ھاۋارايىدىن ئالدىن مەلۇمات
بۇ ھەپتە يەنى (2024-يىلى 12-ئاينىڭ 31- كۈنىدىن 2025-يىلى 1-ئاينىڭ 5-كۈنىگىچە) پۈتۈن شىنجاڭدا سوغۇق ھاۋا ئېقىمى جانلىنىپ، ئۈچ قېتىم ھۆل- يېغىنلىق ھاۋارايى كۆرۈلىدىكەن، كۈچلۈكلۈك دەرىجىسى ئومۇمىي جەھەتتىن ئاجىز بولۇپ، تېمپېراتۇرا ئۆزگىرىشى چوڭ بولمايدىكەن. يېڭى يىل مەزگىلىدە، پۈتۈن شىنجاڭ دائىرىسىدە كۆرۈنەرلىك سوغۇق ھاۋا ئېقىمى كۆرۈلمەيدىكەن، شىمالىي شىنجاڭنىڭ كۆپ قىسىم جايلىرىدا تېمپېراتۇرا ئادەتتىكى يىللاردىكىدىن سەل يۇقىرى بولىدىكەن.
2024-يىلى 12-ئاينىڭ 31-كۈنىدىن 2025-يىلى 1-ئاينىڭ
1-كۈنىگىچە، شىمالىي شىنجاڭنىڭ غەربى، شىمالى، تىيانشاننىڭ شىمالىي ئېتىكى ۋە
قومۇل شەھىرىدە ئازراق قار ياغىدىكەن، بۇنىڭ ئىچىدە شىمالىي شىنجاڭنىڭ شىمالى،
سانجى خۇيزۇ ئاپتونوم ئوبلاستىنىڭ شەرقىدىكى تاغلىق رايونلارنىڭ قىسمەن جايلىرىدا
ئوتتۇراھال ياكى قېلىن قار ياغىدىكەن، شامال ئېغىزلىرىدا شامال كۈچى 8-9 بالغا
يېتىدىكەن، قىسمەن جايلاردا شىۋىرغانلىق ھاۋارايى كۆرۈلىدىكەن.
2025-يىلى 1-ئاينىڭ 1-كۈنىدىن 5-كۈنىگىچە، جەنۇبىي شىنجاڭنىڭ غەربىدىكى تاغلىق رايونلار، بايىنغۇلىن موڭغۇل ئاپتونوم ئوبلاستىنىڭ جەنۇبىدىكى تاغلىق رايونلاردا ئازراق قار ياغىدىكەن، بۇنىڭ ئىچىدە قەشقەر ۋىلايىتىنىڭ جەنۇبىدىكى تاغلىق رايون، قىزىلسۇ قىرغىز ئاپتونوم ئوبلاستىنىڭ جەنۇبىدىكى تاغلىق رايونلاردا ئوتتۇراھال ۋە قېلىن قار ياغىدىكەن، قىسمەن جايلاردا قېلىن قار يېغىپ، شامال ئېغىزلىرىدا 11 بالدىن 12 بالغىچە بوران چىقىدىكەن، قىسمەن جايلاردا شىۋىرغانلىق ھاۋارايى كۆرۈلىدىكەن.
来源：974交通广播
翻译：热西旦
编辑：帕夏古丽
一审：阿依古丽，热依汗古丽
二审：穆拉地力
三审：阿不拉江
