گۈزەل ھايات 9-بۆلۈم 92-قىسىم _ ماڭا ئوخشامدىكەن

92-قىسىم

ماڭا ئوخشامدىكەن

زۇبەيدە ھەرقانچە ئەخمەق بولسىمۇ، مۇزەپپەر مۇدىرنىڭ  يېرىم كۈندىن ياقى قىلغان ئىشلىرىدا قەستەنلىك بارلىقىنى بىلمەي قالاتتىمۇ.

مۇزەپپەر ئاياللار كېسەللىكلىرى بۆلۈمىنىڭ مۇدىرى، ئۇ تۇغۇت تەكشۈرتۈشىگە  ھەمراھ بولىدىغان ئىشقا ئۆزى چىقمايدۇ.

ئۇ قولىغا ئالغان 3-قېتىملىق سالامەتلىك تەكشۈرۈش تۈر جەدىۋىلىنى ئېنىق كۆردى، پەقەت بىر قىسىم ئاددىي ئاساسىي تەكشۈرۈشلەر ئىدى.

مۇدىرنىڭ ئۆزىنىڭ ئوتتۇرىغا چىقىشى تېخىمۇ ھاجەتسىز.

نېمىلا دېگەن بىلەن ياش ئەر كىشى، گەرچە دوختۇر ئەر-ئايال دەپ ئايرىمىسىمۇ، لېكىن ھامىلىدار ئايالنىڭ ئائىلىسىدىكىلەر يەنىلا ئازراق قوبۇل قىلالمايدۇ.

ئۇنىڭ ئۈستىگە مۇزەپپەرنىڭ ئۆزىمۇ بۇنداق ئىشقا يولۇققاندا يۇقىرىغا ئۆرلەشنى ئانچە ياقتۇرۇپ كەتمەيدىكەن.

ئۇنىڭ بۇنداق دېيىشى خۇددى مەۋلانغا ئاڭلىتىش ئۈچۈندەك قىلاتتى.

مۇزەپپەرنىڭ ئالدىنقى سۆزى ئاڭلىماققا ناھايىتى نورمال ، لېكىن كېيىنكى سۆزى، ھەش-پەش دېگۈچە مەۋلاننىڭ زىتىغا تەگدى.

كېلەر قېتىم؟

ھى.

مۇزەپپەر  ئىغۋاگەرچىلىك قىلغاندەك كۈلۈپ قويۇپ كېتىپ قالدى.

مەۋلاننىڭ كۆزلىرى قىسىلىپ كەتتى.

ئۆلگۈر ئەبلەخ.

مەۋلان ئاخىرى زۇبەيدەگە ئەگىشىپ تۇغۇت تەكشۈرۈش ئۆيىگە كىردى، بۇ بىر  مۇستەقىل تۇغۇت تەكشۈرۈش ئۆيى ئىدى.

ئىچىگە كىرىپلا، زۇبەيدە كىيىملىرىنى سېلىشقا باشلىدى.

مەۋلان قوشۇمىسىنى تۈردى،  چوقۇم مۇشۇنداق بولىدىغانلىقىنى بىلەتتى!

كىيىم-كېچەكتىن  پەقەت بەدەنگە بىۋاسىتە تىگىپ تۇرىدىغان كىيىملىرىلا قالدى، زىلۋا بەدىنى، ئالدىغا ئازراق تومپىيىپ تۇرغان قورسىقى، نۇر ئۈستىدىن چۈشكەندە يەنە ئالاھىدە پارقىراپ تۇراتتى.

زۇبەيدە كىيىملىرىنى سېلىپ بولۇپ  تامنىڭ بۇلۇڭىغا كېلىپ ئولتۇردى، سېسترا يېنىدا سانلىق مەلۇماتلارنى خاتىرىلىگەچ:

- ئالدىنقى ئايدىكىدىن ئىككى جىڭ ئۈچ سەر ئېغىرلاپسىز، - دېدى. 

