ۋاقتىڭلار كەلدى ... - دېدى.

-  بۇ ئېغىر يۈكنى ئۆتكۈزۈۋالمىسىڭىزمۇ بولىدۇ. سىزنىڭ ئىنىڭىز بارغۇ؟ ئۇ باشقۇرسۇن. - دېدى دىلارە.

دىلنار ئۇھ تارتىپ قويۇپ:

-  بولدى، كېيىن بىر گەپ بولسۇن. يېڭى يىل كۈنىدىكى قارشى ئېلىش  مۇراسىمىنىڭ جەريانىنى يەنە بىر قېتىم خۇلاسىلەپ چىقايلى.. - دېدى. 

دىلارەمۇ  ئۆزى بىلەن قىلچە ئالاقىسى يوق ئىشلار توغرىسىدا پاراڭلىشىشقا ئېرىنىپ قالغانىدى.

ئىككىيلەن ئىشخانىدا يەنە بىر سائەتكە يېقىن خىزمەت قىلغاندىن كېيىن، دىلارە ئاندىن ئىشخانىدىن چىقتى.

 كىشىلەر ئۇنى كۆرگەندە ئالاھىدە ھۆرمەت بىلدۈردى.

ئۇ بۇ يەرگە  بىر-ئىككى قېتىم كەلمىدى، لېكىن ئىلگىرىكى بىلەن ھازىرقىنىڭ پەرقى بەك روشەن ئىدى.

نېمىلا دېگەن بىلەن، ئايرۇس ئانا-بالانىڭ بۇ يەردە شۇنچە يىللاردىن بۇيان تىكلىگەن نوپۇزى چوڭقۇر يىلتىز تارتقانىدى.

ئەگەر ئايرۇس ھازىر سولىنىپ قالمىغان بولسا،  بۇ كىشىلەرنىڭ ئۇنىڭغا باشقىچە پوزىتسىيە تۇتىدىغانلىقىغا ئىشىنىدۇ.

ئويلاپ مۇشۇ يەرگە كەلگەندە دىلارە سوغۇققىنە كۈلۈپ قويدى، ئىچىدە ئادەملەر ھەقىقەتەن ئىككى يۈزلىمىچى كېلىدىكەن دەپ ئويلىدى.

 ئىشىك ئالدىدا مىرزات بىلەن ئېلزات ئۇنى تۆت كۆزى بىلەن كۈتۈۋاتاتتى، ئۇنىڭ چىققانلىقىنى كۆرگەن ئېلزات  دىلارەگە سالام بېرىپ:

- يەڭگە، بۇنىڭدىن كېيىن سىزنى دىلارە خانقىز دەپ چاقىرىمەنمۇ ؟ ياكى يەڭگە دەمدىم؟ ياكى بولمىسا خانقىز يەڭگە دەمدىم؟ - دېدى. 

دىلارە ئۇنىڭغا ئاليىىپ قويۇپ،  گېپىگە زادىلا جاۋاب بېرەلمىدى.

مىرزات ئېلزاتقا قارىغاندا ياخشىراق ئىدى، لېكىن ئۇمۇ ماشىنىنىڭ ئالدىغا كەلگەندە،  ئالدى بىلەن ئوڭ قولىنى كۆتۈرۈپ، ئاندىن ھۆرمەت بىلەن بېلىنى ئېگىپ، ماشىنىنىڭ  ئىشىكنى ئېچىپ:

- دىلارە خانقىز، ماشىنىغا مەرھەمەت. - دېدى .

دىلارە ئۇنىڭ بۇ تۇرقىنى كۆرۈپ، بايىقى قول ئىشارىتىنىڭ خۇددى كىنولاردا چىقىدىغان ئاغۋاتنىڭ قول ھەرىكىتىگە ئوخشايدىغاندەك ھېس قىلىپ ، قاپىقى ئىختىيارسىز لىكىلداپ كەتتى،  بۇ ئىككىسىگە ئالىيىپ قويۇپ گەپ قىلمىدى.

ئۇلار نېمىشقا بۇنداق بىزەڭ چوڭ بولۇپ قالغاندۇ.  

ھەقىقەتەن... ئادەمنىڭ تەقى-تۇرقىغا قاراپ بىر نەرسە دېگىلى بولمايدىكەن.

ماشىنىغا چىققاندىن كېيىن، ئىككىيلەن ئايرىم-ئايرىم ھالدا ئالدىدىكى شوپۇر ئورنى ۋە ياردەمچى شوپۇر ئورنىدا ئولتۇردى.

- يىل ئاخىرىدا ئەسلى ئالدىراش بولۇپ كەتسەڭلار توغرا بولاتتىغۇ؟ قارىسام  ھەممىڭلار بىر - بىرىڭلاردىن بىكارچى بولۇپ قاپسىلەر؟ - دەپ سورىدى دىلارە. 

مىرزات مۈرىسىنى قىسىپ تۇرۇپ:

-  قالغىنى شىركەت دىرېكتورىنىڭ ئىشى، ئەجەبا مەن ئۇلار بىلەن كومپيۇتېر تالىشىپ، ھېسابات دەپتىرىنى بىرمۇ بىر سېلىشتۇرسام بولامتى؟  - دېدى.

