2024ལོའི་མང་རྫོང་སྤྱི་བདེ་ཅུའུ་ཡིས་སྤྱི་ཚོགས་ཡོངས་ལ་ཁ་ཕྱོགས་ནས་ཉེན་རྟོག་རམ་འདེགས་པ52བསྡུ་བའི་བརྡ་སྦྱོར།

  ཞིང་ཆེན་དང་ཁུལ་ཡོངས་ཀྱི་སྤྱི་བདེའི་ལས་དོན་ཚོགས་འདུའི་དགོངས་དོན་ལག་བསྟར་དོན་འཁྱོལ་གཏིང་ཟབ་དང་། བདེ་འཇགས་འཛུགས་སྐྱོང་གི་ལས་དོན་ལ་སྐུལ་འདེད་ཏན་ཏིག་གཏོང་བ། སྤྱི་བདེའི་དཔུང་ཁག་འཛུགས་སྐྱོང་ལ་སྔར་ལས་ཤུགས་སྣོན་པ། ཉེན་རྟོག་པ་མི་འདང་བའི་གནད་དོན་བཅས་ཞི་ལྷོད་དུ་གཏོང་ཆེད། 《མཚོ་ལྷོ་ཁུལ་སྤྱི་བདེ་ལས་ཁུངས་ཀྱི་ཉེན་རྟོག་རམ་འདེགས་པའི་བེད་སྤྱོད་དོ་དམ་བྱེད་ཐབས(ཚོད་ལྟའི་ལག་བསྟར)》དང《ཁུལ་ཡོངས་ཀྱི་རིམ་པ་སོ་སོའི་སྤྱི་བདེ་ལས་ཁུངས་ཀྱི་ཉེན་རྟོག་རམ་འདེགས་པའི་མི་སྤྱོད་གྲངས་འབོར་སྔར་ལས་ཁ་གསལ་བཟོ་བའི་སྐོར་གྱི་བརྡ་ཐོ》སོགས་ཀྱི་གཏན་འབེབས་གཞིར་བཟུང་། མང་རྫོང་མི་དམངས་སྲིད་གཞུང་གི་ཆོག་མཆན་ཐོབ་པ་དང་མང་རྫོང་སྤྱི་བདེའི་དོན་དངོས་དང་ཟུང་འབྲེལ་སྒོས། མང་རྫོང་སྤྱི་བདེ་ཅུའུ་ཡི་ཉེན་རྟོག་རམ་འདེགས་པ་བསྡུ་བའི་འབྲེལ་ཡོད་དོན་ཚན་ཁྱབ་སྒྲོག་བྱས་པ་གཤམ་གསལ།

  གཅིག ལས་བསྡུའི་འཆར་གཞི།

  ཐེངས་འདིའི་འཆར་གཞི་ལྟར་ན། ཉེན་རྟོག་རམ་འདེགས་པ52བསྡུ་རྩིས་ཡོད་པ་དང་། ཞིབ་ཕྲའི་ལས་བསྡུའི་ལས་གནས་དང་། མི་གྲངས། ཐོབ་ཐང་ཆ་རྐྱེན་སོགས《2024ལོའི་མང་རྫོང་སྤྱི་བདེ་ཅུའུ་ཡིས་སྤྱི་ཚོགས་ཡོངས་ལ་ཁ་ཕྱོགས་ནས་ཉེན་རྟོག་རམ་འདེགས་པ་བསྡུ་བའི་ལས་གནས་འཆར་གཞིའི་རེའུ་མིག》ནང་གསལ།

  གཉིས། ལས་མི་བཀོལ་སྤྱོད་ཀྱི་རྣམ་པ།

གན་རྒྱའི་ལམ་ལུགས་ཀྱི་ལས་མི་བཀོལ་སྤྱོད་བྱ་དགོས།

  གསུམ། ལས་བསྡུའི་ཆ་རྐྱེན།

  1.ཀྲུང་གོའི་གུང་ཁྲན་ཏང་གི་འགོ་ཁྲིད་ལ་བརྩི་བཀུར་དང་། སྤྱི་ཚོགས་རིང་ལུགས་ཀྱི་ལམ་ལུགས་ལ་བརྩི་སྲུང་། རྒྱལ་ཁབ་གཅིག་གྱུར་དང་མི་རིགས་མཐུན་སྒྲིལ་སྲུང་སྐྱོང་བཅས་བྱེད་པ།

  2.ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ལ་བརྩི་སྲུང་དང་། བཅའ་ཁྲིམས་དང་ཁྲིམས་སྲོལ་ལ་བརྩི་སྲུང་ཞུ་བ། སྤྱོད་ལམ་ཚུལ་དང་མཐུན་པ།

  3.རྒྱལ་དམངས་སློབ་གསོའི་ཆེད་ཚན་སློབ་གྲྭ་དང་དེའི་ཡན་གྱི་རིག་གནས་ཆུ་ཚད་ལྡན་དགོས། (ལས་གནས་གཏན་འཁེལ་ལ་མཐོ་འབྲིང་ཡན་ གྱི་རིག་གནས་ཆུ་ཚད་ལྡན་དགོས།)

  4.རྒྱུན་ལྡན་གྱི་འགན་འཁྲི་སྒྲུབ་པར་མཁོ་བའི་ལུས་པོའི་ཆ་རྐྱེན་དང་སེམས་ཁམས་ཀྱི་བྱང་ཚད་ལྡན་དགོས།

