ཉེ་ཆར། སྤྱི་བདེ་པུའུ་ཡིས་རེས་སྐོར་གཉིས་པའི་མི་རིགས་རྒྱུ་ནོར་གྱི་བཀག་སྡོམ་གློད་པའི་ཁ་བསླུས་རྣམ་གྲངས50དང་ཁ་བསླུས་དང་འབྲེལ་བའིAPPམིང་ཐོ་ཁྱབ་སྒྲོག་བྱས་པ་རེད། ཁ་བསླུས་རྣམ་གྲངས་དེ་དག་གིས་རྒྱལ་ཁབ་དང་མི་རིགས་ཀྱི་དར་ཆ་བསྒྲེངས་ནས་རྒྱལ་ཁབ་ལས་ཁུངས་ཀྱི་གཞུང་ཡིག་དང་། ལག་ཁྱེར། ཐམ་ག་བཅས་རྫུན་བཟོ་དང་རྒྱལ་ཁབ་ཀྱི་འབྲེལ་ཡོད་སྲིད་ཇུས་རྫུན་བཟོ་སོགས་ཀྱི་བྱེད་ཐབས་བརྒྱུད་དེ་ཆེད་མངགསAPPགསར་སྤེལ་བྱས་ཏེ་མ་འཇོག་རྣམ་གྲངས་རྫུན་མ་ཁྱབ་གདལ་གཏོང་བ་དང་། དྲ་རྒྱའི་ཚོགས་པ་བརྒྱུད་དེ་ལས་ཚབ་པ་བཙལ་ནས་དར་རྒྱས་གཏོང་བ། དྲ་རྒྱའི་གསོ་སྦྱོང་ལ་བརྟེན་ནས་མགོ་སྐོར་གཏོང་བ། མ་དངུལ་ཉུང་ཙམ་བཞག་ཚེ་ཁེ་བཟང་ཆེན་པོ་ཐོབ་ཐུབ་ཅེས་རྫུན་བཤད་ནས་གནོད་འཚེ་ཕོག་མཁན་ལ་དྲ་ཐོག་ཏུ་གྲོས་མཐུན་འཇོག་ཅིང་། ཚོང་ཟོག་ཉོ་སྒྲུབ་ལ་མ་འཇོག་ནང་ཞུགས་པར་གཡོ་འགུག་བཅས་བྱེད་ཐབས་ལ་བརྟེན་ནས་ཁ་བསླུས་རྒྱག་པ་རེད། དེ་དག་གི་མིང་ཐོ་གཤམ་གསལ།
སྤྱི་བདེ་ལས་ཁུངས་ཀྱིས་རྒྱ་ཆེའི་མང་ཚོགས་ལ་གསལ་འདེབས་བྱས་དོན། རང་རྒྱལ་དུ་མི་རིགས་རྒྱུ་ནོར་གྱི་བཀག་སྡོམ་གློད་པའི་རིགས་ཀྱི་རྣམ་གྲངས་དང་རྩ་འཛུགས་གང་ཡང་མེད་པས། ཚང་མས་ཁ་བསླུས་ངོས་ཟིན་གྱི་འདུ་ཤེས་ཇེ་ཆེར་བཏང་ནས་གཡོ་འོག་ཏུ་ཚུད་པར་དོགས་ཟོན་ཆེ་ཆེར་བྱེད་རོགས། འབྲེལ་ཡོད་བཅའ་ཁྲིམས་ཀྱི་གཏན་འབེབས་ལྟར་ན། མི་རིགས་རྒྱུ་ནོར་གྱི་བཀག་སྡོམ་གློད་པའི་རིགས་ཀྱི་ཆ་འཕྲིན་བརྒྱུད་སྤེལ་དང་། སྐུལ་སློང་། དྲིལ་སྒྲོག་བཅས་བྱེད་པའམ་ཡང་ན་ཚོགས་མི་སྒྲིག་འཛུགས་བྱས་ནས་ཁྲིམས་འགལ་ངང་འདུ་འཛོམས་བྱེད་པའི་རིགས་ཚང་མ་ཁྲིམས་འགལ་ཉེས་གསོག་དང་འབྲེལ་བ་ཡོད་པས། སྤྱི་བདེ་ལས་ཁུངས་ཀྱིས་ཁྲིམས་ལྟར་ཞིབ་བཤེར་ཐག་གཅོད་ནན་པོ་བྱ་རྒྱུ་ཡིན། གལ་ཏེ་དེ་དང་དེ་ལྟ་བའི་ཁྲིམས་འགལ་ཉེས་གསོག་གི་ཁུངས་སྣེ་ཤེས་རྟོགས་བྱུང་ཚེ་འཕྲལ་དུ་སྤྱི་བདེ་ལས་ཁུངས་ལ་ཐེར་འདོན་བྱ་རྒྱུ་མཁྱེན།
ཡོང་ཁུངས། མཚོ་སྔོན་ཞིང་ཆེན་སྲིད་གཞུང་དྲ་བ།
ལོ་ཙཱ་བ། ཡེ་ཤེས་སྒྲོལ་མ།
རྩོམ་སྒྲིག་པ། ཡེ་ཤེས་སྒྲོལ་མ།