- نورمالمۇ؟ - دەپ سورىدى زۇبەيدە.

سېستىرا كۈلۈپ تۇرۇپ بېشىنى چايقاپ:

  - بوپقالىدۇ، ئەمما سىز بۇ باسقۇچتا ئادەتتە بىر ئايدا ئىككى كىلوگىرام ئەتراپىدا سەمىرىسىڭىز نورمال بولاتتى، ئىككى جىڭ ئۈچ سەر، نورمالغا كىرمەيدۇ، زۇبەيدە خانىم تاماقنى ياخشى يېيىشىڭىز كېرەك.  - دېدى.

زۇبەيدە قوشۇمىسىنى سەل سۈزۈپ:

  - مەن بەزىدە خېلى جىق نەرسە يەيمەن ... - دېدى.

 - بەزىدە كۆپ يەپ، بەزىدە يېمەسلىككە بولمايدۇ، تاماق مىقدارى چوقۇم تەڭپۇڭ بولۇشى كېرەك، بىر ۋاخنى تويغۇدەك يەپ، يەنە بىر ۋاقنى يېمەسلىككە بولمايدۇ.  بۇ سىزنىڭ سالامەتلىكىڭىزگە ھەم ھامىلىگىمۇ ياخشى ئەمەس  ... - دېدى سىستېرا.

زۇبەيدە بېشىنى لىڭشىتتى، چىرايى ئانچە ياخشى ئەمەس ئىدى.

 - بىراق سىزمۇ ئەنسىرەپ كەتمەڭ، بۇنىڭدىن كېيىن دىققەت قىلسىڭىزلا بولىدۇ، بەدەن ئېغىرلىقىڭىز ئەسلىدىنلا يېنىك، ئۇنچە كۆپ ئېغىرلىماسلىقىڭىزمۇ ئەجەبلىنەرلىك ئەمەس. - دېدى.

ئارقىدىن سېسترا ئۇنىڭ قورساق ئايلانمىسى ۋە قان بېسىمىنى ئۆلچىدى، ئاندىن ئىچىگە كىرىپ، رەڭلىك ئۇلترا ئاۋاز دولقۇنى ئارقىلىق تەكشۈرۈش قىلىدىغان كارىۋاتتا ياتتى.

مەۋلانمۇ تەڭ كىرگەندىن كېيىن، رەڭلىك ئۇلترا ئاۋاز دولقۇنى ئۆيى ئىكەنلىكىنى بىلدى.

ئىچىدە يېشى سەل چوڭراق بىر دوختۇر ئولتۇراتتى، ئۇلارنىڭ كىرگەنلىكىنى كۆرۈپ، ئۇلارغا قاراپ كۈلۈپ قويدى.

مەۋلاننىڭ قاپاقلىرى تۈرۈلۈپ كەتتى.

ھېلىقى ئەبلەخ، ئۇنى ئالداۋاتامدۇ؟

رەڭلىك ئۇلتىرا ئاۋازلىق تەكشۈرۈش قىلىدىغان دوختۇر بېشىنى تۆۋەن سېلىپ، زۇبەيدەنىڭ قورساق قىسمىغا سۇيۇقلۇق دورىسى سۈركىگەچ، كۈلۈپ تۇرۇپ :

 - بۇ قېتىم ئېرىڭىز بىلەن بىللە كەلدىڭىزمۇ؟ - دەپ سورىدى.

زۇبەيدەنىڭ يۈزى سەل قىزىرىپ، بېشىنى يېنىك لىڭشىتتى.

دوختۇر كۈلۈپ قويۇپ، بېشىنى كۆتۈرۈپ مەۋلانغا قاراپ:

- سىزنىڭ تۇنجى قېتىم كېلىشىڭىز، بوۋىقىڭىزنى تۇنجى قېتىم كۆرۈشىڭىزغۇ دەيمەن؟ بىردەمدىن كېيىن سىنچىلاپ قارىسىڭىز، ئوغلىڭىزنىڭ تەقى-تۇرقىنىڭ زادى قانداقلىقىنى،  ھاياتلىقنىڭ  ئەقىلگە سىغمايدىغان مۆجىزە ئىكەنلىكىنى  ھېس قىلالايسىز - دېدى. 