  5.ལུས་ཕུང་བདེ་ཐང་དང་། རྩ་འཛུགས་ཀྱི་སྒྲིག་ཁྲིམས་འདུ་ཤེས་ཆེ་བ། བཀའ་དང་ལེན་དང་བཀོད་འདོམས་ལ་ཉན་པ། ཁྲིམས་འགལ་ནག་ཉེས་ཀྱི་ཟིན་ཐོ་མེད་པ། རང་མོས་ཀྱིས་སྤྱི་བདེ་དང་ཉེན་རྟོག་པའི་རམ་འདེགས་ཀྱི་བྱ་བ་སྒྲུབ་དགོས། 

  6. ལུས་སེམས་བདེ་ཐང་དང་། འགོས་ནད་མེད་པ། རྨ་ཤུལ་མེད་པ། ལུས་སྟེང་དུ་རུས་བརྐོས་མེད་པ། དབང་བོ་སྐྱོན་ཅན་མིན་པ་བཅས་ཡིན་དགོས།

  7.རྒྱལ་ཁབ་དང་ཞིང་ཆེན་ཀྱིས་གཏན་འབེབས་བྱས་པའི་ཆ་རྐྱེན་གཞན་དག་བཅས་འཛོམས་དགོས།

  8. སྐར་སྣོན་གྱི་ཆ་རྐྱེན་དང་མཐུན་པའི་རྒྱུགས་སྤྲོད་སློབ་མས་རྒྱུགས་ལེན་མིང་ཐོ་འགོད་པའི་མ་ལག་ནང་འབྲེལ་ཡོད་ཡིག་ཆ་སྤྲོད་དགོས་པ་དང་། མིང་ཐོ་འགོད་སྐབས(2024ལོའི་ཟླ10པའི་ཚེས18ཉིན་གྱི་ཆུ་ཚོད09:00ནས་ཟླ10པའི་ཚེས24ཉིན་གྱི་ཆུ་ཚོད18:00བར)སྐར་སྣོན་འབྲེལ་ཡོད་ངོ་སྤྲོད་ཡི་གེའི་བཤར་འབེབས་ཡིག་ཆqhzp009@163.comནང་བསྐུར་ནས(མང་རྫོང་སྤྱི་བདེ་ཅུའུ+རུས་མིང་+སྐར་སྣོན)སྐར་སྣོན་གཏན་འཁེལ་བྱེད་དགོས། དུས་ལས་ཡོལ་ཚེ་སྐར་སྣོན་སྲིད་ཇུས་ལོངས་སྤྱོད་མི་བྱེད་པར་བརྩི་རྒྱུ།

  བཞི། མིང་ཐོ་འགོད་པ་དང་ཐོབ་ཐང་ཞིབ་བཤེར།

  1. མིང་ཐོ་འགོད་པའི་དུས་ཚོད་ནི། 2024ལོའི་ཟླ10པའི་ཚེས18ཉིན་གྱི་ཆུ་ཚོད09:00ནས2024ལོའི་ཟླ10པའི་ཚེས24ཉིན་གྱི་ཆུ་ཚོད18:00བར་རེད།

  2. ཞིབ་བཤེར་གཏན་འབེབས་ཀྱི་དུས་ཚོད་ནི། 2024ལོའི་ཟླ10པའི་ཚེས18ཉིན་གྱི་ཆུ་ཚོད09:00ནས2024ལོའི་ཟླ10པའི་ཚེས25ཉིན་གྱི་ཆུ་ཚོད12:00བར་ཡིན།

  3.གྲོན་དངུལ་འཇལ་བའི་དུས་ཚོད་ནི། 2024ལོའི་ཟླ10པའི་ཚེས18ཉིན་གྱི་ཆུ་ཚོད09:00ནས2024ལོའི་ཟླ10པའི་ཚེས25ཉིན་གྱི་ཆུ་ཚོད18:00བར་རེད།

  4.མིང་ཐོ་འགོད་སྟངས། ཐེངས་འདིའི་ལས་བསྡུའི་ཡིག་རྒྱུགས་དེ་དྲ་ཐོག་ནས་མིང་ཐོ་འགོད་དགོས་པ་དང་། མིང་ཐོ་འགོད་སྐབས་གློག་ཀླད་ཀྱི་སྣེ་ནས་ཁུ་ནུ་ཤེས་ལྡན་པའི་དྲ་བའི་སྟེང་(www.klycw.cn/baoming.html)མིང་ཐོ་འགོད་དགོས།

  ལྔ། འབྲེལ་གཏུག་བྱེད་ཐབས།

  མིང་ཐོ་འགོད་སའི་ལས་ཁུངས། མཚོ་སྔོན་ཐར་ཀར་ལས་མི་བསྡུ་བའི་མི་ཤུགས་ཐོན་ཁུངས་ཁྲོམ་ར་ཚད་ཡོད་ཀུང་སི།

  སྡོད་གནས། མཚོ་སྔོན་ཞིང་ཆེན་ཟི་ལིང་གྲོང་ཁྱེར་མཁར་ནུབ་ཁུལ་ཧྥུའུ་ཞིན་ལམ་ཨང2པའི་ཐོག་ཁང་དང་པོའི་ཐོག་སོ9པ། (མཚོ་སྔོན་ཞིང་ཆེན་ནུས་རྒྱུ་ཐོག་ཁང་ཆེན་མོ།)

  ཁ་པར། 0971-6337153

  མི་སྤྱོད་ལས་ཁུངས། མང་རྫོང་སྤྱི་བདེ་ཅུའུ།

  ས་གནས། མཚོ་སྔོན་ཞིང་ཆེན་མང་རྫོང་མང་ཆུ་གྲོང་རྡལ་ཕིང་ཨན་སྲང་ལམ11པ།

  ཁ་པར། 13109793781

མང་རྫོང་སྤྱི་བདེ་ཅུའུ།

2024ལོའི་ཟླ10པའི་ཚེས17ཉིན།