ساپ توكلۇق، ھاۋا تەڭشىگۈچلۈك 646 ئاممىۋى ئاپتوبۇس پات ئارىدا شەھىرىمىز كوچىلىرىدا قاتنايدۇ
ئۈرۈمچى شەھەرلىك ئاممىۋى قاتناش «جېنباۋ» ئاممىۋى ئاپتوبۇس چەكلىك شىركىتى 700 مىليون يۈەندىن ئارتۇق مەبلەغ ئاجرىتىپ يېڭىلىغان ھاۋا تەڭشىگۈچلۈك، ساپ توكلۇق 646 ئاممىۋى ئاپتوبۇس يېقىندا ئارقا-ئارقىدىن ئىشقا كىرىشتۈرۈلىدۇ، ھازىر 539 ئاممىۋى ئاپتوبۇس ئىشلىتىشكە تاپشۇرۇلدى.
بۇ قېتىم يېڭىدىن ئىشقا كىرىشتۈرۈلىدىغان يېڭى ئاممىۋى ئاپتوبۇس «جۇڭگو قىزىلى» رەڭگىدە بولۇپ، تاشقى كۆرۈنىشى چىرايلىق، كۆركەم ھەم مودا بولغاچقا، ئەسلىدىكى ئاممىۋى ئاپتوبۇسلارغا سېلىشتۇرغاندا تۆۋەندىكىدەك ئەۋزەللىكلەرگە ئىگە:
بىرىنچى، ساپ توكلۇق ئاممىۋى ئاپتوبۇسنىڭ شاۋقۇنى تۆۋەن، يۈرۈشى مۇقىم، ئولتۇرسا راھەت.
ئىككىنچى، ھاۋا تەڭشىگۈچ ۋە پار سەپلەنگەن بولغاچقا، يازدا سالقىن، قىشتا ئىسسىق.
ئۈچىنچى، ئاممىۋى ئاپتوبۇس ئىچىدىكى ئورۇندۇققا يۇمشاق تىۋىتلىق رەخت قاپلانغان، ئولتۇرسا راھەت ۋە ئازادە تۇيغۇ بېرىدۇ.
تۆتىنچى، ئاپتوبۇسقا چىقىش ۋە چۈشۈش ئېغىزى تۆۋەنلىتىلىپ لايىھەلەنگەن بولۇپ، ياشانغانلار، بالىلار، مېيىپلەر ۋە يۈك-تاق ئېلىپ ماڭغان يولۇچىلارغا قولايلىق يارىتىلغان.
بەشىنچى، ئاممىۋى ئاپتوبۇسنىڭ ئىككى تەرەپتىكى ئورۇندۇقلىرىنىڭ يېنىغا يېڭىدىن USB روزېتكىسى ئورنىتىلغان بولۇپ، يولۇچىلار تېلىفۇنلىرىغا توك قاچىلىيالايدۇ.
كېيىنكى باسقۇچتا، «جېنباۋ» ئاممىۋى ئاپتوبۇس شېركىتى ھەر قايسى لىنىيەلەرگە داۋاملىق يېڭى ئاپتوبۇسلارنى سەپلەپ، شەھەر ئاھالىلىرىنى تېخىمۇ بىخەتەر، ئازادە، قولايلىق ئاممىۋى قاتناش مۇلازىمىتى بىلەن تەمىنلەيدۇ.
来源：974交通广播
翻译：热西旦
编辑：帕夏古丽
一审：阿依古丽，热依汗古丽
二审：穆拉地力
三审：阿不拉江