مەۋلان لەۋلىرىنى پۈرۈشتۈرۈپ، نەزىرىنى ئالدىدىكى ئەسۋابقا قاراتتى.ئالاھىدە تەمىنات دىگەن مانا. مەخسۇس دوختۇر، مەخسۇس ئالاھىدە ئۈسكۈنىلەرنى تەكلىپ قىلىپ ئىشلىتىلەيدۇ. يەنە ئىھتىياج بويچە تەكشۈرتۈش قىلالايدۇ.

- يېقىنراق كېلىڭ. - دېدى دوختۇر كۈلۈپ تۇرۇپ .

ئۇ يەنىلا ئالدىغا ئازراق مېڭىپ، زۇبەيدەنىڭ يېنىدا تۇردى.

ئەسۋابنىڭ بىر ئۇچىنى زۇبەيدەنىڭ قورسىقىغا قويدى.

 ئاپپاراتتىكى كۆرۈنۈش بىرنەچچە قېتىم سىلكىنىپ، دوختۇر ئورنىنى تېپىپ مۇقىملاشتۇرغاندىن كېيىن، ئاندىن ئىكراندا كۆرۈنۈپ تۇرغان سۈرەتنى كۆرەلىدى.

سۈرەت ناھايىتى غۇۋا بولسىمۇ، ھامىلىنىڭ پۇتىنى ئېگىپ تۈگۈلۈۋالغانلىقىنى، بىر قولىدا يۈزىنى، بىر قولىدا قۇلىقىنى تۇتۇپ تۇرغانلىقىنى، بەش ئەزاسى سەل-پەل توسۇلۇپ قالغانلىقىنى كۆرگىلى بولدى.

ئىكران يەنە بىر قېتىم تەۋرەندى، ھامىلىنىڭ كىندىكىدىكى ئۇزۇن ئارغامچىغا ئوخشايدىغان نەرسىنى كۆردى.

مەۋلان لېۋىنى چىڭ يۇمدى، ھەقىقەتەن ئوغۇل ئىكەنلىكىنى ئېنىق كۆردى!

بىر چەتتە تۇرغان سېسترا كۈلۈپ تۇرۇپ:

 - بالىنىڭ بەدەن شەكىلىمۇ ئۆزگىرىپتۇ،  ئالدىنقى قېتىم ئۇ تېخى ئىككى قولى بىلەن كىچىك بېشىنى قۇچاقلىۋالغانىدى...  بۇ قېتىم قارىسام، ھەرىكىتى ھەقىقەتەن كىچىك ئەمەس ، كېيىن ھاياتىي كۈچكە تولغان كۈچلۈك بوۋاق بولۇشى مۇمكىن... - دېدى.

زۇبەيدە ئىكرانغا يانچە قاراپ تۇرغان بولۇپ،  چىراي ئىپادىسىدە ئۆزىمۇ سەزمىگەن مۇھەببەت ۋە مۇلايىملىق ئىپادىلىنىپ تۇراتتى.

رەڭلىك ئۇلترا ئاۋاز دولقۇنى دوختۇرى يەنىلا شۇنداق مۇلايىم ۋە يېقىملىق كۈلۈمسىرەپ تۇراتتى:

  - ھاياتىي كۈچى ناھايىتى كۈچلۈك، ئەمما سەل كەپسىز، ئەگەر  بەك ئەقىللىق بولۇپ كەتسە، كىچىك ۋاقتىدىن باشلاپلا بېشىڭلارنى ئاغرىتىشى مۇمكىن، - دېدى. 

