གནའ་རྫས་ཉེས་གསོག་ལ་རྡུང་རྡེག་དང་སྔོན་འགོག་བྱེད་པའི་ཆེད་དོན་ལས་འགུལ་ལ་སྐུལ་འདེད་གཏིང་ཟབ་གཏོང་བ་དང་། དྲ་རྒྱའི་བརྙན་ཐུང་དང་ཐད་གཏོང་བྱེད་སྒོའི་ཁྲོད་གནའ་བོའི་བང་སོའི་རིགས་ཀྱི་ནང་དོན་ལ་ལྟ་སྐུལ་དོ་དམ་བྱེད་ཤུགས་ཇེ་ཆེར་གཏང་ཆེད།  ཉེ་ཆར་རྒྱལ་ཁབ་གནའ་རྫས་ཅུའུ་དང་ཀྲུང་དབྱང་དྲ་འཕྲིན་གཞུང་དོན་ཁང་གཉིས་ཀྱིས་མཉམ་འབྲེལ་ཐོག་འབྲེལ་ཡོད་ཁྲིམས་འགལ་སྒྲིག་འགལ་གྱི་ནང་དོན་གཅིག་སྡུད་ཐོག་གཙང་བཤེར་བཅོས་སྒྲིག་བྱས་པ་མ་ཟད།  དྲ་རྒྱའི་ལས་སྟེགས་ཀུང་སི་ཁག་གཅིག་གདན་དྲངས་ནས་བཞུགས་མོལ་ཚོགས་འདུ་འཚོགས།

ད་སྔར་དྲ་རྒྱའི་བརྙན་ཐུང་དང་ཐད་གཏོང་ནང་དུ་བང་སོ་རྐུ་བསྔོགས་དང་། གནའ་བོའི་བང་སོར་ཉེན་དཔྱད། གནའ་རྫས་དཔྱད་ཞིབ་བྱ་ཡུལ་རྫུན་བཟོ།  ས་འོག་ནས་ཐོན་པའི་གནའ་རྫས་ལ་ཁྲིམས་འགལ་གསལ་འབྱེད་སོགས་བྱེད་པའི་ནང་དོན་ཡོད་པ་མ་ཟད།  བརྙན་ལམ་གྱི་དྲ་དཔོན་དང་ཐད་གཏོང་བྱེད་མཁན་ཁག་གཅིག་གིས་ཕྱོགས་རེས་བའི་སྒོ་ནས་དྲ་རྒྱུག་ཚད་ཁོ་ནར་དོན་གཉེར་བྱ་ཆེད།   བསམ་བཞིན་དུ་གནའ་རྫས་དཔྱད་ཞིབ་བྱ་བའི་རིན་ཐང་འཁྱོག་བཤད་བྱེད་པ་དང་། ”ནོར་བུ་འཚོལ་བ།”དང་ “ཉེན་དཔྱད”“གོང་ཚད་མཐོན་པོ”བཅས་ལ་ཁ་གཡར་ནས་བཀས་བཀོད་རྒྱུད་འཛིན་གྱི་རྨོངས་དད་དང་། ཞག་གཅིག་ལ་ཕྱུག་པོ་འགྱུར་ཚུལ་སོགས་ཀྱི་མི་ལེགས་པའི་རིན་ཐང་ལྟ་བ་དྲིལ་སྒྲོག་བྱེད་པའམ། ཡང་ན་གནའ་བོའི་བང་སོ་རྐུ་བསྔོགས་སོགས་ཀྱི་ཁྲིམས་འགལ་ཉེས་གསོག་བྱ་སྤྱོད་ལ་ཆ་འཕྲིན་གྱི་སྟབས་བདེ་སྐྲུན་པ། ཡང་ན་དྲ་ཐོག་ནས་དྲིལ་སྒྲོག་བྱས་ནས་དྲ་འོག་ཏུ་གནའ་རྫས་ལོག་ཚོང་བྱེད་པ་སོགས་ཀྱི་ཐད་རོགས་རམ་བྱས་ནས་སྤྱི་དམངས་ལམ་ལོག་དུ་འཁྲིད་པ་དང་།  གནའ་རྫས་དོ་དམ་གྱི་སྒྲིག་ལམ་ལ་གཏོར་བརླག་བཏང་ནས་གནའ་རྫས་ཀྱི་བདེ་འཇགས་ལ་གནོད་འཚེ་བཟོ་བཞིན་ཡོད།       

