شەھىرىمىزنىڭ بۇ يول بۆلەكلىرىدە قاتناش ۋاقىتلىق تىزگىنلىنىدۇ.
2024-يىللىق ئۈرۈمچى يېرىم مۇساپىلىق مارافونچە يۈگۈرۈش مۇسابىقىسى 12- ئاينىڭ 22- كۈنى باشلىنىدۇ. بۇ قېتىمقى مۇسابىقە 12- ئاينىڭ 22- كۈنى چۈشتىن بۇرۇن سائەت 12:00دە شىنجاڭ قىشلىق تەنھەرىكەت باشقۇرۇش مەركىزىدە ئۆتكۈزۈلىدۇ.
قاتناش ۋاقىتلىق تىزگىنلىنىدىغان يول بۆلىكى:
ئۈرۈمچى شەھەرلىك گۇڭئەن ئىدارىسى قاتناش ساقچى تارماق ئەترىتى 2024- يىللىق ئۈرۈمچى يېرىم مۇساپىلىك مارافونچە يۈگۈرۈش مۇسابىقىسىنىڭ ئوڭۇشلۇق ئۆتكۈزۈلۈشىگە كاپالەتلىك قىلىش ئۈچۈن، ئاممىنىڭ تۈرلۈك سەپەرگە چىقىش ئېھتىياجىنى ئويلاشقان ئاساستا، قاتناشنى ۋاقىتلىق تىزگىنلەش تەدبىرىنى يولغا قويىدۇ.
كونكرېت مەزمۇنى تۆۋەندىكىچە: 2024-يىللىق ئۈرۈمچى يېرىم مۇساپىلىك مارافونچە يۈگۈرۈش مۇسابىقىسىگە چېتىلىدىغان يوللار 12-ئاينىڭ 22-كۈنى چۈشتىن بۇرۇن سائەت 10 دىن باشلاپ ئالدى بىلەن نەق مەيدان ئاندىن ئەتراپتىكى يوللارغا قارىتا قاتناشنى ۋاقىتلىق تىزگىنلەش تەدبىرى يولغا قۇيۇلىدۇ.
چېتىلىدىغان يول بۆلەكلىرى: نەنجياڭ يولى، 031- ناھىيە يولى، Y 010 كەنت يولى (دېڭساۋگۇ يولى)، نەنخې يولى، C 255- يولى، جەنۇبىي يىپەك يولى، نەنشى جەنۇبىي يولى، نەنشى شىمالىي يولى، نەنخې يولى، شۈيچى يولى، نەنچۈەن يولى، نەنتەن يولى، نەنلۈ جەنۇبىي يولى.
ئەسكەرتىش: جەمئىيەت ئاپتوموبىللىرىنىڭ يۇقىرىقى مۇسابىقە يوللىرى، پىيادىلەر يولى ۋە ئىككى تەرەپتىكى ئاپتوموبىل توختىتىش ئورۇنلىرىغا ئاپتوموبىل توختىتىش مەنئى قىلىنىدۇ. قاتناش ۋاقىتلىق تىزگىنلىنىدىغان يول بۆلەكلىرىنى كونكرېت باشقۇرۇش، كونترول قىلىش ۋە قاتناشنى تىزگىنلەشنى بىكار قىلىش ۋاقتى نەق مەيداندىكى قاتناش ساقچىلىرىنىڭ قوماندانلىقى بويىچە بولىدۇ.
سەپەرگە چىقىش ئەسكەرتمىسى:
بۇ قېتىمقى ئۈرۈمچى يېرىم مۇساپىلىق مارافونچە يۈگۈرۈش مۇسابىقىسى مەخسۇس لىنىيەسىگە جەمئىي 72 ئاپتوبۇس ئورۇنلاشتۇرۇلغان بولۇپ، مۇسابىقىدىن بۇرۇن ۋە مۇسابىقىدىن كېيىنكى ھەقسىز توشۇش مۇلازىمىتى بىلەن تەمىنلەيدىكەن. شەھەر رايونىدا دېخۇي ۋەندا مەيدانىنىڭ 3-نومۇرلۇق دەرۋازىسى، ئەرگۇڭ تەنتەربىيە سارىيىنىڭ شىمالىي دەرۋازىسى، قىزىلتاغ تەنتەربىيە سارىيىنىڭ شىمالىي دەرۋازىسىدا ئاپتۇبۇسقا ئولتۇرۇش نۇقتىسى تەسىس قىلىنغان.
来源：974交通广播
翻译：马依拉
编辑：帕夏古丽
一审：阿依古丽，热依汗古丽
二审：穆拉地力
三审：阿不拉江
