12- ئاينىڭ 11- كۈنى كېچىدىن 12- كۈنى كۈندۈزگىچە، قىزىلسۇ ئوبلاستىنىڭ تاغلىق رايونلىرى، قەشقەر ۋىلايىتىنىڭ جەنۇبىدىكى تاغلىق رايونلار، خوتەن ۋىلايىتىنىڭ جەنۇبىدىكى تاغلىق رايونلار، قۇمۇل شەھىرى قاتارلىق جايلارنىڭ قىسمەن رايونلىرىدا سۇس ياكى ئازراق قار ياغىدىكەن، بۇنىڭ ئىچىدە قەشقەر ۋىلايىتىنىڭ جەنۇبىدىكى تاغلىق رايونلارنىڭ قىسمەن جايلىرىدا ئوتتۇرا ھال ياكى قېلىن قار ياغىدىكەن؛ شەرقىي شىنجاڭدىكى شامال ئېغىزلىرىدا 9~ 10 بال غەربىي شىمال بورىنى چىقىپ، تېمپېراتۇرا داۋاملىق سەل تۆۋەنلەيدىكەن. شىنجاڭنىڭ باشقا جايلىرىدا ھاۋا ئوچۇق ياكى بۇلۇتلۇق بولۇپ، شامال كۈچى ئانچە زور بولمايدىكەن.
شىنجاڭ ئۇيغۇر ئاپتونوم رايونلۇق مېتېئورولوگىيە ئىستانسىسى 2024- يىل 12- ئاينىڭ 9- كۈنى سائەت 12 دىن 35 مىنۇت ئۆتكەندە تارقاتقان يوللاردا مۇز تۇتۇشتىن سېرىق ئاگاھلاندۇرۇش سېگنالى، 12- ئاينىڭ 8- كۈنى سائەت 10 دىن 20 مىنۇت ئۆتكەندە تارقاتقان جۇدۇندىن كۆك ئاگاھلاندۇرۇش سېگنالى داۋاملىق كۈچكە ئىگە.
تەييارلىغۇچى: دىلرابا ئەنۋەر، مىرئادىل ناسىر، ئابلىكىم ئابلىمىت
نازارەتچى: ئەركىن رەخمىتۇللا