زۇبەيدە بىرەر كۆرۈنۈشنى تەسەۋۋۇر قىلغاندەك ، چىرايىدىكى كۈلكە تېخىمۇ كۈچىيىپ:

  - ئەقىللىق بالام چوقۇم بىزنى خۇشال قىلىشنىلا ئويلايدۇ، چاتاق تېرىمايدۇ... - دېدى. 

چۈنكى ئۇ ئەقىللىق، شۇڭا چوقۇم لايىقىدا ئىش قىلىشنى بىلىدۇ.

دوختۇر كۈلۈپ تۇرۇپ:

  - دېگىنىڭىزمۇ توغرا. - دېدى. 

مەۋلاننىڭ كۆزى زۇبەيدەنىڭ كۈلۈمسىرىگەن چىرايىغا چۈشتى، ئۇنىڭ قەلبىدە بىر ئاز غەلىتە كەيپىيات پەيدا بولدى.

دوختۇر بۇ ۋاقىتتا بىر نەرسىنى ئاچقاندەك قىلدى.  - دوڭ دوڭ دوڭ قىلغان ئاۋاز نەق مەيداندىكى كىشىلەرنىڭ قۇلىقىغا ئېنىق ئاڭلاندى.

-  بالىنىڭ يۈرەك سوقۇشىنى ئاڭلاپ بېقىڭلار، ھەقىقەتەن كۈچلۈك ، - دېدى دوختۇر. 

 شۇنداق دېگىنىچە مەۋلانغا قارىدى، كېلىشكەن، سالماق چىرايىدىن شۇ تاپتا سەل يېڭىلىق ۋە ھەيرانلىق ھېس قىلغانلىقى بىلىنىپلا تۇراتتى.

بىر جۈپ قاپقارا كۆزلىرى ئېكرانغا تىكىلىپ تۇراتتى، بۇ خىل چىراي ئىپادىسى ئۇنىڭ يۈزىدە ناھايىتى ئاز كۆرۈلەتتى.

زۇبەيدە بۇ ئاۋازنى ئاڭلىغان، ئۆزىنىڭكىنى، دىلارەنىڭكىنىمۇ ئاڭلىغان.

بۇ ئاۋاز ھاياتلىققا سىمۋول قىلىنىدۇ.

ئۇنىڭ بالىسى، شۇ تاپتا يۇۋاشلىق بىلەن ئايالىنىڭ قورسىقىدا يېتىۋاتىدۇ.

دوختۇر بىر نەچچە ئورۇننى ئالماشتۇرۇپ تەپسىلىي تەكشۈرگەندىن كېيىن، تەكشۈرۈش ئەسۋابىنى يىغىشتۇرۇپ، قەغەزنى چىقىرىپ سۈرتتى.

 زۇبەيدە كارىۋاتتىن ئاستا  تۇردى، پەقەت ئىچ كىيىمىلا بولغاچقا  يېنىدىكى مەۋلانغا قارىغۇسى يوق ئىدى.

بەلكى سېسترا سۇنغان قەغەزنى ئېلىپ، قورسىقىدىكى سۇيۇقلۇق دورىنى سۈرتۈپ:

- دوختۇر، بالىدا چاتاق يوقتۇ؟  - دەپ سورىدى.

-  ھە؟ - دوختۇر تەكشۈرۈش ئەسۋابىنى قويۇپ، كۇنۇپكىنى بېسىپ رەڭلىك ئۇلترا ئاۋاز دولقۇنى تەكشۈرۈش نەتىجىسىنى بېسىپ چىقىرىشقا بۇيرۇق بەردى، ئاندىن بېشىنى بۇراپ ئۇنىڭغا گۇمان بىلەن قاراپ:

- ھامىلە ئورنى نورمال، بالىنىڭ يېتىلىشىمۇ نورمال، ئەمما بالا سەل كىچىككەن، بۇ ئايدا ھېچقانچە سەمىرمەپسىز...  - دېدى.

