“ང་དང་ངའི་ཕ་ཡུལ”ཞེས་པའི་བརྙན་ཐུང་འགྲན་སྡུར་གྱི་བྱ་དགའི་མིང་ཐོ།

  རང་ཞིང་གི་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་སྲ་བརྟན་དང་སྤྱི་ཚོགས་དཔལ་འབྱོར་འཕེལ་རྒྱས་ལ་སྐུལ་འདེད། རོང་འབྲོག་མང་ཚོགས་ཀྱི་རིག་གནས་འཚོ་བ་ཕུན་སུམ་ཚོགས་པ་བཅས་མངོན་ཕྱིར། ངེད་སྦྲེལ་དྲ་གསར་འགྱུར་ལྟེ་གནས་ཀྱིས“ང་དང་ངའི་ཕ་ཡུལ”ཞེས་པའི་བརྗོད་དོན་བརྙན་ཐུང་འགྲན་སྡུར་སྤེལ་པ་ཡིན།

  2024ལོའི་སྤྱི་ཟླ8པའི་ཚེས1ཉིན་ནས་སྤྱི་ཟླ9པའི་ཚེས30ཉིན་བར་ཁྱོན་བསྡོམས་པས་བརྙན་ཐུང་བརྩམས་ཆོས311ལྷག་འབྱོར། ངེད་ལས་ཁུངས་ཀྱིས་ཆེད་མཁས་པ་གདན་འདྲེན་བྱས་ནས་བརྩམས་ཆོས་ཡོངས་ལ་དཔྱད་འདེམས་སྐོར་ཐེངས་གསུམ་བྱས་པ་བརྒྱུད། ད་སྔར་བརྙན་ཐུང་བརྩམས་ཆོས་ཨང་དང་པོ3དང་ཨང་གཉིས་པ6། ཨང་གསུམ་པ12། ཕུལ་བྱུང་བྱ་དགའ30བཅས་ཁྱོན་བསྡོམས་བརྩམས་ཆོས51དངོས་སུ་བདམས་ཐོན་བྱུང་། དཔྱད་འདེམས་བྱས་པའི་མཇུག་འབྲས་མཚོ་སྔོན་ཞིང་ཆེན་སྲིད་གཞུང་བོད་ཡིག་དྲ་བ་དང་“གཡེར་མོ་ཐངAPP(大美安多) ”སྐད་འཕྲིན་སྤྱི་སྟེགས་བཅས་སུ་སྤྱི་བསྒྲགས་བྱ་རྒྱུ་ཡིན། སྤྱི་བསྒྲགས་དུས་ཡུན་ནི2024ལོའི་ཟླ11པའི་ཚེས13ཉིན་ནས2024ལོའི་ཟླ11པའི་ཚེས19ཉིནབར་ཡིན། སྤྱི་བསྒྲགས་དུས་ཡུན་རིང་ལས་ཁུངས་དང་མི་སྒེར་གང་རུང་གིས“གཡེར་མོ་ཐངAPP(大美安多) ”ཡི་བརྙན་པར་ལེ་ཚན་ནང་བཀོད་ཟིན་པའི་བདམས་ཐོན་བརྩམས་ཆོས་དག་གི་པར་དབང་གི་བདེན་པའི་ཆ་ལ་ཁ་པར་གྱི་ལམ་ནས་ལྟ་སྐུལ་དང་བསམ་འཆར་འདོན་རྒྱུ་མཁྱེན།།

  འབྲེལ་གཏུག་ཨང་གྲངས། 0971-8456492

ཟུར་བཀོད། 《2024ལོའི“ང་དང་ངའི་ཕ་ཡུལ”ཞེས་པའི་བརྗོད་དོན་བརྙན་ཐུང་འགྲན་སྡུར་དཔྱད་འདེམས་བྱས་པའི་མཇུག་འབྲས་རེའུ་མིག》

མཚོ་སྔོན་ཞིང་ཆེན་སྦྲེལ་དྲ་གསར་འགྱུར་ལྟེ་གནས།

2024ལོའི་ཟླ11པའི་ཚེས13ཉིན།