2024ལོའི་མཚོ་ལྷོ་ཁུལ་གསེར་ཆེན་རྫོང་གིས་སློབ་གྲྭ་ཆུང་འབྲིང་གི་སློབ་ཚོགས་གྲོལ་རྗེས་ཀྱི་ཞབས་ཞུ་དགེ་རྒན་བསྡུ་བའི་བརྡ་སྦྱོར།

  རྒྱལ་ཁབ་ཀྱི“ཆག་ཡང་གཉིས”ཀྱི་སྲིད་ཇུས་ལག་བསྟར་དོན་འཁྱོལ་གཏིང་ཟབ་དང་། སྤུས་ཚད་མཐོ་བའི་སློབ་གསོའི་མ་ལག་སྒྲིག་བཟོ། སློབ་ཚན་གྲོལ་རྗེས་ཀྱི་ཞབས་ཞུའི་སྤུས་ཚད་སྔར་ལས་ཇེ་མཐོར་དང་ དགེ་རྒན་བཀོད་སྒྲིག་ཇེ་ལེགས་བཅས་སུ་བཏང་སྟེ། སློབ་མའི་ཁྱད་གཤིས་ལ་མཐུན་པའི་སློབ་སྦྱོང་གི་དགོས་མཁོ་སྐོང་བ་དང་། སློབ་ཚོགས་གྲོལ་རྗེས་ཀྱི་ཞབས་ཞུ་སྣ་མང་ལོངས་སྤྱོད། བདེ་འཇགས་ཡིན་ལ་གོ་རིམ་ལྡན་པར་འགན་ལེན། སྒོ་ཀུན་ནས་སློབ་མ་ཡར་སྐྱེད་དང་བདེ་ཐང་འཚར་ལོངས་ཡོང་བར་སྐུལ་འདེད་བཅས་གཏང་ཆེད། ད་ལྟ་གསེར་ཆེན་རྫོང་མི་དམངས་སྲིད་གཞུང་གཞུང་ལས་ཁང་གིས《<གསེར་ཆེན་རྫོང་གི་སློབ་གྲྭ་ཆུང་འབྲིང་གི་སློབ་ཚན་གྲོལ་རྗེས་ཀྱི་ཞབས་ཞུ་དགེ་རྒན་ཁ་གསབ་བྱ་བའི་ལས་ཀའི་ཇུས་གཞི>པར་འགྲེམས་བྱེད་པའི་སྐོར་གྱི་བརྡ་ཐོ》(གསེར་ཆེན་སྲིད་དོན(2024)ཨང109པ)གཞིར་བཟུང་། ཁུལ་ཡོངས་ལ་ཁ་ཕྱོགས་ནས་སློབ་གྲྭ་ཆུང་འབྲིང་གི་སློབ་ཚན་གྲོལ་རྗེས་ཀྱི་ཞབས་ཞུ་དགེ་རྒན38བསྡུ་རྒྱུའི་གཏན་འབེབས་བྱས་པ་དང་། ད་ལྟ་འབྲེལ་ཡོད་དོན་ཚན་ཁྱབ་སྒྲོག་བྱས་པ་གཤམ་གསལ།

  གཅིག ལས་གནས་ཀྱི་དགོས་མཁོ། 

  གསེར་ཆེན་རྫོང་སློབ་གྲྭ་ཆུང་འབྲིང་གི་སློབ་ཚོགས་གྲོལ་རྗེས་ཀྱི་ཞབས་ཞུ་དགེ་རྒན38བསྡུ་རྒྱུ།