 زۇبەيدە بېشىنى يېنىك لىڭشىتتى.

- قايتىپ كۆپرەك يەپ بېرىڭ، - دېدى دوختۇر. 

- ماقۇل... - دېدى  زۇبەيدە. 

زۇبەيدەنىڭ كۆڭلى سەل ئارام تېپىپ قالدى، ئەمما ئاخىرقى تەكشۈرۈش دوكلاتىنى يەنە مۇزەپپەر مۇدىرغا سۇنۇپ خۇلاسە قىلمىغۇچە،خاتىرجەم بولالمىدى.

 كەينىگە بۇرۇلۇپ كىيىمىنى كەيگىلى ماڭغاندا،  مەۋلان ئۇنىڭ بىلەن بىللە سىرتقا چىقتى، ئۇنىڭ چىرايىدىكى ئۆزگىرىشكە سەل قارىغىلى بولمايتتى.

زۇبەيدە كىيىمنى كىيىپ بولغاندىن كېيىن، ئۇنىڭ بىر ئېغىزمۇ گەپ قىلغىنىنى ئاڭلىمىدى.

- سىزگە نېمە بولدى؟ - دەپ سورىدى زۇبەيدە.

 ئۇنىڭغا ھەمراھ بولۇپ رەڭلىك ئۇلترا ئاۋاز دولقۇنى تەكشۈرۈشى قىلىپلا، نېمىشقا  تۇيۇقسىز ئۆزگىرىپ قالىدۇ؟

مەۋلان ئۇنىڭغا بىر قاراپ قويۇپ، ئاستاغىنە:

 - دەرۋەقە ئوغۇل ئىكەن. - دېدى.

  -  بۇرۇنلا بىلىپ بولغانتىم، - دېدى زۇبەيدە. 

مەۋلان ئىككى قولىنى يانچۇقىغا سېلىپ، زۇبەيدەگە خېلى ئۇزاققىچە تىكىلىپ قاراپ تۇرغاندىن كېيىن:

  - مېنىڭچە يەنىلا قىز بولسا ياخشىراق، - دېگەن بىر جۈملە سۆزنى ئېيتتى. 

زۇبەيدەنىڭ يۈرىكى جىغغىدە قىلىپ قالدى، ئۇ ئوغۇل بالىنى ياقتۇرمامدۇ؟

- نېمىشقا؟  - دەپ سورىدى زۇبەيدە.

مەۋلان قوشۇمىسىنى تۈردى، كۆڭلى باشقىچە بىئارام بولۇپ:

  -  سەل سەت كۆرۈنۈۋاتىدۇ. - دېدى. 

زۇبەيدە ھەيرانلىقتىن ئاغزىنى يوغان ئېچىپلا قالدى!

ئوغلىنى ياخشى كۆرمەسلىكنىڭ سەۋەبى،  ئوغلى بەك سەتمىكەن؟

بۇ چاغدا ئىچىدىن چىققان سېسترا مەۋلاننىڭ گېپىنى ئاڭلاپ، ئۆزىنى تۇتۇۋالالماي كۈلۈپ كەتتى.

ھەممەيلەن مەۋلان ئەپەندىنى كىشىلەرگە ئەزەلدىن سوغۇق مۇئامىلە قىلىدۇ، گەپ قىلغاندا كۈلۈپمۇ قويمايدۇ، ئىش قىلىش ۋاستىسى بىلەن نام چىقارغان، ئادەمگەرچىلىكنى بىلمەيدۇ دېيىشەتتى.

لېكىن ھازىر نېمىشقا  بۇنداق كۈلكىلىك گەپ قىلىدۇ؟

ئۇ ئۆزىنىڭ ئوغلىنى سەت دېگەن   تۇنجى دادا بولۇشى مۇمكىن.

