12ـ ئاينىڭ 6- كۈنى، ئۈرۈمچى دوستلۇق شىمالىي يولىدىكى كوئېنلۇن مېھمانخانىسىنىڭ قورۇسىغا جايلاشقان «يۈەنداۋ» ئادەتتىن تاشقىرى تېز توك قاچىلاش پونكىتى (بالوۋ توك قاچىلاش پونكىتى) رەسمىي ئىشقا كىرىشتۈرۈلۈپ، يېڭى ئېنېرگىيەلىك ئاپتوموبىل ئىگىلىرىنى ئەڭ تېز بولغان «بىر سېكۇنت توك قاچىلىسا، بىر كىلومېتىر يول يۈرۈش»، «توكقا چاتقان ھامان توك قاچىلاش، توك قاچىلاپ بولۇپلا مېڭىش»تەك توك قاچىلاش تەسىراتى بىلەن تەمىنلىدى.
بۇ توك قاچىلاش پونكىتى تېببىي داشۆ، بالىلار باغچىسى، دوستلۇق سودا سارىيى، «مېيمېي» مودا مال سېتىۋېلىش مەركىزىگە يېقىن بولۇپ، ئاۋات سودا مەركىزىگە بېرىپ- كېلىدىغان يېڭى ئېنېرگىيەلىك ئاپتوموبىل ئىگىلىرىنى قولاي توك قاچىلاش مۇلازىمىتى بىلەن تەمىنلەيدۇ.
«يۈەنداۋ» خەۋەرلىشىش پاي چەكلىك شىركىتىنىڭ قۇرۇلۇش دىرېكتورى تونۇشتۇرۇپ مۇنداق دېدى: شىركىتىمىز پۈتۈن شىنجاڭدا «شەھەر ئىچىدىكى ئاپتوموبىللار توك قاچىلاش پونكىتى، ساياھەت ئاپتوموبىللىرى توك قاچىلاش پونكىتى، ئېغىر تىپتىكى يۈك ئاپتوموبىللىرى توك قاچىلاش پونكىتى» دىن ئىبارەت ئادەتتىن تاشقىرى تېز توك قاچىلاش تور ئورۇنلاشتۇرمىسىدىن ئۈچنى بەرپا قىلىشنى پىلانلىدى، ھازىر، شەھەر ئىچى توك قاچىلاش پونكىتىدىن 26 سى قۇرۇلدى.
تەييارلىغۇچى: دىلرابا ئەنۋەر، مىرئادىل ناسىر، ئابلىكىم ئابلىمىت
نازارەتچى: ئەركىن رەخمىتۇللا
