ئۈرۈمچى شەھىرىدە بۇ يىل 160 توك قاچىلاش ئەسلىھەسى كۆپەيتىلىدىكەن
بۇ يىل ئۈرۈمچى شەھىرى مىدۇڭ رايونى تەۋەلىكىدىكى كونا ئولتۇراق رايون، نۇقتىلىق سودا كوچىسى ۋە مەكتەپ ئەتراپىدا 160 توك قاچىلاش ئەسلىھەسى ئورنىتىپ، شەھەر ئاھالىلىرىنى تېخىمۇ قولايلىق توك قاچىلاش مۇلازىمىتى بىلەن تەمىنلەشنى پىلانلىدى.
يىقىندا، ئۈرۈمچى شەھىرى مىدۇڭ رايونى گۇاڭشىڭ غەربىي كوچىسىنىڭ جەنۇبىي ۋە ۋەنكې باغچىسىنىڭ شىمالىي تەرىپىگە جايلاشقان توك قاچىلاش پونكىتى ئىشقا كىرىشتۈرۈلدى، بۇ، مىدۇڭ رايونىدىكى تۇنجى سۇيۇقلۇق بىلەن سوۋۇتۇلىدىغان دەرىجىدىن تاشقىرى توك قاچىلاش پونكىتى ھىسابلىنىدىكەن.
ۋەنكې باغچىسى توك قاچىلاش پونكىتى مەسئۇلى جاۋ شىن مۇنداق دېدى: دەرىجىدىن تاشقىرى تېز توك قاچىلاش پونكىتى باتارېيە تېخنىكىسىنى ھازىرلىغان توكسىكلىتلار 15 مىنۇتتىلا توك تولۇقلاش ئېھتىياجىنى قاندۇرالايدۇ، شوپۇرلار «بۇلۇت تېز قاچىلاش » ئەپ دىتالى يول باشلاش ئىقتىدارىدىن پايدىلىنىپ، بۇ زەرەتلەش پونكىتىنى تاپالايدۇ. بىزنىڭ زەرەتلەش ئۈسكىنىمىز يەنە ئەقلىي ئىقتىدارلىق پەرقلەندۈرۈش ئىقتىدارىغا ئىگە بولۇپ، ئاپتوموبىلنىڭ باتارېيە ئىقتىدارىغا ئاساسەن قۇۋۋەتنى ئاپتوماتىك تەقسىملەپ، زەرەتلەشنىڭ بىخەتەر ۋە يۇقىرى ئۈنۈملۈك بولۇشىغا كاپالەتلىك قىلىدۇ.
جاۋ شىن مۇنداق دېدى: يېقىنقى يىللاردىن بۇيان، ئۈرۈمچى شەھىرى مىدۇڭ رايونلۇق شەھەر باشقۇرۇش ئىدارىسى ئالاقىدار كارخانىلار بىلەن پائال ماسلىشىپ، توك قاچىلاش پونكىتى قۇرۇلۇشى خىزمىتىنى قانات يايدۇرۇپ، قۇرۇلۇش شەرتىگە ئۇيغۇن كېلىدىغان ئاممىۋى ئاپتوموبىل توختىتىش مەيدانلىرىنى تاللاپ توك قاچىلاش ئەسلىھەسى ئورناتتى، بۇ قۇرۇلۇش پۈتكەندىن كېيىن شوپۇر دوستلارنىڭ توك قاچىلاش ئېھتىياجى زور دەرىجىدە قاندۇرۇلدى. 2024ـ يىلى مىدۇڭ رايونى 17 ئاپتوموبىل توختىتىش مەيدانىغا 152 توك قاچىلاش ئەسلىھەسىنى كۆپەيتتى.
来源：949交通广播
翻译：再依努热
编辑：帕夏古丽
一审：阿依古丽，热依汗古丽
二审：穆拉地力
三审：阿不拉江