زۇبەيدەمۇ خېلى ئۇزۇنغىچە گەپ قىلالماي قالدى، ئۇ ھازىر مەۋلاننىڭ بۇ گېپىنىڭ نەرىنىڭ كۈلكىلىك ئىكەنلىكىنى ھېس قىلمىدى،  كاللىسىدا پەقەت بىرلا ئوي بار، ئۇ بولسىمۇ مەۋلان ئوغلىنىڭ چىرايىنى سەت دەپ، ئۇنى ياخشى كۆرمەپتۇ.

ھامىلدار ئايالنىڭ كەيپىياتىنىڭ ياخشى ئەمەسلىكىنى كۆرۈپ، سېسترا بېسىپ چىقىرىلغان رەڭلىك ئۇلترا ئاۋاز دولقۇنىدىكى سۈرىتىنى چىقىرىپ :

- زۇبەيدە خانىم، مەۋلان ئەپەندى سىزنى چىرايلىق دەپ ماختاۋاتىدۇ!  - دېدى.

زۇبەيدە سىستېراغا  قارىدى.

-  قىز بالا ئادەتتە ئاپىسىغا ئوخشايدۇ، مەۋلان ئەپەندى قىز بولسا چىرايلىق بولىدۇ دەپ قارايدىكەن، ئەلۋەتتە سىزنى ئۆلچەم قىلدى شۇنداقمۇ، مەۋلان ئەپەندى؟ - دېدى سىستېرا. 

زۇبەيدە بېشىنى كۆتۈرۈپ مەۋلانغا  ئىزدىنىش ۋە يوشۇرۇن ئۈمىد بىلەن قارىدى.

مەۋلان ئۇنى شەكلى ئۆزگەرگەن ھالدا چىرايلىق دەپ ماختىدىمۇ؟

سېسترانىڭ دېگىنى ئەمەلىيەتتە بەك ئورۇنلۇق.

زۇبەيدەنىڭ كۆز ئالدىدىن ئۆتۈپ كېتىۋاتقانلىقىنى سەزگەن مەۋلان نېپىز لەۋلىرىنى مىدىرلىتىپ قويدى، ئۇنىڭ چوڭقۇر كۆزلىرى تەبىئىي بولماي قالدى، بىلىنەر - بىلىنمەس كۈلۈمسىرەپ:

 - نېمىگە قارايسىز؟ قىزىم ماڭا ئوخشاش بولسا بولمامدىكەن؟ ئەجەبا ماڭا ئوخشاش چىرايلىق بولسا بولمامدۇ؟  - دېدى.

زۇبەيدەنىڭ كۆزلىرى چىمچىقلىتىپ، ئۇنىڭ سەل ئوڭايسىزلانغانلىقىنى كۆرۈپ، ئۆزىنى تۇتۇۋالالماي كۈلۈپ كەتتى.

 - بىراق، ئادەتتە، ئوغۇللارنىڭ ھەممىسى دادىسىغا ئوخشايدۇ، ئۇنىڭ ئۈستىگە  بىر قېلىپتىن چىققاندەك ئوخشاش ئېھتىماللىقى بەك يۇقىرى. مېنىڭچىمۇ قوزام سىزگە بەك ئوخشايدىكەن... - دېدى زۇبەيدە. 

مەۋلان چىرايىنى پۈرۈشتۈرۈپ، ئۇنىڭغا سوغۇق قاراپ قويۇپ، سېسترانىڭ يان تېلېفونىدىن رەڭلىك ئۇلترا ئاۋاز دولقۇنى نەتىجىسىنىڭ بېسىپ چىقىرىلغان نۇسخىسىنى ئېلىپ، يەنە بىر قېتىم قارىغاندىن كېيىن، ئاندىن بىزار بولغاندەك قىياپەتتە سۈرەتنى قۇلىقىنىڭ يېنىغا قويۇپ:

- كۆزىڭىزنى يوغان ئېچىپ ئوبدان قاراپ بېقىڭ، مەن مۇشۇنداق سەتمۇ؟  - دېدى.