ཐེངས་འདིའི་ཆེད་དོན་ལས་འགུལ་གྱིས་དྲ་རྒྱའི་བརྙན་ཐུང་དང་ཐད་གཏོང་ཁྲོད་གནས་པའི་གནའ་བོའི་བང་སོ་རྐུ་བསྔོགས་དང་གནའ་རྫས་ལོག་ཚོང་བྱེད་པ་སོགས་ཀྱི་ཁྲིམས་འགལ་ཉེས་གསོག་བྱ་སྤྱོད་ལ་ཆ་འཕྲིན་གྱི་སྟབས་བདེ་སྐྲུན་པའམ་ཡང་ན་རོགས་རམ་བྱེད་པ་དང་།  “ནོར་བུ་འཚོལ་བ”དང་།  “ཉེན་དཔྱད”“གོང་ཚད་མཐོན་པོ”བཅས་ལ་ཁ་གཡར་ནས་གནའ་རྫས་དཔྱད་ཞིབ་བྱ་བའི་རིན་ཐང་འཁྱོག་བཤད་དང་།  ཁྲིམས་འགལ་སྒྲིག་འགལ་གྱི་གསལ་འབྱེད།  མང་ཚོགས་ལོག་ལམ་དུ་ཁྲིད་པ་སོགས་ཀྱི་གནད་དོན་ལ་གཅིག་སྡུད་ཐོག་བཅོས་སྒྲིག་བྱས་ཏེ། དྲ་རྒྱའི་ལས་སྟེགས་ཀྱིས་འགན་འཁྲི་ལག་བསྟར་བྱ་བར་སྐུལ་འདེད་དང་།  ནང་དོན་ལ་ཞིབ་བཤེར་དང་འགག་གནད་ནན་སྲུང་བྱ་བར་ཤུགས་བསྣན་ནས་འབྲེལ་ཡོད་བརྙན་ཐུང་གཙོ་བོ་དང་ཐད་གཏོང་འཁོར་སྐྱོད་ཞབས་ཞུ་ཚད་ལྡན་དུ་གཏང་རྒྱུ་རེད།   ཁྲིམས་འགལ་ཉེས་གསོག་གི་དོགས་པ་ཡོད་རིགས་ལ་དྲ་ཚིགས་ལས་སྟེགས་ཀྱིས་ཁྲིམས་འཛིན་ལས་ཁུངས་ལ་གཞོགས་འདེགས་བྱས་ཏེ་འབྲེལ་ཡོད་གྱོད་གཞིའི་ཁུངས་སྣེ་དང་ཆ་འཕྲིན་རྩིས་སྤྲོད་དགོས་པའི་བླང་བྱ་བཏོན།  ས་གནས་ཁག་གི་གནའ་རྫས་དང་དྲ་འཕྲིན་ལས་ཁུངས་ཀྱིས་བྱ་བའི་མཐུན་སྦྱོར་ལ་ཤུགས་སྣོན་ཏེ་ཐེར་འདོན་ཐབས་ལམ་བཏོན་ནས་། སྤྱོད་བཟང་གཞུང་དྲང་གི་དྲ་རྒྱའི་ཁོར་ཡུག་དང་གླེང་ཕྱོགས་ཀྱི་རྣམ་པ་བཟང་པོ་མཉམ་དུ་གཏོད་རྒྱུ་རེད།