ئۈرۈمچى شەھىرى تىيانشان رايونى بوراندىن ئاگاھلاندۇرۇش سېرىق رەڭلىك سىگنالى چىقاردى
جۇڭگو ھاۋارايى تورىنىڭ ئاگاھلاندۇرۇش ئۇچۇرىغا ئاساسلانغاندا، ئۈرۈمچى شەھىرى تىيانشان رايونى، ئۈرۈمچى ناھىيىسى ئارقا-ئارقىدىن بوراندىن ئاگاھلاندۇرۇش سىگنالى چىقارغان.
تىيانشان رايونلۇق مېتېرولوگىيە ئىستانسىسى بوراندىن ئاگاھلاندۇرۇش سېرىق رەڭلىك سىگنالى چىقاردى. مۆلچەرلىنىشىچە، 12-ئاينىڭ 19-كۈنىدىن 20-كۈنى كۈندۈزگىچە سەيماچاڭدىن- خۇائېرگۇ كوچىسىغىچە بولغان جايلاردا يەتتە-سەككىز بال ئەتراپىدا شەرقىي جەنۇب ئۆتكۈنچى بوران چىقىدىكەن. ئۇلانبايدىن- خۇڭيەنچىگىچە بولغان جايلاردا توققۇز بال ئەتراپىدا ئۆتكۈنچى بوران چىقىدىكەن. قىسمەن جايلاردا بوران چىقىپ قار ياغىدىكەن.
ئۈرۈمچى ناھىيەلىك مېتېرولوگىيە ئىستانسىسى سائەت 11 دىن 2 مىنۇت ئۆتكەندە، بوراندىن كۆك رەڭلىك ئاگاھلاندۇرۇش سىگنالى چىقاردى. مۆلچەرلىنىشىچە، ھازىردىن باشلاپ 12-ئاينىڭ 20-كۈنى كېچىگىچە، ئۈرۈمچى ناھىيەسىنىڭ تولى يېزىسى، بەنفاڭگۇ بازىرى، سارداۋان يېزىسى، شۈيشىگۇ بازىرى، گەنگۇ يېزىسى شۇنداقلا يۇڭفېڭ بازىرىنىڭ قىسمەن رايونلىرىدا يەتتە-سەككىز بال ئەتراپىدا شەرقىي جەنۇب ئۆتكۈنچى شامىلى چىقىدىكەن. قىسمەن جايلاردا بوران چىقىپ قار ياغىدىكەن، مۇداپىئەلىنىش تەكلىپى بېرىمىز.
来源：石榴云
翻译：马依拉
编辑：帕夏古丽
一审：阿依古丽，热依汗古丽
二审：穆拉地力
三审：阿不拉江