بىرى سول تەرەپتە، بىرى ئوڭ تەرەپتە، مەۋلاننىڭ  سۈرەت  بىلەن ئۆزىنى سېلىشتۇردى.

زۇبەيدەنىڭ كۆزلىرى چەكچىيىپ، ئاۋۋال مەۋلاننىڭ يۈزىگە ئاندىن سۈرەتكە قاراپ چىقىپ ،  تۇيۇقسىز ئۆزىنى تۇتۇۋالالماي كۈلۈپ كەتتى.

يېنىدىكى سېستىرامۇ كۈلۈپ ئۆزىنى تۇتالماي قالدى.

ئۇنىڭ تۆت ئايلىق بولغان بوۋاقنىڭ رەڭلىك ئۇلترا ئاۋاز دولقۇنىدىكى سۈرەت  بىلەن ئۆزىنىڭ چىرايىنى سېلىشتۇرغان ئادەمنى تۇنجى قېتىم كۆرۈشى، كىم سەت كىم چىرايلىق دېيىشلىرى باركەن تېخى!

ھەقىقەتەن قىزىقچى ئىكەن.

مەۋلان ئۆزىنىڭ ھەرىكىتىنىڭ قانچىلىك گۆدەكلىكىنى ھېس قىلغاندەك بولۇپ، چىرايى بىردىنلا ئۆڭۈپ كەتتى-دە، سۈرەتنى زۇبەيدەگە تاشلاپ بېرىپ، بۇرۇلۇپ تۇغۇت تەكشۈرۈش ئۆيىدىن چىقتى.

زۇبەيدە دەرھال سۈرەتنى ئېلىپ، يەنە بىر قېتىم قاراپ چىقتى.

سۈرەت ئۈستىدە، بالىنىڭ پۇت-قوللىرى ئېنىق كۆرۈنۈپ تۇراتتى، بىلەكلىرى بىلەن  يۈزىنى توسۇۋالغان بولغاچقا، پەقەت يېرىم تەرىپىنىلا كۆرگىلى بولاتتى، بەش ئەزايى ئالدىنقى ئايدىكىدىن سۈزۈكرەك كۆرۈندى، يېرىم يۈزىدىكى يۇمۇلغان كۆزلەرگە قارىدى، ئىزناسىغا قارىغاندا كۆزى كىچىك ئەمەستەك قىلاتتى.

لېكىن ئۇ مەيلى يۈز شەكلى ياكى يوشۇرۇن بەش ئەزاسى بولسۇن، ھەممىلا يەردە مەۋلاننىڭ كۆلەڭگىسى بارلىقىنى ھېس قىلدى.

چوڭ بولسا  مەۋلانغا ئوخشاپ كېتىدىغاندەك قىلاتتى، بۇنداق بولغاندا ...كېيىن ... ئۇمۇ ئوغلىنىڭ چىرايىغا قاراپ، كۆز خۇمارىنى باسالايدۇ.

بۇ نەتىجىگە ئۇنىڭ راستتىنلا يۈزلەنگۈسى يوق ئىدى.

يېنىك ئۇھ تارتىپ قويغاندىن كېيىن، سۈرەتنى ئېلىپ چىقىپ كەتتى.

مۇدىر ئىشخانىسىدا، مۇزەپپەر دىلارەگە بۈگۈنكى ئەھۋالنى مەلۇم قىلىۋاتاتتى.

[بۈگۈن مەۋلان دوستىڭىز بىلەن بىللە تۇغۇت تەكشۈرتكىلى كەلدى. ] 

[ئىچى تارلىق قىلىپ، جېنى چىقايلا دېدى]

[بەك چىڭ چاپلىشىۋاپتۇ، باشقىلارنىڭ ئۇنىڭغا يېشىل قالپاق كىيدۈرۈپ قويۇشىدىن ئەنسىرگەندەك قىلىدۇ]  دەپ ئۇچۇر يازدى مۇزەپپەر.