ئېلزات پىخىلداپ كۈلۈپ تۇرۇپ:

-  ئاشۇ كۆرۈنۈشنى كۆرگەندەك بولدۇم، شۇنداق بولسا نېمىشقا بولمايدىكەن؟ دادىڭىز سىزنى تۆۋەن قاتلامدىن باشلىسۇن دېمىدىمۇ؟ ھاجەتخانىنى تازىلاپمۇ باققانغۇ، بۇنچىلىك ئىش ھېچقانچە ئىشتى، ھېچ بولمىغاندا ئىشخانىدا ئولتۇرىسىز. - دېدى. 

- سىزنىڭ يەنە مېنى بىر نەرسە دېگۈدەك يۈزىڭىز بارمۇ؟ سىزنىڭ قانچىلىك كارامىتىڭىز بارتى؟ - دېدى مىرزات. 

 - مەن؟ ئىككىنچى تاغام چوڭ ھوقۇقنى ئۆز ئالدىغا تارتىۋېلىشنى ياخشى كۆرىدۇ، قانداقسىگە مېنى شىركەتنىڭ ھېساباتىنى قولغا ئالغىلى قويىدۇ دەيسىز، مەن ئەلۋەتتە ئەركىن ئازادە يۈرىمەن.  - دېدى ئېلزات.

بوشى مالىيە گۇرۇھى تىلغا ئېلىنغاندا، دىلارە قوشۇمىسىنى سۈزۈپ:

- نېمە ئىش بولدى؟ سىزنىڭ قولىڭىزدا گۇرۇھنىڭ نۇرغۇن پېيى بار تۇرۇقلۇق، شىركەتنىڭ ھېساباتىنى كۆرگىلى قويمامدىكەن؟ - دېدى. 

ئەجەبا ئەزىمەت شۇنچە تەپ تارتمايدىغان بولۇپ قالدىمۇ؟

ئېلزات پىخىلداپ كۈلۈپ كېتىپ:

-  ئۇ شىركەتنى ئۆتكۈزۈۋېلىپ ئۇزۇن ئۆتمەي، چوڭ-كىچىك ئىشلار كەينى-كەينىدىن يۈز بەردى،  قىسقا ۋاقىت ئىچىدە شىركەت چوڭ زىيان تارتتى. ئۇنىڭ ماڭا  مۇشۇنداق ناچار نەتىجىنى كۆرسىتىشى قانداقمۇ مۇمكىن بولسۇن؟  - دېدى.

دىلارە سۈكۈتكە چۆكتى،  كۆڭلىدە ئىليارنىڭ قىلغانلىرىنى ئاز-تولا ئويلاپ قالدى.

- مەندەك ياش ئەۋلادنىڭ ئالدىدا يۈزۈم چۈشۈپ قالارمىكىن دەپ ئەنسىرىگەندۇ، بىراق ئۇمۇ بەك سادداكەن، بىر مەھەل يوشۇرغىنى بىلەن بىر ئۆمۈر يوشۇرالامدۇ؟ يېڭى يىل بايرىمىدىن كېيىنلا  باشلىقلار يىغىنى ئېچىلىدۇ، ۋاقتى كەلگەندە بوشى گۇرۇھى دۇنيا كارخانىلىرىنىڭ ئىچىدە پەيدا بولىدۇ، شۇ چاغدا ھەممە ئىشلار ئېنىق بولمامدۇ.  ئۇنى كىم بىلمەيدۇ؟ مۆلچەرىمچە، ۋاقتى كەلگەندە بوشى گۇرۇھىنىڭ داڭقى چىقىپ كېتىدۇ، ئىلگىرى ھەر قانچە بولسىمۇ ئىككىنچى ئورۇنغا تىزىلىپ كەلگەن، بۇ يىل ئىككىنچىلىكنىمۇ ساقلاپ قالالماسمىكىن ، -دېدى ئېلزات. 

دىلارە سۈكۈتكە چۆكتى، يېڭى يىل بايرىمىدىن كېيىن   باشلىقلار يىغىنى بولىدۇ، شىركەتنىڭ ھازىرقى سىتاستىكىسىنىڭ قايسى باسقۇچقا يەتكەنلىكىنى بىلگىلى بولمايدۇ.

قارىغاندا قارشى ئېلىش مۇراسىمىدىن كېيىن، ئۇ تېزدىن مەركىزى شەھەرگە قايتىپ  خىزمەتلەرگە نازارەت قىلىشى كېرەك ئىكەن.

گەرچە ئىليار ئادەم ئورۇنلاشتۇرۇپ قويغان بولسىمۇ، لېكىن يەنىلا ئۆزى تۇرمىسا خاتىرجەم بولالمىغۇدەك.

مېھمانخانىغا قايتىپ كەلگەندىن كېيىن، ئىليارنىڭ سايىسىمۇ كۆرۈنمىدى، دىلارەمۇ بۇنىڭغا كۆنۈپ قالدى.

بۇ ئاقپىشماق ھازىر  ئۇنىڭدەك ‹ ‹ خوجايىن › › دىنمۇ ئالدىراش بولۇپ كەتتى.