རང་རེའི་དྲ་བའི་འཕྲིན། ཉེ་སྔོན་མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་མདོ་ལ་རྫོང་འབྲོང་ལུང་ཡུལ་ཚོ་དང་མདོ་ལ་རི་བོ་གངས་ཀྱིས་བཀླུབས་ཤིང་། རི་འདབས་དང་སྤང་ལྗོངས་སོགས་ཁོར་ཡུག་ཀུན་ཁ་བའི་ཁྲོད་འཇམ་ཐིང་ངེར་གནས་འདུག །ཝ་དང་དགོ་བ་སོགས་རི་སྐྱེས་སྲོག་ཆགས་ཀྱིས་ཁ་ཟས་འཚོལ་བ་དང་། རྔོན་ཁྲ་དང་སྐྱ་ཁྲས་བར་སྣང་ནས་ལྡིང་སྐོར་བརྒྱབ་ཏེ་མདོ་ལ་རིང་མོའི་དབུས་ཁུལ་གྱི་རྩྭ་ཐང་ལ་སྐྱེ་སྟོབས་དང་གསོན་ཤུགས་བསྣན་ཡོད།
འབྲོང་ལུང་ཡུལ་ཚོའི་རང་བྱུང་མཛེས་པ་ཕུན་སུམ་ཚོགས་པར་བརྟེན། དེར་རི་སྐྱེས་སྲོག་ཆགས་དང་རྩི་ཤིང་གི་ཐོན་ཁུངས་མོད་པ་ཀུན་ལ་སྐད་གྲགས་ཆོད། གསའ་དང་དོམ། འབྲོང་། རྐྱང་། གནའ། གཙོད་སོགས་རྩ་ཆེའི་རི་སྐྱེས་སྲོག་ཆགས་མང་པོ་འབྲོང་ལུང་ཡུལ་ཚོའི་རང་བྱུང་ཁོར་ཡུག་ཏུ་རང་དགར་འཚར་ལོངས་བྱུང་སྟེ། རང་བྱུང་ཁམས་ཆེ་མོའི་ངོ་མཚར་བའི་མཛེས་པ་མངོན་ཡོད། འབྲོང་ལུང་ཡུལ་ཚོ་དེ་མདོ་ལ་རིང་མོ་ས་ཁུལ་གྱི་སྐྱེ་དངོས་སྣ་མང་རང་བཞིན་ཕུན་སུམ་ཚོགས་པའི་ས་ཁུལ་གྲས་སུ་གཏོགས་པས་གང་སར་ཚེ་སྲོག་གི་ངོ་མཚར་མཐོང་ཐུབ།
ཉེ་བའི་ལོ་ཤས་རིང་། མདོ་ལ་རིང་མོའི་སྣོད་བཅུད་རིམ་བཞིན་སླར་གསོ་བྱུང་བ་དང་ཆབས་ཅིག རི་སྐྱེས་སྲོག་ཆགས་ཀྱི་གྲངས་འབོར་ཡང་རྒྱུན་ཆད་མེད་པར་མང་དུ་ཕྱིན་ནས། སྣོད་བཅུད་ཁོར་ཡུག་ཇེ་ལེགས་སུ་ཕྱིན་པ་དེས་རི་སྐྱེས་སྲོག་ཆགས་ལ་སྔར་བས་ཕན་ཡོད་ཀྱི་འཚོ་གནས་ཆ་རྐྱེན་བསྐྲུན་ཡོད།
ཡོང་ཁུངས། མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ལོ་ཙཱ་བ། ལྷ་ཆེན་རྒྱལ།
རྩོམ་སྒྲིག་པ། གཡང་སྐྱིད།
