གསར་འགོད་པས་མཚོ་སྔོན་ལིན་ཧུའུ་ཚན་རིག་གསར་གཏོད་གླིང་དོ་དམ་ཨུ་ལྷན་ནས་རྒྱུས་ལོན་བྱུང་བ་ལྟར་ན། ཀྲུང་ཧྲན་སློབ་ཆེན་གྱི་ལི་སྨི80ཡི་རྒྱང་ཤེལ་སྤྱོད་པའི་མཛད་སྒོ་དེ་ཚེས15ཉིན་ཀྲུང་ཧྲན་སློབ་ཆེན་ཀྲུའུ་ཧའེ་སློབ་ཁུལ་དུ་འཚོགས་པ་དང་། དེ་ནི་ཀྲུང་གོའི་མིག་སྔར་ལྟ་ཞིབ་ཚད་ལེན་དང་ཚོད་ལྟའི་འཁོར་སྐྱོད་བྱེད་པའི་རྩིག་རྨང་དམར་ཕྱིའི་གནམ་དཔྱད་ཀྱི་རྒྱང་ཤེལ་ཁོ་ན་རེད།
ངོ་སྤྲོད་བྱས་པ་ལྟར་ན། ཀྲུང་ཧྲན་སློབ་ཆེན་དངོས་ཁམས་དང་གནམ་དཔྱད་སློབ་གླིང་གིས་དམར་ཕྱིའི་གནམ་དཔྱད་ལྟ་ཞིབ་ཚད་ལེན་ཁྱབ་ཁོངས་ཀྱི་ཀྲུང་གོའི་ཞན་ཆར་དམིགས་ཏེ་དམར་ཕྱིའི་རྒྱང་ཤེལ་ལི་སྨི80ཡོད་པའི་རྣམ་གྲངས་བཏོན། 2023ལོར་ཀྲུང་ཧྲན་སློབ་ཆེན་གྱི་རྣམ་གྲངས་ཚོགས་པའི་མཉམ་འབྲེལ་རྒྱལ་ཚོགས་ནང་ཁུལ་གྱི་ཚན་པའི་ངོས་ནས་ནུས་ཤུགས་ཡོད་རྒུས་རྒྱང་ཤེལ་དང་མཐའ་སྣེའི་པར་ཆས་ཞིབ་བཟོ་བྱས་པ་དང་། ཚད་ལེན་ཚོད་ལྟ་ཞིབ་ཕྲ་བྱས་རྗེས་རྒྱང་ཤེལ་དེ་ད་ལྟ་མཚོ་སྔོན་ཞིང་ཆེན་མཚོ་ནུབ་ཁུལ་ལིན་ཧུའུ་གྲོང་རྡལ་གསེར་ཐང་རི་བོར་བདེ་བླག་ངང་སྒྲིག་སྦྱོར་བྱས་ཡོད། ཟླ10པའི་ཚེས26ཉིན་མཚོ་སྔོན་ཞིང་ཆེན་མཚོ་ནུབ་ཁུལ་ལིན་ཧུའུ་གྲོང་རྡལ་གསེར་ཐང་རི་བོར་གནས་པའི་ཀྲུང་ཧྲན་སློབ་ཆེན་གྱི་དམར་ཕྱིའི་རྒྱང་ཤེལ་ལི་སྨི80ཅན་གྱིས་ལྟ་ཞིབ་ཚད་ལེན་བྱེད་བཞིན་ཡོད། (མཚོ་སྔོན་ལིན་ཧུའུ་ཚན་རྩལ་གསར་གཏོད་གླིང་ཁུལ་དོ་དམ་ཨུ་ལྷན་གྱིས་པར་རིས་མཁོ་འདོན་བྱས་པ།)
ཡོང་ཁུངས། མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ལོ་ཙཱ་བ། གཡང་སྐྱིད།
རྩོམ་སྒྲིག་པ། གཡང་སྐྱིད།