  གཉིས། ལས་བསྡུའི་ཆ་རྐྱེན། 

  1.ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་ཁོངས་ནས་ཡིན་པ།

  2.རྩ་ཁྲིམས་དང་བཅའ་ཁྲིམས་བརྩི་སྲུང་དང་། སྤྱོད་ལམ་བཟང་པོ་ཡིན་པ།

  3.རྒྱུན་གཏན་གྱི་འགན་འཁྲི་སྒྲུབ་པའི་ལུས་པོའི་ཆ་རྐྱེན་ལྡན་པ།

  4.ལས་གནས་ལ་མཁོ་བའི་ཆ་རྐྱེན་གཞན་དག་འཛོམས་པ།

  5.མཚོ་ལྷོ་ཁུལ་གྱི་ཁྱིམ་ཐོ་དང་མཚོ་ལྷོ་ཁུལ་ནང་ཁུལ་གྱི་གནས་སྡོད་ལག་རྟགས་ཡོད་པ།

  6.ལོ་ཚོད་ཆ་རྐྱེན། ལོ35མན་ཡིན་དགོས། (1988ལོའི་ཟླ11པའི་ཚེས1ཉིན་གྱི་རྗེས་སུ་སྐྱེས་པ་ཡིན་དགོས།)

  གསུམ། སློབ་གཉེར་བརྒྱུད་རིམ་དང་། ཆེད་ལས། དེ་བཞིན་དགེ་རྒན་གྱི་འོས་བབ་ཆ་རྐྱེན།

  1.དམའ་རིམ་སློབ་འབྲིང་གི་དགེ་རྒན་ལ་རྒྱལ་དམངས་སློབ་གསོའི་དངོས་གཞིའི་ཚན་ཁག་དང་དེ་ཡན་གྱི་སློབ་གཉེར་བརྒྱུད་རིམ་ལྡན་པ་དང་། སློབ་ཆུང་གི་བོད་ཡིག་དགེ་རྒན་ལ་རབ་འབྱམས་པ་དང་དེ་ཡན་གྱི་སློབ་གཉེར་བརྒྱུད་རིམ་ལྡན་དགོས། ཚན་ཁག་གཞན་གྱི་དགེ་རྒན་ལ་ཉིན་གང་ལམ་ལུགས་ཀྱི་ཆེད་སྦྱོང་དང་དེ་ཡན་གྱི་སློབ་གཉེར་བརྒྱུད་རིམ་ལྡན་དགོས།

  2.མིང་ཐོ་འགོད་པའི་ལས་གནས་དང་འཚམ་པའི་ཆེད་ལས་ཡིན་པ་དང་དགེ་རྒན་གྱི་ཐོབ་ཐང་འཛིན་ཡིག་ཡོད་དགོས།

  མིང་ཐོ་འགོད་སྟངས། དྲ་ཐོག་ཏུ་མིང་ཐོ་འགོད་དགོས། རྒྱུགས་སྤྲོད་སློབ་མས་མིང་ཐོ་འགོད་པར་མཁོ་བའི་དཔྱད་གཞིའི་བཤར་འབེབས་ཡིག་ཆ(PDFརྣམ་པ)བཙུར་སྣོན་ཁུག་མར་བཅུག་ནས(“མིང+རྒྱུགས་སྤྲོད་སའི་སློབ་གྲྭ +ལས་གནས”ཇི་བཞིན་མིང་འདོག་དགོས)སྦྲག་སྒམ9054282270qg.comལ་བསྐུར་དགོས།

  མིང་ཐོ་འགོད་པའི་དུས་ཚོད་ནི། 2024ལོའི་ཟླ11པའི་ཚེས14ཉིན་གྱི་ཆུ་ཚོད8:30ནས་ཟླ11པའི་ཚེས20ཉིན་གྱི་ཆུ་ཚོད23:00བར་རེད།

  འབྲེལ་གཏུག་བྱེད་ས། ཀླུ་མོ་ཐར།

  འབྲེལ་གཏུག་ཁ་པར། 17697446777

གསེར་ཆེན་རྫོང་སློབ་གྲྭ་ཆུང་འབྲིང་གི་སློབ་ཚོགས་གྲོལ་རྗེས་ཞབས་ཞུ་དགེ་རྒན་ལས་དོན་འགོ་ཁྲིད་ཚན་ཆུང་གི་གཞུང་དོན་ཁང་ནས།(ལས་ཚབ)